ഫ്ളോറിഡ: ഒർലാൻഡോ ഹെൽത്ത് ഹാർട്ട് & വാസ്കുലർ ഇൻസ്റ്റിറ്റ്യൂട്ട് കാർഡിയോളജിസ്റ്റ് ഡോ. സൂരജ് ആർ കുറുപ്പ് (48) ഹ്യദയാഘാതത്തെ തുടർന്ന് ഫ്ളോറിഡയിൽ അന്തരിച്ചു. ഹരിപ്പാട് നങ്യാർകുളങ്ങര താമരവേലിൽ ശ്രീഭവനിൽ രാജേന്ദ്ര കുറുപ്പിന്റെ മകനാണ് ഡോക്ടർ സൂരജ് കുറുപ്പ്. കൊല്ലം പൂതക്കുളം നളിനാസദാനം വി.കെ ബാലൻ നായരുടെ മകൾ പാർവ്വതി (മിക്കി) ആണ് ഭാര്യ. ഏക മകൾ: ദേവിക. സംസ്കാരം പിന്നീട് ഫ്ളോറിഡയിൽ വെച്ച് നടത്തപ്പെടും.
വാഷിംഗ്ടൺ ഡി.സി: ഫൊക്കാനയുടെ 2024=ലെ വാഷിംഗ്ടൺ ഡി.സി കൺവന്ഷന് ചെയര്മാനായി അമേരിക്കൻ പ്രവാസ മേഖലയിലെ അറിയപ്പെടുന്ന യുവ നേതാവായ വിപിൻ രാജിനെ നിയമിച്ചതായി പ്രസിഡന്റ് ഡോ. ബാബു സ്റ്റീഫൻ അറിയിച്ചു. വിവിധ സാമൂഹ്യ– സാംസ്കാരിക പ്രവർത്തനങ്ങൾ നടത്തുകയും അമേരിക്കൻ പ്രവാസി സമൂഹത്തിന് എന്നും ആവേശം പകർന്ന യുവ തലമുറയുടെ പ്രതിനിധിയുമായ വിപിൻ രാജ്, ഫൊക്കാനയുടെ ബോര്ഡ് ഓഫ് ട്രസ്റ്റി അംഗം , ഡി.സി. റീജിയണല് വൈസ് പ്രസിഡന്റ് മുൻ അസ്സോസിയേറ്റ് ട്രഷർ എന്നീ തലങ്ങളില് മികച്ച പ്രകടനം കാഴ്ച വച്ചതിന്റെ പിൻബലമായാണ് വിപിനെ തേടി കൺവെൻഷൻ ചെയർമാൻ സ്ഥാനം എത്തിയത്. കേരള അസോസിയേഷന് ഓഫ് ഗ്രെയ്റ്റര് വാഷിംഗ്ടണ് (കെ.എ ജി .ഡബ്യു) വിന്റെ എക്സിക്യൂട്ടീവ് അംഗമായിട്ട് സംഘടനാ രംഗത്തേക്ക് ചുവടുറപ്പിച്ച അദ്ദേഹം . ഒരു തികഞ്ഞ സ്പോര്ട്സ് പ്രേമി കൂടിയാണ് . മെരിലാന്ഡ് ഡി.സി.കേന്ദ്രികരിച്ചു പ്രവര്ത്തിക്കുന്ന ‘കില്ലാഡിസ്’…
ന്യൂയോർക്ക്: ചരിത്രത്തിൽ ഏറ്റവും വലിയ രണ്ടാമത്തെ പവർബോൾ ജാക്ക്പോട്ട് സമ്മാനതുക ഒരു ബില്യൺ ഡോളറായി ഉയർന്നു. ഒക്ടോബർ 29 ശനിയാഴ്ച നടന്ന ഭാഗ്യക്കുറി നറുക്കെടുപ്പിൽ ഭാഗ്യവാനെ കണ്ടെത്താൻ കഴിയാതിരുന്നതിനെ തുടർന്ന് ഒക്ടോബർ 31 തിങ്കളാഴ്ച വീണ്ടും നറുക്കെടുക്കുമ്പോൾ ഭാഗ്യവാനു ലഭിക്കുക ഒരു ബില്യൺ ഡോളറാണ്. എല്ലാ കിഴിവുകളും കഴിച്ചു 497.3 മില്യൺ ഡോളർ ലഭിക്കും. ശനിയാഴ്ച പവർബോൾ സമ്മാന തുകയായ 825 മില്യൺ ഡോളർ 40, 19, 57, 31, 46 പവർബോൾ 23 നാണ് ലഭിച്ചത്. ശനിയാഴ്ച ആറു ടിക്കറ്റുകൾക്ക് ഒരു മില്യൺ ഡോളർ ലഭിച്ചിരുന്നു. വേൾഡ് റെക്കോർഡ് കുറിക്കപ്പെട്ട 2016 ലാണ് ചരിത്രത്തിലെ ഏറ്റവും വലിയ സമ്മാനതുക ലഭിച്ചത്. 1.586 ബില്യൺ ഡോളർ. മൂന്നു പേർക്കാണ് ഈ സമ്മാനതുക വിഭാഗിച്ചു നൽകിയത്. കാലിഫോർണിയ, ഫ്ലോറിഡ, ടെന്നസി എന്നീ സംസ്ഥാനങ്ങളിൽ ഉള്ളവർക്കാണു ഭാഗ്യം ലഭിച്ചത്. ഓരോ…
ടെക്സാസ് (കൊപ്പേൽ): ഭാരത സഭയുടെ ഏറ്റവും വലിയ പ്രേഷിത സംഘടനയായ ചെറുപുഷ്പ മിഷൻ ലീഗിന്റെ (Little Flower Mission League) പ്ലാറ്റിനം ജൂബിലിയുടെ സമാപനത്തോടനുബന്ധിച്ചു ചിക്കാഗോ സീറോ മലബാർ രൂപതയുടെ സൗത്ത് വെസ്റ്റ് സോൺ സംഘടിപ്പിച്ച ആഘോഷങ്ങക്കു ഉജ്വല സമാപനം. കൊപ്പേൽ സെന്റ് അൽഫോൻസാ സീറോ മലബാർ കാത്തലിക് ദേവാലയത്തിന്റെ ആഭിമുഖ്യത്തിലായിരുന്നു സമാപന സമ്മേളനം നടന്നത്. ഇടവക വികാരി ഫാ. ജേക്കബ് ക്രിസ്റ്റി പറമ്പുകാട്ടിൽ, മിഷൻ ലീഗ് പ്രസിഡന്റ് ആന്റണി സജേഷ് എന്നിവർ ചേർന്ന് ചെറുപുഷ്പ മിഷൻ ലീഗ് പതാക ഉയത്തിയതോടെ ആഘോഷങ്ങൾക്ക് തുടക്കമായി. ഫാ. മെൽവിൻ പോൾ (ഹൂസ്റ്റൺ), ഫാ പോൾ കൊടകരക്കാരൻ (ഒക്ലഹോമ) എന്നിവരുടെ കാർമികത്വത്തിൽ കൃതജ്ഞാതാ ദിവ്യബലി നടന്നു. തുടർന്ന്, കൊപ്പേൽ സെന്റ്. അൽഫോൻസാ, ഗാർലാൻഡ് സെന്റ് തോമസ് സീറോ മലബാർ ഫൊറോനാ, ഓസ്റ്റിൻ സെന്റ് അൽഫോൻസാ, ഒക്ലഹോമ ഹോളിഫാമിലി എന്നീ ഇടവകകളിൽ…
ലാസ് വേഗസ് : ലോസ് ആഞ്ചലസ് മാർത്തോമാ ഇടവകയുടെ 2022 ലെ റിട്രീറ്റ് ലാസ് വേഗാസിലെ കേംബ്രിഡ്ജ് റിക്രിയേഷൻ സെന്ററിൽ ഒക്ടോബർ 22,23 (ശനി,ഞായർ) തീയതികളിൽ നടത്തപ്പെട്ടു. ശനിയാഴ്ച രാവിലെ 9 മണിക്ക് രജിസ്ട്രേഷൻ ആരംഭിച്ചു. സ്വാദിഷ്ഠമായ പ്രഭാത ഭക്ഷണത്തിന് ശേഷം 10 മണിക്ക് ലോസ് ആഞ്ചലസ് മാർത്തോമാ ഇടവക വികാരി റവ.