Category: AMERICA

ന്യൂയോർക് :അമേരിക്കയിൽ ലഹരിമരുന്ന് മൂലമുള്ള മരണങ്ങൾ കുറയ്ക്കുന്നതിനായി നടപ്പിലാക്കുന്ന ‘ഹാം റിഡക്ഷൻ’ (Harm Reduction – ഹാനികരമായ പ്രത്യാഘാതങ്ങൾ കുറയ്ക്കുന്നതിനുള്ള) പദ്ധതികൾക്കുള്ള ധനസഹായം വെട്ടിക്കുറയ്ക്കാനുള്ള പ്രസിഡന്റ് ഡൊണാൾഡ് ട്രംപിന്റെയും ആരോഗ്യവകുപ്പ് സെക്രട്ടറി റോബർട്ട് എഫ്. കെന്നഡി ജൂനിയറിന്റെയും നീക്കത്തിനെതിരെ റിപ്പബ്ലിക്കൻ പാർട്ടി ഭരിക്കുന്ന (റെഡ് സ്റ്റേറ്റ്സ്) സംസ്ഥാനങ്ങൾ രംഗത്ത്. സിറിഞ്ച് വിതരണം, ലഹരിമരുന്നിലെ അപകടകരമായ കെമിക്കലുകൾ തിരിച്ചറിയാനുള്ള ടെസ്റ്റ് സ്ട്രിപ്പുകൾ തുടങ്ങിയ പദ്ധതികൾക്ക് ഫെഡറൽ ഫണ്ട് നിഷേധിച്ചെങ്കിലും ഫ്ലോറിഡ, ഒഹായോ, കെന്റക്കി, ഇൻഡ്യാന തുടങ്ങിയ സംസ്ഥാനങ്ങൾ സ്വന്തം നിലയിൽ ഇതിനായി ഫണ്ട് നീക്കിവെക്കുകയാണ്. ഇത്തരം പ്രതിരോധ മാർഗങ്ങൾ കാരണമാണ് കോവിഡിന് ശേഷം ലഹരിമരണ നിരക്ക് ഒരു ലക്ഷത്തിൽ നിന്ന് എഴുപതിനായിരത്തിലേക്ക് കുറഞ്ഞതെന്ന് സംസ്ഥാന ഭരണാധികാരികൾ വ്യക്തമാക്കുന്നു. എന്നാൽ, സൂചികൾ വിതരണം ചെയ്യുന്നതും സുരക്ഷിത ലഹരി ഉപയോഗ കേന്ദ്രങ്ങൾ ഒരുക്കുന്നതും ലഹരി മാഫിയകൾക്ക് വളമാകുമെന്നും അതിനാൽ ആത്മീയവും കൗൺസിലിംഗ്…

“ഒരു കുഞ്ഞിനെ വളർത്താൻ ഒരു ഗ്രാമത്തിന്റെ കൂട്ടായ്മ വേണം.” — ആഫ്രിക്കൻ പഴഞ്ചൊല്ല് ഈ പഴഞ്ചൊല്ലിൽ വലിയൊരു ജീവിതസത്യമുണ്ട്. ഒരു കുഞ്ഞിന്റെ വളർച്ച മാതാപിതാക്കളുടെ മാത്രം ഉത്തരവാദിത്തമല്ല; കുടുംബം, സഹോദരങ്ങൾ, ബന്ധുക്കൾ, അയൽക്കാർ, സമൂഹം എന്നിവയെല്ലാം ചേർന്നാണ് ഒരു വ്യക്തിത്വം രൂപപ്പെടുത്തുന്നത്. മനുഷ്യൻ ഒറ്റയ്ക്ക് ജീവിക്കാൻ സൃഷ്ടിക്കപ്പെട്ടവനല്ല; ബന്ധങ്ങളിലൂടെയും പങ്കുവെക്കലുകളിലൂടെയും വളരാനാണ് ദൈവം അവനെ ഭൂമിയിലേക്ക് അയച്ചത്. എന്നാൽ ഇന്ന് നമ്മുടെ സമൂഹത്തിൽ അതിവേഗം വ്യാപിച്ചുകൊണ്ടിരിക്കുന്ന ഒരു പുതിയ പ്രവണതയാണ് ‘ഒറ്റക്കുട്ടി’ (Only Child) സംസ്കാരം. മാറുന്ന കുടുംബ ദർശനങ്ങൾ ഒരുകാലത്ത് വലിയ കുടുംബങ്ങൾ സമൂഹത്തിന്റെ ശക്തിയായിരുന്ന സ്ഥാനത്ത്, ഇന്ന് കുടുംബദർശനം മാറിമറിയുകയാണ്: ‘നാം രണ്ട് – നമുക്ക് രണ്ട്’ എന്നതിൽ നിന്ന്, ‘നാം രണ്ട് – നമുക്കൊന്ന്’ എന്ന രീതിയിലേക്കും, ഒടുവിൽ ‘നാം മാത്രം; നമുക്ക് ആരും വേണ്ട’ എന്ന ചിന്തയിലേക്കും കാര്യങ്ങൾ മാറുന്നു. ഇതിന്…

