Day: September 24, 2026

അഞ്ച് ലക്ഷത്തിൽ തുടങ്ങിയ ആവശ്യം രണ്ട് ലക്ഷമായി കുറഞ്ഞു; ഓവർസിയർക്ക് വേറെയും ₹25,000 നൽകണമെന്ന് നിർദേശം; ഇടനിലക്കാരനും അറസ്റ്റിൽ കൊച്ചി: വാണിജ്യ കെട്ടിടത്തിനെതിരെ നൽകിയ പരാതി പിൻവലിക്കാൻ ലക്ഷങ്ങൾ ആവശ്യപ്പെട്ടെന്ന കേസിൽ കൊച്ചി കോർപറേഷൻ ഓവർസിയറും ഇടനിലക്കാരനും വിജിലൻസ് പിടിയിൽ. കാലടി കാഞ്ഞാർ സ്വദേശി സീന പി.ആർ. (45), ആലുവ പള്ളിക്കുന്ന് സ്വദേശി ഷാനവാസ് പി.എ. (44) എന്നിവരെയാണ് വിജിലൻസ് എറണാകുളം യൂണിറ്റ് ‘പ്രോജക്ട് സീറോ’യുടെ ഭാഗമായി അറസ്റ്റ് ചെയ്തത്. പരാതിക്കാരനിൽ നിന്ന് ₹25,000 കൈക്കൂലി വാങ്ങുന്നതിനിടെയാണ് സീനയെ വിജിലൻസ് സംഘം പിടികൂടിയത്. തുടർന്ന് നടത്തിയ അന്വേഷണത്തിന്റെ ഭാഗമായാണ് ഷാനവാസിനെയും അറസ്റ്റ് ചെയ്തത്. കലൂർ കതൃക്കടവിലെ ഒരു വാണിജ്യ കെട്ടിടവുമായി ബന്ധപ്പെട്ട പരാതിയാണ് കേസിന് ആധാരം. 2009 മുതൽ കെട്ടിട നമ്പർ ലഭിച്ച് പ്രവർത്തിച്ചുവരുന്ന കെട്ടിടത്തിൽ പഴയ വാടകക്കാർ ഒഴിഞ്ഞതിനെ തുടർന്ന് പുതിയ വാടകക്കാരെ എത്തിക്കുന്നതിനായി അറ്റകുറ്റപ്പണികൾ…

വാഷിങ്ടൺ: വടക്കേ കലിഫോർണിയയിലെ ട്രിനിറ്റി കൗണ്ടിയിൽ വീടിനു പുറത്തുവെച്ച് ദമ്പതികൾക്ക് നേരെ കറുത്ത കരടിയുടെ ആക്രമണം. റിട്രീറ്റ് സെന്റർ ഉടമകളായ ജെഫ് വിൽസൺ, മലോറി വിൽസൺ എന്നിവർക്കാണ് ഗുരുതര പരുക്കേറ്റത്. ഇവർക്ക് രക്ഷകയായി എത്തിയ ‘കാസി’ എന്ന ഫ്രഞ്ച് ബുൾഡോഗ് നായ പരുക്കേറ്റു ചത്തു. കഴിഞ്ഞ ശനിയാഴ്ച പുലർച്ചെ നാല് മണിയോടെയായിരുന്നു സംഭവം. വീട്ടിലെ നായ കുരച്ചതിനെ തുടർന്ന് പുറത്തിറക്കിയ ജെഫിനെ കരടി ആക്രമിക്കുകയായിരുന്നു. നിലവിളി കേട്ടെത്തിയ ഭാര്യ മലോറിയെയും കരടി ആക്രമിച്ചു. ദമ്പതികളുടെ കയ്യിലുണ്ടായിരുന്ന പാരിയോ ഫർണിച്ചർ ഉപയോഗിച്ച് കരടിയെ അടിച്ചു തുരത്താൻ ശ്രമിക്കുന്നതിനിടയിലാണ് ഇരുവർക്കും ഗുരുതര പരുക്കേറ്റത്. ജെഫിന്റെ വാരിയെല്ലുകൾ ഒടിയുകയും ശരീരത്തിൽ മാന്തേറ്റ പാടുകൾ ഉണ്ടാവുകയും ചെയ്തു. മലോറിയുടെ തലയ്ക്കും പരുക്കേറ്റിട്ടുണ്ട്. ആക്രമണത്തിൽ പരുക്കേറ്റ നായയെ വെറ്ററിനറി ഹോസ്പിറ്റലിൽ എത്തിച്ചെങ്കിലും ജീവൻ രക്ഷിക്കാനായില്ല. ദമ്പതികളുടെ ചികിത്സയ്ക്കും മറ്റുമായി സുഹൃത്തുക്കൾ ഗോഫണ്ട്മീ (GoFundMe) വഴി…

ഡെന്റൺ:ടെക്സസിലെ സാങ്ങറിൽ (Sanger) സ്കൂൾ ബസ് നിയന്ത്രണം വിട്ട് മറിഞ്ഞ ഉണ്ടായ അപകടത്തിൽ ഒരു വിദ്യാർത്ഥി ദാരുണമായി മരിച്ചു.   ഡെന്റൺ കൗണ്ടിയിലെ ഹൂലിംഗ് റോഡ് – ലോയിസ് റോഡ് ഈസ്റ്റിൽ  സെപ്റ്റംബർ 24, വൈകുന്നേരം 5 മണിയോടെയായിരുന്നു അപകടം സംഭവിച്ചത് സാങ്ങർ ഐ.എസ്.ഡി (Sanger ISD) സ്കൂൾ ബസ് റോഡിൽ നിന്ന് തെന്നിമാറി കലുങ്കിൽ ഇടിച്ച് മറിയുകയായിരുന്നു. ഗുരുതരമായി പരിക്കേറ്റ 13 വയസ്സുള്ള ഒരു വിദ്യാർത്ഥി ആശുപത്രിയിൽ വെച്ച് മരണപ്പെട്ടു.ബസ് ഡ്രൈവറും മറ്റ് മൂന്ന് വിദ്യാർത്ഥികളും നിസ്സാര പരിക്കുകളോടെ രക്ഷപ്പെട്ടു. ടെക്സസ് ഡിപ്പാർട്ട്മെന്റ് ഓഫ് പബ്ലിക് സേഫ്റ്റി (DPS) അപകടത്തെക്കുറിച്ച് അന്വേഷണം ആരംഭിച്ചു.

