Day: August 28, 2026

റാന്നി: ക്യാൻസറിനോട് ധീരമായി പോരാടുന്നതിനിടയിലും പഠനത്തിൽ മികവ് തെളിയിച്ച 17 – വയസ്സുകാരി ലെനയുടെ അകാലവിയോഗം നാടിനെ ദുഃഖത്തിലാഴ്ത്തി. കീക്കോഴൂർ ഉതിമൂട് കുളങ്ങര വീട്ടിൽ ജോജി–ജിജി ദമ്പതികളുടെ മകൾ ലെന (17) ആണ് അന്തരിച്ചത്. ക്യാൻസർ ബാധയെ തുടർന്ന് ചികിത്സയിലായിരുന്ന ലെന മജ്ജ മാറ്റിവെക്കൽ ചികിത്സയ്ക്കും വിധേയയായിരുന്നു. ചികിത്സ തുടരുന്നതിനിടെയാണ് അന്ത്യം സംഭവിച്ചത്. രോഗത്തിന്റെ വേദനകൾക്കിടയിലും പഠനം കൈവിടാതിരുന്ന ലെന SSLC പരീക്ഷ എഴുതി ഉയർന്ന മാർക്കോടെ വിജയിച്ചിരുന്നു. പാഠ്യ–പാഠ്യേതര പ്രവർത്തനങ്ങളിലും മികവ് പുലർത്തിയിരുന്ന ലെന അധ്യാപകർക്കും സഹപാഠികൾക്കും ഏറെ പ്രിയങ്കരിയായിരുന്നു. ലെനയുടെ അകാലവിയോഗം കുടുംബാംഗങ്ങളെയും സുഹൃത്തുക്കളെയും അധ്യാപകരെയും സഹപാഠികളെയും നാട്ടുകാരെയും തീരാദുഃഖത്തിലാഴ്ത്തി.

കോട്ടയം: കുടിയേറ്റം, വിദേശ തൊഴിൽ, റിക്രൂട്ട്‌മെന്റ്, വിസ, സ്ഥിരതാമസം, പ്ലേസ്‌മെന്റ്, കൺസൾട്ടൻസി സേവനങ്ങൾ എന്നിവയുമായി ബന്ധപ്പെട്ട് M/s. Amster Immigration Overseas Private Limited-നെതിരെ സമഗ്രമായ ക്രിമിനൽ, സാമ്പത്തിക, നിയന്ത്രണാന്വേഷണം നടത്തണമെന്ന് ആംസ്റ്റർ ബാധിത ഉപഭോക്തൃ ഫോറം (Amster Affected Consumers Forum – AACF) ആവശ്യപ്പെട്ടു. സ്ഥാപനത്തിന്റെ സേവനങ്ങൾ സ്വീകരിച്ച് സാമ്പത്തിക നഷ്ടമുണ്ടായതായി പറയുന്ന ഉപഭോക്താക്കളുടെ കൂട്ടായ്മയാണ് AACF. കാനഡ, ഓസ്‌ട്രേലിയ, യുഎഇ, പോളണ്ട്, മറ്റ് യൂറോപ്യൻ രാജ്യങ്ങൾ എന്നിവിടങ്ങളിലേക്കുള്ള വിദേശ തൊഴിൽ, വിസ, സ്ഥിരതാമസം, റിക്രൂട്ട്‌മെന്റ്, കുടിയേറ്റ സേവനങ്ങൾ ലഭ്യമാക്കാമെന്ന വാഗ്ദാനത്തിന്റെ അടിസ്ഥാനത്തിൽ നിരവധി പേരിൽനിന്ന് വൻതുക ഈടാക്കിയതായി ഫോറം ആരോപിച്ചു. ഓരോ ഉപഭോക്താവിൽനിന്നും ഏകദേശം ₹75,000 മുതൽ ₹3 ലക്ഷം വരെയും, ചില കേസുകളിൽ അതിലധികവും കൈപ്പറ്റിയതായി AACF ആരോപിക്കുന്നു. ജീവിതസമ്പാദ്യം, ബാങ്ക് വായ്പ, സ്വർണപ്പണയം, ഉയർന്ന പലിശവായ്പ, ബന്ധുക്കളിൽനിന്നും സുഹൃത്തുക്കളിൽനിന്നുമുള്ള കടം…

