Author: .

₹3,600ൽ നിന്ന് ₹24,000ലേക്ക് ഹോസ്റ്റൽ ഫീസ്; 175 വിദ്യാർഥികളുടെ പരീക്ഷാഫലം തടഞ്ഞുവെച്ചെന്ന് പരാതി, ഒക്ടോബർ മൂന്നിനകം രണ്ടാം വർഷ രജിസ്ട്രേഷൻ പൂർത്തിയാക്കേണ്ടതിനാൽ ആശങ്ക തൃശ്ശൂർ: ഹോസ്റ്റൽ ഫീസ് അടയ്ക്കാത്തതിന്റെ പേരിൽ വിദ്യാർത്ഥിളുടെ പരീക്ഷാഫലം തടഞ്ഞുവെച്ച നടപടിക്കെതിരെയും കുത്തനെ വർധിപ്പിച്ച ഹോസ്റ്റൽ ഫീസ് പിൻവലിക്കണമെന്നാവശ്യപ്പെട്ടും കേരള വെറ്ററിനറി ആൻഡ് അനിമൽ സയൻസസ് സർവകലാശാലയിൽ വിദ്യാർഥി പ്രതിഷേധം ശക്തമാകുന്നു. സർവകലാശാലാ അധികൃതർ അടിയന്തരമായി ഇടപെട്ട് പ്രശ്നത്തിന് പരിഹാരം കാണണമെന്നാവശ്യപ്പെട്ട് വിദ്യാർത്ഥികൾ കാമ്പസ് കവാടത്തിനു മുന്നിൽ കുടിൽ കെട്ടി സമരം ആരംഭിച്ചു. ശനിയാഴ്ച മുതൽ വിവിധ വിദ്യാർത്ഥി സംഘടനകളുടെ നേതൃത്വത്തിൽ നടന്നുവന്ന പ്രതിഷേധം തിങ്കളാഴ്ച കോളേജ് യൂണിയൻ ഏറ്റെടുത്തതോടെയാണ് സമരം കൂടുതൽ ശക്തമായത്. കാമ്പസിന്റെ പ്രധാന കവാടത്തിനു മുന്നിൽ താൽക്കാലിക കുടിൽ നിർമിച്ചാണ് വിദ്യാർഥികൾ പ്രതിഷേധിക്കുന്നത്. ആവശ്യങ്ങളിൽ തീരുമാനമാകുന്നതുവരെ സമരം തുടരാനാണ് അവരുടെ നിലപാട്. വിഷയത്തിൽ വൈസ് ചാൻസലർ ഉൾപ്പെടെയുള്ള സർവകലാശാലാ…

യോഗങ്ങളും പ്രസ്താവനകളും സോഷ്യൽ മീഡിയ പ്രചാരണങ്ങളും മാത്രം പോരാ; തിരഞ്ഞെടുപ്പ് ക്രമക്കേടുകൾ ആരോപിക്കുന്നുവെങ്കിൽ വസ്തുതകൾ കണ്ടെത്തി ജനങ്ങൾക്കുമുന്നിൽ നിരന്തരം അവതരിപ്പിക്കാനുള്ള രാഷ്ട്രീയ അധ്വാനമാണ് പ്രതിപക്ഷത്തിന് വേണ്ടത്. ഒരു വിഷയം ഉയർത്തുക, ഏതാനും ദിവസം അതിനെക്കുറിച്ച് സംസാരിക്കുക, പിന്നെ അടുത്ത വിഷയത്തിലേക്ക് നീങ്ങുക—ഇതാണ് പ്രതിപക്ഷത്തിന്റെ രാഷ്ട്രീയ സമീപനമെങ്കിൽ, പാർട്ടികൾ എത്രതവണ ഒന്നിച്ചു ചേർന്നാലും അതിൽനിന്ന് ശക്തമായ ഒരു ജനകീയ പ്രസ്ഥാനം എങ്ങനെ രൂപപ്പെടും? വോട്ടർ പട്ടികയുടെ സ്പെഷ്യൽ ഇന്റൻസീവ് റിവിഷനെ (SIR) ചുറ്റിപ്പറ്റിയുള്ള വിവാദങ്ങളും ചീഫ് ഇലക്ഷൻ കമ്മീഷണർ ഗ്യാനേഷ് കുമാറിനെതിരായ പ്രതിപക്ഷ ആരോപണങ്ങളും ചർച്ച ചെയ്യാൻ സെപ്റ്റംബർ 30-ന് ഡൽഹിയിൽ INDIA സഖ്യകക്ഷികളുടെ യോഗം നടക്കുകയാണ്. നേരത്തെ സഖ്യയോഗങ്ങളിൽ നിന്ന് അകലം പാലിച്ചിരുന്ന ചില കക്ഷികളും ഇത്തവണ കൂടുതൽ ഏകോപനത്തിന് തയ്യാറാകുന്നത് വിഷയത്തെ പ്രതിപക്ഷം ഗൗരവത്തോടെ കാണുന്നതിന്റെ സൂചനയാണ്. രാജ്യത്തെ തിരഞ്ഞെടുപ്പ് സംവിധാനത്തെക്കുറിച്ച് ഗുരുതരമായ ചോദ്യങ്ങളാണ് ഉയരുന്നതെന്ന്…

ഹോർമുസ് കടലിടുക്ക് പ്രതിസന്ധിക്കിടെ യുഎസ്–ഇറാൻ നയതന്ത്ര നീക്കങ്ങൾ സജീവം; ഖത്തർ ഉൾപ്പെടെയുള്ള മധ്യസ്ഥർ വഴി പരോക്ഷ ചർച്ചകൾ തുടരുന്നു വാഷിംഗ്ടൺ: ആണവ പദ്ധതിയുമായി ബന്ധപ്പെട്ട വിഷയങ്ങളിൽ ഇറാൻ വ്യക്തമായ പുരോഗതി കൈവരിച്ചാൽ സാമ്പത്തിക ഉപരോധങ്ങളിൽ ഇളവ് നൽകുന്നതും മരവിപ്പിച്ച ഇറാനിയൻ ഫണ്ടുകൾ വിട്ടുനൽകുന്നതും പരിഗണിക്കാൻ യുഎസ് പ്രസിഡന്റ് ഡൊണാൾഡ് ട്രംപ് തയ്യാറാണെന്ന് ഒരു യുഎസ് ഉദ്യോഗസ്ഥനെ ഉദ്ധരിച്ച് മാധ്യമങ്ങൾ റിപ്പോർട്ട് ചെയ്തു. എന്നാൽ ഇറാന് ഇത്തരത്തിലുള്ള ഇളവുകൾ താൻ വാഗ്ദാനം ചെയ്തിട്ടില്ലെന്ന് ട്രംപ് പിന്നീട് വ്യക്തമാക്കി. മധ്യസ്ഥർ വഴി വാഷിംഗ്ടണും ടെഹ്‌റാനും തമ്മിൽ ചർച്ചകൾ തുടരുന്നതിനിടെയാണ് പുതിയ റിപ്പോർട്ടുകൾ പുറത്തുവന്നത്. ആണവ വിഷയങ്ങളിൽ വ്യക്തമായ ധാരണയുണ്ടാകാതെ അന്തിമ കരാറിലേക്ക് യുഎസ് നീങ്ങില്ലെന്നാണ് അമേരിക്കൻ നിലപാടെന്ന് ഉദ്യോഗസ്ഥൻ വ്യക്തമാക്കി. ഉപരോധ ഇളവും മരവിപ്പിച്ച ഫണ്ടുകളുടെ ലഭ്യതയും ഇറാൻ ആവശ്യപ്പെടുന്ന പ്രധാന വിഷയങ്ങളാണെന്നും റിപ്പോർട്ടുകളുണ്ട്. അതേസമയം, റിപ്പോർട്ടുകളെ തള്ളിയ ട്രംപ്…

