കാൺപൂർ: മൊബൈൽ ഫോണിൽ അശ്ലീല ചിത്രങ്ങൾ കണ്ടതിന് ശേഷം പത്ത് വയസുകാരന്‍ ഏഴ് വയസുകാരിയെ ബലാത്സംഗം ചെയ്തതായി പരാതി. കുട്ടിയെ കസ്റ്റഡിയിലെടുത്തതായും കുറ്റം സമ്മതിച്ചതായും സ്റ്റേഷൻ ഹൗസ് ഓഫീസർ (എസ്എച്ച്ഒ) പങ്കജ് മിശ്ര പറഞ്ഞു.
“ഞങ്ങൾ എഫ്‌ഐആർ രജിസ്റ്റർ ചെയ്തിട്ടുണ്ട്, അതിൽ ആൺകുട്ടിക്കെതിരെ ബലാത്സംഗത്തിനും പോക്‌സോ നിയമത്തിനും കേസെടുത്തിട്ടുണ്ട്,” അദ്ദേഹം പറഞ്ഞു.
കുട്ടിയെ ജില്ലാ ജുവനൈൽ ബോർഡിന് മുന്നിൽ ഹാജരാക്കി ജുവനൈൽ ഹോമിലേക്ക് അയച്ചു.
പെൺകുട്ടി മൂന്നാം ക്ലാസ് വിദ്യാർത്ഥിനിയാണെന്നും സംഭവം നടക്കുമ്പോൾ വീട്ടിൽ തനിച്ചായിരുന്നുവെന്നും പെൺകുട്ടിയുടെ പിതാവ് പറഞ്ഞു. മാതാപിതാക്കൾ വീട്ടിൽ തിരിച്ചെത്തിയപ്പോൾ അവൾ ഭയന്ന് കരയുന്നതാണ് കണ്ടത്.
വീട്ടുകാർ സംഭവം ഉടൻ തന്നെ പോലീസിൽ അറിയിക്കുകയായിരുന്നുവെന്ന് സ്റ്റേഷൻ ഹൗസ് ഓഫീസർ പറഞ്ഞു.
പ്രായപൂർത്തിയാകാത്ത ആൺകുട്ടി തന്റെ ബന്ധുക്കളിൽ ഒരാളുടെ മൊബൈൽ ഫോണിൽ അശ്ലീലം കണ്ടതായി പോലീസ് ഉദ്യോഗസ്ഥരോട് പറഞ്ഞു. അതിനുശേഷമാണ് പെണ്‍കുട്ടിയെ ഉപദ്രവിച്ചതെന്ന് അദ്ദേഹം പറഞ്ഞു.
