ആലപ്പുഴ: വ്യാജ ബികോം സര്ട്ടിഫിക്കറ്റ് ഹാജരാക്കി മുന്‍ എസ്‌എഫ്‌ഐ നേതാവ് നിഖില്‍ തോമസ് കായംകുളം എംഎസ്‌എം കോളജില്‍ പിജി പ്രവേശനം നേടിയ കേസില്‍ അന്വേഷണം എങ്ങുമെത്താതെ വഴിമുട്ടി. വ്യാജ ബിരുദ സര്‍ട്ടിഫിക്കറ്റിന്റെ ഉറവിടം കണ്ടെത്തുന്നതിലും അതുമായി ബന്ധപ്പെട്ട തെളിവുകള്‍ ശേഖരിക്കുന്നതിലും തടസ്സം നേരിട്ടതാണ്‌ കായംകുളം പൊലീസിന്റെ അന്വേഷണത്തിന് തടസ്സമായിരിക്കുന്നത്. കഴിഞ്ഞ രണ്ട് ദിവസമായി നിഖിലിനുവേണ്ടി സര്ട്ടിഫിക്കറ്റ് ഹാജരാക്കിയ എറണാകുളത്തെ റിക്രൂട്ടിംഗ്‌ ഏജന്‍സി ഉടമ സാജു ശശിധരനെ പോലീസ് ചോദ്യം ചെയുന്നുണ്ടെങ്കിലും ആരാണ്‌ സര്ട്ടിഫിക്കറ്റ് ഹാജരാക്കിയതെന്ന്‌ ഇതുവരെ വെളിപ്പെടുത്തിയിട്ടില്ല. വിസ തട്ടിപ്പുമായി ബന്ധപ്പെട്ട് കഴിഞ്ഞ വര്‍ഷം കൊച്ചി പൊലീസ്‌ രജിസ്റ്റര്‍ ചെയ്ത കേസില്‍ സര്ട്ടിഫിക്കറ്റ് നിര്‍മിക്കാന്‍ ഉപയോഗിച്ചതായി പറയുന്ന കംപ്യൂട്ടറും പ്രിന്ററും ഉള്‍പ്പെടെയുള്ള ഉപകരണങ്ങള്‍ കോടതിക്ക്‌ കൈമാറിയതായാണ് റിപ്പോര്‍ട്ട്. 2022ല്‍ കൊച്ചി പോലീസ് റജിസ്റ്റര്‍ ചെയ്ത വിസ തട്ടിപ്പുമായി ബന്ധപ്പെട്ട് പതിനഞ്ചോളം കേസുകളില്‍ പ്രതിയാണ് സാജു. വ്യാജ ബിരുദ…
ഏറെ കൊട്ടിഘോഷിച്ച വ്യാജ ഡിഗ്രി സർട്ടിഫിക്കറ്റ് കേസന്വേഷണം മരവിച്ചു; പോലീസ് ഇരുട്ടില്‍ തപ്പുന്നു
