Author: Karishma Dubey

പാലക്കാട് : ആള്‍മാറാട്ടം നടത്തിയെന്ന് പോലീസ് വിധിയെഴുതി അറസ്റ്റു ചെയ്ത 84 കാരി വയോധികയ്ക്ക് നീതിയുടെ കരസ്പര്‍ശം. അന്നത്തെ ആ സംഭവത്തിൽ ഉൾപ്പെട്ട ഉദ്യോഗസ്ഥർക്കെതിരെ നടപടിയെടുക്കാൻ സര്‍ക്കാര്‍ തീരുമാനിച്ചതാണ് സുപ്രധാന വഴിത്തിരിവായിരിക്കുന്നത്. വർഷങ്ങൾക്ക് മുമ്പ് നടന്ന സംഭവമാണ് ഇപ്പോൾ സമഗ്രമായ അവലോകനത്തിനും വീഴ്ചയ്ക്ക് ഉത്തരവാദികളായവർക്കെതിരെ നടപടിക്കുള്ള ശുപാർശകൾക്കും വഴിവെച്ചിരിക്കുന്നത്. 1998 ൽ നടന്ന ഒരു അതിക്രമക്കേസിൽ പോലീസ് പിടിയിലായ മറ്റൊരു സ്ത്രീ തന്റെ വിലാസം പൊലീസിനു നൽകി രക്ഷപ്പെട്ടതാണ് കുനിശേരി സ്വദേശി ഭാരതിയമ്മയെ കുടുക്കിയത്. അന്ന് ജാമ്യത്തിലിറങ്ങി മുങ്ങിയ 50കാരിയായ സ്ത്രീയെ പിടികൂടാന്‍ കഴിയാതെ വന്നപ്പോള്‍ പാലക്കാട് സൗത്ത് പൊലീസ് അറസ്റ്റ് ചെയ്തത് കുനിശ്ശേരി വടക്കേത്തറ മഠത്തിൽ വീട്ടിൽ ഭാരതിയമ്മ എന്ന 84കാരിയെയാണ്. എന്നാല്‍, താനല്ല പോലീസ് അന്വേഷിക്കുന്ന പ്രതിയെന്ന് ബോധ്യപ്പെടുത്താൻ ഭാരതിയമ്മയ്ക്ക് കോടതി കയറിയിറങ്ങേണ്ടി വന്നത് നാലു വർഷവും. കേസെടുത്ത് കാൽ നൂറ്റാണ്ടു കഴിഞ്ഞപ്പോഴാണ് പഴയ…

മൂവാറ്റുപുഴ: കൊച്ചിൻ മിനറൽസ് ആൻഡ് റൂട്ടൈൽ ലിമിറ്റഡ് (സി.എം.ആർ.എൽ) എന്ന കമ്പനിയിൽ നിന്ന് മുഖ്യമന്ത്രിയുടെ മകൾ വീണാ വിജയനും അവരുടെ കമ്പനിയായ എക്‌സലോജിക്കും യാതൊരു സേവനവും നൽകാതെ പണം കൈപ്പറ്റിയെന്ന ആരോപണം അന്വേഷിക്കണമെന്ന ഹർജി മൂവാറ്റുപുഴ വിജിലൻസ് കോടതി തള്ളി. സിഎംആർഎൽ രാഷ്ട്രീയ പ്രവര്‍ത്തനത്തിനാണ് പണം നല്‍കിയതെന്നായിരുന്നു ഹര്‍ജിയില്‍ ആരോപിച്ചിരുന്നത്. മുഖ്യമന്ത്രി പിണറായി വിജയനും മകൾ വീണാ വിജയനുമെതിരെ അന്വേഷണം ആവശ്യപ്പെട്ടായിരുന്നു ഹർജി. എന്നാൽ, ഹർജിക്കാരനായ സാമൂഹിക പ്രവർത്തകന്‍ ഗിരീഷ് ബാബു സമർപ്പിച്ച ഹര്‍ജിയില്‍ മതിയായ തെളിവുകളില്ലെന്ന് വിജിലൻസ് കോടതി പറഞ്ഞു. അഴിമതി നിരോധന നിയമപ്രകാരം കേസെടുത്ത് അന്വേഷണം നടത്തണമെന്നായിരുന്നു ഗിരീഷ് ബാബു തന്റെ ഹർജിയിൽ ആവശ്യപ്പെട്ടിരുന്നത്. മുഖ്യമന്ത്രി പിണറായി വിജയൻ, വീണാ വിജയൻ, കോൺഗ്രസ് നേതാവ് രമേശ് ചെന്നിത്തല, മുസ്ലീം ലീഗ് നേതാക്കളായ പികെ കുഞ്ഞാലിക്കുട്ടി, വികെ ഇബ്രാഹിം എന്നിവരുൾപ്പെടെ 12 പേരെ എതിർകക്ഷികളാക്കിയാണ് ഗിരീഷ്…

