Year: 2025

ചിക്കാഗോ : ഗ്രാമീണ മേഖലയില്‍ നടത്തുന്ന സുസ്ഥിര വികസന പദ്ധതികള്‍ക്കുള്ള അന്താരാഷ്ട്ര അവാര്‍ഡ് മര്‍കസ് നോളജ് സിറ്റിക്ക് ലഭിച്ചു. അമേരിക്കയിലെ യൂണിവേഴ്സിറ്റി ഓഫ് ഇല്ലിനോയ്സില്‍ വേള്‍ഡ് വാട്ടര്‍ മാനേജ്മെന്റ് (ഡബ്ല്യു ഡബ്ല്യു എം ഐ) സംഘടിപ്പിക്കുന്ന അന്താരാഷ്ട്ര സമ്മേളനത്തില്‍ വെച്ച് നോളജ് സിറ്റി സി ഇ ഒ ഡോ. അബ്ദുസ്സലാം മുഹമ്മദ് ഗ്ലോബല്‍ എക്സലന്‍സ് അവാര്‍ഡ് സ്വീകരിച്ചു. ഗ്രേറ്റര്‍ ചിക്കാഗോയുടെ മെട്രോപോളിറ്റന്‍ വാട്ടര്‍ റിക്ലമേഷന്‍ ജില്ലാ കമ്മീഷണര്‍ ഷാരോണ്‍ വാളെര്‍ ആണ് അവാര്‍ഡ് സമ്മാനിച്ചത്. മര്‍കസ് നോളജ് സിറ്റിയുടെ പരിസരത്തായുള്ള മലയോര ഗ്രാമീണ മേഖലയെ വിഭവ വീണ്ടെടുപ്പുകളുടെ കാര്യത്തില്‍ സ്വയം പര്യാപ്തരാക്കി സ്മാര്‍ട്ട് വില്ലേജുകളാക്കാനുള്ള ശ്രമത്തിനാണ് അവാര്‍ഡ് ലഭിച്ചിരിക്കുന്നത്. നോളജ് സിറ്റിയുടെ പരിസര പ്രദേശത്തെ ഗ്രാമത്തെ സ്മാര്‍ട്ട് വില്ലേജായി സമ്മിറ്റില്‍ വെച്ച് പ്രഖ്യാപിക്കുകയും ചെയ്തിരുന്നു. സോളാര്‍ ഊര്‍ജം, മഴവെള്ള സംഭരണം, സീറോ വേസ്റ്റ് മാനേജ്മെന്റ്, ഗ്രീന്‍ മൊബിലിറ്റി…

മർകസ് ടീച്ചേർസ് കമ്യൂണിയൻ ‘ഓൺബോർഡ്’ സമാപിച്ചു കോഴിക്കോട്: സിലബസിലുള്ള പാഠങ്ങൾ പഠിച്ച് ഒന്നാമനാവാൻ മത്സരിക്കുന്നത് പോലെ നമ്മുടെ നാടിന്റെ സവിശേഷ സംസ്കാരവും മൂല്യങ്ങളും അടുത്തറിയാനും പ്രയോഗവത്കരിക്കാനും വിദ്യാർഥികൾ മത്സരിക്കണമെന്ന് കാന്തപുരം എ പി അബൂബക്കർ മുസ്‌ലിയാർ. മർകസ് മാനേജ്‌മെന്റിന് കീഴിൽ സംസ്ഥാനത്തിന്റെ വിവിധ ഭാഗങ്ങളിലായി പ്രവർത്തിക്കുന്ന എയ്‌ഡഡ്‌ സ്കൂളുകളിലെ അധ്യാപകരുടെ സംഗമം ‘ഓൺബോർഡ് ടീച്ചേർസ് കമ്യൂണിയൻ’ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. നാടും സംസ്കാരവും ഒന്നിനും കൊള്ളില്ല എന്ന രീതിയിൽ അധ്യാപനം നടത്തരുത്. മതസൗഹാർദ്ദവും ബഹുമാനവും നേരും നന്മയുമൊക്കെ നമ്മുടെ നാടിന്റെ മൂല്യങ്ങളാണ്. അവ മുറുകെ പിടിക്കാൻ വിദ്യാർഥികളെ പ്രേരിപ്പിക്കണം. ഈ വർഷം സർക്കാർ നടപ്പിലാക്കുന്ന ധാർമിക ബോധവത്കരണ ക്ലാസുകൾ സ്വാഗതാർഹമാണ്. മത സംഘടനകൾ ഏറെ കാലമായി ആവശ്യപ്പെടുന്ന കാര്യമാണത്. ലഹരിയുൾപ്പെടെ എല്ലാ തിന്മകളെയും തുരുത്താൻ ക്ലാസ് മുറികൾക്ക് സാധിക്കുമെന്നും കാന്തപുരം പറഞ്ഞു. കാമിൽ ഇജ്തിമയിൽ നടന്ന…

