Year: 2025

വാഷിങ്ടൺ: യുഎസിൽ ഇ കൊമേഴ്സ് കമ്പനികൾ വൻ ഓഫറുകൾ നൽകുന്ന ‘സൈബർ മൺഡേ’ പ്രമാണിച്ച് അനധികൃത കുടിയേറ്റക്കാർക്ക് ഓഫറുമായി ഡിപ്പാർട്ട്മെൻ്റ് ഓഫ് ഹോംലാൻഡ് സെക്യൂരിറ്റി . യുഎസിൽ അനധികൃതമായി താമസിക്കുന്നവർക്ക് സ്വയം നാടുവിടാനുള്ള അവസരമാണ് ഹോംലാൻഡ് സെക്യൂരിറ്റി ഒരുക്കിയിരിക്കുന്നത്. ഇതനുസരിച്ചു സ്വന്തം രാജ്യത്തേക്ക് മടങ്ങാൻ ആഗ്രഹിക്കുന്നവരുടെ യാത്രാ ചെലവ് വഹിക്കുന്നതിന് പുറമേ, സർക്കാർ 1000 ഡോളർ സമ്മാനവും നൽകും. കൂടാതെ, രാജ്യത്ത് അനധികൃതമായി താമസിച്ചതിനുള്ള പിഴകളിൽ ഇളവും ലഭിച്ചേക്കും. യുഎസിലേക്ക് നിയമപരമായ രീതിയിൽ മടങ്ങിവരാനുള്ള അവസരവും ലഭിച്ചേക്കാം.​ ഡിപ്പാർട്ട്മെൻ്റ് ഓഫ് ഹോംലാൻഡ് സെക്യൂരിറ്റി അസിസ്റ്റൻ്റ് സെക്രട്ടറി ട്രീഷ്യ മക്ലൗലിൻ ഇതേക്കുറിച്ച് പറയുന്നത് ഇങ്ങനെ; “യുഎസിൽ നിയമവിരുദ്ധമായി കഴിയുന്നവർക്ക് ഈ അവധിക്കാലത്ത് ഒരു മികച്ച സമ്മാനം സിബിപി ഹോം ആപ്പ് നൽകുന്നു. സൗജന്യ വിമാനയാത്ര, 1000 ഡോളർ സമ്മാനം, കൂടാതെ ശരിയായ നിയമപരമായ മാർഗത്തിലൂടെ അമേരിക്കയിലേക്ക് തിരിച്ചുവരാനുള്ള സാധ്യതയും.…

വാഷിംഗ്ടൺ ഡി.സി.2021 ജനുവരി 6-ന് ക്യാപിറ്റോളിൽ നടന്ന കലാപത്തിൽ തനിക്ക് പങ്കുണ്ടെന്ന് ആരോപിച്ച് പോലീസ് ഉദ്യോഗസ്ഥർ നൽകിയ കേസിൽ തെളിവുകൾ പുറത്തുവിടുന്നത് തടയാൻ പ്രസിഡന്റ് ഡൊണാൾഡ് ട്രംപ് എക്സിക്യൂട്ടീവ് പ്രിവിലേജ്  പ്രയോഗിച്ചു. കലാപത്തിൽ പരിക്കേറ്റ പോലീസ് ഉദ്യോഗസ്ഥരാണ് ട്രംപിനെതിരെ കോടതിയെ സമീപിച്ചത്. കലാപത്തിന് പ്രേരിപ്പിച്ചത് ട്രംപിന്റെ പ്രസംഗങ്ങളാണെന്ന് ഇവർ ആരോപിക്കുന്നു. കേസിൽ ആവശ്യപ്പെട്ട രേഖകൾ പ്രസിഡന്റുമായുള്ള ആശയവിനിമയങ്ങളോ സ്റ്റാഫ് അംഗങ്ങൾ തമ്മിലുള്ള സംഭാഷണങ്ങളോ ആണ്. ഇവ ഭരണഘടനാപരമായി സംരക്ഷിക്കപ്പെടേണ്ടവയാണെന്ന്  വൈറ്റ് ഹൗസ് വക്താവ് അറിയിച്ചു. നാഷണൽ ആർക്കൈവ്‌സിൽ സൂക്ഷിച്ചിട്ടുള്ള ചില രേഖകൾ നൽകുന്നത് തടയാനാണ് ട്രംപ് തീരുമാനിച്ചത്. 2020-ലെ തിരഞ്ഞെടുപ്പ് അട്ടിമറിക്കാനുള്ള ശ്രമങ്ങളെ ന്യായീകരിക്കുന്നതിന്റെ ഭാഗമായാണ് ട്രംപിന്റെ ഈ നീക്കമെന്ന് നിരീക്ഷകർ വിലയിരുത്തുന്നു. ജനുവരി 6 കേസിൽ ശിക്ഷിക്കപ്പെട്ട 1,500-ൽ അധികം ആളുകൾക്ക് ട്രംപ് മാപ്പ് നൽകുകയും ചെയ്തിരുന്നു.