ബിജോയ് എം. ജോൺ അച്ചൻ നേതൃത്വം നൽകിയ ആരാധനയോടും പ്രാർത്ഥനയോടും റിട്രീറ്റ് ഉത്ഘാടനം ചെയ്യപ്പെട്ടു. ഈ വർഷത്തെ റിട്രീറ്റ് മുഖ്യ വിഷയം ” മിഷൻ ഓഫ് ഫാമിലി ഇൻ ഗോഡ്സ് പ്ലാൻ” ആയിരുന്നു. പ്രമുഖ പ്രഭാഷകൻ റവ. ഫാ. അലക്സ് വിരുതുകുളങ്ങരയാണ് ക്ലാസ്സുകൾക്ക് നേതൃത്വം നൽകിയത്. ക്രിസ്തീയ കുടുംബം ദൈവത്തിന്റെ ദിവ്യമായ പദ്ധതിയുടെ ഭാഗമാണ്. അത് യാദൃഛികമായി സംഭവിച്ച ഒന്നല്ല. ദൈവമാണ് കുടുംബത്തിന്റെ സൃഷ്ഠിതാവ്.നല്ല പതിവുകളുള്ള ഭവനങ്ങളാണ് നമുക്ക് ഇന്ന് ആവശ്യം. മാതാപിതാക്കൾ വിശ്വാസത്തിലും…
84 വർഷം മുമ്പ് മുത്തച്ഛന് ലൈബ്രറിയില് നിന്നെടുത്ത പുസ്തകം ചെറുമകന് തിരിച്ചേല്പിച്ചു. 1957-ല് അന്തരിച്ച ക്യാപ്റ്റന് വില്ല്യം ഹാരിസന്റെ ചെറുമകൻ പാഡി റിയോര്ഡനാണ് പുസ്തകം തിരികെ നല്കാന് 2022 ഒക്ടോബര് 25-ന് ലൈബ്രറിയില് എത്തിയതെന്ന് ഒരു ബ്രിട്ടീഷ് ലൈബ്രറി അധികൃതര് പറഞ്ഞു. അദ്ദേഹം 18.27 പൗണ്ട് ($21.14 യു എസ് ഡോളര്) ലേറ്റ് ഫീയും അടച്ചെന്ന് അവര് പറഞ്ഞു. റിച്ചാർഡ് ജെഫറീസ് എഴുതിയ റെഡ് ഡീറിന്റെ ഒരു പകർപ്പ് തിരികെ നൽകുന്നതിനായി പാഡി റിയോർഡൻ എന്നയാൾ അടുത്തിടെ ലൈബ്രറി സന്ദർശിച്ചതായി ഇംഗ്ലണ്ടിലെ കവെൻട്രിയിലുള്ള ഏൾസ്ഡൺ കാർനെഗീ കമ്മ്യൂണിറ്റി ലൈബ്രറി പറഞ്ഞു. 84 വർഷം മുമ്പ് റിയോർഡന്റെ മുത്തച്ഛൻ ക്യാപ്റ്റന് വില്ല്യംസ് ഹാരിസൺ തന്റെ മകള്ക്ക് (പാഡി റിയോര്ഡറിന്റെ അമ്മ) വേണ്ടിയാണ് ഈ പുസ്തകം എടുത്തത്. അടുത്തിടെ അമ്മ മരണപ്പെട്ടു. തുടര്ന്ന് അമ്മയുടെ പെട്ടികള് പരിശോധിച്ചപ്പോള് ഈ പുസ്തകം…
