ഹോണ്ടുറാസിലെ പ്രധാന വിനോദസഞ്ചാര കേന്ദ്രമായ റോട്ടൻ തീരത്ത് നടന്ന വിമാനാപകടത്തില്‍ കുറഞ്ഞത് 12 പേര് മരിച്ചു. റോട്ടനിൽ നിന്ന് ലാ സീബയിലേക്ക് പറക്കുകയായിരുന്ന ലാൻ‌സ എയർലൈൻസിന്റെ വിമാനമായിരുന്നു അപകടത്തില്‍ പെട്ടത്. വിമാനത്താവളത്തില്‍ നിന്ന് പറന്നുപൊങ്ങിയ ഉടനെ കടലില്‍ തകര്‍ന്നു വീഴുകയായിരുന്നു എന്നാണ് പ്രാഥമിക റിപ്പോര്‍ട്ടുകള്‍ സൂചിപ്പിക്കുന്നത്.
വിമാനത്തിലെ സാങ്കേതിക തകരാറാണ് അപകടത്തിന് കാരണമെന്നാണ് റിപ്പോർട്ടുകൾ. പ്രശസ്ത ഹോണ്ടുറാൻ സംഗീതജ്ഞൻ ഔറേലിയോ മാർട്ടിനെസും വിമാനത്തിലുണ്ടായിരുന്നു, നിർഭാഗ്യവശാൽ അപകടത്തിൽ അദ്ദേഹത്തിന് ജീവൻ നഷ്ടപ്പെട്ടു. അഞ്ച് പേരെ രക്ഷപ്പെടുത്തിയതായും ഒരു യാത്രക്കാരനെ ഇപ്പോഴും കാണാനില്ലെന്നും അഗ്നിശമന സേന അറിയിച്ചു. ഇതിനുപുറമെ, മറ്റൊരു ഫ്രഞ്ച് യാത്രക്കാരൻ അപകടത്തിൽ നിന്ന് രക്ഷപ്പെട്ടു, ചികിത്സയ്ക്കായി ആശുപത്രിയിലേക്ക് മാറ്റി.
“ലാൻഹാസ് എയർലൈൻസ് വിമാനം മെയിൻ ലാന്റിലെ ലാ സീബയിലേക്ക് പോവുകയായിരുന്നു, റൺവേയിൽ നിന്ന് പെട്ടെന്ന് വലത്തേക്ക് തിരിഞ്ഞ് കടലിലേക്ക് വീണു,” സിവിൽ ഏവിയേഷൻ ഉദ്യോഗസ്ഥനായ കാർലോസ് പാഡില്ല സ്ഥിരീകരിച്ചു. വിമാനത്തിൽ 15 യാത്രക്കാരും രണ്ട് പൈലറ്റുമാരും ഒരു ഫ്ലൈറ്റ് അറ്റൻഡന്റും ഉണ്ടായിരുന്നു എന്നും അദ്ദേഹം പറഞ്ഞു.
വിമാനത്തിൽ 15 യാത്രക്കാരും രണ്ട് പൈലറ്റുമാരും ഒരു ഫ്ലൈറ്റ് അറ്റൻഡന്റും ഉണ്ടായിരുന്നുവെന്ന് ഫയർ ഡിപ്പാർട്ട്‌മെന്റ് മേജർ വിൽമർ ഗ്വെറേറോ പറഞ്ഞു. രക്ഷപ്പെട്ടവരിൽ ഒരാളായ 40 വയസ്സുള്ള ഫ്രഞ്ച് പൗരനെ ചികിത്സയ്ക്കായി സാൻ പെഡ്രോ സുലയിലെ ഒരു ആശുപത്രിയിലേക്ക് അയച്ചു. കരയിൽ നിന്ന് ഒരു കിലോമീറ്റർ അകലെയാണ് അപകടം നടന്നത്, ബ്രിട്ടീഷ് നിർമ്മിത ജെറ്റ്സ്ട്രീം 41 ലെ സാങ്കേതിക തകരാറാണ് ഇതിന് കാരണമെന്ന് അധികൃതർ കരുതുന്നു.
നാവികസേനയും മറ്റ് രക്ഷാപ്രവർത്തകരും സ്ഥലത്തെത്തി തിരച്ചിൽ, രക്ഷാപ്രവർത്തനങ്ങൾ എന്നിവയിൽ ഏർപ്പെട്ടിട്ടുണ്ട്. ഈ അപകടം ഹോണ്ടുറാസിന് വലിയൊരു ദുരന്തമായി മാറിയിരിക്കുന്നു. വടക്കേ അമേരിക്കയിൽ സ്ഥിതി ചെയ്യുന്ന ഒരു മധ്യ അമേരിക്കൻ രാജ്യമാണ് ഹോണ്ടുറാസ്. ഇത് ഗ്വാട്ടിമാല, എൽ സാൽവഡോർ, നിക്കരാഗ്വ എന്നീ രാജ്യങ്ങളുമായി അതിർത്തി പങ്കിടുന്നു, കൂടാതെ കരീബിയൻ കടലിലും പസഫിക് സമുദ്രത്തിലും തീരപ്രദേശങ്ങളുണ്ട്.
