കോട്ടയം: മൂന്നാംതവണയും വ്യത്യസ്ത മാപ്പുകളിറക്കി സംസ്ഥാന സര്ക്കാര് ബഫര്സോണ് വിഷയത്തില് കൂടുതല് സങ്കീര്ണ്ണത സൃഷ്ടിക്കുന്നതിന്റെ പിന്നില് വനവല്ക്കരണ ഗൂഢാലോചനയും കോടതിയെ തെറ്റിദ്ധരിപ്പിക്കുക എന്ന ഗൂഢലക്ഷ്യവുമാണെന്ന് വ്യക്തമെന്ന് ഇന്ഫാം ദേശീയ സെക്രട്ടറി ജനറല് ഷെവലിയര് അഡ്വ.വി.സി,സെബാസ്റ്റ്യന്. സുപ്രീംകോടതി 2022 ജൂണ് 3ലെ വിധിന്യായത്തിലൊരിടത്തും റവന്യൂ ഭൂമിയില് ബഫര്സോണ് വേണമെന്ന് പറഞ്ഞിട്ടില്ല. വിധിക്കടിസ്ഥാനമായ രാജസ്ഥാനിലെ ജാമുരാംഗര് വന്യജീവി സങ്കേതത്തിനു ചുറ്റുമായി ഉപജീവനപ്രവര്ത്തനങ്ങള് നടക്കുന്ന സ്ഥലങ്ങളില് 500 മീറ്ററായി ചുരുക്കാമെന്നും കോടതി ചൂണ്ടിക്കാട്ടുമ്പോള് ബഫര്സോണ് പൂജ്യമായി നിജപ്പെടുത്തുന്ന സാധ്യതകള് വ്യക്തമാക്കുന്നുണ്ട്. സുപ്രീംകോടതി വിധിയിലൂടെ ബഫര്സോണ് യാഥാര്ത്ഥ്യമാണെന്നിരിക്കെ അതില് നിന്ന് ഇളവ് ലഭിക്കാന് ജനവാസമേഖലകളും നിര്മ്മാണങ്ങളും ഉള്ക്കൊള്ളിച്ചുള്ള രേഖാമൂലമുള്ള റിപ്പോര്ട്ടാണ് സംസ്ഥാനം സി.ഇ.സി.വഴി കോടതിയില് സമര്പ്പിക്കേണ്ടത്. ഉപഗ്രഹ സര്വ്വേയെക്കുറിച്ചുള്ള സുപ്രീംകോടതി പരാമര്ശം വനത്തിനുള്ളിലെ ഫിസിക്കല് സര്വ്വേയുടെ പ്രായോഗിക ബുദ്ധിമുട്ടുകള് പരിഗണിച്ചാണെന്നും വ്യക്തമാണ്. ഇന്ത്യയിലെ വന്യജീവി സങ്കേതങ്ങള് മിക്കവയും വനത്തിനുള്ളിലായിരിക്കുമ്പോള് വനാതിര്ത്തിക്കുള്ളില് ബഫര്സോണ് നിജപ്പെടുത്തുന്നതില്…
വ്യത്യസ്ത മാപ്പുകളിറക്കി ബഫര്സോണില് സര്ക്കാര് സങ്കീര്ണ്ണത സൃഷ്ടിക്കുന്നതിന്റെ പിന്നില് ഗൂഢാലോചന: അഡ്വ.വി.സി. സെബാസ്റ്റ്യന്
