Year: 2022

മണ്ണാർക്കാട്: ഗവർണർ ആരിഫ് മുഹമ്മദ് ഖാനെ രൂക്ഷമായി വിമർശിച്ച് മുഖ്യമന്ത്രി പിണറായി വിജയൻ. ഗവർണറുടെ പരിപ്പ് കേരളത്തിൽ വേവില്ലെന്നും, അധികാര പരിധിക്കപ്പുറത്തേക്ക് ഒരിഞ്ച് പോകാമെന്ന് കരുതേണ്ടെന്നും മുഖ്യമന്ത്രി പറഞ്ഞു. മണ്ണാർക്കാട് സിഐടിയു ജില്ലാ സമ്മേളനത്തിന്റെ സമാപന പൊതുയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഗവർണർ തന്റെ ചുമതലകൾ മാത്രം നിര്‍‌വ്വഹിച്ചാല്‍ മതിയെന്നും ഇല്ലാത്ത അധികാരങ്ങൾ ഉപയോഗിച്ചു കളയാമെന്ന് കരുതേണ്ടെന്നും മുഖ്യമന്ത്രി പറഞ്ഞു. “മെല്ലെ ഒന്നു തോണ്ടിക്കളയാമെന്ന് വച്ചാല്‍ ആ തോണ്ടലൊന്നും ഏല്‍ക്കില്ല. അധികാരത്തിന് അപ്പുറത്തേക്ക് ഒരിഞ്ച് കടക്കാമെന്ന് വിചാരിക്കേണ്ട. വ്യക്തിപരമായി ഒരുകാര്യവും ചെയ്യാന്‍ ഗവര്‍ണര്‍ക്ക് അധികാരമില്ല,” മുഖ്യമന്ത്രി കൂട്ടിച്ചേര്‍ത്തു. അന്തസോടെ കാര്യങ്ങള്‍ പറയാന്‍ കഴിയുന്നവരാണ് തങ്ങളെന്നും അദ്ദേഹം വ്യക്തമാക്കി. മാധ്യമങ്ങളെ സിന്‍ഡിക്കേറ്റ് എന്ന് വിളിച്ചില്ലേ, ഇറങ്ങിപോകാന്‍ പറഞ്ഞില്ലെ എന്നെല്ലാമാണ് ഗവര്‍ണര്‍ പറയുന്നതെന്നും എന്താണ് സംഭവിച്ചതെന്ന് ഗവര്‍ണര്‍ക്ക് പിടികിട്ടുന്നില്ലെന്നും മുഖ്യമന്ത്രി വിമര്‍ശിച്ചു.

തിരുവനന്തപുരം: കേരള ഗവർണറുടെ ഓഫീസ് തിങ്കളാഴ്ച രാജ്ഭവനിൽ പ്രവേശിക്കുന്നതിൽ നിന്ന് നാല് ടെലിവിഷൻ ചാനലുകൾക്ക് വിലക്കേർപ്പെടുത്തി. മുഖ്യമന്ത്രി പിണറായി വിജയന്റെ വാർത്താ സമ്മേളനത്തിന് തൊട്ടുപിന്നാലെ മാധ്യമ പ്രവർത്തകർ ഗവർണർ ആരിഫ് മുഹമ്മദ് ഖാനെ സമീപിച്ചെങ്കിലും മാധ്യമ പ്രവർത്തകരെന്ന വ്യാജേന വരുന്ന പാർട്ടി അണികളോട് മറുപടി പറയില്ലെന്ന് അദ്ദേഹം പറഞ്ഞു. “എനിക്ക് നിങ്ങളോട് മാത്രമേ പറയാൻ കഴിയൂ, എന്നോട് സംസാരിക്കാൻ ആഗ്രഹിക്കുന്ന ആർക്കും രാജ്ഭവനിലേക്ക് ഒരു അഭ്യർത്ഥന അയയ്‌ക്കാം, ഞാൻ ആരോടാണ് സംസാരിക്കുന്നതെന്ന് ഞാൻ ഉറപ്പാക്കും. എന്നാൽ, നിങ്ങളിൽ ആരാണ് യഥാർത്ഥ പത്രപ്രവർത്തകനെന്നും മാധ്യമങ്ങളുടെ വേഷം കെട്ടിയ കേഡർ ആരാണെന്നും എനിക്കറിയില്ല. കേഡറുമായി സംസാരിക്കാൻ ഞാൻ ആഗ്രഹിക്കുന്നില്ല,” തിരുവനന്തപുരത്ത് ഒരു പരിപാടിക്ക് ശേഷം ഗവര്‍ണ്ണര്‍ മാധ്യമങ്ങളോട് പറഞ്ഞു. പിന്നീട് അദ്ദേഹം പത്രസമ്മേളനം വിളിച്ചെങ്കിലും കൈരളി, റിപ്പോർട്ടർ, മീഡിയവൺ, ജയ്ഹിന്ദ് ഉൾപ്പെടെയുള്ള ചാനലുകൾക്ക് ഇത് റിപ്പോർട്ട് ചെയ്യാൻ അനുമതി നൽകിയില്ല.…