വാഷിംഗ്ടൺ: കാനഡയിലെ വൻ കാട്ടുതീ മൂലം കനേഡിയക്കാര്‍ വലയുമ്പോള്‍ അതില്‍ നിന്ന് ഉയരുന്ന പുകയ്ക്ക് തീരുവ ചുമത്താനൊരുങ്ങുകയാണ് യു എസ് പ്രസിഡന്റ് ഡോണാള്‍ഡ് ട്രം‌പ്. കാട്ടുതീ അമേരിക്കയിൽ പടര്‍ത്തുന്ന മലിനീകരണത്തിന് കാനഡ ഉത്തരവാദിയാണെന്നാണ് അദ്ദേഹം പറയുന്നത്. കനേഡിയൻ വനങ്ങളെ ശരിയായി സം‌രക്ഷിക്കാത്തതിന്റെ ഫലമാണിതെന്ന് വിശേഷിപ്പിച്ച ട്രംപ്, ഈ വിഷവായു മൂലം അമേരിക്കയ്ക്കുണ്ടാകുന്ന സാമ്പത്തികവും ആരോഗ്യപരവുമായ നഷ്ടങ്ങൾക്ക് കാനഡ നഷ്ടപരിഹാരം നൽകേണ്ടിവരുമെന്ന് പറഞ്ഞു. ഈ മലിനീകരണം മൂലമുണ്ടാകുന്ന നഷ്ടം നികത്താൻ കാനഡയ്ക്ക് മേൽ ചുമത്തിയ താരിഫ് വർദ്ധിപ്പിക്കുമെന്ന് അദ്ദേഹം മുന്നറിയിപ്പ് നൽകി. കാനഡ തങ്ങളുടെ വനങ്ങളെയും വരണ്ട കുറ്റിച്ചെടികളെയും ശരിയായി പരിപാലിക്കുന്നില്ലെന്നും, ഇത് എല്ലാ വർഷവും അമേരിക്കയ്ക്ക് “അനാരോഗ്യകരമായ വായു” ഉണ്ടാക്കുന്നുവെന്നും അദ്ദേഹം സോഷ്യൽ മീഡിയയിലൂടെ തന്റെ അതൃപ്തി പ്രകടിപ്പിച്ചു. ഈ വിഷയം കനേഡിയൻ പ്രധാനമന്ത്രിയുമായി ചർച്ച ചെയ്യുമെന്ന് അദ്ദേഹം പ്രതിജ്ഞയെടുത്തു. മലിനീകരണം മൂലമുണ്ടാകുന്ന നാശനഷ്ടങ്ങൾ കൃത്യമായി വിലയിരുത്തണമെന്നും…

