Year: 2025

മാർച്ച് 7 മുതൽ പ്രാബല്യത്തിൽ വരുന്ന തരത്തിൽ പ്ലാനിംഗ് ആൻഡ് ഡെവലപ്‌മെന്റ് ഡിപ്പാർട്ട്‌മെന്റിന്റെ ഡീനായി നിയമിതയായ എൻഐടി-കാലിക്കറ്റ് പ്രൊഫസർ ഷൈജ ആണ്ടവന്റെ സോഷ്യൽ മീഡിയയിലെ പഴയ അഭിപ്രായത്തിന്റെ പേരിൽ പ്രതിപക്ഷ പാർട്ടികളുടെ ആക്രമണം നേരിടുകയാണ്. റിപ്പോർട്ടുകൾ പ്രകാരം, കഴിഞ്ഞ വർഷം ഫെബ്രുവരിയിൽ, “ഇന്ത്യയെ രക്ഷിച്ചതിൽ ഗോഡ്‌സെയിൽ അഭിമാനിക്കുന്നു” എന്ന് പരാമർശിച്ചതിന് ഷൈജയെ അറസ്റ്റ് ചെയ്യുകയും പിന്നീട് ജാമ്യത്തിൽ വിടുകയും ചെയ്തിരുന്നു. അവര്‍ ഡീൻ ആയി നിയമിതയായതിന് ശേഷം, കോൺഗ്രസ് നേതാവ് പവൻ ഖേര സംഭവവികാസത്തോട് രൂക്ഷമായി പ്രതികരിച്ചു. നിയമനത്തിന് ബിജെപിയെ ആക്രമിച്ചുകൊണ്ട് ഖേര ചോദിച്ചു, “ഗാന്ധിയെ അപമാനിക്കുക…. പ്രതിഫലം നേടുക: പ്രധാന തസ്തികകൾക്കുള്ള ബിജെപിയുടെ പുതിയ യോഗ്യതാ മാനദണ്ഡമോ?”, അദ്ദേഹം എക്സില്‍ കുറിച്ചു. ഇന്ത്യയുടെ ദേശീയ ഐക്കണുകളെ അപമാനിക്കുന്നവരെ ബിജെപി സർക്കാർ ആസൂത്രിതമായി പ്രോത്സാഹിപ്പിക്കുന്നതിന്റെ മറ്റൊരു ഉദാഹരണമാണിതെന്ന് ഷൈജയുടെ നിയമനത്തെ വിശേഷിപ്പിച്ച ഖേര, വിദേശ യാത്രകളിൽ പ്രധാനമന്ത്രി…

കോഴിക്കോട് : നിർമ്മിത ബുദ്ധിയുടെ പുതിയ കാലത്ത് സ്റ്റാറ്റിസ്റ്റിക്സിലും ഡാറ്റ സയൻസിലും ഗവേഷണ സാധ്യതകൾ ഏറെയാണെന്ന് കാലിക്കറ്റ്‌ യൂണിവേഴ്സിറ്റി ഭാഷാവിഭാഗം ഡീനും സിജി പ്രസിഡണ്ടുമായ ഡോ. എ. ബി മൊയ്‌ദീൻ കുട്ടി അഭിപ്രായപ്പെട്ടു. മലബാർ സൊസൈറ്റി ഫോർ സ്റ്റാറ്റിസ്റ്റിക്സ് ആൻഡ് ഡാറ്റാ സയൻസ് സംഘടിപ്പിച്ച റിസർച്ച് ഓറിയൻ്റേഷൻ പ്രോഗ്രാമിൽ സംസാരിക്കുകയായിരുന്നു അദ്ദേഹം. പോപ്പുലേഷൻ സ്റ്റഡീസിൽ യുജിസി നെറ്റ് ക്വാളിഫൈ ചെയ്യിപ്പിക്കാൻ മലബാർ സൊസൈറ്റി ഫോർ സ്റ്റാറ്റിസ്റ്റിക്സ് ആൻഡ് ഡാറ്റ സയൻസ് നടത്തിയ ശ്രമങ്ങൾ മാതൃകാപരമാണെന്നും അദ്ദേഹം അഭിപ്രായപ്പെട്ടു. കഴിഞ്ഞ ഡിസംബറിൽ നടന്ന പരീക്ഷയിൽ പോപ്പുലേഷൻ സ്റ്റഡീസ് യുജിസി നെറ്റ് ക്വാളിഫൈ ചെയ്ത ഇരുപത്തിയാറ് വിദ്യാർത്ഥികളെ ചടങ്ങിൽ അനുമോദിച്ചു. വയനാട് ഡബ്ലിയു എം ഒ കോളേജ് മുൻ പ്രിൻസിപ്പലും വിദ്യാഭ്യാസ പ്രവർത്തകനുമായ ഡോ. ടി പി എം ഫരീദ് ആക്ച്ചൂറിയൽ സ്റ്റാറ്റിസ്റ്റിക്സ് മേഖലയിലെ ഗവേഷണ-ജോലി സാധ്യതകളെക്കുറിച്ച് പ്രഭാഷണം നടത്തി.…

