Category: KERALA

ആലപ്പുഴ തോട്ടപ്പള്ളി ഫിഷിങ് ഹാർബർ വികസനത്തിന്റെ ഭാഗമായി നാഷണൽ ഫിഷറീസ് ഡെവലപ്മെന്റ് ബോർഡ് (എൻ.എഫ്.ഡി.ബി) ഉദ്യോഗസ്ഥർ തോട്ടപ്പള്ളി ഹാർബർ സന്ദർശിച്ചു. എൻ.എഫ്.ഡി.ബി എക്സിക്യൂട്ടീവ് ഡയറക്ടർ നെഹ്രു പൊത്തുരിയാണ് ഹാർബർ സന്ദർശിച്ചത്. പ്രധാനമന്ത്രി മത്സ്യസമ്പദ യോജന (പി.എം.എം.എസ്.വൈ) സ്കീമിൽ ഉൾപ്പെടുത്തി തോട്ടപ്പള്ളി ഫിഷിങ് ഹാർബറിന്റെ നിലവിലുള്ള ശോചനീയാവസ്ഥക്ക് പരിഹാരം കാണുന്നതിനും സമഗ്ര വികസനത്തിനുമായി എച്ച്. സലാം എം.എൽ.എ സംസ്ഥാന സർക്കാരിന് 200 കോടി രൂപയുടെ പ്രൊജക്ട് സമർപ്പിച്ചിരുന്നു. ഇതിന്റെ തുടർ നടപടികൾ സ്വീകരിക്കുന്നതിനും ഫണ്ട് അനുവദിക്കുന്നതിന്റെയും ഭാഗമായാണ് സന്ദർശനം നടത്തിയത്. കഴിഞ്ഞ ദിവസം ഇത് സംബന്ധിച്ച് നടന്ന ഉന്നതതല യോഗത്തിൽ ഈ പദ്ധതിയുൾപ്പടെ സംസ്ഥാനത്ത് 7 പദ്ധതികൾക്ക് അംഗീകരമായിട്ടുള്ളതായും എം.എൽ.എ അറിയിച്ചു. പിആര്‍‌ഡി, കേരള സര്‍ക്കാര്‍

തൃശൂർ: കരുവന്നൂർ സഹകരണ ബാങ്ക് തട്ടിപ്പ് സിപിഐ എമ്മിനെ പ്രതിരോധത്തിലാക്കി വൻ രാഷ്ട്രീയ കൊടുങ്കാറ്റ് ഉയർത്തിയതിന് പിന്നാലെ മറ്റ് സഹകരണ ബാങ്കുകൾക്കെതിരെയും സമാന തട്ടിപ്പ് നടക്കുന്നതായി പരാതി. കോൺഗ്രസ് ഭരിക്കുന്ന കടകം‌പാല്‍ മൾട്ടി പർപ്പസ് കോഓപ്പറേറ്റീവ് സൊസൈറ്റിക്കെതിരെയും അയ്യന്തോള്‍ സഹകരണ ബാങ്കിനെതിരെയും പരാതികൾ ഉയർന്നിട്ടുണ്ട്. ഇതോടെ തങ്ങള്‍ അദ്ധ്വാനിച്ചുണ്ടാക്കിയ പണം കേരളത്തിലെ സഹകരണ ബാങ്കുകളിൽ നിക്ഷേപിച്ചവർ ആശങ്കയിലാണ്. ബാങ്കിൽ നിക്ഷേപിച്ച പണത്തിലും സ്വർണത്തിലും ഭരണസമിതി അംഗം വി.ആർ.