ന്യൂഡല്‍ഹി: നാഷണൽ ഹൈവേ അതോറിറ്റി ഓഫ് ഇന്ത്യ (എന്‍‌എച്ച്‌എ‌ഐ) യുടെ മൂന്ന് പദ്ധതികളിൽ ഉദ്യോഗസ്ഥരുടെയും കരാറുകാരുടെയും ഒത്താശയോടെ സാമ്പത്തിക ക്രമക്കേട് നടന്നതായ പരാതിയുടെ അടിസ്ഥാനത്തില്‍ മധ്യപ്രദേശ്, ഉത്തര്‍പ്രദേശ്, ഡൽഹി, ഹരിയാന, ഉത്തരാഖണ്ഡ്, ഗുജറാത്ത് എന്നിവിടങ്ങളിലെ 22 സ്ഥലങ്ങളിൽ സിബിഐ ഒരേസമയം റെയ്ഡ് നടത്തി. റെയ്ഡില്‍ ഒരു കോടി പത്തു ലക്ഷത്തിലധികം രൂപ സിബിഐ പിടിച്ചെടുത്തു.
നാഷണൽ ഹൈവേ അതോറിറ്റി ഓഫ് ഇന്ത്യ 2008 നും 2010 നും ഇടയിൽ NH-06 സൂരജ്-ഹാജിറ പോർട്ട് സെക്ഷൻ, NH-8 കിഷൻഗഡ്-അജ്മീർ ബീവാർ സെക്ഷൻ, NH-02 വാരണാസി-ഔറംഗബാദ് സെക്ഷൻ എന്നിവയുടെ കൺസോർഷ്യം സ്വകാര്യ കരാറുകാർക്ക് നൽകിയതായി പറയപ്പെടുന്നു. കമ്പനികൾ ഈ പദ്ധതികൾ പൂർത്തീകരിക്കുന്നതിന് എൻഎച്ച്എഐ ഉദ്യോഗസ്ഥർ സ്വകാര്യ കമ്പനികളിൽ നിന്ന് കൈക്കൂലി കൈപ്പറ്റി. സ്വകാര്യ കമ്പനിയുടെ സബ് കോൺട്രാക്ടർമാരാണ് അക്കൗണ്ട് ബുക്കിൽ ഇത് തെറ്റായി രേഖപ്പെടുത്തിയിരിക്കുന്നത്.
എൻഎച്ച്എ‌ഐയുടെ ജിഎം, പ്രോജക്ട് ഡയറക്ടർ, മാനേജർ, നാഷണൽ ഹൈവേ അതോറിറ്റി ജനറൽ മാനേജർ, പ്രോജക്ട് ഡയറക്ടർ, മാനേജർ തുടങ്ങി ഒമ്പത് ഉദ്യോഗസ്ഥർ ഈ അഴിമതിയില്‍ പങ്കാളികളാണെന്നും, മറ്റ് 13 കമ്പനി ഉദ്യോഗസ്ഥരും അജ്ഞാതരും ഈ സാമ്പത്തിക ഇടപാടിൽ പങ്കാളികളാണെന്നും ഉൾപ്പെട്ടിട്ടുണ്ടെന്ന് സിബിഐ വൃത്തങ്ങള്‍ പറഞ്ഞു. ഏഴ് സംസ്ഥാനങ്ങളിലെ ഈ 13 ഉദ്യോഗസ്ഥരുടെയും സ്വകാര്യ വ്യക്തികളുടെയും സ്ഥലങ്ങളിൽ സിബിഐ ഇന്ന് റെയ്ഡ് നടത്തി.
22 സ്ഥലങ്ങളിലായി സിബിഐ നടത്തിയ റെയ്ഡില്‍ ഒരു കോടി പത്തുലക്ഷം രൂപയാണ് പിടിച്ചെടുത്തത്. മാത്രമല്ല, 49 ലക്ഷം 10,000 രൂപയുടെ എഫ്ഡികളും റെയ്ഡ് സൈറ്റുകളിൽ നിന്ന് കണ്ടെത്തിയിട്ടുണ്ട്. നാലര കോടിയിലേറെ വിലമതിക്കുന്ന സ്വർണം, വെള്ളി ആഭരണങ്ങളും കണ്ടെടുത്തിട്ടുണ്ട്. ഒരു ലക്ഷത്തി ഇരുപത്തയ്യായിരം രൂപയും ബന്ധപ്പെട്ടവരിൽ നിന്ന് സിബിഐ കണ്ടെടുത്തു. എൻഎച്ച്എഐ ഉദ്യോഗസ്ഥരുടെ പേരിലുള്ള നിരവധി സ്വത്ത് രേഖകളും റെയ്ഡിൽ കണ്ടെത്തിയിട്ടുണ്ട്.
