., Author at Malayalam Daily News

സിറിയയിലെ സ്ഥിതി വീണ്ടും വഷളായി; ഫ്രഞ്ച് പ്രസിഡന്റിന്റെ സാന്നിധ്യത്തില്‍ നടന്ന സ്ഫോടനങ്ങൾ പരിഭ്രാന്തി പരത്തി

Jul 7, 2026Jul 7, 2026 ??? ??????

ഫ്രഞ്ച് പ്രസിഡന്റ് ഇമ്മാനുവൽ മാക്രോണിന്റെ സിറിയൻ സന്ദർശനത്തിനിടെ ഡമാസ്കസിലെ ഫോർ സീസൺസ് ഹോട്ടലിൽ രണ്ട് ശക്തമായ സ്ഫോടനങ്ങളുണ്ടായി. സംഭവം നടക്കുമ്പോൾ മാക്രോൺ പ്രസിഡന്റ് അഹമ്മദ് അൽ-ഷറയുമായി കൂടിക്കാഴ്ച നടത്തുകയായിരുന്നു. ഡമാസ്കസ്: സിറിയൻ തലസ്ഥാനമായ ഡമാസ്കസിൽ ചൊവ്വാഴ്ച ഫ്രഞ്ച് പ്രസിഡന്റ് ഇമ്മാനുവൽ മാക്രോൺ സിറിയൻ പ്രസിഡന്റ് അഹമ്മദ് അൽ-ഷറയുമായി കൂടിക്കാഴ്ച നടത്തുന്നതിനിടെ സ്ഫോടനങ്ങള്‍ നടന്നത് പ്രദേശമാകെ നടുക്കം സൃഷ്ടിച്ചു. മാക്രോൺ താമസിച്ചിരുന്ന ഫോർ സീസൺസ് ഹോട്ടലിന് സമീപമാണ് സ്ഫോടനങ്ങൾ നടന്നതെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്തു. സുരക്ഷാ ഏജൻസികൾ പ്രദേശം വളഞ്ഞു, അന്വേഷണം ആരംഭിച്ചു. സിറിയൻ വാർത്താ ഏജൻസികളായ അൽ വതൻ, സിറിയ ടിവി എന്നിവ പ്രകാരം തലസ്ഥാനത്തിന്റെ മധ്യഭാഗത്ത് രണ്ട് സ്ഫോടനങ്ങൾ ഉണ്ടായി. സംഭവസ്ഥലത്ത് നിന്ന് വലിയ പുക ഉയരുന്നത് ദൃക്‌സാക്ഷികൾ കണ്ടു. എന്നാല്‍, സംഭവത്തെക്കുറിച്ച് സിറിയൻ ഭരണകൂടം ഉടൻ ഒരു ഔദ്യോഗിക പ്രസ്താവന പുറപ്പെടുവിച്ചില്ല. ഒരു…

താജ്മഹൽ ശിവ ക്ഷേത്രമായ ‘തേജോ മഹാലയ’ ആയിരുന്നു; സര്‍‌വ്വേ നടത്തണമെന്നാവശ്യപ്പെട്ട് അലഹബാദ് ഹൈക്കോടതിയില്‍ ഹര്‍ജി

Jul 7, 2026Jul 7, 2026 ?????????, ??????????