സജിത്ത് ക്രമക്കേട് നടത്തിയെന്നാണ് കടകംപാൽ മൾട്ടി പർപ്പസ് കോഓപ്പറേറ്റീവ് സൊസൈറ്റിക്കെതിരായ പരാതി. ബാങ്ക് കോൺഗ്രസിന്റെ നിയന്ത്രണത്തിലാണ്. സൊസൈറ്റിയിൽ പണയം വച്ച സ്വർണം അജിത്ത് മറ്റ് സ്ഥാപനങ്ങളിലേക്ക് മാറ്റിയിരുന്നു. അതിനിടെ, എൻഫോഴ്‌സ്‌മെന്റ് ഡയറക്ടറേറ്റ് പരിശോധന നടത്തിയ അയ്യന്തോൾ സഹകരണ ബാങ്കിനെതിരെ ചിറ്റിലപ്പള്ളി സ്വദേശികളായ ദമ്പതികൾ പരാതി ഉന്നയിച്ചു. മലപ്പുറം സ്വദേശിയായ അബൂബക്കർ ദമ്പതികളുടെ പേരിൽ ഒരു കോടി രൂപ വായ്പയെടുത്ത് ഒളിച്ചോടിയെന്ന്…

കൊച്ചി: 2022-23 സാമ്പത്തിക വർഷത്തിൽ ആദ്യമായി 5.35 കോടി രൂപ പ്രവർത്തന ലാഭം കൈവരിക്കാൻ കൊച്ചി മെട്രോയ്ക്ക് കഴിഞ്ഞതായി കമ്പനി പത്രക്കുറിപ്പിൽ അറിയിച്ചു. ഉയർന്ന ശരാശരി പ്രതിദിന യാത്രക്കാർ, പുതിയ സംവിധാനങ്ങൾ, ചെലവ് ചുരുക്കൽ നടപടികൾ എന്നിവ കാരണം ഇത് സാധ്യമായതായി മെട്രോ റെയിൽ ലിമിറ്റഡ് പറഞ്ഞു. 2020-21ൽ 56.56 കോടി രൂപയായിരുന്ന പ്രവർത്തന നഷ്ടം 2021-22ൽ 34.94 കോടിയായി കുറയ്ക്കാൻ കെഎംആർഎല്ലിന് കഴിഞ്ഞു. ചുരുങ്ങിയ സമയത്തിനുള്ളിൽ പ്രവർത്തന ലാഭത്തിലെത്താൻ കഴിഞ്ഞത് അഭിമാനകരമായ നേട്ടമാണെന്ന് കമ്പനി പത്രക്കുറിപ്പിൽ അറിയിച്ചു. വിദ്യാർത്ഥികൾക്കും സ്ഥിരം യാത്രക്കാർക്കും വേണ്ടിയുള്ള വിവിധ പദ്ധതികൾ, സ്വയം ടിക്കറ്റ് മെഷീനുകൾ സ്ഥാപിക്കൽ, യാത്രക്കാരെ ആകർഷിക്കുന്നതിനായി സോഷ്യൽ മീഡിയ വഴി നടത്തിയ പ്രചാരണങ്ങൾ എന്നിവ വിജയിച്ചതായും മെട്രോ അധികൃതർ വ്യക്തമാക്കി. 2017 ജൂണിലാണ് കൊച്ചി മെട്രോ സർവ്വീസ് ആരംഭിച്ചത്. ആ മാസം 59894 ആളുകളാണ് മെട്രോയിൽ യാത്ര…

തിരുവനന്തപുരം: നിപ്പ ഭീതിയെ തുടർന്ന് കേരളത്തിൽ ഡെങ്കിപ്പനി, എലിപ്പനി എന്നിവയ്‌ക്കെതിരെ ജാഗ്രത പാലിക്കണമെന്ന് ആരോഗ്യവകുപ്പ്. 2013-ലും 2017-ലും ഉണ്ടായിരുന്നതുപോലെ, ഈ വർഷവും ഡെങ്കിപ്പനി ബാധയെ കുറിച്ച് ഉയർന്ന ആശങ്കകൾ ഉയര്‍ന്ന സാഹചര്യത്തിലാണ് നേരത്തെയുള്ള ജാഗ്രതാ നിർദ്ദേശം പുറപ്പെടുവിക്കാൻ പ്രേരിപ്പിച്ചത്. പ്രതിരോധ പ്രവർത്തനങ്ങൾ ശക്തമാക്കിയതിനാൽ കേസുകൾ കാര്യമായി വർധിച്ചിട്ടില്ലെന്ന് ആരോഗ്യ വകുപ്പു മന്ത്രി വീണാ ജോർജ് പ്രസ്താവനയിൽ പറഞ്ഞു. ഇടവിട്ടുള്ള മഴ തുടരുന്നതിനാൽ വീടുകളിലും സ്ഥാപനങ്ങളിലും പൊതു ഇടങ്ങളിലും രോഗം പരത്തുന്ന കൊതുകുകളുടെ സമഗ്ര നിയന്ത്രണം തുടരണം. ഡെങ്കിപ്പനി പ്രതിരോധത്തിൽ കൂട്ടായ പ്രവർത്തനം അനിവാര്യമാണെന്നും മന്ത്രി പറഞ്ഞു. പകർച്ചവ്യാധികൾ തടയുന്നതിന്റെ ഭാഗമായി ആരോഗ്യ വകുപ്പു മന്ത്രി വീണാ ജോർജിന്റെ നേതൃത്വത്തിൽ ഉന്നതതല യോഗവും നടന്നു. തദ്ദേശസ്ഥാപനങ്ങളും ജില്ലാ ഭരണകൂടവും പരസ്പരം സഹകരിച്ച് പ്രവർത്തിക്കണമെന്ന് ആരോഗ്യവകുപ്പ് നിർദേശം നൽകി. ജില്ലാ മെഡിക്കൽ ഓഫീസർമാർ വാർഡ് തലത്തിൽ ജില്ലാ കളക്ടർമാരുമായി സഹകരിച്ചും…

തിരുവനന്തപുരം: സത്യജിത് റായ് ഫിലിം ഇൻസ്റ്റിറ്റ്യൂട്ടിന്റെ ചുമതല സുരേഷ് ഗോപി ഏറ്റെടുത്തേക്കില്ല എന്ന വ്യാജ വാർത്തയിൽ പ്രതികരണവുമായി ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ. സുരേഷ് ഗോപിയുടെ നിയമനം സംബന്ധിച്ച് മലയാളം ചാനലുകളിൽ പ്രചരിക്കുന്ന വാർത്ത വ്യാജമാണെന്നും അതിന് അര ദിവസത്തെ ആയുസ്സ് പോലുമില്ലെന്നും കെ സുരേന്ദ്രൻ പറഞ്ഞു. അടുത്ത ലോക്‌സഭാ തെരഞ്ഞെടുപ്പിൽ മത്സരിക്കാതിരിക്കാൻ താരത്തെ ബോധപൂർവം ഒതുക്കുകയായിരുന്നുവെന്ന് ചില കോണുകളിൽ നിന്ന് വിമർശനം ഉയർന്നിരുന്നു. എന്നാൽ, സുരേഷ് ഗോപി തൃശൂരിൽ തന്നെ മത്സരിക്കുമെന്ന സൂചനയാണ് കെ സുരേന്ദ്രൻ ഫേസ്ബുക്ക് പോസ്റ്റിലൂടെ നൽകിയത്. പാലാക്കാരനായ ഒരു കോൺഗ്രസുകാരനാണ് വ്യാജപ്രചരണത്തിന് തുടക്കമിടുന്നതെന്നും കോൺഗ്രസ് ഏജന്റായ ഒരു റിപ്പോർട്ടറാണ് ഇത് ബ്രേക്ക് ചെയ്യുന്നതെന്നും കെ സുരേന്ദ്രൻ കുറ്റപ്പെടുത്തി. തൃശ്ശൂരിൽ പ്രതാപന്റെ വിജയം ഉറപ്പാക്കാൻ ഈ സംഘം ഏതറ്റം വരെയും പോകുമെന്ന് നമ്മൾ അറിയാത്തവരല്ല. ഇത്തരം വാർത്തകൾ ഇനിയും വരും. അര ദിവസം…