മലപ്പുറം: മത്സ്യത്തൊഴിലാളി ഫെഡറേഷന്റെ നേതൃത്വത്തിൽ പൊന്നാനി തീരത്ത് കടലിൽ നിരാഹാര സമരം നടത്തി. കടൽ ഖനനത്തിന് അനുമതി നൽകിയ കേന്ദ്ര സർക്കാരിനെതിരെ പ്രതിഷേധവുമായാണ് സമരക്കാർ രംഗത്തെത്തിയത്. ടെൻഡർ നടപടികളിൽ നിന്ന് സർക്കാർ പിന്മാറണമെന്ന് പ്രതിഷേധക്കാർ ആവശ്യപ്പെട്ടു. അഖിലേന്ത്യാ ട്രേഡ് യൂണിയൻ കോൺഗ്രസ് (എഐടിയുസി) തൊഴിലാളികൾ കടലിൽ പ്രതിഷേധത്തിൽ പങ്കുചേർന്നു. കടൽ ഖനനം സമുദ്ര ആവാസവ്യവസ്ഥയെ നശിപ്പിക്കുമെന്ന് സമരം ഉദ്ഘാടനം ചെയ്തുകൊണ്ട് മത്സ്യ തൊഴിലാളി ഫെഡറേഷൻ ദേശീയ ട്രഷറർ എകെ ജബ്ബാർ മുന്നറിയിപ്പ് നൽകി. ഇന്ത്യയുടെ സമ്പദ്‌വ്യവസ്ഥയിൽ മാത്രമല്ല, തൊഴിൽ മേഖലയിലും ഭക്ഷ്യസുരക്ഷയിലും മത്സ്യബന്ധനം നിർണായക പങ്ക് വഹിക്കുന്നുണ്ടെന്ന് അദ്ദേഹം പറഞ്ഞു. “കേന്ദ്ര സർക്കാരിന്റെ സാമ്പത്തിക നയത്തിന്റെ ഭാഗമായി കടലിൽ ഖനനം നടത്താൻ സ്വകാര്യ കമ്പനികൾക്ക് അനുമതി നൽകിയാൽ, അത് സമുദ്ര ആവാസവ്യവസ്ഥയെ നശിപ്പിക്കുക മാത്രമല്ല, ലക്ഷക്കണക്കിന് മത്സ്യത്തൊഴിലാളികളുടെ ഉപജീവനമാർഗ്ഗത്തെയും ബാധിക്കും,” അദ്ദേഹം പറഞ്ഞു. കേന്ദ്ര സർക്കാർ കോർപ്പറേറ്റ്…

ദുബായ്: വടക്കൻ ഓംദുർമാനിലെ വാദി സെയ്ദ്‌ന സൈനിക വിമാനത്താവളത്തിന് സമീപമുള്ള ഒരു ജനവാസ മേഖലയിൽ ചൊവ്വാഴ്ച ഒരു സുഡാനീസ് സൈനിക വിമാനം തകർന്നുവീണ് സൈനിക ഉദ്യോഗസ്ഥരും സാധാരണക്കാരും ഉൾപ്പെടെ 20 ലധികം പേർ മരിച്ചതായി സൈനിക, മെഡിക്കൽ വൃത്തങ്ങൾ ബുധനാഴ്ച അറിയിച്ചു. സാങ്കേതിക കാരണങ്ങളാലാണ് വിമാനാപകടം സംഭവിക്കാൻ സാധ്യതയെന്നാണ് സൈനിക വൃത്തങ്ങൾ പറയുന്നത്. കൊല്ലപ്പെട്ടവരിൽ കാർട്ടൂമിലെ ഒരു മുതിർന്ന കമാൻഡറായ മേജർ ജനറൽ ബഹർ അഹമ്മദും ഉൾപ്പെടുന്നു. അദ്ദേഹം മുമ്പ് തലസ്ഥാനം മുഴുവൻ സൈന്യത്തിന്റെ കമാൻഡറായി സേവനമനുഷ്ഠിച്ചിരുന്നു. സംഭവത്തിൽ നിരവധി സൈനികരും സാധാരണക്കാരും കൊല്ലപ്പെട്ടതായി സുഡാൻ സൈന്യം ചൊവ്വാഴ്ച പ്രസ്താവനയിൽ പറഞ്ഞിരുന്നുവെങ്കിലും കൂടുതൽ വിവരങ്ങൾ നൽകിയില്ല.