ന്യൂഡല്‍ഹി: യുനെസ്കോയുടെ ലോക പൈതൃക പട്ടികയിൽ ഉൾപ്പെടുത്തിയിട്ടുള്ള താജ്മഹൽ യഥാർത്ഥത്തിൽ “തേജോ മഹാലയ” എന്നറിയപ്പെടുന്ന ശിവന് സമർപ്പിച്ചിരിക്കുന്ന ക്ഷേത്രമായിരുന്നുവെന്ന് അവകാശപ്പെട്ട് അലഹബാദ് ഹൈക്കോടതിയിൽ ഹർജി ഫയൽ ചെയ്തു. താജ്മഹൽ പരിശോധിക്കാൻ ഒരു അഡ്വക്കേറ്റ് കമ്മീഷണറെ നിയമിക്കണമെന്ന് ഹർജിയിൽ കോടതിയോട് ആവശ്യപ്പെട്ടിട്ടുണ്ട്. അവകാശവാദങ്ങളുടെ മെറിറ്റിനെക്കുറിച്ച് കോടതി ഇതുവരെ അഭിപ്രായം പറഞ്ഞിട്ടില്ല. പക്ഷെ, താജ്മഹലിന്റെ സർവേ ആവശ്യപ്പെട്ടുള്ള ഹർജിയിൽ കോടതി തിങ്കളാഴ്ച (ജൂലൈ 6) കേന്ദ്ര സർക്കാരിൽ നിന്നും ആർക്കിയോളജിക്കൽ സർവേ ഓഫ് ഇന്ത്യ (എഎസ്ഐ) യിൽ നിന്നും പ്രതികരണം തേടി. കേസ് പരിഗണിക്കുന്നതിനിടെ, ജസ്റ്റിസ് രോഹിത് രഞ്ജൻ അഗർവാൾ കേന്ദ്ര സർക്കാരിനും എ.എസ്.ഐയ്ക്കും നോട്ടീസ് അയയ്ക്കുകയും ഹർജിയിൽ മറുപടി നൽകാൻ നിർദ്ദേശിക്കുകയും ചെയ്തു. താജ്മഹൽ പരിശോധിക്കാനും ഫോട്ടോ എടുക്കാനും ഒരു അഡ്വക്കേറ്റ് കമ്മീഷണറെ നിയമിക്കണമെന്ന് ഹർജിക്കാർ കോടതിയോട് ആവശ്യപ്പെട്ടു. ഈ അപേക്ഷ കീഴ്‌ക്കോടതികൾ രണ്ടുതവണ നിരസിച്ചതാണ്. ആദ്യം 2019-ൽ…

ടാലന്റ് പബ്ലിക് സ്കൂള്‍ ബഷീർ ദിനാചാരണം സംഘടിപ്പിച്ചു

Jul 7, 2026Jul 7, 2026 ??? ??????? ???????

വടക്കാങ്ങര: വടക്കാങ്ങര ടാലന്റ് പബ്ലിക് സ്കൂളിൽ ബഷീർ ദിനാചരണം സംഘടിപ്പിച്ചു. വൈക്കം മുഹമ്മദ്‌ ബഷീറിന്റെ കഥാപാത്രങ്ങൾക്ക് കെ.ജി യിലെ കുരുന്നുകൾ ജീവൻ നൽകി. സ്കൂൾ പ്രിൻസിപ്പാൾ മുഹമ്മദലി കൊടിഞ്ഞി ബഷീർ ദിനാചരണം ഉദ്ഘാടനം ചെയ്തു. ദിനാചരണത്തിന്റെ ഭാഗമായി പാത്തുമ്മയുടെ ആട് എന്ന നോവലിലെ ഭാഗങ്ങൾ വിദ്യാർത്ഥികൾ ദൃശ്യവത്ക്കരിച്ചു. ബഷീറിന്റെ വിവിധ കഥാപാത്രങ്ങൾക്ക് വിദ്യാർഥികൾ നൽകിയ വേഷപ്പകർച്ച ചടങ്ങിന് മാറ്റുകൂട്ടി. ബഷീറിന്റെ കഥാപാത്രങ്ങൾ, ഉദ്ധരണികൾ, നോവലിലെ പ്രശസ്ത ഭാഗങ്ങൾ എന്നിവ ഉൾപ്പെടുത്തിയ ചിത്രപ്രദർശനവും ശ്രദ്ധേയമായി. മലയാളം അദ്ധ്യാപകരായ നദീറ, ജിഷ്ണുദാസ്, മെറീന, പ്രമോദ്, മോണ്ടിസോറി ഹെഡ് ആബിദ എന്നിവർ ദിനാചരണത്തിന് നേതൃത്വം നൽകി. ബഷീറിന്റെ ജീവിതവും കൃതികളും ഓരോ മനുഷ്യനും ജീവിതപാഠമാക്കണമെന്ന് പ്രിൻസിപ്പാൾ കൂട്ടിച്ചേർത്തു.

ഒമാൻ തീരത്ത് രണ്ട് കപ്പലുകൾ ആക്രമിക്കപ്പെട്ടു; ഇറാനെ കുറ്റപ്പെടുത്തി യുഎസ്; ഹോർമുസിൽ സംഘർഷം രൂക്ഷമാകുന്നു

Jul 7, 2026Jul 7, 2026 ??? ??????