തിരുവനന്തപുരം: ജനകോടികൾ ആരാധിക്കുന്ന ശബരിമല അയ്യപ്പ സ്വാമിക്കും മാളികപ്പുറത്തമ്മയ്ക്കുമെതിരെ, നിന്ദ്യവും നീചവും അപമാനകരവുമായ പരാമർശം നടത്തിയ സണ്ണി കപിക്കാടിനെതിരെ കർശന നടപടി സ്വീകരിക്കാൻ സർക്കാർ തയാറാകണം. ജനങ്ങൾ ഭക്തിയോടും വിശ്വാസത്തോടും കാണുന്ന അയ്യപ്പ സ്വാമിയെയും മാളികപ്പുറത്തമ്മയെയും അപമാനിക്കും വിധമുള്ള പൊതുവേദിയിലെ പരാമർശങ്ങൾ, മതസൗഹാർദ്ദം തകർക്കാനും ജനങ്ങളെ ഭിന്നിപ്പിക്കാനുമുള്ള ചില കേന്ദ്രങ്ങളുടെ ശ്രമത്തിന്റെ ഭാഗമായി മാത്രമേ കാണാനാവൂ. അഭിപ്രായ സ്വാതന്ത്ര്യത്തിന്റെ പേരിൽ, അശ്ലീല പരാമർശങ്ങൾ നടത്തി മറ്റുള്ളവരുടെ വിശ്വാസങ്ങളെ അപമാനിക്കാനുള്ള ശ്രമം വച്ചുപൊറുപ്പിക്കാനാവില്ല. ജനങ്ങളുടെ വിശ്വാസങ്ങളെയും ആചാരങ്ങളെയും അപഹസിച്ച് സമൂഹത്തിൽ ശ്രദ്ധ നേടാനുള്ള തരം താണ ശ്രമമാണ് സണ്ണി കപിക്കാട് നടത്തിയത്. കൈപ്പറ്റുന്ന പണത്തിന് ജോലിചെയ്യുന്നു എന്ന്, ചില കേന്ദ്രങ്ങളെ ബോധ്യപ്പെടുത്താനുള്ള പരിശ്രമമാണ്, ഇത്തരം പരാമർശങ്ങളിലൂടെ വ്യക്തമാക്കപ്പെടുന്നത്. സമൂഹത്തിൽ ചെരിതിരിവും സംഘർഷവും സൃഷ്ടിക്കാൻ, ചില കേന്ദ്രങ്ങൾ നടത്തുന്ന ആസൂത്രിത ശ്രമങ്ങൾക്കെതിരെ ജനങ്ങൾ ജാഗ്രത പുലർത്തണം. ജാതി മത വേർതിരിവുകൾ…

കോഴിക്കോട്: മുസ്ലീം സ്ത്രീകളെ പൊതുവേദികളില്‍ പങ്കെടുപ്പിക്കുന്നതിനെതിരെ സമസ്ത കേരള ജംഇയ്യത്തുൽ ഉലമ (കാന്തപുരം വിഭാഗം) യുടെ നിർദ്ദേശം. അപരിചിതരുടെ സാന്നിധ്യത്തിൽ മുസ്ലീം സ്ത്രീകളെ വേദികളിലോ പൊതുസ്ഥലങ്ങളിലോ കയറ്റരുതെന്നും കാന്തപുരം അബൂബക്കർ മുസ്ലിയാർ പുറത്തിറക്കിയ പ്രസ്താവനയിൽ പറയുന്നു. ആഘോഷങ്ങൾ അതിരു കടക്കുന്നത് തടയാൻ നടപടികൾ സ്വീകരിക്കണമെന്നും അദ്ദേഹം പ്രസ്താവനയിൽ ആവശ്യപ്പെട്ടു. നബി ദിനാഘോഷങ്ങളിൽ സ്ത്രീകളുടെ പങ്കാളിത്തം സംബന്ധിച്ച വിമർശനങ്ങൾക്കിടെയാണ് മഹല്ലുകൾക്കും മദ്രസകൾക്കും നിർദ്ദേശം നൽകിയിരിക്കുന്നത്. ഇസ്ലാമിക ആഘോഷങ്ങൾ നിശ്ചിത പരിധികൾ ലംഘിക്കുന്നില്ലെന്ന് ഉറപ്പാക്കാൻ ജാഗ്രത പാലിക്കണമെന്ന് കാന്തപുരം വിഭാഗം മഹല്ല് നേതാക്കളോട് അഭ്യർത്ഥിച്ചു. മതപരമായ അതിര്‍വരമ്പുകളുടെ ലംഘനത്തെ ഗൗരവമായി കാണണമെന്ന് പ്രസ്താവനയില്‍ പറയുന്നു. പള്ളികള്‍, മദ്രസകള്‍, മറ്റ് സ്ഥാപനങ്ങള്‍, സംഘടനകള്‍ എന്നിവയുടെ നേതൃത്വം ഇത്തരം പരിപാടികള്‍ ഇസ്ലാമിക മാനദണ്ഡങ്ങള്‍ക്കനുസൃതമായി നടത്തുന്നുവെന്ന് ഉറപ്പാക്കാന്‍ പ്രത്യേകം ശ്രദ്ധിക്കണം. പൊതുവഴികളിലും വേദികളിലും അപരിചിതർക്കിടയിൽ മുസ്ലീം സ്ത്രീകളെ പ്രദർശിപ്പിക്കുന്നതും, ഇസ്ലാമികമല്ലാത്ത ആചാരങ്ങളും ആഘോഷ രീതികളും…