തിരുവനന്തപുരം: ഭിന്നശേഷി മേഖലയുടെ സാമൂഹ്യ ഉള്‍ച്ചേര്‍ക്കലിന്റെ പ്രാധാന്യം പൊതുജനങ്ങളിലെത്തിക്കുന്നതിനായി മജീഷ്യന്‍ ഗോപിനാഥ് മുതുകാട് നടത്തിയ ഭാരത യാത്ര – ഇന്‍ക്ലൂസീവ് ഇന്ത്യയെ അധികരിച്ച് തയ്യാറാക്കിയ ഡോക്യു സിനിമയുടെ പ്രകാശനം ചലച്ചിത്ര സംവിധായകന്‍ അടൂര്‍ ഗോപാലകൃഷ്ണന്‍ നിര്‍വഹിച്ചു. 2024 ഒക്‌ടോബര്‍ 6ന് കന്യാകുമാരിയില്‍ നിന്നാരംഭിച്ച ഇന്‍ക്ലൂസീവ് ഇന്ത്യ ഭാരത യാത്ര ഡിസംബര്‍ 3ന് ഡല്‍ഹിയിലാണ് സമാപിച്ചത്. ഇന്ത്യയിലെ എല്ലാ സംസ്ഥാനങ്ങളിലും കേന്ദ്രഭരണ പ്രദേശങ്ങളിലും അരങ്ങേറിയ ഇന്‍ക്ലൂസീവ് ഇന്ത്യയുടെ സുവര്‍ണ നിമിഷങ്ങള്‍ കോര്‍ത്തിണക്കിയാണ് 12 മിനിട്ട് ദൈര്‍ഘ്യമുള്ള ഡോക്യുസിനിമ നിര്‍മിച്ചത്. യുവ സംവിധായകന്‍ പ്രജീഷ് പ്രേം ആണ് സിനിമ നിര്‍മിച്ചത്. യാത്രയിലുടനീളമുണ്ടായിരുന്ന ഫോട്ടോഗ്രാഫര്‍ എ.കെ ബിജുരാജ് പകര്‍ത്തിയെടുത്ത നിരവധി ചിത്രങ്ങളെ ഉള്‍പ്പെടുത്തി തയ്യാറാക്കിയ ഡിജിറ്റല്‍ ആല്‍ബത്തിന്റെയും പ്രകാശനം അടൂര്‍ നിര്‍വഹിച്ചു. ചടങ്ങില്‍ സംവിധായകന്‍ പ്രജീഷ് പ്രേം, ഫോട്ടോഗ്രാഫര്‍ എ.കെ ബിജുരാജ്, ഡിഫറന്റ് ആര്‍ട് സെന്ററില്‍ നിന്നും ഗ്രാഫിക് ഡിസൈനില്‍ പരിശീലനം…