ഒമാൻ തീരത്ത് രണ്ട് കപ്പലുകൾക്ക് നേരെയുണ്ടായ ആക്രമണത്തെത്തുടർന്ന് ഹോർമുസ് കടലിടുക്കിൽ വീണ്ടും സംഘർഷം രൂക്ഷമായി. സംഭവത്തിന് പിന്നിൽ ഇറാനാണെന്ന് യുഎസ് കുറ്റപ്പെടുത്തുകയും കർശന മുന്നറിയിപ്പ് നൽകുകയും ചെയ്തു, അതേസമയം ടെഹ്‌റാൻ ഇതുവരെ ഔദ്യോഗിക പ്രതികരണം നൽകിയിട്ടില്ല. ഒമാന്‍: യുഎസും ഇറാനും സമാധാന കരാറിനായി ചർച്ചകൾ നടത്തിക്കൊണ്ടിരിക്കുമ്പോൾ, തുടർച്ചയായ ആക്രമണങ്ങൾ തുടരുകയാണ്. തിങ്കളാഴ്ച, ഒമാൻ തീരത്തുള്ള ഹോർമുസ് കടലിടുക്കിൽ രണ്ട് കപ്പലുകൾ ആക്രമിക്കപ്പെട്ടു. ആക്രമണങ്ങൾക്ക് പിന്നിൽ ഇറാനാണെന്ന് യുഎസ് കുറ്റപ്പെടുത്തി, എന്നാല്‍, ഇറാൻ ഒരു പ്രതികരണവും ഇതുവരെ നടത്തിയിട്ടില്ല. തിങ്കളാഴ്ച ഒരു അജ്ഞാത പ്രൊജക്‌ടൈൽ ഒരു ടാങ്കറിൽ ഇടിച്ചതായും അത് തീപിടിച്ചതായും ബ്രിട്ടീഷ് മാരിടൈം സെക്യൂരിറ്റി ഏജൻസി റിപ്പോർട്ട് ചെയ്തു. ആക്രമണത്തിന് ഇറാനെ കുറ്റപ്പെടുത്തി അമേരിക്ക പ്രതികാരം ചെയ്യുമെന്ന് ഭീഷണിപ്പെടുത്തി. മുൻ സുപ്രീം നേതാവ് ആയത്തുള്ള അലി ഖമേനിയുടെ സംസ്കാരം ഇറാൻ നടത്തുന്നതിനിടെയാണ് സംഭവം. ഒമാൻ തീരത്ത് ഒരു…

കോക്ക്‌റോച്ച് ജനതാ പാർട്ടിയുടെ എക്സ് അക്കൗണ്ട് പുനഃസ്ഥാപിക്കാൻ ഡൽഹി ഹൈക്കോടതി ഉത്തരവിട്ടു

Jul 7, 2026Jul 25, 2026 ?????????, ??????????

മെയ് 21 നാണ് കോക്രോച്ച് ജനതാ പാർട്ടി എന്ന സോഷ്യൽ മീഡിയ കാമ്പെയ്‌നിന്റെ എക്സ് അക്കൗണ്ട് ബ്ലോക്ക് ചെയ്‌തത്. ഡൽഹി ഹൈക്കോടതി ഇപ്പോൾ അത് പുനഃസ്ഥാപിക്കാൻ ഉത്തരവിട്ടു. കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാന്റെ രാജി ആവശ്യപ്പെട്ട് കഴിഞ്ഞ 18 ദിവസമായി കോക്ക്‌റോച്ച് ജനതാ പാർട്ടി ന്യൂഡൽഹിയിലെ ജന്തർ മന്തറിൽ പ്രതിഷേധം നടത്തിവരികയാണ്. ന്യൂഡൽഹി: കോക്ക്‌റോച്ച് ജനതാ പാർട്ടി (സിജെപി) എന്ന സോഷ്യൽ മീഡിയ കാമ്പെയ്‌നിന്റെ എക്‌സ് അക്കൗണ്ട് പുനഃസ്ഥാപിക്കാൻ ഡൽഹി ഹൈക്കോടതി ചൊവ്വാഴ്ച (ജൂലൈ 7) ഉത്തരവിട്ടു . നാഷണൽ എലിജിബിലിറ്റി കം എൻട്രൻസ് ടെസ്റ്റ് (നീറ്റ്-യുജി) പുനഃപരീക്ഷ അവസാനിച്ചതിനാൽ കേന്ദ്ര സർക്കാർ ഉന്നയിച്ച ആശങ്കകൾ ഇനി പ്രസക്തമല്ലെന്ന് കോടതി പറഞ്ഞു. കോക്ക്‌റോച്ച് ജനതാ പാർട്ടി സ്ഥാപകൻ അഭിജീത് ദിപ്കെയുടെ ഹർജി ഫയലിൽ സ്വീകരിച്ചുകൊണ്ട് ജസ്റ്റിസ് സ്വർണകാന്ത ശർമ്മയുടെ സിംഗിൾ ബെഞ്ചാണ് ഈ ഉത്തരവ് പുറപ്പെടുവിച്ചത്.…