ഹ്യൂസ്റ്റണ്‍: മലയാളി മുസ്ലിംസ്‌ ഓഫ്‌ ഗ്രേറ്റര്‍ ഹ്യൂസ്റ്റന്റെ (MMGH) ആഭിമുഖ്യത്തില്‍ വൈവിധ്യമാര്‍ന്ന പരിപാടികളോടെ ഈ വര്‍ഷത്തെ ഓണാഘോഷം പ്രൗഢഗംഭീരമായി സംഘടിപ്പിച്ചു. പ്രസിഡന്റ്‌ ബുഷ്റ മനക്കട്ടിന്റെയും എക്സിക്യൂട്ടീവ് കമ്മിറ്റി ടീമിന്റെയും നേതൃത്വത്തില്‍ നടന്ന ആഘോഷ പരിപാടികളില്‍ നിരവധി പ്രവാസികള്‍ പങ്കെടുത്തു. പ്രശസ്ത നര്‍ത്തകി ഡോ. സുനന്ദ നായര്‍ ചടങ്ങില്‍ മുഖ്യാതിഥിയായി പങ്കെടുത്തു. ജഡ്ജ് സുരേന്ദ്രന്‍ പട്ടേല്‍, ജഡ്ജ് ജൂലി മാത്യൂ, ക്യാപ്റ്റന്‍ മനു പൂപ്പാറയില്‍, മലയാളി അസ്സോസിയേഷന്‍ ഓഫ്‌ ഗ്രേറ്റര്‍ ഹൂസ്റ്റണ്‍ (MAGH) പ്രസിഡന്റ്‌ റോയ്‌ മാത്യു എന്നിവരുള്‍പ്പെടെ സാമൂഹിക-സാംസ്ക്കാരിക രംഗത്തെ പ്രമുഖര്‍ ചടങ്ങില്‍ വിശിഷ്ടാതിഥികളായി സംബന്ധിച്ചു. മനോഹരമായ അത്തപ്പൂക്കളവും ആവേശം നിറഞ്ഞ ചെണ്ടമേളവും, കൊച്ചു കലാകാരന്മാരുടെ പുലിക്കളിയും ആഘോഷങ്ങള്‍ക്ക്‌ ഗംഭീര തുടക്കം കുറിച്ചു. കേരളീയ പാരമ്പര്യം വിളിച്ചോതി വിവിധ തരം കറികളും പായസങ്ങളും ഉള്‍പ്പെടെയുള്ള വിഭവസമൃദ്ധമായ പരമ്പരാഗത ഓണസദ്യ ആഘോഷങ്ങള്‍ക്ക്‌ മാറ്റു കൂട്ടി. വേദിയില്‍ കുട്ടികളും മുതിര്‍ന്നവരും…

ബോൾട്ടൻ: ബോൾട്ടൻ മലയാളി അസോസിയേഷൻ (ബി എം എ) – യുടെ ഈ വർഷത്തെ ഓണഘോഷ പരിപാടി സെപ്റ്റംബർ 26, ശനിയാഴ്ച അതിവിപുലമായി സംഘടിപ്പിക്കും. ബോൾട്ടനിലെ ഇന്ത്യൻ സ്പോർട്സ് ക്ലബ് ഹാളിൽ വച്ച് രാവിലെ 10.30 മുതൽ വൈകുന്നേരം 6മണി വരെയാണ് പരിപാടിയുടെ സമയക്രമം. പരിപാടിയിൽ പങ്കെടുക്കുന്നതിനായി ഒരാൾക്ക് £15 പൗണ്ട് ആണ് പ്രവേശന ഫീസായി നിശ്ചയിച്ചിരിക്കുന്നത്. 5 വയസ്സ് വരെയുള്ള കുട്ടികൾക്ക് പ്രവേശനം സൗജന്യമായിരിക്കും. കൂട്ടായ്മയിലെ കലാകാരന്മാർ അവതരിപ്പിക്കുന്ന വൈവിധ്യമാർന്ന കലാവിരുന്നുകൾ, തിരുവാതിര, ബി എം എ കൂട്ടായ്മയിലെ കൊച്ചുകുട്ടികളുടെ ഡാൻസ് ഷോ, ഗാന – നൃത്ത – നൃത്യങ്ങൾ, വടംവലി മത്സരം, കുട്ടികൾക്കും മുതിർന്നവർക്കുമുള്ള വിനോദ മത്സരങ്ങൾ, വിഭവ സമൃദ്ധമായ ഓണസദ്യ തുടങ്ങിയവയാണ് മറ്റ് നിറക്കാഴ്ചകൾ. പരിപാടിയുടെ ഭാഗമായി ഈ കഴിഞ്ഞ യുകമാ റീജിയണൽ / നാഷണൽ കായികമേളയിൽ ബി എം എയെ പ്രതിനിധീകരിച്ച്…