അമേരിക്കൻ ചരിത്രത്തിലെ ഏറ്റവും വലിയ സ്റ്റീൽ പ്ലാന്റുകളിലൊന്നെന്ന് ട്രംപ്; പ്രതിവർഷം 10 മില്യൺ ടൺ വരെ ഉൽപ്പാദനം, 6,000 നിർമാണ തൊഴിലവസരങ്ങൾ വാഷിംഗ്ടണ്‍: ഇന്ത്യൻ വ്യവസായ ഗ്രൂപ്പായ എസ്സാറിന്റെ പിന്തുണയുള്ള മെസാബി മെറ്റാലിക്സ് അമേരിക്കയിൽ വമ്പൻ സ്റ്റീൽ പദ്ധതിയുമായി രംഗത്ത്. അയോവയിൽ ഏകദേശം 15 ബില്യൺ ഡോളർ ചെലവിൽ പുതിയ സ്റ്റീൽ പ്ലാന്റ് സ്ഥാപിക്കുമെന്നും മിനസോട്ടയിലെ ഇരുമ്പയിര് ഖനി ഉൾപ്പെടെയുള്ള സംയോജിത പദ്ധതിയിൽ ആകെ നിക്ഷേപം 18 ബില്യൺ ഡോളറോളം എത്തുമെന്നും യുഎസ് പ്രസിഡന്റ് ഡൊണാൾഡ് ട്രംപ് പ്രഖ്യാപിച്ചു. സെപ്റ്റംബർ 28ന് വൈറ്റ് ഹൗസിൽ മെസാബി മെറ്റാലിക്സ്, എസ്സാർ ഗ്രൂപ്പ് പ്രതിനിധികൾക്കൊപ്പം നടത്തിയ പരിപാടിയിലാണ് ട്രംപ് പദ്ധതി അവതരിപ്പിച്ചത്. അയോവയിൽ ഉയരുന്ന പ്ലാന്റിനെ അമേരിക്കൻ ചരിത്രത്തിലെ ഏറ്റവും വലിയ സ്റ്റീൽ നിർമാണ പദ്ധതികളിലൊന്നായാണ് വൈറ്റ് ഹൗസ് വിശേഷിപ്പിക്കുന്നത്. പദ്ധതിയുടെ ആദ്യഘട്ടത്തിൽ പ്രതിവർഷം ഏകദേശം 7.5 മില്യൺ ടൺ…

ലോറൻസ് ബിഷ്‌ണോയി സംഘത്തിന്റെ വടക്കേ അമേരിക്കൻ നേതാവെന്ന് യുഎസ് ഏജൻസികളുടെ ആരോപണം; കൊലപാതകം, കൊള്ളയടിക്കൽ, റാക്കറ്റിംഗ്, മയക്കുമരുന്ന് കടത്ത് ഉൾപ്പെടെയുള്ള ഗുരുതര കേസുകളിൽ അന്വേഷണം വാഷിംഗ്ടണ്‍: ഇന്ത്യയുമായി ബന്ധമുള്ള സംഘടിത കുറ്റകൃത്യ ശൃംഖലകളെതിരായ അന്വേഷണം ശക്തമാക്കുന്നതിനിടെ, ഗോൾഡി ബ്രാർ എന്നറിയപ്പെടുന്ന സതീന്ദർജിത് സിംഗിനെ യുഎസ് ഫെഡറൽ ബ്യൂറോ ഓഫ് ഇൻവെസ്റ്റിഗേഷൻ (FBI) ‘Ten Most Wanted Fugitives’ പട്ടികയിൽ ഉൾപ്പെടുത്തി. ഇയാളെ പിടികൂടുന്നതിലേക്ക് നയിക്കുന്ന വിവരങ്ങൾക്ക് 10 ലക്ഷം യുഎസ് ഡോളർ വരെ പാരിതോഷികവും FBI പ്രഖ്യാപിച്ചിട്ടുണ്ട്. പട്ടികയിൽ ഉൾപ്പെടുന്ന 