കാലിഫോർണിയ : 2024 – 2026 കാലയളവിലെ ഫോമായുടെ വെസ്റ്റേൺ റീജിയന്റെ പരിപാടികൾക്ക് തുടക്കം കുറിച്ചുകൊണ്ട് ഫെബ്രുവരി പതിനഞ്ചാം തീയതി വൈകിട്ട് കാലിഫോർണിയയിലെ ലോസ് ആഞ്ചലസിൽ, റീജിയൻ വൈസ് പ്രസിഡന്റ് ജോൺസൺ ജോസഫിന്റെ അധ്യക്ഷതയിൽ കൂടിയ യോഗത്തിൽ ഫോമ സെക്രട്ടറി ബൈജു വർഗീസ്, ട്രഷറർ സിജിൽ പാലയ്ക്കലോടി, ജോയിൻ സെക്രട്ടറി പോൾ ജോസ്, അഡ്വൈസറി ബോർഡ് ചെയർ സ്റ്റാൻലി കളത്തിൽ എന്നിവർ ഭദ്രദീപം കൊളുത്തി ഉദ്‌ഘാടനം നിർവഹിച്ചു. നിറഞ്ഞ സദസ്സിന് സ്വാഗതമേകി റീജിയൻ വൈസ് പ്രസിഡന്റ് ജോൺസൺ ജോസഫ് റീജിയനിൽ നടപ്പിലാക്കാനിരിക്കുന്ന പദ്ധതികൾ ഒന്നൊന്നായി വിശദീകരിച്ചു . ദീർഘവീക്ഷണമുള്ള നേതാക്കളുടെ കാഴ്ചപ്പാടുകൾ ഒന്നുകൊണ്ടുമാത്രമാണ് ഇത്രയും ചുരുങ്ങിയ ഒരു കാലയളവിനുള്ളിൽ ഫോമാ എന്ന നമ്മുടെ സംഘടനയെ ആഗോളതലത്തിൽ തന്നെ ജനപ്രീയമാക്കുവാൻ കഴിഞ്ഞതെന്ന് അദ്ദേഹം സ്വാഗതപ്രസംഗത്തിൽ എടുത്തു പറഞ്ഞു. ഈ പരിപാടി ഇത്രയധികം വിജയകരമാക്കുവാൻ മറ്റു റീജിയനുകളിൽ നിന്നും പങ്കെടുക്കാനെത്തിയ…

ടാമ്പാ: പ്രൗഢഗംഭീരമായ ഒരു നിറഞ്ഞ സദസ്സിനെ സാക്ഷിനിര്‍ത്തി, മലയാളി അസോസിയേഷന്‍ ഓഫ് ടാമ്പായുടെ (MAT) 2025-ലെ കമ്മിറ്റിയുടെ പ്രവര്‍ത്തനോദ്ഘാടനം നടത്തപ്പെട്ടു. സമയബന്ധിതമായി, കൃത്യനിഷ്ഠയോടെ നടത്തപ്പെട്ട ഈ പരിപാടിയില്‍ സംഘാടകരെപ്പോലും അത്ഭുതപ്പെടുത്തിക്കൊണ്ട് ഒരു വമ്പിച്ച ജനപങ്കാളിത്തം ഉണ്ടായത് പ്രസിഡന്റ് ജോണ്‍ കല്ലോലിക്കലിനും മറ്റു ഭാരവാഹികള്‍ക്കും അഭിമാനമുഹൂര്‍ത്തമായി. അമേരിക്കന്‍/ഇന്ത്യന്‍ ദേശീയ ഗാനാലാപനത്തിനു ശേഷം പ്രസിഡണ്ട് ജോണ്‍ കല്ലോലിക്കല്‍ വിശിഷ്ടാതിഥികളേയും സദസ്സിനേയും സ്വാഗതം ചെയ്തുകൊണ്ട് ആമുഖ പ്രസംഗം നടത്തി. ഈ സംരംഭം വിജയപ്രദമാക്കുവാന്‍ അഹോരാത്രം പരിശ്രമിച്ച പ്രവര്‍ത്തകരേയും അകമഴിഞ്ഞ സാമ്പത്തിക സഹായം നല്‍കിയ സ്പോണ്‍സര്‍മാരെയും പേരെടുത്തു പറഞ്ഞുകൊണ്ട് അദ്ദേഹം നന്ദി അറിയിച്ചു. മുഖ്യാതിഥി ഫൊക്കാന പ്രസിഡന്റ് സജിമോന്‍ ആന്‍റണി, ഫോമാ സണ്‍ഷൈന്‍ റീജിയണല്‍ വൈസ് പ്രസിഡന്റ് ജോമോന്‍ ആന്‍റണി, ഫൊക്കാന ഫ്ളോറിഡ റീജിയണല്‍ വൈസ് പ്രസിഡന്റ് ലിന്‍റോ ജോളി, MAT പ്രസിഡന്റ് ജോണ്‍ കല്ലോലിക്കല്‍, സെക്രട്ടറി അനഘ ഹാരീഷ്, ട്രഷറര്‍ ബാബു…