Author: .

തിരുവനന്തപുരം: 52 ദിവസമായി തുടരുന്ന ട്രോളിംഗ് നിരോധനം നാളെ അർദ്ധരാത്രിയോടെ അവസാനിക്കും. തിങ്കളാഴ്ച അർദ്ധരാത്രിക്ക് ശേഷം മത്സ്യബന്ധന ബോട്ടുകൾക്ക് മത്സ്യബന്ധനത്തിനായി കടലിൽ പോകാം. കേരളത്തിന്റെയും ലക്ഷദ്വീപിന്റെയും തീരപ്രദേശങ്ങളിൽ നിയന്ത്രണങ്ങളൊന്നുമില്ല. കേരളത്തിലെ ഏറ്റവും വലിയ മത്സ്യബന്ധന തുറമുഖമായ കൊല്ലം ജില്ലയിലെ നീണ്ടകര ഹാർബറിനു കുറുകെ കെട്ടിയിരിക്കുന്ന ചങ്ങല തിങ്കളാഴ്ച അർദ്ധരാത്രിയോടെ അധികാരികൾ നീക്കം ചെയ്യും. മത്സ്യത്തൊഴിലാളികളും ബോട്ടുടമകളും തങ്ങളുടെ മത്സ്യബന്ധന പ്രവർത്തനങ്ങൾ പുനരാരംഭിക്കുന്നതിനുള്ള ഒരുക്കത്തിലാണ്. മത്സ്യബന്ധന ബോട്ടുകളുടെ അറ്റകുറ്റപ്പണികളും മറ്റും പൂർത്തിയായി. ഇന്നും നാളെയുമായി ഐസും ഡീസലും സംഭരിക്കുന്നതിനുള്ള നടപടിക്രമങ്ങൾ പൂർത്തിയാകും. ബോട്ടുകളുടെ അറ്റകുറ്റപ്പണികൾക്കായി ഒരു ബോട്ടുടമയ്ക്ക് 2 ലക്ഷം മുതൽ 5 ലക്ഷം രൂപ വരെ ചിലവ് വരും. നീണ്ടകരയിൽ നിന്ന് മത്സ്യബന്ധന ബോട്ടുകളിൽ കടലിൽ പോകുന്ന മറുനാടൻ തൊഴിലാളികളും ഇന്നലെ മുതൽ എത്തിത്തുടങ്ങി. നീണ്ടകരയിൽ നിന്ന് മത്സ്യബന്ധന ബോട്ടുകളിൽ പോകുന്ന കുടിയേറ്റ തൊഴിലാളികൾ പ്രധാനമായും തമിഴ്നാട്ടിൽ…

ആലുവ: ആലുവയില്‍ അഞ്ചു വയസ്സുകാരി പെണ്‍കുട്ടിയെ അതിക്രൂരമായ ലൈംഗികാതിക്രമത്തിനിരയാക്കി കൊലപ്പെടുത്തിയ സംഭവത്തിൽ കേരളം ഒന്നടങ്കം ഞെട്ടിയപ്പോള്‍ മുഖ്യമന്ത്രി പിണറായി വിജയന്‍ മൗനിയായി. കുട്ടിയുടെ മൃതദേഹം പൊതുദർശനത്തിന് വച്ചതിന് ശേഷവും കൊലപാതകത്തെക്കുറിച്ച് അദ്ദേഹം പ്രതികരിച്ചിട്ടില്ല. മുഖ്യമന്ത്രിയുടെ സോഷ്യൽ മീഡിയ പേജുകളിൽ പെൺകുട്ടിയുടെ കൊലപാതകത്തെക്കുറിച്ച് യാതൊരു പരാമർശവുമില്ല. കുട്ടിയെ രക്ഷിക്കുന്നതിൽ വീഴ്ച വരുത്തിയ പോലീസിനെതിരെ വിമർശനം ഉയരുമ്പോൾ അദ്ദേഹത്തിന്റെ മൗനം