543-ാമത്തെ വ്യക്തിയാണ് ബ്രാർ. സെപ്റ്റംബർ 28നാണ് FBI ലോസ് ഏഞ്ചൽസ് ഫീൽഡ് ഓഫീസ് ഇതുസംബന്ധിച്ച ഔദ്യോഗിക പ്രഖ്യാപനം നടത്തിയത്. ഗോൾഡി ബ്രാർ അപകടകാരിയാണെന്നും ആയുധധാരിയായിരിക്കാമെന്നും മുന്നറിയിപ്പ് നൽകിയ FBI, പൊതുജനങ്ങൾ ഇയാളുമായി നേരിട്ട് ഇടപെടാൻ ശ്രമിക്കരുതെന്നും നിർദേശിച്ചിട്ടുണ്ട്. ബ്രാറിന്റെ ചിത്രവും തിരിച്ചറിയൽ വിവരങ്ങളും വ്യാപകമായി പ്രചരിപ്പിച്ച്…

ഹൂസ്റ്റൺ: നോർത്ത് അമേരിക്കയിലെ മലയാളി ക്രിസ്ത്യൻ യുവാക്കൾക്കായി ‘ഫാൾ ഇൻ മലയാലവ്’ (Fall in MalayaLove – FIM) സംഘടിപ്പിക്കുന്ന നാലാമത് വാർഷിക സിംഗിൾസ് സ്പീഡ് ഡേറ്റിംഗ് സംഗമം 2026 ഒക്ടോബർ 17 ശനിയാഴ്ച ടെക്സസിലെ ഹൂസ്റ്റണിൽ വെച്ച് നടക്കും. വിവിധ ക്രിസ്തീയ സഭാവിഭാഗങ്ങളിൽ പെട്ട 24-നും 38-നും ഇടയിൽ പ്രായമുള്ള ഉദ്യോഗസ്ഥരായ ചെറുപ്പക്കാരെ ലക്ഷ്യമിട്ടാണ് ഈ കൂട്ടായ്മ ഒരുക്കുന്നത്. അമേരിക്കയിലെയും കാനഡയിലെയും വിവിധ നഗരങ്ങളിൽ നിന്നുള്ള പങ്കാളികൾ ഇതിൽ പങ്കെടുക്കും. എഫ്.ഐ.എമ്മിന്റെ ശാസ്ത്രീയവും സുതാര്യവുമായ മാച്ച് മേക്കിംഗ് രീതിയിലൂടെ, ഓരോ പങ്കാളിക്കും അനുയോജ്യരായ 10 മുതൽ 20 വരെ വ്യക്തികളുമായി നേരിട്ട് സംസാരിക്കാനും സൗഹൃദം പങ്കുവെക്കാനും അവസരമുണ്ടാകും. വൺ-ഓൺ-വൺ സംഭാഷണങ്ങൾക്ക് പുറമേ, പങ്കാളികൾക്കായി വിവിധ ഗെയിമുകൾ, ഇന്ററാക്ടീവ് പ്രോഗ്രാമുകൾ, ലൈവ് എന്റർടൈൻമെന്റ്, അത്താഴ വിരുന്ന് എന്നിവയും സംഘാടകർ ഒരുക്കിയിട്ടുണ്ട്. കഴിഞ്ഞ വർഷങ്ങളിൽ നടന്ന സംഗമങ്ങളിലൂടെ പരിചയപ്പെട്ട…