അമേരിക്കയുടെ 250-ാമത് സ്വാതന്ത്ര്യദിനം പമ്പ പ്രൗഢഗംഭീരമായി ആഘോഷിച്ചു

Jul 7, 2026Jul 8, 2026 ????????? ?????????

ഫിലഡൽഫിയ: അമേരിക്കയുടെ 250-ാമത് സ്വാതന്ത്ര്യ വാർഷികത്തോടനുബന്ധിച്ച് പെൻസിൽവാനിയ അസോസിയേഷൻ ഓഫ് മലയാളീസ് ഫോർ പ്രോസ്പെരിറ്റി ആൻഡ് അഡ്വാൻസ്മെന്റ് (പമ്പ) ഫിലഡൽഫിയയിലെ ഗാലേറിയ ബാങ്ക്വറ്റ് ഹാളിൽ സംഘടിപ്പിച്ച അമേരിക്കയുടെ 250- മത് സ്വാതന്ത്ര്യ വാർഷികം വിപുലമായ ജനപങ്കാളിത്തത്തോടെയും പ്രൗഢഗംഭീരമായ ചടങ്ങുകളോടെയും നടന്നു. അമേരിക്കൻ സ്വാതന്ത്ര്യത്തിന്റെ 250 വർഷത്തെ മഹത്തായ പൈതൃകത്തെയും ഇന്ത്യൻ-അമേരിക്കൻ സമൂഹത്തിന്റെ സംഭാവനകളെയും ഒരുപോലെ ആദരിച്ച ഈ ആഘോഷത്തിൽ നഗര, സംസ്ഥാന തലങ്ങളിലെ ജനപ്രതിനിധികളും പൊതുസുരക്ഷാ വിഭാഗത്തിലെ ഉന്നത ഉദ്യോഗസ്ഥരും വിവിധ ദേശീയ-പ്രാദേശിക സംഘടനകളുടെ നേതാക്കളും സാമൂഹിക, സാംസ്കാരിക രംഗങ്ങളിലെ പ്രമുഖരും പങ്കെടുത്തു. അമേരിക്കയുടെ 250- മത് വാർഷികാഘോഷങ്ങളുടെ ഭാഗമായി രാജ്യത്തുടനീളം സംഘടിപ്പിക്കപ്പെടുന്ന പരിപാടികളിൽ ശ്രദ്ധേയമായ ഒന്നായിരുന്നു പമ്പയുടെ ഈ ആഘോഷം. സാമൂഹിക സൗഹൃദ സമ്മേളനത്തോടെയും സംഗീതവിരുന്നോടെയും ആരംഭിച്ച ചടങ്ങിൽ ജനറൽ സെക്രട്ടറി സുമോദ് നേതൃത്വം നല്‍കി. ജോയിന്റ് സെക്രട്ടറി അഭിലാഷ് ജോൺ വിശിഷ്ടാതിഥികളെ വേദിയിലേക്ക് ക്ഷണിച്ചു.…

അസംബ്ലീസ് ഓഫ് ഗോഡ് ഇന്ത്യൻ ഫെലോഷിപ്പ് ഓഫ് നോർത്ത് അമേരിക്ക (AGIFNA) കോണ്‍ഫറന്‍സ് ജൂലൈ 23 മുതൽ 26 വരെ ഹൂസ്റ്റണിൽ

Jul 7, 2026Jul 8, 2026 ??????? ??????????