ബ്രോങ്ക്സ് (ന്യൂയോര്ക്ക്) | ന്യൂയോർക്ക് സിറ്റിയിലെ ബ്രോങ്ക്സ് ബറോയിൽ ഞായറാഴ്ച പുലർച്ചെ വീടിന് തീപിടിച്ച് ഒരു കുടുംബത്തിലെ മൂന്ന് കുട്ടികളും ഒരു യുവാവും മരിച്ചു. രാവിലെ 6:01 ന് ക്വിംബി അവന്യൂവിലെ മൂന്ന് നിലകളുള്ള വീടിന്റെ പിൻഭാഗത്താണ് തീപിടിത്തമുണ്ടായതെന്ന് ന്യൂയോര്ക്ക് സിറ്റി അഗ്നിശമന സേനാ വക്താവ് സ്ഥിരീകരിച്ചു. 10 മാസം പ്രായമുള്ള പെൺകുട്ടി, 10 വയസ്സുള്ള ആൺകുട്ടി, 12 വയസ്സുള്ള ആൺകുട്ടി, 22 വയസ്സുള്ള യുവാവ് എന്നിവരാണ് മരിച്ചത്. രണ്ട് കുട്ടികള് സംഭവസ്ഥലത്ത് വെച്ച് തന്നെ മരിച്ചതായി എമര്ജന്സി മെഡിക്കല് സര്വീസ് (ഇഎംഎസ്) അറിയിച്ചു. പെണ്കുഞ്ഞിനേയും യുവാവിനേയും ബ്രോങ്ക്സിലെ ജേക്കബി ഹോസ്പിറ്റലിലേക്ക് കൊണ്ടുപോയെങ്കിലും അവിടെ അവര് മരണത്തിനു കീഴടങ്ങി. പരിക്കേറ്റ മറ്റ് രണ്ട് പേരെ (21 വയസുള്ള സ്ത്രീയും 41 വയസുള്ള പുരുഷനും) ജേക്കബി ഹോസ്പിറ്റലിൽ പ്രവേശിപ്പിച്ചതായും അവശനിലയിൽ തുടരുകയാണെന്നും പോലീസ് പറഞ്ഞു. തീപിടിത്തത്തിന്റെ കാരണം ഫയർ…
ഡാലസ്: ഏഷ്യ-പസഫിക് റീജിയൻ ചർച്ച് ഓഫ് ഗോഡ് വൈസ് പ്രസിഡന്റായി റവ ജോൺസൺ തരകനെ (യു എസ് എ) തെരഞ്ഞെടുത്തു. കഴിഞ്ഞ പത്ത് വർഷമായിചർച്ച് ഓഫ് ഗോഡ് ഇൻ സൗത്ത് ഇന്ത്യയുടെ പ്രസിഡണ്ടായി സേവനം അനുഷ്ടിച്ചു വരികയാണ് അദ്ദേഹം . ഒക്ടോബര് 24 നു സൗത്ത് കൊറിയയിൽ ഏഷ്യ-പസഫിക് റീജിയനിലെ 23 രാജ്യങ്ങളിൽ നിന്നുള്ള ചർച്ച് ഓഫ് ഗോഡ് പ്രതിനിധികൾ പങ്കെടുത്ത യോഗത്തിലാണ് വൈസ് പ്രസിഡന്റായി റവ ജോൺസൺ തരകനെ (യു എസ് എ )ഐക്യകണ്ടേനേ തെരഞ്ഞെടുത്തത്.പ്രസിഡണ്ടായി റവ ഗ്വിബിയോങ് മൂൺ(സൗത്ത് കൊറിയ) സെക്രട്ടറിയായി ബ്രദർ അലൻ ലോ(തായ്വാൻ) ട്രഷറർ ആയി റവ എഡ്മണ്ട് ലാങ് ( ഹോങ്കോങ് ) എക്സിക്യൂട്ടീവ് മെംബേഴ്സായി ബ്രദർ നൊറിയുകി ഹൈഹാര ( ജപ്പാൻ) ബ്രദർ മാർലിൻ (ഫിലിപ്പീൻസ്) എന്നിവരും തെരഞ്ഞെടുത്തു. ഈ കമ്മിറ്റിയുടെ കാലാവധി മൂന്ന് വർഷമാണ് വൈസ് പ്രസിഡന്റായി…
