ജറുസലേം: ചാവുകടലിന് സമീപം മരുഭൂമിയില്‍ അടുത്തിടെ നടത്തിയ ഖനനത്തിൽ ഒരു ഗുഹയില്‍ നിന്ന് 1,900 വർഷം പഴക്കമുള്ള റോമൻ കാലഘട്ടത്തിലെ നാല് വാളുകൾ, അവയുടെ തടികൊണ്ടുള്ള പിടികള്‍, തുകൽ ഉറകള്‍, സ്റ്റീല്‍ ബ്ലേഡുകള്‍ മുതലായവ ഇസ്രായേലി പുരാവസ്തു ഗവേഷകർ (Israel Antiquities Authority) കണ്ടെത്തിയതായി ബുധനാഴ്ച പ്രസിദ്ധീകരിച്ച പുസ്തകത്തില്‍ പറയുന്നു.
ഏകദേശം രണ്ട് മാസം മുമ്പ് കണ്ടെത്തിയ അസാധാരണമായ, കേടുപാടുകൾ സംഭവിക്കാത്ത പുരാവസ്തുക്കളുടെ ശേഖരം റോമാ സാമ്രാജ്യത്തിന്റെയും കലാപത്തിന്റെയും കീഴടക്കലിന്റെയും പ്രാദേശിക കലാപത്തിന്റെയും കഥ പറയുന്നു.
പുതുതായി പുറത്തിറക്കിയ പുസ്തകത്തിൽ പ്രാഥമിക കണ്ടെത്തലുകൾ പ്രസിദ്ധീകരിച്ച ഗവേഷകർ, റോമൻ സാമ്രാജ്യത്തിനെതിരായ ഒരു പ്രക്ഷോഭത്തിനിടെ യഹൂദ വിമതർ വിദൂര ഗുഹയിൽ വാളുകളും ചാട്ടുളികളും സൂക്ഷിച്ചിരിക്കാമെന്നും പറയുന്നു. വാളുകൾ അവയുടെ ടൈപ്പോളജിയുടെ അടിസ്ഥാനത്തിലാണ് തീയതി നിശ്ചയിച്ചത്, ഇതുവരെ റേഡിയോകാർബൺ ഡേറ്റിംഗ് നടത്തിയിട്ടില്ല.
ചാവുകടലിനടുത്തുള്ള ഗുഹകൾ രേഖപ്പെടുത്താനും കുഴിച്ചെടുക്കാനും കൊള്ളക്കാർക്ക് കൊള്ളയടിക്കാൻ അവസരമുണ്ടാകുന്നതിന് മുമ്പ് രേഖകളും മറ്റ് വിലയേറിയ പുരാവസ്തുക്കളും സുരക്ഷിതമാക്കാനും ലക്ഷ്യമിടുന്ന പുരാവസ്തു അതോറിറ്റിയുടെ ജൂഡിയൻ ഡെസേർട്ട് സർവേയുടെ (Judean Desert Survey) ഭാഗമാണ് കണ്ടെത്തൽ.
മരുഭൂമിയിലെ ഗുഹകളിലെ തണുത്തതും വരണ്ടതും സ്ഥിരതയുള്ളതുമായ കാലാവസ്ഥയാണ് ചാവുകടൽ ചുരുളുകൾ എന്നറിയപ്പെടുന്ന നൂറുകണക്കിന് പുരാതന കടലാസ് ശകലങ്ങൾ ഉൾപ്പെടെയുള്ള ജൈവ അവശിഷ്ടങ്ങള്‍ സുരക്ഷിതമായി നിലനില്‍ക്കാന്‍ സഹായിച്ചതെന്ന് ഗവേഷകര്‍ പറഞ്ഞു.
യഹൂദ ഗ്രന്ഥങ്ങളിൽ, കഴിഞ്ഞ നൂറ്റാണ്ടിൽ കണ്ടെത്തിയതും ബിസിഇ, സിഇ ഒന്നാം നൂറ്റാണ്ടുകളിലെ തീയതിയുള്ളതും, ഹീബ്രു ബൈബിളിന്റെ ആദ്യകാല പതിപ്പുകളും നിഗൂഢ രചനകളുടെ ഒരു ശേഖരവും അടങ്ങിയിരിക്കുന്നു.
പതിറ്റാണ്ടുകൾക്ക് മുമ്പ് കണ്ടെത്തിയ ഒരു ലിഖിതം രേഖപ്പെടുത്തുന്നതിനായി പുരാവസ്തു ഗവേഷകർ ഐൻ ഗെഡിയുടെ മരുഭൂമിക്ക് സമീപമുള്ള ഈ പ്രത്യേക ഗുഹയിലേക്ക് മടങ്ങി. ഗുഹയുടെ പിൻഭാഗത്ത്, അതിന്റെ ഏറ്റവും ആഴമേറിയ ഭാഗത്ത്, ഒരു മാടത്തിനുള്ളിൽ, ആ പുരാവസ്തു വീണ്ടെടുക്കാൻ കഴിഞ്ഞതായി ഏരിയല്‍ യൂണിവേഴ്സിറ്റിയിലെ ഒരു പുരാവസ്തു ഗവേഷകൻ അസഫ് ഗയർ പറഞ്ഞു.
എന്നാൽ, റോമൻ സാമ്രാജ്യത്തിന്റെ കിഴക്കേ അറ്റത്ത് കണ്ടെത്തിയ വാളുകളാണെങ്കിലും, വിദൂര യൂറോപ്യൻ പ്രവിശ്യയിൽ നിന്ന് യഹൂദ പ്രവിശ്യയിലേക്ക് കൊണ്ടുവന്നത് സൈനികരാണെന്ന് ടെൽ അവീവ് സർവകലാശാലയിലെ പുരാവസ്തു ഗവേഷകൻ ഗൈ സ്റ്റീബെൽ പറഞ്ഞു.
റോമൻ ആയുധങ്ങൾക്ക് അവയുടെ സംരക്ഷണത്തിന്റെ ഗുണനിലവാരം വളരെ അപൂർവമാണെന്ന് അദ്ദേഹം പറഞ്ഞു.
“അവയില്‍ ഓരോന്നിനും ഒരു മുഴുവൻ കഥയും പറയാൻ കഴിയും,” അദ്ദേഹം പറഞ്ഞു. റോമൻ പട്ടാളക്കാരുടെയും ജൂത വിമതരുടെയും, വസ്‌തുക്കളുടെയും അത് ഉൾപ്പെട്ട ആളുകളുടെയും ചരിത്രത്തെക്കുറിച്ച് പഠിക്കാനും ഗവേഷണം നടത്താനും അതിന്റെ നിർമ്മാണവും വസ്തുക്കളുടെ ഉത്ഭവത്തെക്കുറിച്ച് പഠിക്കുന്നതിൽ ശ്രദ്ധ കേന്ദ്രീകരിക്കുമെന്നും അദ്ദെഹം പറഞ്ഞു.
