Day: July 16, 2026

കണ്ണൂര്‍: സാധാരണ ക്ലാസ് മുറിയിലെന്നപോലെ ശ്വാസമടക്കിപ്പിടിച്ച് അച്ചടക്കത്തൊടെ ഇരുന്ന കുട്ടികളോട് ജില്ലാ കളക്ടർ പി വിഷ്ണുരാജ് സംസാരിച്ചു തുടങ്ങിയപ്പോൾ, മുറി ചോദ്യോത്തരങ്ങളും കളിയും ചിരിയും കൊണ്ട് നിറഞ്ഞു. പാഠപുസ്തകങ്ങളിലെ സാധാരണ പാഠങ്ങൾക്കപ്പുറം മികച്ച ജീവിതപാഠങ്ങൾ പഠിച്ചതിന്റെ സന്തോഷത്തിലാണ് കുട്ടികൾ ചർച്ചാ വേദിയിൽ നിന്ന് മടങ്ങിയത്. ജില്ലാ കളക്ടറുമൊത്തുള്ള കുട്ടികൾക്കുള്ള ആഴ്ചതോറുമുള്ള ചർച്ചാ വേദിയായ ‘കലാം’ പരിപാടി ഇത്തവണയും വിദ്യാർത്ഥികൾക്ക് ഒരു പ്രത്യേക അനുഭവമായിരുന്നു. കണ്ണൂർ ഭാരതീയ വിദ്യാഭവനിലെയും സെന്റ് മൈക്കിൾസ് ഹൈസ്‌കൂളിലെയും അമ്പതോളം വിദ്യാർത്ഥികളാണ് ഇത്തവണ ‘കളം’ പരിപാടിയിൽ അതിഥികളായെത്തിയത്. കുട്ടികളുടെ വ്യക്തിത്വ വികാസത്തിൽ ഇത്തരം തുറന്ന സംവാദങ്ങൾ പ്രധാന പങ്കുവഹിക്കുന്നുണ്ടെന്ന് ജില്ലാ കലക്ടർ അഭിപ്രായപ്പെട്ടു. പഠനം, കരിയർ, ഐ.എ.എസ് തുടങ്ങിയ വിഷയങ്ങൾക്കൊപ്പം തങ്ങൾക്കു ചുറ്റുമുള്ള സാമൂഹിക പ്രശ്നങ്ങളെ കുറിച്ചുള്ള ആശങ്കകളും വിദ്യാർഥികൾ ജില്ലാ കലക്ടറുമായി പങ്കുവച്ചു. മേലെ ചൊവ്വയിലെ ഗതാഗതകുരുക്കിനെ കുറിച്ചുള്ള ഭാരതീയ വിദ്യാഭവനിലെ പത്താം…

തിരുവനന്തപുരം: സ്ത്രീകൾക്കും ട്രാൻസ്‌ജെൻഡറുകൾക്കും വേണ്ടി സംസ്ഥാന സർക്കാർ കെഎസ്ആർടിസി വഴി നടപ്പിലാക്കിയ ‘പ്രിയദർശിനി’ സൗജന്യ യാത്രാ പദ്ധതി വൻ വിജയമാണെന്ന് മന്ത്രി സിപി ജോൺ പറഞ്ഞു. കഴിഞ്ഞ 50 ദിവസത്തെ ഗതാഗത വകുപ്പിന്റെ പ്രവർത്തനങ്ങൾ വിശദീകരിക്കാൻ തിരുവനന്തപുരം വഴുതക്കാട് ട്രാൻസ് ടവറിലെ കോൺഫറൻസ് ഹാളിൽ നടത്തിയ പത്രസമ്മേളനത്തിൽ സംസാരിക്കുകയായിരുന്നു മന്ത്രി. പ്രിയദർശിനി പദ്ധതിയിൽ ഇതുവരെ 3.81 കോടി സൗജന്യ യാത്രകളാണ് നടത്തിയത്. പ്രതിദിനം യാത്ര ചെയ്യുന്ന സ്ത്രീകളുടെ എണ്ണം 5.5 ലക്ഷത്തിൽ നിന്ന് 12.71 ലക്ഷമായി ഉയർന്നു. നിലവിൽ കെഎസ്ആർടിസി യാത്രക്കാരിൽ 66 ശതമാനവും സ്ത്രീകളാണെന്നും പദ്ധതി കാരണം പുരുഷ യാത്രക്കാരുടെ എണ്ണത്തിൽ കുറവ് വന്നിട്ടില്ലെന്നും മന്ത്രി പറഞ്ഞു. ശ്രീ ചിത്ര തിരുന്നാൾ എഞ്ചിനീയറിങ് കോളേജിന്റെ സഹായത്തോടെ പദ്ധതിയുടെ സാമ്പത്തികവും സാമൂഹികവുമായ വിഷയങ്ങൾ പഠിക്കും. പൊതുഗതാഗത ഉപയോഗം വർധിച്ചതോടെ കാർബൺ ഡയോക്‌സൈഡ് പുറം തള്ളൽ ഗണ്യമായി കുറഞ്ഞതായി…

ന്യൂസിലൻഡില്‍ സൗത്ത് ഐലൻഡിലെ ടെ അനാവുവിനടുത്ത് ശക്തമായ ഭൂകമ്പം ഉണ്ടായതിനെത്തുടർന്ന് ആദ്യം സുനാമി മുന്നറിയിപ്പ് നൽകിയിരുന്നെങ്കിലും പിന്നീട് അത് ഉപദേശകമായി ഉയർത്തി. ന്യൂസിലൻഡിലെ ടെ അനാവിൽ നിന്ന് 40 കിലോമീറ്റർ വടക്ക് വ്യാഴാഴ്ച രാത്രി 9:14 നാണ് (NZST) 6.6 തീവ്രത രേഖപ്പെടുത്തിയ ഭൂകമ്പം ഉണ്ടായത്. ടെ അനാവു, മിൽഫോർഡ് സൗണ്ട്, ക്വീൻസ്‌ടൗൺ, ലംസ്‌ഡൻ, ടുവാറ്റപെരെ, വനാക, അലക്‌സാണ്ട്ര, റോക്‌സ്‌ബർഗ്, ഗോർ, ഇൻവർകാർഗിൽ, ഹാസ്റ്റ്, റാൻഫർലി, ബാൽക്ലൂത്ത, ട്വിസൽ, പരിസര പ്രദേശങ്ങൾ എന്നിവിടങ്ങളിലും ഭൂകമ്പം അനുഭവപ്പെട്ടു. ഭൂകമ്പത്തെ തുടർന്ന് ആദ്യം സുനാമി മുന്നറിയിപ്പ് നൽകിയിരുന്നു, എന്നാൽ പിന്നീട് അത് ഒരു ഉപദേശകമായി ഉയർത്തി. നിലവിൽ വലിയ നാശനഷ്ടങ്ങളൊന്നും റിപ്പോർട്ട് ചെയ്തിട്ടില്ല. ഫിയോർഡ്‌ലാൻഡ് ദേശീയോദ്യാനത്തിലേക്കുള്ള പ്രധാന കവാടവും പ്രശസ്തമായ വിനോദസഞ്ചാര കേന്ദ്രവുമായ ടെ അനാവു പട്ടണത്തിന് ഏകദേശം 40 കിലോമീറ്റർ വടക്കു ഭാഗത്തായിരുന്നു ഭൂകമ്പത്തിന്റെ പ്രഭവകേന്ദ്രം. യുഎസ് ജിയോളജിക്കൽ…

തിരുവനന്തപുരം: ഈ വർഷത്തെ തിരുവോണ ബമ്പർ ലോട്ടറി മുഖ്യമന്ത്രി വി ഡി സതീശൻ ഉദ്ഘാടനം ചെയ്തു. ഒന്നാം സമ്മാനത്തുക ₹30 കോടിയായി ഉയർത്തിയ ബമ്പര്‍ ടിക്കറ്റാണ് അദ്ദേഹം പുറത്തിറക്കിയത്. സംസ്ഥാന ലോട്ടറി ഡയറക്ടറേറ്റിലെ ഉദ്യോഗസ്ഥരുടെ സാന്നിധ്യത്തിൽ മുഖ്യമന്ത്രിയുടെ ഓഫീസിൽ വെച്ച് നടത്തിയ ചെറിയ ചടങ്ങിലാണ് പ്രകാശന കര്‍മ്മം നടന്നത്. തിരുവോണം ബമ്പർ ലോട്ടറിയുടെ പ്രകാശന ചടങ്ങിൽ അഡീഷണൽ ചീഫ് സെക്രട്ടറി കെ.ആർ. ജ്യോതിലാൽ, ലോട്ടറീസ് ഡയറക്ടർ അഞ്ജു കെ.എസ്. എന്നിവർ പങ്കെടുത്തു. ജൂലൈ 20 മുതൽ ടിക്കറ്റുകൾ വിറ്റു തുടങ്ങും. സെപ്റ്റംബർ 26 ന് നറുക്കെടുപ്പ് നടക്കും. ഒന്നാം സമ്മാനത്തുക 25 കോടിയിൽ നിന്ന് 30 കോടിയായി വർദ്ധിപ്പിച്ചതായി ഡയറക്ടറേറ്റ് ദിവസങ്ങൾക്ക് മുമ്പ് പ്രഖ്യാപിച്ചിരുന്നു. സർക്കാർ നടത്തുന്ന കേരള സംസ്ഥാന ലോട്ടറിയുടെ ചരിത്രത്തിലെ ഏറ്റവും ഉയർന്ന സമ്മാനത്തുകയാണിത്. ടിക്കറ്റ് വില ₹500 ആയി മാറ്റമില്ലാതെ തുടരും. ഒന്നാം…