ഹൂസ്റ്റൺ: അസംബ്ലീസ് ഓഫ് ഗോഡ് ഇന്ത്യൻ ഫെലോഷിപ്പ് ഓഫ് നോർത്ത് അമേരിക്ക (AGIFNA) യുടെ 2026-ലെ ദേശീയ കോൺഫറൻസ് ജൂലൈ 23 മുതൽ 26 വരെ ഹ്യൂസ്റ്റണ്‍ മാരിയറ്റ് വെസ്റ്റ്ചസ് ഹോട്ടലിൽ നടക്കും. “പ്രെസെർവ് ദി അനോയ്‌ന്റിംഗ്” (മത്തായി 25:8-9) എന്നതാണ് സമ്മേളനത്തിന്റെ തീം. നാല് ദിവസങ്ങളിലായി ആത്മീയ ആരാധന, പ്രസംഗങ്ങൾ, പ്രാർത്ഥന, കുടുംബസംഗമം, യുവജന-കുട്ടികളുടെ പ്രത്യേക സെഷനുകൾ എന്നിവ ഉൾപ്പെടെ വിപുലമായ പരിപാടികളാണ് സംഘാടകർ ക്രമീകരിച്ചിരിക്കുന്നത്. സമ്മേളനത്തിൽ റവ. ജോ തോമസ്, റവ. ഡോ. സണ്ണി പ്രസാദ്, റവ. നിരുപ് അൽഫോൻസ്, റവ. ഡോ. ടി. ജെ. സാമുവേൽ, റവ. തോമസ് ഫിലിപ്പ്, റവ. കിപ്ലിൻ ബാച്ചിലർ, റവ. ദിലീപ് ത്യാഗരാജ്, സിസ്റ്റർ ഡോ. ആഷ്‌ലി പ്രത്യാശ്, റവ. ജോൺ തോമസ്, റവ. ജോർജ് പി. ചാക്കോ, റവ. ഡോ. കോശി വൈദ്യൻ, റവ. ബോവാസ്…

ക്രിസ്തുവിലേക്കുള്ള യാത്രയിൽ കുടുംബങ്ങളെ ചേർത്തുപിടിച്ച് നോർത്ത് ഈസ്റ്റ് ഭദ്രാസന ഫാമിലി കോൺഫറൻസ് ലാങ്കസ്റ്ററിൽ

Jul 7, 2026Jul 8, 2026 ????? ????????

ഈ ലോകത്തിന്റേതായ തിരക്കുകളിൽ നിന്ന് വിട്ട്, ദൈവവചന കേന്ദ്രീകൃതമായി കുടുംബബന്ധങ്ങളെ ആഴപ്പെടുത്താനും ആത്മീയമായി പുതുക്കപ്പെടാനുമുള്ള അസുലഭ അവസരമൊരുക്കുകയാണ് ജൂലൈ 15 മുതൽ 18 വരെ പെൻസിൽവേനിയയിലെ ലാങ്കസ്റ്ററിൽ സംഘടിപ്പിച്ചിരിക്കുന്ന നോർത്ത് ഈസ്റ്റ് അമേരിക്കൻ ഭദ്രാസന ഫാമിലി & യൂത്ത് കോൺഫറൻസ് . വിൻധാം ലാങ്കസ്റ്റർ റിസോർട്ട് ആൻഡ് കൺവെൻഷൻ സെന്ററിൽ വെച്ചാണ് കോൺഫറൻസ്. ഡോ. തോമസ് മാർ അത്താനാസിയോസ് (കണ്ടനാട് ഈസ്റ്റ് ഭദ്രാസന മെത്രാപ്പോലീത്ത), ഹൈറോമോങ്ക് വാസിലിയോസ് (സെയിന്റ് ഡയോണിഷ്യസ് മൊണാസ്ട്രി-റഷ്യൻ ഓർത്തഡോക്സ് സഭ ), ഫാ. ഡോ. എബി ജോർജ് (ലോങ്ങ് ഐലൻഡ് സെന്റ് തോമസ് ഇടവക വികാരി), ലിജിൻ തോമസ് (സൗത്ത് വെസ്റ്റ് അമേരിക്കൻ ഭദ്രാസനം) എന്നിവരാണ് കോൺഫറൻസിലെ പ്രധാന പ്രഭാഷകർ. ആധ്യാത്മിക ജീവിതത്തിലെ വളർച്ച ലക്ഷ്യമിട്ട്, മുതിർന്നവർക്കായുള്ള പ്രത്യേക സെഷനുകൾ, ചെറുപ്പക്കാർക്കായുള്ള കാലടിപ്പാതകൾ, കുട്ടികൾക്കായുള്ള പാട്ടും കഥാസമയവും അടങ്ങുന്ന വൈവിധ്യമാർന്ന പ്രോഗ്രാമുകൾ എന്നിവ…

