വാഷിംഗ്ടണ്‍: ലോകത്തിന്റെ വിവിധ ഭാഗങ്ങളിൽ നടന്ന എട്ട് യുദ്ധങ്ങളും പ്രധാന അന്താരാഷ്ട്ര സംഘർഷങ്ങളും അവസാനിപ്പിക്കുന്നതിൽ താൻ നിർണായക പങ്കുവഹിച്ചിട്ടുണ്ടെന്ന് അവകാശപ്പെട്ട് യു എസ് പ്രസിഡന്റ് ഡൊണാൾഡ് ട്രംപ് വീണ്ടും രംഗത്ത്. സമാധാനത്തിനുള്ള നോബേൽ പുരസ്‌കാരത്തിന് തന്നെ പരിഗണിക്കാൻ ഈ നേട്ടങ്ങൾ മതിയായ കാരണമാണെന്നും അന്താരാഷ്ട്ര സമാധാനം ഉറപ്പാക്കുന്നതിൽ തന്റെ ഭരണകൂടം നടത്തിയ ഇടപെടലുകൾ ചരിത്രപരമാണെന്നും ട്രംപ് അഭിപ്രായപ്പെട്ടു. വൈറ്റ് ഹൗസിൽ മാധ്യമ പ്രവർത്തകരോട് സംസാരിക്കവെയാണ് സമാധാനശ്രമങ്ങളിലെ തന്റെ പങ്കിനെക്കുറിച്ച് ട്രംപ് വീണ്ടും വിശദീകരിച്ചത്. ലോകത്തിലെ ഏറ്റവും സങ്കീർണമായ സംഘർഷങ്ങൾ പരിഹരിക്കാൻ തനിക്ക് സാധിച്ചുവെന്നും മുൻ അമേരിക്കൻ പ്രസിഡന്റുമാർക്ക് കഴിയാതിരുന്ന പല കാര്യങ്ങളും തന്റെ നേതൃത്വത്തിൽ നടപ്പാക്കാൻ കഴിഞ്ഞുവെന്നുമാണ് അദ്ദേഹത്തിന്റെ അവകാശവാദം. “ഞാൻ വീമ്പിളക്കുകയല്ല, എട്ട് യുദ്ധങ്ങൾ ഞാൻ ഒത്തുതീർപ്പാക്കി. അത് ചെറിയ കാര്യമല്ല. സാധാരണഗതിയിൽ ഒരു അമേരിക്കൻ പ്രസിഡന്റിന് ഇത്തരം നേട്ടങ്ങൾ കൈവരിക്കുക എളുപ്പമല്ല,” ട്രംപ് പറഞ്ഞു.…
‘ഞാൻ വീമ്പിളക്കുകയല്ല, എട്ട് യുദ്ധങ്ങൾ അവസാനിപ്പിച്ചു’; സമാധാനത്തിനുള്ള നോബേൽ പുരസ്‌കാരത്തിന് വീണ്ടും അവകാശവാദമുന്നയിച്ച് ഡൊണാൾഡ് ട്രംപ്
