കാലിഫോര്ണിയ: ബുധനാഴ്ച രാവിലെ സാൻ ഡീഗോ ഉൾക്കടലിൽ ഒരു യു എസ് നാവിക സേനാ വിമാനം തകർന്നു വീണതിനെത്തുടർന്ന് രണ്ട് പൈലറ്റുമാരെ രക്ഷപ്പെടുത്തിയതായി ഉദ്യോഗസ്ഥർ പറഞ്ഞു. യുഎസ് നേവിയുടെ ഇഎ-18ജി ഗ്രൗളർ വിമാനമാണ് രാവിലെ 10:15 ഓടെ ഷെൽട്ടർ ഐലൻഡിന് സമീപം തകർന്നുവീണത്. വിമാനത്തിൽ രണ്ട് പൈലറ്റുമാരുണ്ടായിരുന്നു. രണ്ടു പേര്ക്കും പരിക്കുകളൊന്നും സംഭവിച്ചില്ല. ഒരു മത്സ്യബന്ധന ബോട്ടാണ് അവരെ രക്ഷപ്പെടുത്തിയത്. ആശുപത്രിയിലെത്തിയ അവര് സുഖം പ്രാപിച്ചു വരുന്നതായി യുഎസ് കോസ്റ്റ് ഗാർഡ് വക്താവ് പറഞ്ഞു. വിമാനത്തിന്റെ അവശിഷ്ടങ്ങൾ കോസ്റ്റ് ഗാർഡ് ശേഖരിച്ചുകൊണ്ടിരിക്കുകയാണ്. എന്നാൽ, ഈ അപകടം എങ്ങനെ സംഭവിച്ചു എന്നതിനെക്കുറിച്ച് ഇതുവരെ വിവരങ്ങളൊന്നുമില്ല. അപകടത്തെക്കുറിച്ച് അന്വേഷിച്ചുവരികയാണ്. കഴിഞ്ഞ രണ്ടാഴ്ചയ്ക്കിടെ നാല് വലിയ വിമാനാപകടങ്ങൾക്ക് അമേരിക്ക സാക്ഷ്യം വഹിച്ചു. ജനുവരി 29 ന് വാഷിംഗ്ടണില് ഒരു വാണിജ്യ ജെറ്റ്ലൈനറും സൈനിക ഹെലികോപ്റ്ററും കൂട്ടിയിടിച്ച് 67 പേർ കൊല്ലപ്പെട്ടിരുന്നു. തുടർന്ന്…
അമേരിക്കയില് വീണ്ടും വിമാനാപകടം; നാവികസേനാ വിമാനം സമുദ്രത്തില് തകർന്നു വീണു