ഡാലസ്: ലോകമെമ്പാടുമുള്ള പ്രവാസി മലയാളികൾ ആവേശത്തോടെ കാത്തിരുന്ന 27-ാമത് രാജ്യാന്തര 56 ചീട്ടുകളി മത്സരത്തിന് -2026 ണ് ഡാലസിൽ വർണ്ണാഭമായ സമാപനം. മൂന്ന് ദിവസങ്ങളിലായി ഡാലസ് ക്രിസ്റ്റ് ദി കിംഗ് ക്നാനായ പള്ളി പാരീഷ് ഓഡിറ്റോറിയത്തിൽ നടന്ന ആവേശകരമായ കലാശപ്പോരാട്ടത്തിൽ കാനഡയിൽ നിന്നുള്ള ടീം ചാമ്പ്യന്മാരായി. റോബർട്ട് മാത്യു ക്യാപ്റ്റനായ കാനഡ ടീമിലെ ജെയിംസ് താന്നിക്കൽ , ജോസഫ് ജോസഫ് എന്നിവരടങ്ങുന്ന സംഘമാണ് ഇത്തവണത്തെ വിജയികളായി ട്രോഫിയും 4500 ഡോളറിന്റെ ഒന്നാം സമ്മാനവും കരസ്ഥമാക്കിയത്. സമാപന സമ്മേളന വേദിയിൽ വിജയികൾക്ക് ട്രോഫിയും ക്യാഷ് അവാർഡുകളും സമ്മാനിച്ചു. ജോയ് നെല്ലാമറ്റം ക്യാപ്റ്റനായ, മാത്യു ഗീവർഗീസ്, തോമസ് കടിയൻപള്ളിൽ എന്നിവരുടെ ഷിക്കാഗോ ടീം രണ്ടാം സ്ഥാനവും 3000 ഡോളറും നേടി. സിറിയക് വള്ളിപ്പടവിൽ നയിച്ച ലോസ് ആഞ്ചലസ് ടീം (കുര്യച്ചൻ മുല്ലപ്പള്ളി, വിൻസെന്റ് കൊട്ടിരിക്കൽ) മൂന്നാം സ്ഥാനവും (2250 ഡോളർ),…

കാലിഫോർണിയ:ന്യൂയോർക്ക് ടൈംസ് ഗെയിംസ് എൻജിനീയറിങ് ഡയറക്ടർ ജൊനാഥൻ മക്കിൻസി (40) കാലിഫോർണിയയിലെ ഡബ്ലിനിൽ വെടിയേറ്റ് മരിച്ചു.സെപ്തംബര് 26 ശനിയാഴ്ചയായിരുന്നു സംഭവം  സംഭവവുമായി ബന്ധപ്പെട്ട് അദ്ദേഹത്തിന്റെ ഭാര്യയുടെ മാതാപിതാക്കളായ ഷൗയോങ് ഷാങ് (77), ഷിലി ചെൻ (77) എന്നിവരെ പോലീസ് അറസ്റ്റ് ചെയ്തു. ശനിയാഴ്ച ഉച്ചയോടെ ഡബ്ലിൻ സ്പോർട്സ് ഗ്രൗണ്ട്സിന്റെ പാർക്കിങ്ലോട്ടിൽ ഗുരുതരമായി പരിക്കേറ്റ നിലയിൽ കണ്ടെത്തുകയായിരുന്നു. ഉടൻ തന്നെ മരണം സ്ഥിരീകരിച്ചു. ദൃക്സാക്ഷികളുടെ സഹായത്തോടെ സംഭവസ്ഥലത്തുണ്ടായിരുന്ന പ്രതികളെ പോലീസ് ഉടൻ തന്നെ പിടികൂടുകയായിരുന്നു. കൊലപാതകത്തിന് പിന്നിലെ യഥാർത്ഥ കാരണം വ്യക്തമല്ലെന്നും അന്വേഷണം പുരോഗമിക്കുകയാണെന്നും പോലീസ് അറിയിച്ചു. മക്കിൻസിയും ഭാര്യയും തമ്മിൽ നേരത്തെ കുടുംബവഴക്കുകളും നിയമപ്രശ്നങ്ങളും നിലവിലുണ്ടായിരുന്നതായി കോടതി രേഖകൾ വ്യക്തമാക്കുന്നു.