ആശ്ചര്യപ്പെടുത്തുന്നതാണ്. ആഭ്യന്തര മന്ത്രാലയത്തിന്റെ ചുമതല വഹിക്കുന്ന മുഖ്യമന്ത്രി പോലീസിനെതിരെ ഉയരുന്ന ചോദ്യങ്ങൾക്ക് ഉത്തരം നൽകാൻ ബാധ്യസ്ഥനാണ്. മുഖ്യമന്ത്രിയുടെ ഈ മൗനം വ്യാപക വിമർശനത്തിന് ഇടയാക്കിയിട്ടുണ്ട്. കൂടാതെ, ഉന്നത വിദ്യാഭ്യാസ മന്ത്രി ആർ ബിന്ദുവിനോട് ചാന്ദിനിയുടെ സംസ്കാര ചടങ്ങിൽ ഒരു മന്ത്രിയും എന്തുകൊണ്ട് അനുഗമിക്കാത്തത് എന്ന ചോദ്യത്തിന്, മന്ത്രിമാർ എല്ലായിടത്തും എത്തേണ്ടത് ആവശ്യമാണോ എന്ന് ചോദിച്ചാണ് അവർ മറുപടി നൽകിയത്. ജില്ലയുടെ ചുമതലയുള്ള മന്ത്രിമാർ സംസ്‌കാര ചടങ്ങിൽ പങ്കെടുക്കുമെന്നാണ് കരുതുന്നതെന്നും…

സാന്‍ഫ്രാന്‍സിസ്കോ: എലോൺ മസ്‌കുമായി ഒരു ‘കേജ് ഫൈറ്റിനെ’ക്കുറിച്ച് തനിക്ക് ഉറപ്പില്ലെന്ന് മെറ്റാ സ്ഥാപകനും സിഇഒയുമായ മാർക്ക് സക്കർബർഗ് പറഞ്ഞു. മെറ്റയിൽ നടന്ന ഒരു ഇന്റേണൽ മീറ്റിംഗിൽ, പ്രതീക്ഷിക്കുന്ന ‘കേജ് ഫൈറ്റ്’ എപ്പോൾ നടക്കുമെന്ന് ഒരു ജീവനക്കാരൻ സക്കർബർഗിനോട് ചോദിച്ചു. തനിക്ക് ഇത് സംബന്ധിച്ച് ഔദ്യോഗികമായി അപ്‌ഡേറ്റ് ഒന്നും തന്നെയില്ല എന്നായിരുന്നു സക്കർബർഗിന്റെ മറുപടി. “നിങ്ങൾക്കെല്ലാവർക്കും അറിയാവുന്നതുപോലെ, എനിക്ക് യുദ്ധം ചെയ്യാൻ ഇഷ്ടമാണ്. സാധനങ്ങൾ ഉണ്ടാക്കുന്നതിലപ്പുറം, അതെനിക്ക് ഒരു ദ്വിതീയ വിനോദമാണ്. അവിടെ കാര്യങ്ങൾ ഉണ്ടാക്കുന്നത് എന്റെ പ്രഥമഗണനമാണ്, എന്നാല്‍ യുദ്ധം ഒരുപക്ഷെ നമ്പർ രണ്ട് ആയിരിക്കും,” അദ്ദേഹം പറഞ്ഞു. ഞാൻ ജിയു ജിറ്റ്സു മത്സരങ്ങൾ നടത്തിയിട്ടുണ്ട്. ഇത് ഒരുമിച്ച് വരുമെന്ന് എനിക്ക് ഉറപ്പില്ല, പക്ഷേ മൊത്തത്തിൽ ഇതൊരു മികച്ച ഗെയിമാണ്, അദ്ദേഹം കൂട്ടിച്ചേര്‍ത്തു. കഴിഞ്ഞയാഴ്ച, വർഷങ്ങളുടെ പരിശീലനത്തിന് ശേഷം ബ്രസീലിയൻ ജിയു-ജിറ്റ്സുവിൽ സക്കർബർഗിന് നീല ബെൽറ്റ് ലഭിച്ചു.…