തിരുവനന്തപുരം: മാത്യു കുഴൽനാടൻ എംഎൽഎയ്‌ക്കെതിരെ അടുത്തിടെ ഉത്തരവിട്ട വിജിലൻസ് അന്വേഷണത്തിൽ വിമതർ, വിസിൽ ബ്ലോവർമാർ, പ്രതിപക്ഷ നേതാക്കൾ, സ്വതന്ത്ര മാധ്യമ പ്രവർത്തകർ എന്നിവർക്കെതിരെ രാഷ്ട്രീയമായി വേട്ടയാടാൻ പിണറായി വിജയൻ സർക്കാർ ക്രമസമാധാനപാലനത്തെ അട്ടിമറിച്ചു എന്ന് കോണ്‍ഗ്രസ് ആരോപിച്ചു. പരിസ്ഥിതി ലോല പ്രദേശമായ ഇടുക്കി ജില്ലയിൽ വാണിജ്യ കെട്ടിടം പണിയാൻ ഭൂമി അസൈൻമെന്റ് നിയമലംഘനം ഉൾപ്പെടെ വസ്തുവകകളുടെ വിൽപനയിലും രജിസ്ട്രേഷനിലും ക്രമക്കേട് കാണിച്ചു എന്ന സംശയത്തെ തുടർന്നാണ് കുഴൽനാടനെതിരെ സർക്കാർ പ്രാഥമിക വിജിലൻസ് അന്വേഷണത്തിന് ഉത്തരവിട്ടത്. മകളും ഐടി കൺസൾട്ടന്റുമായ വീണയ്‌ക്കെതിരായ അഴിമതിയാരോപണത്തിന്റെ പേരിൽ പിണറായി വിജയനെ വ്യക്തിപരമായി ചൂണ്ടയിടാൻ ആവർത്തിച്ച് ശ്രമിച്ച് സർക്കാരിന്റെ കണ്ണില്‍ കരടായി കുഴൽനാടൻ ഉയർന്നുവന്നിരുന്നു. സഭയിലും പുറത്തുമുള്ള ആരോപണങ്ങളെ പിണറായി വിജയൻ ശക്തമായി നിഷേധിച്ചിരുന്നു. തന്നെ അപകീർത്തിപ്പെടുത്താനുള്ള സംഘടിത ശ്രമമായാണ് അദ്ദേഹം അതിനെ കണ്ടത്. അദ്ദേഹത്തെ ലക്ഷ്യമിട്ട് പ്രതിപക്ഷ-കോർപ്പറേറ്റ് മാധ്യമങ്ങൾ ഗൂഢാലോചന നടത്തിയെന്നും…

കൊല്ലം: കുണ്ടറയിൽ ക്ഷേത്രത്തിൽ നിന്ന് വിളക്കുകള്‍ മോഷ്ടിച്ച സംഘം പോലീസ് പിടിയിൽ. കണ്ണൂർ സ്വദേശി പ്രസാദ് എന്ന സലിം, ചിറയിൻകീഴ് സ്വദേശി ഹനീസ, കൊല്ലം സ്വദേശി മസ്‌ഹര്‍ എന്നിവരാണ് അറസ്റ്റിലായത്. ഇവരുടെ പക്കൽ നിന്ന് മോഷ്ടിച്ച വിളക്കുകള്‍ പോലീസ് കണ്ടെടുത്തു. അമ്പിപ്പൊയ്കയിലെ കളരി അത്തിപ്പറമ്പിൽ ശ്രീദുർഗാ ഭദ്രാദേവി യോഗീശ്വര ക്ഷേത്രത്തിലാണ് മൂന്നംഗ സംഘം കവർച്ച നടത്തിയത്. പൂജകൾക്കായി സൂക്ഷിച്ചിരുന്ന 40ഓളം വിളക്കുകളാണ് ഇവർ മോഷ്ടിച്ചത്. ക്ഷേത്രത്തിലെയും സമീപ പ്രദേശങ്ങളിലെയും സിസിടിവി ദൃശ്യങ്ങൾ പരിശോധിച്ചാണ് മോഷ്ടാക്കളായ ഇവരെ തിരിച്ചറിഞ്ഞ് പോലീസ് അറസ്റ്റു ചെയ്തത്. മോഷണം ലക്ഷ്യമിട്ട് ഒരു