തലവടി: അസ്വസ്ഥതയും അസമാധാനവും നിറഞ്ഞ ലോകത്തിൽ ലോക രക്ഷകനായ യേശുക്രിസ്തുവിന്റെ അരികിലേക്ക് മടങ്ങി വരുവാന്‍ ആഹ്വാനം ചെയ്തുകൊണ്ട് ആനപ്രമ്പാൽ ഐപിസി പെനിയേൽ സഭയുടെ നേതൃത്വത്തിൽ പെനിയേൽ ഗ്രൗണ്ടിൽ ബൈബിൾ കൺവൻഷന് തുടക്കമായി. മാതാപിതാക്കളെ പോലും കൊലപ്പെടുത്തുന്ന മക്കൾ, ചോരകുഞ്ഞുങ്ങളെ ഉപേക്ഷിക്കുന്ന മാതാപിതാക്കള്‍ എന്നിവർ വർദ്ധിച്ചു വരികയാണെന്ന് ഐപിസി മുൻ ജനറൽ പ്രസിഡന്റും തിരുവല്ല സെന്റർ പാസ്റ്ററുമായ റവ ഡോ.കെ.സി. ജോൺ പ്രസ്താവിച്ചു. ഡിസംബര്‍ 6ന് കൺവൻഷൻ സമാപിക്കും. സെന്റർ വൈസ് പ്രസിഡന്റ് പാസ്റ്റർ ചാക്കോ ജോൺ അദ്ധ്യക്ഷത വഹിച്ചു. ഷിബു പഴങ്ങേരിൽ പ്രാർത്ഥിച്ച് ആരംഭിച്ചു. ലോക സമ്പത്ത് നേടുന്നതിനുള്ള ജീവിത തിടുക്കത്തിൽ സ്വർഗ്ഗീയ നിത്യത സ്വന്തമാക്കുവാൻ മറന്നുപോകരുതെന്ന് എന്ന വിഷയത്തിൽ വിമന്‍സ് ഫെലോഷിപ്പ് കേരള സ്റ്റേറ്റ് സെക്രട്ടറി ജയമോൾ രാജു പ്രഭാഷണം നടത്തി. ലിവിംഗ് മ്യൂസിക്ക് റാന്നി ഗാനശുശ്രൂഷകൾ നിർവ്വഹിച്ചു. സുവി. കോശി വർക്കി, പാസ്റ്റർ ഈപ്പൻ…

തിരുവനന്തപുരം: കേരള സർക്കാരുമായി സഹകരിച്ച് അദാനി പോർട്‌സ് ആൻഡ് സ്‌പെഷ്യൽ ഇക്കണോമിക് സോൺ ലിമിറ്റഡ് (എപിഎസ്ഇഇസെഡ്) വികസിപ്പിച്ച് പ്രവർത്തിപ്പിക്കുന്ന വിഴിഞ്ഞം അന്താരാഷ്ട്ര തുറമുഖം ബുധനാഴ്ച വാണിജ്യ പ്രവർത്തനങ്ങൾക്ക് ഒരു വർഷം പിന്നിട്ടു, പുതിയ മാനദണ്ഡങ്ങൾ സ്ഥാപിച്ചു. വെറും 10 മാസത്തിനുള്ളിൽ, 1 ദശലക്ഷം TEU (ഇരുപത് തുല്യ യൂണിറ്റ്) ചരക്ക് കൈകാര്യം ചെയ്യുന്ന ഏറ്റവും വേഗതയേറിയ ഇന്ത്യൻ തുറമുഖമായി വിഴിഞ്ഞം മാറി. തുറമുഖം ഇതുവരെ 615 കപ്പലുകളും 1.32 ദശലക്ഷം TEU ചരക്കും കൈകാര്യം ചെയ്തിട്ടുണ്ട്. കപ്പലുകളിൽ, 399+ മീറ്ററിലധികം നീളമുള്ള 41 അൾട്രാ-ലാർജ് കണ്ടെയ്നർ കപ്പലുകളും (ULCV-കൾ) 300 മീറ്ററിൽ കൂടുതൽ നീളമുള്ള 154 കപ്പലുകളും കൈകാര്യം ചെയ്തു, ഇത് ലോകത്തിലെ വലിയ കാരിയറുകളെ കൈകാര്യം ചെയ്യാനുള്ള തുറമുഖത്തിന്റെ കഴിവ് തെളിയിക്കുന്നു. ദക്ഷിണേഷ്യയിൽ ഇതുവരെ കൈകാര്യം ചെയ്തതിൽ വച്ച് ഏറ്റവും ആഴമേറിയ ഡ്രാഫ്റ്റ് കപ്പലായ 17.1…