ഏറെ ഹിറ്റായി മാറിയ ശേഷം മൈക്കിൽ ഫാത്തിമയിലെ അനിരുദ്ധ് രവിചന്ദർ ആലപിച്ച ഗാനത്തിന് ശേഷം ചിത്രത്തിന്റെ ടീസർ ഇന്ന് മഞ്ജു വാര്യരുടെയും മമ്‌താ മോഹൻദാസിന്റെയും സോഷ്യൽ മീഡിയാ പ്ലാറ്റ് ഫോമുകളിലൂടെ റിലീസ് ചെയ്തു. തല്ലുമാലക്ക് ശേഷം കല്യാണി അഭിനയിക്കുന്ന ചിത്രം കളർഫുൾ ഫാമിലി എന്റർടൈനറാണ്. മനു സി കുമാറാണ് ചിത്രത്തിന്റെ സംവിധാനം. ചിത്രത്തിലെ കേന്ദ്ര പ്രധാന കഥാപാത്രമായി കല്യാണി പ്രിയദർശൻ ഫുട്ബോൾ കമന്റേറ്ററായി എത്തുന്ന ശേഷം മൈക്കിൽ ഫാത്തിമ തിയേറ്ററുകളിലേക്ക് ഉടൻ എത്തും. കല്യാണി പ്രിയദർശനോടൊപ്പം സുധീഷ്, ഫെമിന, സാബുമോൻ, ഷഹീൻ സിദ്ധിഖ്, ഷാജു ശ്രീധർ, മാല പാർവതി, അനീഷ് ജി മേനോൻ, സരസ ബാലുശ്ശേരി,പ്രിയാ ശ്രീജിത്ത് ,ബാലതാരങ്ങളായ തെന്നൽ, വാസുദേവ് തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്. ദി റൂട്ട് , പാഷൻ സ്റ്റുഡിയോസ് എന്നിവയുടെ ബാനറിൽ ജഗദീഷ് പളനിസ്വാമിയും സുധൻ സുന്ദരവും ചേർന്നാണ് ചിത്രം നിർമിക്കുന്നത്.…

കാസർകോട്: പോക്‌സോ കേസില്‍ ജാമ്യമെടുത്ത് പുറത്തിറങ്ങി രാജ്യം വിട്ട പ്രതിയെ രണ്ട് വർഷത്തിന് ശേഷം അറസ്റ്റ് ചെയ്തു. ചിറ്റാരിക്കാൽ സ്വദേശി ആന്റോ ചാക്കോച്ചനെയാണ് (28) മുംബൈയിൽ നിന്ന് ചിറ്റാരിക്കൽ സ്റ്റേഷൻ ഹൗസ് ഓഫീസർ (എസ്എച്ച്ഒ) രഞ്ജിത്ത് രവീന്ദ്രന്റെ നേതൃത്വത്തിലുള്ള സംഘം അറസ്റ്റ് ചെയ്തത്. 13 വയസുകാരിയെ പീഡിപ്പിച്ച കേസിൽ ആദ്യം ജയിലിൽ കിടന്ന പ്രതിക്ക് ജാമ്യം ലഭിച്ചിരുന്നു. പ്രതി പക്ഷേ പിന്നീട് ഒളിവിൽ പോകുകയും നേപ്പാളിലേക്ക് കടക്കുകയും ചെയ്തു. അവിടെ അനൂപ് മേനോൻ എന്ന അപരനാമത്തിൽ ഒരു വർക്ക്ഷോപ്പ് തുടങ്ങുകയും ചെയ്തു. എന്നാൽ, വ്യാജ തിരിച്ചറിയൽ രേഖ ചമച്ച് കബളിപ്പിച്ച് പാസ്‌പോർട്ട് സമ്പാദിക്കുക എന്ന ഉദ്ദേശത്തോടെ നേപ്പാളിൽ നിന്ന് മുംബൈയിലേക്ക് പോകുന്നതിനിടെയാണ് ആന്റോ ചാക്കോച്ചനെ പിടികൂടിയത്. ഇയാളുടെ പേരില്‍ ചിറ്റാരിക്കൽ പോലീസ് സ്റ്റേഷനിൽ മൂന്ന് പോക്‌സോ കേസുകൾ നിലവിലുണ്ട്.