‘കാണം വിറ്റും ഓണം ഉണ്ണണം’. അതാണ് ഓണക്കാലം. ഓണം മലയാളത്തിന്റെ മഹോത്സവമാണ്. മലയാളി എവിടെയായാലും അതിനു മാറ്റമില്ല. ഓണത്തിന് ജാതിയും മതവുമില്ല. എങ്കിലും അതൊരു ഹൈന്ദവ ഉത്സവമാണ് എന്ന് ആരൊക്കെ പറഞ്ഞാലും കേരളത്തിലെ എല്ലാ മതങ്ങളിലും ഹൈന്ദവ പാരമ്പര്യം ഉണ്ടെന്നതും ശ്രദ്ധേയം തന്നെ. കേരള ചരിത്രത്തിലേക്ക് ആഴ്ന്നിറങ്ങുമ്പോള് ആരാണ് കേരളീയര്, മലയാളികള്. അതും സങ്കരമാണ്. ദ്രാവിഡ സംസ്ക്കാരത്തിലേക്ക് ഇഴുകിചേര്ന്ന പേര്ഷ്യ, മെസൊപ്പൊട്ടേമിയ, സിറിയ, ജൂത സംസ്ക്കാര പാരമ്പര്യത്തിന്റെ ഒരു വേരോട്ടം എവിടെയും ദര്ശിക്കാം. അങ്ങനെ ചിന്തിക്കുമ്പോള് നാം മലയാളികള് സങ്കര ദ്രാവിഡര് തന്നെ. ഓണ സങ്കല്പം ഇന്നും ഉറച്ചു നില്ക്കുന്നത് ഒരു മിത്തിലൂടെയാണ്. പുരാതന കേരളക്കര ഭരിച്ചിരുന്ന നീതിമാനായിരുന്ന ഏതോ ചേര രാജാവായിരിക്കാം മഹാബലി. ദ്രാവിഡ ചക്രവര്ത്തി, അസുര ച്രകവര്ത്തി! “മാവേലി നാടുവാണിടും കാലം മാനുഷരെല്ലാരുമൊന്നുപോലെ!” അതാകാം കാരണം. ആര്ക്കാണ് സത്യവും, നീതിയും, സനാതന ധര്മ്മവുമൊക്കെ ഇഷ്ടം.…
ഓണക്കാല വിശേഷങ്ങള് (ജോണ് ഇളമത)