മാസമായി കുണ്ടറ അമ്പിപൊയ്കയിൽ വാടകയ്ക്ക് വീടെടുത്ത് താമസിക്കുകയായിരുന്നു ഇവരെന്നാണ് വിവരം. ഒറ്റപ്പെട്ട സ്ഥലങ്ങളിൽ വീട് വാടകയ്‌ക്കെടുത്ത് കുറച്ച് നാൾ താമസിച്ച് മോഷണം നടത്തുന്നതാണ് ഇവരുടെ രീതി. സലീമും ഹസീനയും ഭാര്യാഭർത്താക്കന്മാരാണ്. അതുകൊണ്ടു തന്നെ അയൽക്കാർ ഇവരെ സംശയിച്ചിരുന്നില്ല. ഇവർ താമസിച്ചിരുന്ന…

തിരുവനന്തപുരം: കേരളത്തിന് അനുവദിച്ച രണ്ടാമത്തെ വന്ദേ ഭാരത് ട്രെയിനിന്റെ ഉദ്ഘാടന ഓട്ടത്തിന് വിപുലമായ ക്രമീകരണങ്ങളാണ് ദക്ഷിണ റെയിൽവേ നടത്തുന്നത്. രാജ്യത്തെ വിവിധ റെയിൽവേ ഡിവിഷനുകൾക്കായി അനുവദിച്ചിട്ടുള്ള മറ്റ് എട്ട് ട്രെയിനുകൾക്കൊപ്പം ന്യൂഡൽഹിയിൽ നിന്ന് വീഡിയോ കോൺഫറൻസിംഗിലൂടെ ഞായറാഴ്ച രാവിലെ 11 മണിക്ക് നടക്കുന്ന ചടങ്ങിൽ പ്രധാനമന്ത്രി നരേന്ദ്ര മോദി ട്രെയിൻ ഫ്ലാഗ് ഓഫ് ചെയ്യും. പയ്യന്നൂർ, കണ്ണൂർ, തലശ്ശേരി, കോഴിക്കോട്, തിരൂർ, ഷൊർണൂർ ജംക്‌ഷൻ തൃശൂർ, എറണാകുളം ജംക്‌ഷൻ, ആലപ്പുഴ, കായംകുളം ജംക്‌ഷൻ, കൊല്ലം, തിരുവനന്തപുരം സ്‌റ്റേഷനുകളിൽ ഉദ്‌ഘാടന സർവീസിന് വൻ സ്വീകരണം നൽകുമെന്ന് മുതിർന്ന റെയിൽവേ ഉദ്യോഗസ്ഥൻ പറഞ്ഞു. ആദ്യ വന്ദേഭാരത് സർവീസിന്റെ ഉദ്ഘാടന വേളയിലെന്നപോലെ വിശിഷ്ടാതിഥികളുടെയും ക്ഷണിതാക്കളുടെയും നീണ്ട നിര തന്നെ റെയിൽവേ തയ്യാറാക്കിക്കൊണ്ടിരിക്കുകയാണ്. ഉദ്ഘാടനത്തോടനുബന്ധിച്ച് തിരഞ്ഞെടുത്ത സ്ഥലങ്ങളിൽ സാംസ്കാരിക പരിപാടികൾ ഉണ്ടായിരിക്കും. കാസർകോട് നടക്കുന്ന ചടങ്ങിൽ കേന്ദ്ര വിദേശകാര്യ സഹമന്ത്രി വി.മുരളീധരൻ പങ്കെടുക്കും.…

കോഴിക്കോട്: സംസ്ഥാനത്ത് ആപ്പ് അധിഷ്ഠിത ഓണ്‍ലൈന്‍ തട്ടിപ്പുകള്‍ വ്യാപകമാകുന്നതായി റിപ്പോര്‍ട്ട്. കണ്ണൂർ, കാസർഗോഡ് ജില്ലകളിലാണ് ഏറ്റവും കൂടുതല്‍ തട്ടിപ്പ് നടക്കുന്നത്. നിരവധി പേര്‍ക്ക് വന്‍ ധനനഷ്ടം ഉണ്ടായതായാണ് റിപ്പോര്‍ട്ടുകള്‍ സൂചിപ്പിക്കുന്നത്. ആപ്പിലൂടെ ആദായകരമായ തൊഴിലവസരങ്ങളും ഉയർന്ന വരുമാനവും വാഗ്ദാനം ചെയ്യുന്ന വഞ്ചനാപരമായ സ്കീമുകളിലേക്ക് നിരവധി പേരാണ് ആകർഷിക്കപ്പെടുന്നത്. എന്നാല്‍, അവര്‍ക്കെല്ലാം ഗണ്യമായ സാമ്പത്തിക നഷ്ടം മാത്രം. ടെലിഗ്രാം, വാട്ട്‌സ്ആപ്പ് എന്നിവ പോലുള്ള വിവിധ സന്ദേശമയയ്‌ക്കൽ ആപ്പുകൾ വഴി വശീകരിക്കുന്ന ജോലി ഓഫറുകൾ അയയ്‌ക്കുന്നതാണ് ഇത്തരം തട്ടിപ്പുകളുടെ പ്രവർത്തനരീതി. ഇരകളെ വശീകരിച്ചുകഴിഞ്ഞാൽ, അവർ തട്ടിപ്പിന് ഇരയാകുകയും, അവരുടെ ബാങ്ക് അക്കൗണ്ടിൽ നിന്ന് അനധികൃതമായി പണം പിൻവലിക്കപ്പെടുകയും ചെയ്യും. കണ്ണൂർ ജില്ലയിൽ തട്ടിപ്പിന്റെ വ്യാപ്തി ഞെട്ടിക്കുന്നതാണ്. കണ്ണൂർ, പയ്യന്നൂർ, കേളകം പോലീസ് സ്റ്റേഷൻ പരിധിയിൽ താമസിക്കുന്ന ഏഴുപേരിൽ നിന്നായി 42 ലക്ഷം രൂപയോളമാണ് സംഘം തട്ടിയെടുത്തത്. ചട്ടഞ്ചാൽ, ബോവിക്കാനം, കാസർകോട്…

ന്യൂഡൽഹി: 65 -മത് കെ സി മാമൻ മാപ്പിള ട്രോഫിക്ക് വേണ്ടിയുള്ള ഉത്രാടം തിരുനാൾ പമ്പ ജലമേളയുടെ ലോഗോ പ്രകാശനം വിദേശ പാർലമെന്ററി കാര്യ സഹമന്ത്രി വി. മുരളീധരൻ ഡൽഹിയിൽ നിർവഹിച്ചു. 2023 ഡിസംബർ മാസം പതിനേഴാം തീയതി രണ്ടുമണിക്ക് നീരേറ്റുപുറം പമ്പ വാട്ടർ സ്റ്റേഡിയത്തിൽ കുട്ടനാട്ടിലെ പ്രമുഖ ചുണ്ടൻ വള്ളങ്ങൾ ഉൾപ്പെടെ മറ്റ് വിഭാഗത്തിലുള്ള കളി വള്ളങ്ങളെയും പങ്കെടുപ്പിച്ചുകൊണ്ട് ആണ് ഈ വർഷത്തിലെ വള്ളംകളി. കേരളത്തിലെ ഈ വർഷത്തെ വള്ളംകളികൾക്ക് ഇതോടെ തിരശീല വീഴും, ഈ വർഷത്തെ വള്ളംകളി പൂർവ്വാധികം ഭംഗിയോടെ നടത്താൻ ആണ് സംഘാടക സമിതിയുടെ തീരുമാനം, കേരളത്തിന്റെ എല്ലാ ജില്ലകളിലും സ്കൂളുകളും കോളേജുകളിലും കേന്ദ്രീകരിച്ച് അത്തം മുതൽ തുടങ്ങിയ സാംസ്കാരിക പരിപാടികളുടെ സമാപനം കൂടിയായിരിക്കും ഈ വള്ളംകളി. കവടിയാർ കൊട്ടരം മുതൽ തിരുനക്കര മൈതനം വരെ വിവിധ പരിപാടികൾ വള്ളംകളിയോട് അനുബദ്ധിച്ച് നടത്തുമെന്നും…