ലാസ് വെഗാസ്: എരുമേലി ഉമിക്കുപ്പ തുണ്ടത്തികുന്നേൽ പരേതനായ ദേവസ്യാച്ചൻറെയും മറിയാമ്മയുടെയും മകനും ഓവർസീസ് ഇന്ത്യൻ കൾച്ചറൽ കോൺഗ്രസ് (ഒഐസിസി യൂഎസ്എ) വെസ്റ്റേൺ റീജിയൻ വൈസ് ചെയർമാനുമായ ബെന്നി സെബാസ്റ്റ്യൻ (51 വയസ്സ്) അന്തരിച്ചു. ഭാര്യ ബീനാ തോമസ് അഞ്ചൽ മുട്ടത്തിൽ കുടുംബാംഗമാണ്. മക്കൾ: ആരൺ, അർണോൾഡ് (രണ്ടുപേരും വിദ്യാർത്ഥികൾ) സഹോദരങ്ങൾ: ജേക്കബ് ദേവസ്യ, എൽസമ്മ മാത്യു, തോമസ് ടി.ഡി, ഫാ. സെബാസ്റ്റ്യൻ തുണ്ടത്തികുന്നേൽ (വിൻസെൻഷ്യൽ സഭാംഗം), ജോസഫ് സെബാസ്റ്റ്യൻ, മാത്യു ടി.ഡി. പൊതുദർശനവും സംസ്കാര ശുശ്രൂഷകളും : ഒക്ടോബർ 29 നു ശനിയാഴ്ച രാവിലെ 11:30 മുതൽ ലാസ് വേഗസ് സെന്റ് മദർ തെരേസ സിറോ മലബാർ കാത്തലിക് ദേവാലയത്തിൽ ( 24- S Cholla Street, Henderson 89015) ശുശ്രൂഷകൾക്ക് ശേഷം 3 മണിക്ക് മൃതദേഹം പാം മോർച്ചറിയിൽ സംസ്‌കരിക്കുന്നതുമാണ് (Palm Mortuary, 7600, S…

ടെക്സസ്: പരിശുദ്ധ പരുമല തിരുമേനിയുടെ നാമത്തില്‍ സ്ഥാപിതമായിട്ടുള്ള മെസ്കീറ്റ് മാര്‍ ഗ്രിഗോറിയോസ് പള്ളിയിലെ പെരുന്നാളും 10-ാം വാര്‍ഷികവും ഒക്ടോബര്‍ 29, 30 (ശനി, ഞായര്‍) ദിവസങ്ങളില്‍ ഭംഗിയായി ആഘോഷിക്കുവാന്‍ കര്‍തൃനാമത്തില്‍ താല്പര്യപ്പെടുന്നു. പെരുന്നാളിന്റെ മുനോടിയായി 23-ാം തിയ്യതി ഞായറാഴ്ച വിശുദ്ധ കുര്‍ബാനയ്ക്കു ശേഷം കൊടിയേറ്റം വികാരി വെരി റവ. വി.എം. തോമസ് കോര്‍ എപ്പിസ്കോപ്പയും, സഹവികാരി റവ. ഫാ. മാര്‍ട്ടിന്‍ ബാബുവും ചേര്‍ന്ന് നിര്‍‌വ്വഹിച്ചു. 29-ാം തിയ്യതി ശനിയാഴ്ച വൈകീട്ട് 6:30-ന് സന്ധ്യാ പ്രാര്‍ത്ഥന, ധ്യാനപ്രസംഗം, പ്രദക്ഷിണം. 30-ാം തിയ്യതി ഞായറാഴ്ച അഭിവന്ദ്യ യെൽദോ മോർ തീത്തോസ് മെത്രാപ്പോലീത്തയുടെ മുഖ്യ കാര്‍മ്മികത്വത്തില്‍ വിശുദ്ധ മൂന്നിന്മേല്‍ കുര്‍ബ്ബാന, 10-ാം വാര്‍ഷികത്തിന്റെ സോവനീര്‍ പ്രകാശനം, പ്രദക്ഷിണം, ആശീര്‍‌വാദം, ഉച്ച ഭക്ഷണം എന്നിവ. പെരുന്നാളില്‍ സംബന്ധിച്ച് അനുഗ്രഹം പ്രാപിക്കുവാന്‍ വികാരി വെരി റവ. വി.എം. തോമസ് കോര്‍ എപ്പിസ്കോപ്പയും, സഹവികാരി റവ.…