സൈക്ലോസ്പോറ എന്ന പരാദബാധയെത്തുടർന്ന് യുഎസിലെ പ്രമുഖ റീട്ടെയിൽ ശൃംഖലയായ വാൾമാർട്ട് ) തങ്ങളുടെ 27 സംസ്ഥാനങ്ങളിലെ സ്റ്റോറുകളിൽ നിന്ന് പ്രത്യേക തരം ലെറ്റസ് (Marketside bagged iceberg lettuce) സലാഡുകൾ നീക്കം ചെയ്തു. മെക്സിക്കോയിലെ ടെയ്ലർ ഫാംസിൽ നിന്നുള്ള ലെറ്റസ് കഴിച്ച ആയിരക്കണക്കിന് ആളുകൾക്ക് നേരത്തെ വയറിളക്കവും മറ്റ് അസ്വസ്ഥതകളും റിപ്പോർട്ട് ചെയ്തിരുന്നു. വാൾമാർട്ട് ഉപഭോക്താക്കൾക്ക് ഇതുവരെ രോഗബാധയൊന്നും സ്ഥിരീകരിച്ചിട്ടില്ലെങ്കിലും, മുൻകരുതൽ നടപടിയുടെ ഭാഗമായാണ് ഉൽപ്പന്നങ്ങൾ മാറ്റിയതെന്ന് കമ്പനി അറിയിച്ചു. നേരത്തെ ടാക്കോ ബെൽ (Taco Bell), സിസ്കോ (Sysco) എന്നീ പ്രമുഖ ബ്രാൻഡുകളും ഇതേ സപ്ലയറിൽ നിന്നുള്ള ലെറ്റസ് വിതരണം ചെയ്യുന്നത് നിർത്തിവെച്ചിരുന്നു.

വാഷിംഗ്‌ടൺ ഡിസി: ലോകമെമ്പാടുമുള്ള മലയാളി സമൂഹത്തെ ഒരൊറ്റ കുടക്കീഴിൽ അണിനിരത്തി, ഭാഷയും സംസ്കാരവും പാരമ്പര്യവും മനുഷ്യസേവനവും സംരക്ഷിക്കുകയും പ്രോത്സാഹിപ്പിക്കുകയും ചെയ്യുക എന്ന മഹത്തായ ലക്ഷ്യത്തോടെയാണ് വേൾഡ് മലയാളി കൗൺസിൽ (WMC) മൂന്ന് പതിറ്റാണ്ടുകൾക്ക് മുൻപ് രൂപം കൊണ്ടത്. ഇന്ന് ലോകത്തിന്റെ വിവിധ ഭൂഖണ്ഡങ്ങളിലായി വ്യാപിച്ചു കിടക്കുന്ന മലയാളി പ്രവാസികളുടെ വിശ്വാസവും സ്നേഹവും നേടിയ ഈ പ്രസ്ഥാനത്തിന് അഭിമാനിക്കാവുന്ന ചരിത്രവും നേട്ടങ്ങളും സ്വന്തമാണ്. എന്നാൽ ഏതൊരു വലിയ പ്രസ്ഥാനത്തിനും സംഭവിക്കാവുന്നതുപോലെ, കാലക്രമേണ അഭിപ്രായവ്യത്യാസങ്ങളും വ്യക്തിപരമായ തർക്കങ്ങളും നേതൃത്വപരമായ ഭിന്നതകളും സംഘടനയ്ക്കുള്ളിൽ രൂപപ്പെടുകയും, അതിന്റെ ഫലമായി വിവിധ വിഭാഗങ്ങളായും ഗ്രൂപ്പുകളായും പ്രവർത്തിക്കുന്ന സാഹചര്യം ഉടലെടുക്കുകയും ചെയ്തു. ഈ വിഭജനങ്ങൾ സംഘടനയുടെ ശക്തിയെയും പൊതുസമൂഹത്തിലെ വിശ്വാസ്യതയെയും ബാധിച്ചുവെന്നത് നിഷേധിക്കാനാവാത്ത യാഥാർത്ഥ്യമാണ്. മിക്കവാറും എല്ലാ സംഘടനകളിലും ഭാരവാഹികളുടെ കാലാവധി ഒരു വർഷമാണ്. എന്നാൽ, വേൾഡ് മലയാളി കൗൺസിലിൽ (WMC) ഇത് രണ്ട് വർഷമാണ്.…