തിരുവനന്തപുരം: നാല് പതിറ്റാണ്ടു മുമ്പ് കോളിളക്കം സൃഷ്ടിച്ച ചാക്കോ വധക്കേസില്‍ പിടികിട്ടാപ്പുള്ളിയായി പ്രഖ്യാപിച്ച കേസിലെ പ്രതിയായ സുകുമാരക്കുറുപ്പ് ബ്രൂണെയില്‍ ഒളിവില്‍ കഴിയുന്നുണ്ടെന്ന വാര്‍ത്ത തള്ളി നോര്‍ക്ക. സുകുമാരക്കുറുപ്പാണെന്ന രീതിയില്‍ വിവിധ മാധ്യമങ്ങളും ചാനലുകളും പ്രചരിപ്പിച്ച ചിത്രം യഥാര്‍ത്ഥത്തില്‍ തൃശൂർ വടക്കാഞ്ചേരി കരുമാത്ര സ്വദേശിയായ ദാമോദര മേനോന്റേതാണെന്ന് അദ്ദേഹത്തിന്റെ കുടുംബാംഗങ്ങള്‍ പറയുന്നു. ഈ അവകാശവാദം നോര്‍ക്കയും സ്ഥിരീകരിച്ചു. ബ്രൂണൈയിൽ ഓർമ്മക്കുറവും മാനസിക പ്രശ്നങ്ങളും അലട്ടുന്ന ദാമോദര മേനോന് സഹായമെത്തിക്കാന്‍ ഒരു മാസം മുമ്പ് നോർക്ക ഇടപെട്ടിരുന്നുവെന്നാണ് റിപ്പോര്‍ട്ട്. ദാമോദര മേനോനെ നാട്ടിലേക്ക് തിരികെ കൊണ്ടുവരാൻ ഒരു മാസം മുമ്പ് നോർക്ക സംസ്ഥാന സർക്കാരിന് കത്തയച്ചിരുന്നു എന്നു പറയുന്നു. ബ്രൂണൈയിലെ ഇന്ത്യൻ ഹൈക്കമ്മീഷന്റെ അഭ്യര്‍ത്ഥന പ്രകാരമാണ് നോര്‍ക്ക ഇടപെട്ടത്. അതനുസരിച്ച് ജൂലൈ 2-ന് നോർക്ക സർക്കാരിന് കത്തയക്കുകയും ചെയ്തു. കേരളത്തിലെ ഒരു പ്രമുഖ വാർത്താ ചാനലാണ് അവരുടെ ‘എക്സ്ക്ലൂസീവ് ബ്രേക്കിംഗ്…

നേപ്പാളിലെ നുവാക്കോട്ട് ജില്ലയിലെ ത്രിശൂലി മാർക്കറ്റ് ബുധനാഴ്ച രാവിലെ പൂർണ്ണമായും സാധാരണ നിലയിലായിരുന്നു. കടകൾ പതിവുപോലെ തുറന്നിരുന്നു, തെരുവുകൾ ആളുകളാൽ നിറഞ്ഞിരുന്നു. എന്നാൽ, ഈ പ്രദേശം ഉടൻ തന്നെ വെള്ളത്തിന്റെയും ചെളിയുടെയും അവശിഷ്ടങ്ങളുടെയും ഒരു കൂട്ടമായി മാറുമെന്ന് ആരും കരുതിയിരുന്നില്ല. സംഭവത്തിന്റെ ഒരു വീഡിയോ സോഷ്യൽ മീഡിയയിൽ വൈറലായി. വെള്ളപ്പൊക്കത്തിന് തൊട്ടുമുമ്പുള്ള കാഴ്ചയും, അപകടം മണത്തറിഞ്ഞ ജനങ്ങള്‍ സുരക്ഷിതമായ സ്ഥലത്തേക്ക് ഓടുന്നതും തുടര്‍ന്ന് വെള്ളം മാര്‍ക്കറ്റിലേക്ക് കുത്തിയൊഴുകി വരുന്നതും വീഡിയോയില്‍ കാണാം. ഒരുകാലത്ത് വീടുകളും കടകളും റോഡുകളും ഉണ്ടായിരുന്നിടത്ത്, ചെളിയും വലിയ കല്ലുകളും അവശിഷ്ടങ്ങളും മാത്രമേ കാണാനാകൂ. വെള്ളപ്പൊക്കത്തിൽ നിരവധി പാലങ്ങളും റോഡുകളും തകർന്നിട്ടുണ്ട്. റെഡ് ക്രോസിന്റെ അഭിപ്രായത്തിൽ, നേപ്പാളിലെ ഏറ്റവും കൂടുതൽ ദുരിതബാധിത പ്രദേശങ്ങളിലൊന്നാണ് നുവാക്കോട്ട്. നിരവധി ഗ്രാമങ്ങൾക്ക് വ്യാപകമായ നാശനഷ്ടങ്ങൾ സംഭവിച്ചിട്ടുണ്ട്, കൂടാതെ ചില പ്രദേശങ്ങൾ റോഡുകളുടെയും പാലങ്ങളുടെയും തകർച്ച കാരണം മറ്റ് ഭാഗങ്ങളിൽ…