ലവ്‌ലി ഷൈൻ (53) അറ്റ്‌ലാന്റയിൽ നിര്യാതയായി

Jul 7, 2026Jul 7, 2026 ??????? ??????????

അറ്റ്‌ലാന്റ (ജോർജിയ): ജോർജിയ ലൗറെൻസ് വിൽ ബ്രദറന്‍ അസംബ്ലി അംഗമായ ഷൈൻ വില്യംസിന്റെ ഭാര്യ ലവ്‌ലി ഷൈൻ (53) നിര്യാതയായി. ശ്വാസകോശ സംബന്ധമായ അസുഖത്തെത്തുടര്‍ന്ന് ചികിത്സയിൽ കഴിയുകയായിരുന്നു. ജൂലൈ 6 -ന് കുടുംബാംഗങ്ങളുടെയും അടുത്ത സുഹൃത്തുക്കളുടെയും സാന്നിധ്യത്തിലായിരുന്നു അന്ത്യം. മക്കൾ: സ്റ്റെഫി, സ്റ്റീഫൻ. പൊതുദർശനം: ജൂലൈ 10 വെള്ളിയാഴ്ചയും, സംസ്കാര ശുശ്രൂഷ ജൂലൈ 11 ശനിയാഴ്ചയും നടത്താനാണ് നിലവിലെ തീരുമാനം.

രാമായണ മാസാചരണത്തിന് മുന്നോടിയായി കെ.എച്ച്.എൻ.എ ചിത്രരാമായണ വെബിനാർ സംഘടിപ്പിക്കുന്നു

Jul 7, 2026Jul 7, 2026 ??. ?. ??. ???????

വടക്കേ അമേരിക്കയിലെ മലയാളി ഹിന്ദുക്കളുടെ ദേശീയ സംഘടനയായ കേരള ഹിന്ദൂസ് ഓഫ് നോർത്ത് അമേരിക്ക (KHNA), രാമായണ മാസാചരണത്തിന് മുന്നോടിയായി പ്രത്യേക ചിത്രരാമായണ വെബിനാർ സംഘടിപ്പിക്കുന്നു. 2026 ജൂലായ് 12 ഞായറാഴ്ച രാവിലെ 11:30ന് EST / രാത്രി 9:00ന് IST ന് Zoom മുഖേനയാണ് പരിപാടി നടക്കുക. പ്രശസ്ത എഴുത്തുകാരനും കവിയും വിവർത്തകനുമായ ഡോ. എ. പി. സുകുമാർ, സുകുമാർ കാനഡ, തന്റെ “Ramayanam – A Concise Rendering” എന്ന പുസ്തകത്തെ ആസ്പദമാക്കി സചിത്ര രാമായണ അവതരണം നടത്തും. പതിനാറ് പുസ്തകങ്ങളുടെ രചയിതാവായ ഡോ. സുകുമാർ, ചിത്രങ്ങളുടെയും ലളിതമായ വിവരണങ്ങളുടെയും സഹായത്തോടെ രാമായണത്തിന്റെ ആത്മീയവും സാംസ്കാരികവുമായ സന്ദേശം പ്രേക്ഷകർക്ക് മുന്നിൽ അവതരിപ്പിക്കും. ജൂലായ് 17 മുതൽ ആഗസ്റ്റ് 16 വരെ കർക്കിടക മാസത്തോടനുബന്ധിച്ച് ലോകമെമ്പാടുമുള്ള മലയാളികൾ രാമായണ മാസമായി ആചരിക്കുന്നു. കഴിഞ്ഞ വർഷങ്ങളിലേതുപോലെ KHNAയും ഈ വർഷവും രാമായണ…