തിരഞ്ഞെടുപ്പ് സംവിധാനത്തിന്റെ വിശ്വാസ്യതയെക്കുറിച്ചുള്ള ചോദ്യങ്ങൾ ഗൗരവത്തോടെ പരിശോധിക്കപ്പെടണം. എന്നാൽ, അതിനുള്ള മറുപടിയായി ജനാധിപത്യത്തിന്റെ പ്രധാന വേദിയായ തിരഞ്ഞെടുപ്പിൽനിന്നുതന്നെ പിന്മാറണമോ എന്ന ചോദ്യം അതിലും ഗൗരവമുള്ളതാണ്. ബഹിഷ്‌കരണം ചർച്ച ചെയ്യാം; പക്ഷേ അതിന്റെ രാഷ്ട്രീയവും ഭരണഘടനാപരവുമായ പ്രത്യാഘാതങ്ങൾ വിലയിരുത്താതെ എടുത്തു ചാടാൻ കഴിയുന്ന തീരുമാനമല്ല അത്. ഇന്ത്യൻ ജനാധിപത്യത്തിൽ ഇപ്പോൾ ഉയർന്നുവരുന്ന ഏറ്റവും അസാധാരണമായ രാഷ്ട്രീയ ചർച്ചകളിലൊന്നാണ് തിരഞ്ഞെടുപ്പ് ബഹിഷ്‌കരണം. തിരഞ്ഞെടുപ്പ് പ്രക്രിയയുടെ നിഷ്പക്ഷതയെക്കുറിച്ച് പ്രതിപക്ഷ കക്ഷികളും വിവിധ പ്രസ്ഥാനങ്ങളും ഉന്നയിക്കുന്ന ആരോപണങ്ങൾക്കിടയിലാണ് കോക്രോച്ച് ജനതാ പാർട്ടി സ്ഥാപകൻ അഭിജിത് ദിപ്‌കെ പ്രതിപക്ഷ പാർട്ടികളോട് തിരഞ്ഞെടുപ്പുകളിൽനിന്ന് വിട്ടുനിൽക്കണമെന്ന ആശയം മുന്നോട്ടു വെച്ചിരിക്കുന്നത്. ദിപ്‌കെയുടെ വാദത്തിന് അതിന്റേതായ രാഷ്ട്രീയ യുക്തിയുണ്ട്. ഒരു തിരഞ്ഞെടുപ്പ് പ്രക്രിയയിൽ കൃത്രിമം നടക്കുന്നതായി ഒരു പാർട്ടി തന്നെ ആരോപിക്കുകയും അതേ സമയം ആ തിരഞ്ഞെടുപ്പിൽ മത്സരിക്കുകയും ചെയ്യുന്നുവെങ്കിൽ, ആ പങ്കാളിത്തം ആ പ്രക്രിയയ്ക്ക് പരോക്ഷമായ നിയമസാധുത…
ജനാധിപത്യത്തെ സംരക്ഷിക്കാൻ ജനാധിപത്യത്തെ ഉപേക്ഷിക്കരുത് (എഡിറ്റോറിയല്‍)