കൊച്ചി: ശബരിമല സ്വർണ്ണ മോഷണക്കേസിൽ അന്വേഷണം പൂർത്തിയാക്കാൻ ഹൈക്കോടതി ആറ് ആഴ്ച കൂടി സമയം അനുവദിച്ചു. വിശദമായ അന്വേഷണം വേണമെന്ന് പ്രത്യേക അന്വേഷണ സംഘം ആവശ്യപ്പെട്ടിരുന്നു. ഇതേത്തുടർന്ന് ദേവസ്വം ബെഞ്ച് ഇടപെട്ടാണ് കേസ് അന്വേഷിക്കാൻ കൂടുതൽ സമയം അനുവദിച്ചത്. അന്വേഷണ പുരോഗതിയുടെ മൂന്നാം ഘട്ടം റിപ്പോർട്ട് സീൽ ചെയ്ത കവറിൽ എസ്‌ഐടി സമർപ്പിച്ചിട്ടുണ്ട്. ഹൈക്കോടതി നൽകിയ നിർദ്ദേശപ്രകാരം, നിലവിലെ അന്വേഷണം തൃപ്തികരമാണെന്ന് രേഖപ്പെടുത്തിയിട്ടുണ്ടെങ്കിലും, സ്വതന്ത്രവും നിഷ്പക്ഷവുമായ അന്വേഷണം തുടരുന്നുണ്ടെന്ന് ഉറപ്പാക്കാൻ കോടതി എസ്‌ഐടിയോട് നിർദ്ദേശിച്ചിരുന്നു. ശ്രീകോവിലിൽ നിന്ന് ശേഖരിച്ച സ്വർണ്ണ സാമ്പിളുകൾ പരിശോധനയ്ക്ക് അയച്ചിട്ടുണ്ടെന്ന് പോലീസ് പറഞ്ഞു. ഒരാഴ്ചക്കുള്ളിൽ ഫലം ലഭ്യമാകുമെന്ന് പ്രതീക്ഷിക്കുന്നു. സ്വർണ്ണ മോഷണവുമായി ബന്ധപ്പെട്ട എല്ലാ വിവരങ്ങളും ശേഖരിച്ചിട്ടുണ്ടെന്ന് പോലീസ് പറഞ്ഞു. അന്വേഷണത്തിന്റെ സ്വാതന്ത്ര്യവും കാര്യക്ഷമതയും ഉറപ്പാക്കാൻ നിയമപരമായ നടപടിക്രമങ്ങൾ ഉദ്യോഗസ്ഥർ കർശനമായി പാലിക്കുന്നുണ്ട്. കേസിൽ സ്വർണ്ണ മോഷണവുമായി ബന്ധപ്പെട്ട കള്ളപ്പണ ഇടപാട് പരിശോധിക്കണമെന്ന്…

എടത്വ: തലവടി ഗ്രാമ പഞ്ചായത്ത് 12-ാം വാർഡ് സ്ഥാനാർത്ഥി സുധീർ കൈതവനയുടെ പ്രചാരണത്തിന്റെ ഭാഗമായി ചിഹ്നമായ മെഴുകുതിരികൾ കത്തിച്ച് പ്രകടനം നടത്തി. തുടർന്ന് നടന്ന യോഗം പൊതു പ്രവർത്തകൻ ഡോ. ജോൺസൺ വി ഇടിക്കുള ഉദ്ഘാടനം ചെയ്തു. കെകെ രാജു അദ്ധ്യക്ഷത വഹിച്ചു. സ്ഥാനാർത്ഥി സുധീർ കൈതവനയെ ഡാനിയേൽ തോമസ് ഷാൾ അണിയിച്ച് സ്വീകരിച്ചു. കോവിഡ് മഹാമാരി കാലത്ത് നാടിന് താങ്ങായി പ്രളയ കാലത്ത് നന്മയുടെ കാവലാൾ ആയി നിലകൊണ്ട സുധീർ കൈതവന കഴിഞ്ഞ 30 വർഷത്തെ പൊതുപ്രവർത്തന രംഗത്തെ പരിചയ സമ്പത്തുമായിട്ടാണ് ജനവിധി തേടുന്നത്. കോവിഡ് മഹാമാരി കാലത്ത് തലവടി എടത്വ ഗ്രാമ പഞ്ചായത്തുകളിലെ കോവിഡ് ബാധിതർക്ക് സുധീർ കൈതവനയുടെ ‘ആര്യാസ് ഫുഡ് കോർണർ ‘ എന്ന ഹോട്ടലിൽ വെച്ചാണ് സൗജന്യമായി ഭക്ഷണപൊതി തയ്യാറാക്കി നല്‍കിയത്. നൂറ് കണക്കിന് കോവിഡ് ബാധിതർക്ക് ഭക്ഷണം തയ്യാറാക്കാൻ നേതൃത്വം…