ചിക്കാഗോ :ക്രിസ്റ്റൽ തടാകത്തിനു സമീപം ഒരു വീട്ടിൽ ബുധനാഴ്ച പുലർച്ചെ നടന്ന വെടിവയ്പ്പിൽ തോക്കുധാരിയെന്ന് പറയപ്പെടുന്നയാളടക്കം നാല് പേർ കൊല്ലപ്പെടുകയും മറ്റൊരാൾക്ക് ഗുരുതരമായി പരിക്കേൽക്കുകയും ചെയ്തു.
മൂന്ന് സ്ത്രീകൾ സംഭവസ്ഥലത്ത് തന്നെ മരിച്ചതായി ബുധനാഴ്ച രാവിലെ നടത്തിയ വാർത്താസമ്മേളനത്തിൽ അധികൃതർ സ്ഥിരീകരിച്ചു.അജ്ഞാതനായ നാലാമത്തെ വ്യക്തിയെ ഏരിയാ ആശുപത്രിയിൽ എത്തിച്ചെങ്കിലും പിന്നീട് മരിച്ചു.വെടിയേറ്റ അഞ്ചാമത്തെ വ്യക്തിയെയും ആശുപത്രിയിൽ പ്രവേശിപ്പിച്ചു, അവർ ഇപ്പോഴും ഗുരുതരാവസ്ഥയിലാണെന്ന് അധികൃതർ അറിയിച്ചു.
അഞ്ച് വ്യക്തികളും ഒരു വീട്ടിൽ ഒരുമിച്ചാണ് താമസിച്ചിരുന്നത്, തർക്കം ആഭ്യന്തര സ്വഭാവമുള്ളതാണെന്ന് വിശ്വസിക്കപ്പെടുന്നു, വെടിവെപ്പിൽ കൊല്ലപ്പെട്ട നാല് പേരെ വ്യാഴാഴ്ച ഉദ്യോഗസ്ഥർ തിരിച്ചറിഞ്ഞു.5805 വൈൽഡ് പ്ലം റോഡി ലുള്ള വീട്ടിലെ ഒരു കുടുംബാംഗം ബന്ധുക്കളെ വെടിവയ്ക്കുകയാണെന്ന് ബുധനാഴ്ച രാവിലെ മക്‌ഹെൻറി കൗണ്ടി ഷെരീഫിന്റെ ഡെപ്യൂട്ടികൾകു സന്ദേശം ലഭിച്ചു
വെടിവെപ്പിൽ കൊല്ലപ്പെട്ട നാല് പേരിൽ മൂന്ന് സ്ത്രീകൾ .ലോറൻ സ്മിത്ത്-സോങ്, 32, യുന സോങ്, 49, ചാങ് സോങ്, 73, എന്നിവരെ കൊറോണർ തിരിച്ചറിഞ്ഞു 44 കാരനായ ജീൻ സോങ് ആയിരുന്നു ആക്രമണകാരിയെന്ന് സംശയിക്കുന്നു.