മന്ത്രയുടെ ഏറ്റവും ശക്തമായ റീജിയണുകളിൽ ഒന്നായ ന്യൂയോർക്കിന്റെ വൈസ് പ്രസിഡന്റ് ആയി ക്രിസ് തോപ്പിലിനെ തിരഞ്ഞെടുത്തു. ക്രിസ് തോപ്പിൽ 1985-ൽ റാന്നിയിൽ നിന്ന് അമേരിക്കയിലെത്തി. ഹിന്ദു യംഗ് മെൻസ് അസോസിയേഷന്റെ സ്ഥാപകാംഗങ്ങളിൽ ഒരാളായ അദ്ദേഹം അമേരിക്കയിലേക്ക് കുടിയേറുന്നത് വരെ ഹൈമയുടെ കേരള സ്റ്റേറ്റ് വൈസ് പ്രസിഡന്റായിരുന്നു. വംശമോ മതമോ നോക്കാതെ, വിവിധ ഹിന്ദു സമൂഹങ്ങളെ ഏകോപിപ്പിക്കുകയും അവരെ ഒരു കുടക്കീഴിൽ ഒരുമിച്ച് കൊണ്ടുവരികയും ചെയ്യുന്ന ഹൈമയിൽ പ്രവർത്തിച്ച പാരമ്പര്യം മന്ത്രയിലെ പ്രവർത്തനങ്ങളിൽ അദ്ദേഹത്തിന് മുതൽകൂട്ടാകും. സനാതന മൂല്യങ്ങളിൽ, സർവോദയ നേതാവ് എം.പി. മന്മഥൻ, മക്കപ്പുഴ വാസുദേവൻ പിള്ള എന്നിവരുടെ ആശയങ്ങളാണ് അദ്ദേഹം പിന്തുടരുന്നത്. പത്തനംതിട്ട ജില്ലയിലെ റാന്നി സെന്റ് തോമസ് കോളേജിൽ നിന്ന് കെമിസ്ട്രി ബിരുദധാരിയാണ് തോപ്പിൽ. വിരമിച്ച സിവിൽ സർവീസ് ജീവനക്കാരനായ അദ്ദേഹം നിലവിൽ വിവിധ സാമൂഹ്യ പ്രവർത്തനങ്ങളിലൂടെ കർമ്മനിരതനാണ്. ഭാര്യ വത്സല കൃഷ്ണ, മക്കൾ:…

ലണ്ടൻ: ദീപാവലി ദിനത്തിൽ ഭരണകക്ഷിയായ കൺസർവേറ്റീവ് പാർട്ടിയുടെ പുതിയ നേതാവായി എതിരില്ലാതെ തിരഞ്ഞെടുക്കപ്പെട്ടതിന് ശേഷം ബ്രിട്ടനിലെ ആദ്യത്തെ ഇന്ത്യൻ വംശജനായ പ്രധാനമന്ത്രിയായി ചാൾസ് മൂന്നാമൻ രാജാവ് അദ്ദേഹത്തെ നിയമിച്ചപ്പോൾ ഋഷി സുനക് ചൊവ്വാഴ്ച ചരിത്രമെഴുതി. 42 കാരനായ മുൻ ചാൻസലർ ഓഫ് എക്‌സ്‌ചീക്കർ, ഒരു ഹിന്ദു മതവിശ്വാസി, 210 വർഷത്തിനിടയിലെ ഏറ്റവും പ്രായം കുറഞ്ഞ ബ്രിട്ടീഷ് പ്രധാനമന്ത്രി, യുകെയിലെ ഇന്ത്യൻ പൈതൃകത്തിന്റെ ആദ്യ ഹിന്ദു പ്രധാനമന്ത്രി എന്നീ നിലകളില്‍ ഋഷി സുനകിന് അഭിമാനിക്കാനേറെ. തിങ്കളാഴ്ച ഫലം പ്രഖ്യാപിച്ചതിന് തൊട്ടുപിന്നാലെ ടോറി നേതാവെന്ന നിലയിലുള്ള തന്റെ ആദ്യ പ്രസംഗത്തിൽ, രാജ്യത്തെ ഒരുമിച്ച് കൊണ്ടുവരുന്നതിനാണ് തന്റെ മുൻഗണനയെന്ന് സുനക് പറഞ്ഞു. തന്റെ ജീവിതത്തിലെ ഏറ്റവും വലിയ പദവി നല്‍കിയതില്‍ താനേറെ വിനീതനും ബഹുമാനിതനുമാണെന്ന് അദ്ദേഹം പറഞ്ഞു. “ഈ രാജ്യത്തോട് ഞാൻ വളരെയധികം കടപ്പെട്ടിരിക്കുന്നു. യുകെ ഒരു മഹത്തായ രാജ്യമാണ്, പക്ഷേ…