സിയോൾ (ദക്ഷിണ കൊറിയ) | സിയോളിലെ ഇറ്റാവോൺ ജില്ലയിലുണ്ടാ ഹാലോവീന് തിക്കിലും തിരക്കിലും പെട്ട് 153 പേർ കൊല്ലപ്പെടുകയും 133 പേർക്ക് പരിക്കേൽക്കുകയും ചെയ്തു. പതിനായിരക്കണക്കിന് ആളുകൾ ഹാലോവീനിനായി പ്രശസ്ത നൈറ്റ് ലൈഫ് ഡിസ്ട്രിക്റ്റിലെ ഹാമിൽട്ടൺ ഹോട്ടലിന് സമീപം തടിച്ചുകൂടിയ ശനിയാഴ്ച രാത്രിയാണ് ദക്ഷിണ കൊറിയയുടെ ചരിത്രത്തിലെ ഏറ്റവും മാരകമായ തിക്കും തിരക്കും ഉണ്ടായത്. പരിക്കേറ്റവരില് 37 പേരുടെ നില ഗുരുതരമായി തുടരുന്നതിനാല് മരണസംഖ്യ ഇനിയും ഉയർന്നേക്കുമെന്ന് അധികൃതർ അറിയിച്ചു. ഔദ്യോഗിക കണക്കിൽ ഉൾപ്പെടുത്തിയിട്ടില്ലെന്ന് കരുതുന്ന പോലീസ് കണക്കുകൾ പ്രകാരം മരണസംഖ്യ 154 ആയി. 2014-ൽ സെവോൾ എന്ന ഫെറി മുങ്ങി 304 പേരുടെ മരണത്തിനിടയാക്കിയതിന് ശേഷം ദക്ഷിണ കൊറിയയിൽ നടന്ന ഏറ്റവും വലിയ ദുരന്തമാണ് ഇപ്പോള് നടന്നത്. രാജ്യം നിരവധി COVID-19 നിയന്ത്രണങ്ങൾ നീക്കിയതിന് ശേഷം മൂന്ന് വർഷത്തിനിടെ സിയോളിലെ ആദ്യത്തെ ഹാലോവീൻ ഇവന്റായിരുന്നു ഇത്.…
ന്യൂജേഴ്സി: ന്യൂജേഴ്സി ആസ്ഥാനമാക്കി പ്രവർത്തിക്കുന്ന ഹെല്പസേവ് ലൈഫ് (HelpSaveLife) എന്ന ജീവകാരുണ്യ സംഘടന അവരുടെ 21 വർഷത്തെ സേവനം നവംബർ 1, 2022 ന് പൂർത്തിയാക്കുന്നു . ‘ഒരു ജീവിതം വീണ്ടെടുക്കാന് ഒരു കൈ സഹായം.’ (Lend a hand to mend a life) എന്ന മുദ്രാവാക്യവുമായി പ്രവർത്തിക്കുന്ന സംഘടന 21 വര്ഷം പിന്നിടുമ്പോൾ 1600 ലധികം പാവപ്പെട്ട കുടുംബങ്ങൾക്കായി US$1.34 Million (ഇന്നത്തെ നിരക്കിൽ പത്തുകോടിയിലധികം ഇന്ത്യൻ രൂപ ) സാമ്പത്തിക സഹായം ചെയ്തു കഴിഞ്ഞു. 850 ലധികം വ്യക്തികൾ ഒരു പ്രാവശ്യമെങ്കിലും സംഘടനക്ക് സംഭാവന നൽകിയിട്ടുണ്ട്. പ്രധാനമായും രണ്ടു വിധത്തിലുള്ള ജീവകാരുണ്യ പ്രവർത്തനമാണ് സംഘടന ചെയ്യുന്നത്. അർഹരായ പാവപ്പെട്ടവർക്ക് ചികിത്സാ സഹായം നൽകുക. നിർധനരായ വിദ്യാര്ഥികള്ക്ക് സ്കൂൾ കോളേജിൽ പഠിക്കാൻ സാമ്പത്തിക സഹായം നൽകുക. അതോടൊപ്പം പ്രളയം, ഭൂകമ്പം പോലുള്ള ദുരന്തങ്ങളുണ്ടാവുന്ന സമയത്ത്…