വാഷിംഗ്ടണ്‍: സൗദി അറേബ്യ ചൈനീസ് ക്യാമ്പിലേക്ക് ചേക്കേറുന്നതില്‍ ആശങ്ക പ്രകടിപ്പിച്ച അമേരിക്ക, മുഹമ്മദ് ബിൻ സൽമാൻ രാജകുമാരനുമായി ചർച്ച നടത്താൻ ദേശീയ സുരക്ഷാ ഉപദേഷ്ടാവ് ജെയ്ക് സുള്ളിവനെ സൗദി അറേബ്യയിലേക്ക് അയച്ചു. സൗദി അറേബ്യ ചൈനയുടെ പാളയത്തിൽ ചേർന്നതോടെ അമേരിക്ക അസ്വസ്ഥമായെന്നാണ് വിവരം. പെട്ടെന്ന് എന്തെങ്കിലും ചെയ്തില്ലെങ്കിൽ, മിഡിൽ ഈസ്റ്റ് മുഴുവൻ തങ്ങളുടെ കൈകളിൽ നിന്ന് വഴുതിപ്പോവുമെന്ന് ബൈഡന്‍ ഭരണകൂടം ഇപ്പോൾ ഭയപ്പെടാൻ തുടങ്ങിയിരിക്കുന്നു എന്നാണ് സൂചന. യഥാർത്ഥത്തിൽ സൗദി അറേബ്യയെ ഗൾഫ് രാജ്യങ്ങളുടെ നേതാവായാണ് കണക്കാക്കപ്പെടുന്നത്. മിക്ക ഗൾഫ് രാജ്യങ്ങളും സൗദിയുടെ വിദേശ നയം മാത്രമാണ് പിന്തുടരുന്നത്. ഇത്തരമൊരു സാഹചര്യത്തിലാണ് യു എസ് പ്രസിഡന്റ് ജോ ബൈഡൻ ജേക്ക് സള്ളിവനെ സൗദി അറേബ്യയിലേക്ക് അയച്ചത്. സൗദി അറേബ്യയുടെ കിരീടാവകാശി മുഹമ്മദ് ബിൻ സൽമാനുമായും അദ്ദേഹം ജിദ്ദയിൽ ദീർഘനേരം ചര്‍ച്ച നടത്തി. ദൂരവ്യാപകമായ നയതന്ത്ര നീക്കത്തിന്റെ ഭാഗമായാണ്…

തിരുവനന്തപുരം: സർക്കാർ ആർട്‌സ് ആൻഡ് സയൻസ് കോളേജുകളിലെ പ്രിൻസിപ്പൽ നിയമന പട്ടിക അട്ടിമറിച്ച ഉന്നത വിദ്യാഭ്യാസ മന്ത്രി ആർ ബിന്ദു രാജിവെക്കണമെന്ന് ബിജെപി സംസ്ഥാന അദ്ധ്യക്ഷൻ കെ സുരേന്ദ്രൻ ആവശ്യപ്പെട്ടു. വേലി തന്നെ വിളകള്‍ തിന്നുന്ന അവസ്ഥയാണിതെന്നും അദ്ദേഹം പറഞ്ഞു. മന്ത്രി അധികാര ദുർവിനിയോഗം നടത്തിയെന്നും ഉന്നതവിദ്യാഭ്യാസ മേഖലയെ കമ്മ്യൂണിസ്റ്റ് പാർട്ടിയുടെ ആസ്ഥാന കേന്ദ്രമായ എകെജി സെന്ററാക്കി മാറ്റിയെന്നും കെ സുരേന്ദ്രൻ ആരോപിച്ചു. പാർട്ടി കേഡർമാർക്ക് അവരുടെ മെറിറ്റിന്റെ അടിസ്ഥാനത്തിൽ നിയമനം ലഭിക്കാതെ വന്നപ്പോൾ അവർ നിയമന പട്ടികയിൽ മാറ്റം വരുത്തി യോഗ്യതയില്ലാത്തവരെ തിരുകിക്കയറ്റുകയായിരുന്നു എന്ന് സുരേന്ദ്രന്‍ പറഞ്ഞു. മന്ത്രിയായി തുടരാൻ അവർക്ക് അർഹതയില്ലെന്നും സുരേന്ദ്രന്‍ കൂട്ടിച്ചേര്‍ത്തു. വകുപ്പുതല സ്ഥാനക്കയറ്റ സമിതി അംഗീകരിച്ച നാൽപ്പത്തിമൂന്നു പേരുടെ നിയമനം തടയാൻ മന്ത്രി ബിന്ദുവിന് അധികാരമില്ലെന്ന് ബിജെപി നേതാവ് പറഞ്ഞു. മന്ത്രി ചെയ്തത് സത്യപ്രതിജ്ഞാ ലംഘനവും സ്വജനപക്ഷപാതവുമാണ്. വ്യാജസർട്ടിഫിക്കറ്റും മാർക്ക്…

കേരളത്തെ മദ്യത്തിൽ മുക്കിക്കൊല്ലാനുള്ള നീക്കത്തിൽ നിന്നും സർക്കാർ പിന്മാറണമെന്ന് വെൽഫെയർ പാർട്ടി മലപ്പുറം ജില്ലാ കമ്മറ്റി ആവശ്യപ്പെട്ടു. ഒന്നാം പിണറായി സർക്കാർ അധികാരത്തിലെത്തുന്നത് തന്നെ ഘട്ടംഘട്ടമായി മദ്യനിരോധം നടപ്പാക്കുമെന്ന വാഗ്ദാനം നൽകിയാണ്. എന്നാൽ പൂട്ടിയ ഔട്ട്ലെറ്റുകൾ തന്നെ തുറക്കാൻ ഇടതു സർക്കാർ ഇപ്പോൾ നടത്തുന്ന നീക്കം തെരഞ്ഞെടുപ്പ് വാഗ്ദാന ലംഘനവും ജനങ്ങളോടുള്ള വഞ്ചനയുമാണ്. കൊലപാതകം അടക്കമുള്ള കുറ്റകൃത്യങ്ങൾ ദിനംതോറും പെരുകുന്ന നാടാണിന്ന് കേരളം. കുറ്റകൃത്യങ്ങളിലേർപ്പെടുന്നവരിൽ ഭൂരിഭാഗവും ലഹരിക്ക് അടിപ്പെട്ടവരാണെന്ന് റിപ്പോർട്ടുകൾ പറയുന്നു. ഈ സാഹചര്യത്തിൽ മദ്യവിമുക്തിക്കും ലഹരി വിരുദ്ധതക്കും നേതൃത്വം നൽകി ജാഗ്രത പാലിക്കേണ്ട ഭരണകൂടം ലഹരി ലഭ്യത വർധിപ്പിക്കുന്നതിലൂടെ യുവത്വത്തിൻ്റെ മാത്രമല്ല, സമൂഹത്തിൻ്റെ തന്നെ ക്രയശേഷിയെ നശിപ്പിക്കുകയാണ്. ലഹരി വർജനമെന്ന പേരിൽ സർക്കാർ നടത്തുന്ന പരിപാടികൾ വെറും പ്രഹസനമാണെന്ന് തെളിയിക്കുന്നതാണ് പുതിയ നടപടി. സർക്കാർ ഖജനാവിൻ്റെ വരുമാന വർദ്ധനവ് മാത്രം ലക്ഷ്യം വെച്ച് നാട്ടിൽ സുലഭമായി…

(ഐഡഹോ) – 2020 സെപ്റ്റംബറിൽ കോവിഡ് പാൻഡെമിക് സമയത്ത്  സിറ്റി ഹാളിന് പുറത്ത് മതപരമായ ഗാനങ്ങൾ ആലപിച്ചതിന് അറസ്റ്റിലായ ഗബ്രിയേൽ റെഞ്ചും, സീനും, റേച്ചൽ ബോനെറ്റും മോസ്കോ, ഐഡഹോ നഗരത്തിനും ചില നഗര ജീവനക്കാർക്കുമെതിരെ ഫയൽ ചെയ്ത സിവിൽ കേസ് ഒത്തുതീർക്കുന്നതിനു ധാരണയായി. പാൻഡെമിക് സമയത്ത് ഫേസ് മാസ്ക് , സാമൂഹിക അകലം പാലിക്കൽ തുടങ്ങിയ ചട്ടങ്ങൾ ലംഘിച്ചതുമായി ബന്ധപ്പെട്ടായിരുന്നു കുറ്റങ്ങൾ ചുമത്തിയിരുന്നത്.