കൊരട്ടി: പ്രസിദ്ധമായ കൊരട്ടിമുത്തിയുടെ തിരുനാളിന് മുന്നോടിയായി ഒരുക്കങ്ങൾ സജീവമാകുന്നു. തിരുനാളിനെത്തുന്ന ലക്ഷക്കണക്കിന് വിശ്വാസികൾക്ക് നിവേദ്യമായി വിതരണം ചെയ്യുന്നതിനുള്ള പൂവൻ കായകൾ കൊരട്ടി സെന്റ് മേരീസ് ഫൊറോന പള്ളിയിൽ എത്തിത്തുടങ്ങി. തമിഴ്‌നാട്, കർണാടക, മഹാരാഷ്ട്രയിലെ പുണെ തുടങ്ങിയ സ്ഥലങ്ങളിൽനിന്നാണ് വലിയ തോതിൽ പൂവൻ കായകൾ എത്തിക്കുന്നത്. ഇത്തവണത്തെ തിരുനാളിനാവശ്യമായ പൂവൻ കായകളുടെ ആദ്യ ലോഡ് വ്യാഴാഴ്ച പള്ളിയിലെത്തി. ഓരോ വർഷവും തിരുനാൾ ആഘോഷങ്ങളോടനുബന്ധിച്ച് ഏകദേശം 55 മുതൽ 60 ടൺ വരെ പൂവൻകായകളാണ് ആവശ്യമായി വരുന്നത്. തിരുനാൾ ദിനങ്ങളിൽ എത്തുന്ന വിശ്വാസികളുടെ എണ്ണവും നിവേദ്യത്തിനുള്ള ആവശ്യകതയും കണക്കിലെടുത്താണ് ഇത്രയും വലിയ അളവിൽ പൂവൻകായകൾ ശേഖരിക്കുന്നത്. കൊരട്ടിമുത്തിയുടെ തിരുനാളുമായി ബന്ധപ്പെട്ട ഏറ്റവും സവിശേഷമായ ആചാരങ്ങളിലൊന്നാണ് പൂവൻകുല സമർപ്പണം. വിശ്വാസികൾ നേർച്ചയായി സമർപ്പിക്കുന്ന പൂവൻകുലകൾ സ്വീകരിക്കുകയും പൂവൻകായകൾ നിവേദ്യമായി വിതരണം ചെയ്യുകയും ചെയ്യുന്നതാണ് പതിവ്. തലമുറകളായി തുടരുന്ന ഈ ആചാരത്തിന് കൊരട്ടിമുത്തിയുടെ…
കൊരട്ടിമുത്തിയുടെ തിരുനാളിന് ഒരുക്കങ്ങൾ സജീവം; ഭക്തർക്ക് നിവേദ്യമായി നൽകാൻ പൂവൻകുലകളെത്തിത്തുടങ്ങി