മേഖലാ സമാധാനത്തിനും സ്ഥിരതയ്ക്കും ഏറ്റവും വലിയ ഭീഷണി അമേരിക്കയാണെന്ന് ചൈന അടുത്തിടെ ഒരു പ്രസ്താവന ഇറക്കിയിരുന്നു. ഈ പ്രസ്താവന ആഗോള നയതന്ത്രത്തിലെ പിരിമുറുക്കങ്ങൾ കൂടുതൽ വർദ്ധിപ്പിക്കുമെന്ന് തെളിഞ്ഞേക്കാം. വ്യാപാരം, സാങ്കേതികവിദ്യ, സൈനിക പ്രവർത്തനങ്ങൾ എന്നിവയിൽ ഇരു രാജ്യങ്ങളും തമ്മിലുള്ള സംഘർഷം അതിന്റെ ഉച്ചസ്ഥായിയിൽ എത്തിയിരിക്കുന്ന സമയത്താണ് ചൈനയുടെ ഈ അവകാശവാദം. ഏഷ്യ-പസഫിക് മേഖലയിലെ അസ്ഥിരതയ്ക്ക് പ്രധാന കാരണം അമേരിക്കയുടെ സൈനിക സാന്നിധ്യവും നയങ്ങളുമാണെന്ന് ചൈനയുടെ വിദേശകാര്യ മന്ത്രാലയം പ്രസ്താവനയിൽ പറഞ്ഞു. ദക്ഷിണ ചൈനാ കടലിലെ യുഎസ് നാവികസേനയുടെ പ്രവർത്തനങ്ങളെയും പ്രാദേശിക രാജ്യങ്ങളുമായുള്ള സഖ്യങ്ങളെയും കുറിച്ചുള്ള വിമർശനമാണ് മന്ത്രാലയം പ്രത്യേകിച്ച് ലക്ഷ്യമിട്ടത്. “പ്രാദേശിക സമാധാനത്തിനും സ്ഥിരതയ്ക്കും ഏറ്റവും വലിയ ഭീഷണി അമേരിക്കയാണ്” എന്ന് ചൈനീസ് ഉദ്യോഗസ്ഥർ പറയുന്നു. ചൈനയുടെ ഈ പ്രസ്താവന ആഗോളതലത്തിൽ ചർച്ചാവിഷയമായി മാറിയിട്ടുണ്ട്. ഈ നടപടി അമേരിക്കയുമായും സഖ്യകക്ഷികളുമായും ഉള്ള സംഘർഷങ്ങൾ കൂടുതൽ ആഴത്തിലാക്കുമെന്ന് വിദഗ്ദ്ധർ…

മലപ്പുറം: അഖിലേന്ത്യാ തൃണമൂൽ കോൺഗ്രസ് (എഐടിസി) കേരള സംസ്ഥാന കൺവീനർ പിവി അൻവർ ഐക്യ ജനാധിപത്യ മുന്നണിയുടെ (യുഡിഎഫ്) ഭാഗമാകില്ലെന്ന് വ്യക്തമായി പറഞ്ഞു. ജൂൺ 19 ന് നിലമ്പൂരിൽ നടക്കുന്ന നിയമസഭാ ഉപതിരഞ്ഞെടുപ്പിൽ മത്സരിക്കില്ലെന്നും അദ്ദേഹം വ്യക്തമാക്കി. ഇന്ന് (മെയ് 31, ശനിയാഴ്ച) എടവണ്ണയിലെ വീട്ടിൽ മാധ്യമങ്ങളെ അഭിസംബോധന ചെയ്യവേ, യു.ഡി.എഫിനോടുള്ള തന്റെ നിരാശ അദ്ദേഹം പ്രകടിപ്പിച്ചു. യു.ഡി.എഫ് തിരഞ്ഞെടുത്ത സ്ഥാനാർത്ഥിയെ പിന്തുണയ്ക്കുമെന്ന് ഉറപ്പ് നൽകിയിട്ടും മുന്നണി തനിക്ക് “തെറ്റായ പ്രതീക്ഷകൾ നൽകുകയും തന്നെ കാത്തിരിക്കാൻ നിർബന്ധിക്കുകയും ചെയ്തു” എന്ന് അദ്ദേഹം പറഞ്ഞു. “ഞാൻ സുഹൃത്തുക്കളായി കരുതിയവർ ശത്രുക്കളായി അവരുടെ യഥാർത്ഥ നിറം കാണിച്ചു. തുറന്നുപറയുന്നതിന് അവർ എന്നെ വിമർശിക്കുകയും അഹങ്കാരിയായി മുദ്രകുത്തുകയും ചെയ്യുന്നു. പക്ഷേ ഞാൻ മാറില്ല. ഞാൻ തുറന്നു പറയുന്നത് തുടരും. എന്റെ പ്രതിബദ്ധത ജനങ്ങളോടാണ്,” അദ്ദേഹം പറഞ്ഞു. യുഡിഎഫിലേക്കുള്ള തന്റെ പ്രവേശനത്തെ എതിർത്തത്…