ഡാളസ്: ഡാളസ് സിറ്റി-വൈഡ് ഫെലോഷിപ്പിന്റെ നാൽപ്പതാം വാർഷികത്തോടനുബന്ധിച്ച് ഈ വർഷം പ്രസിദ്ധീകരിക്കുന്ന സ്മരണികയുടെ എഡിറ്റോറിയൽ ബോർഡ് രൂപീകരിച്ചു. നാല് പതിറ്റാണ്ടുകളുടെ അനുഗ്രഹയാത്രയെ അനുസ്മരിപ്പിക്കുന്ന ഈ പ്രത്യേക പ്രസിദ്ധീകരണം ഡാളസ് മേഖലയിലെ സഭകളുടെയും വിശ്വാസിസമൂഹത്തിന്റെയും ആത്മീയ, ചരിത്ര, സാമൂഹിക സംഭാവനകൾ രേഖപ്പെടുത്തുന്ന ശ്രദ്ധേയമായ സ്മരണികയായിരിക്കും. സ്മരണികയുടെ ചീഫ് എഡിറ്ററായി പാസ്റ്റർ തോമസ് മുല്ലയ്ക്കൽ, പബ്ലിഷറായി രാജു തരകൻ, മാനേജിംഗ് എഡിറ്ററായി ഷാജി മണിയാട്ട് എന്നിവർ പ്രവർത്തിക്കും.എക്സിക്യൂട്ടീവ് എഡിറ്റർമാരായി റവ. ഡോ. തോമസ് ഇടിക്കുളയും എസ്. പി. ജെയിംസും സേവനമനുഷ്ഠിക്കും. പബ്ലിക്കേഷൻ കോർഡിനേറ്ററായി തോമസ് ചെല്ലേത്ത് പ്രവർത്തിക്കും. അഡ്വൈസറി ബോർഡ് ചെയർമാനായി പാസ്റ്റർ മാത്യു സാമുവൽ നേതൃത്വം നൽകും. ഡാളസ് സിറ്റി-വൈഡ് ഫെലോഷിപ്പിന്റെ 40 വർഷത്തെ വിശ്വാസപാരമ്പര്യവും ശുശ്രൂഷാ പൈതൃകവും പുതിയ തലമുറയ്ക്ക് പകർന്നു നൽകുന്ന വിലപ്പെട്ട രേഖയായി ഈ സ്മരണിക മാറുമെന്നാണ് സംഘാടകർ പ്രത്യാശ പ്രകടിപ്പിച്ചത്. ആത്മീയ ലേഖനങ്ങൾ,…

ചിക്കാഗോ: ഗൃഹാതുരത്വത്തിന്റെയും കൂട്ടായ്‍മയുടെയും ആർദ്ര സ്മരണകൾ ആവോളമുണർത്തി പുരാതന കലാലയങ്ങളായ ചങ്ങനാശേരി സെയിന്റ് ബെർക്ക്മാൻസ്, അസ്സെംപ്‌ഷൻ ‌കോളേജ് പൂർവ്വവിദ്യാർഥികൾ അമേരിക്കയിൽ സംഘടിപ്പിച്ച പ്രഥമ ദേശീയകൺവെൻഷൻ പ്രൗഢോജ്വലമായി പര്യവസാനിച്ചു. ജൂലൈ ഒൻപതാം തീയതി വ്യാഴാഴ്ച ചിക്കാഗോയിൽ നടന്ന സമ്മേളനം എസ് ബി കോളേജിന്റെ പ്രമുഖ പൂർവ്വവിദ്യാർഥികളായ കർദിനാൾ ജോർജ്ജ് ജേക്കബ് കൂവക്കാട്, ചങ്ങനാശേരി ആർച്ചു ബിഷപ്പ് അഭിവന്ദ്യ മാർ തോമസ് തറയിൽ, കേരള ഗവ പ്രിൻസിപ്പൽ സെക്രെട്ടറി രാജു നാരായണസ്വാമി ഐഎഎസ്, എസ് ബി, അസംപ്‌ഷൻ കോളജ് പ്രിൻസിപ്പൽമാർ എന്നിവർ ഭദ്രദീപം തെളിച്ചുകൊണ്ട് ഉത്‌ഘാടനം നിർവ്വഹിച്ചു. കൺവെൻഷൻ ചെയർമാൻ മാത്യു ദാനിയേൽ സമ്മേളനത്തിൽ അധ്യക്ഷത വഹിച്ചു. ചങ്ങനാശേരി ആർച്ചു ബിഷപ്പിന്റെ തങ്ങൾക്ക് ലഭിക്കുന്ന നിരന്തര പ്രോത്സാഹനത്തിനു നന്ദി പറഞ്ഞുകൊണ്ട് കൺവൻഷന്റെ ഉന്നതലക്ഷ്യങ്ങൾ അദ്ദേഹം വിശദീകരിച്ചു. കർദിനാൾ ജോർജ്ജ് ജേക്കബ് കൂവക്കാട് സമ്മേളനം ഉത്‌ഘാടനം ചെയ്തു. ജീവിതം മൂല്യവത്തായി രൂപപ്പെടുത്തുന്നതിൽ…