വൈറസ് പടരുന്നത് തടയുന്നതിനും, ജീവൻ രക്ഷിക്കുന്നതിനും “ചട്ടങ്ങൾ ആവശ്യമാണ്” എന്ന് സിറ്റി  വാദിച്ചു. “സെറ്റിൽമെന്റ് കരാറിന്റെ നിബന്ധനകൾ പ്രകാരം, മൊത്തം സെറ്റിൽമെന്റ് തുക $300,000 നൽകും, നഗരത്തിൽ നിന്നുള്ള  ഒരു പത്രക്കുറിപ്പ് പറയുന്നു “സ്യൂട്ട് തീർപ്പാക്കുന്നതിനും നീണ്ടുനിൽക്കുന്ന വ്യവഹാര നടപടികൾ ഒഴിവാക്കുന്നതിനുമുള്ള ഏറ്റവും നല്ല നടപടിയാണ് കേസിലെ സാമ്പത്തിക ഒത്തുതീർപ്പാണ്  ഐസിആർഎംപി നിർണ്ണയിച്ചതെന്നും” പ്രസ്താവന കൂടുതൽ വിശദീകരിച്ചു ക്രൈസ്റ്റ് ചർച്ചിലെ അംഗവും പബ്ലിക് റിലേഷൻസ്…

ദുൽഖറിന്റെ കരിയറിലെ ഏറ്റവും വലിയ മലയാള ചിത്രമായ കിംഗ് ഓഫ് കൊത്തയിലെ ആദ്യ ഗാനം “കലാപകാര” റിലീസായി. ദുൽഖറിന്റെ പിറന്നാൾ ദിനത്തിൽ ആഘോഷവിരുന്നൊരുക്കുന്ന ഗാനത്തിൽ പാൻ ഇന്ത്യൻ സൂപ്പർ സ്റ്റാർ ദുൽഖർ സൽമാനും റിതികാ സിങ്ങിനുമൊപ്പം ആയിരത്തിൽപരം നർത്തകരും അണിചേരുന്നു. ജേക്സ്‌ ബിജോയ് അണിയിച്ചൊരുക്കിയ ഗാനത്തിന്റെ രചന ജോപോൾ ആണ് നിർവഹിച്ചിരിക്കുന്നത്. ബെന്നി ദയാലും ശ്രേയാ ഗോഷാലുമാണ് ഈ അടിപൊളി ഐറ്റം നമ്പർ ആലപിച്ചിരിക്കുന്നത്. അഭിലാഷ് ജോഷി സംവിധാനം നിർവഹിച്ച ചിത്രത്തിൽ ഷെരിഫ് മാസ്റ്ററിന്റെ നൃത്തസംവിധാനത്തിൽ ഒരുങ്ങിയ ഗാനത്തിന്റെ ലിറിക്‌ വീഡിയോ പ്രേക്ഷകർക്കിടയിൽ തരംഗം സൃഷ്ടിക്കുമെന്നുറപ്പാണ്. സീ സ്റ്റുഡിയോസും ദുൽഖർ സൽമാന്റെ വേഫേറെർ ഫിലിംസും ചേർന്ന് നിർമ്മിക്കുന്നചിത്രത്തിൽ ഷബീർ കല്ലറക്കൽ, പ്രസന്ന, ചെമ്പൻ വിനോദ്, ഷമ്മി തിലകൻ, ഗോകുൽ സുരേഷ്, വടചെന്നൈ ശരൺ, ഐശ്വര്യാ ലക്ഷ്മി, നൈല ഉഷ, ശാന്തി കൃഷ്ണ, അനിഖാ സുരേന്ദ്രൻ തുടങ്ങിയവർ പ്രധാന…