Month: June 2023

കൊച്ചി: പുരാവസ്തു, സാമ്പത്തിക തട്ടിപ്പ്‌ കേസിലെ പരാതിക്കാരെ സ്വാധീനിക്കാന്‍ ശ്രമിച്ച യുത്ത്‌ കോണ്‍ഗ്രസ്‌ നേതാവ്‌ അബിന്‍ എബ്രഹാമിന്റെ സാമ്പത്തിക ഇടപാടുകള്‍ ക്രൈംബ്രാഞ്ച്‌ അന്വേഷിക്കുന്നു. കേസിലെ മുഖ്യപ്രതി മോന്‍സണ്‍ മാവുങ്കലില്‍ നിന്ന്‌ അബിന്‍ വന്‍തുക കൈപ്പറ്റിയെന്ന നിഗമനത്തിലാണ്‌ ക്രൈംബ്രാഞ്ച്‌ അന്വേഷണം നടത്തുന്നത്‌. കെപിസിസി പ്രസിഡന്റ്‌ കെ സുധാകരന്‍ മോണ്‍സണെ കണ്ടത്‌ അബിന്‍ വഴിയാണെന്ന്‌ ക്രൈംബ്രാഞ്ച്‌ കണ്ടെത്തി. മോണ്‍സണിലെ ജീവനക്കാരനും ആയിരുന്നു. മോണ്‍സണ്‍ ജീവനക്കാരുടെ അക്കൗണ്ടില്‍ നിന്ന്‌ അബിന്റെ അക്കൗണ്ടിലേക്ക്‌ പണം ട്രാന്‍സ്ഫര്‍ ചെയ്തതായി പ്രാഥമിക അന്വേഷണത്തില്‍ കണ്ടെത്തിയിരുന്നു. അബിന്‍ 20 ലക്ഷത്തിലധികം രൂപ കൈപ്പറ്റിയെന്ന പരാതിക്കാരുടെ ആരോപണത്തിന്റെ അടിസ്ഥാനത്തിലാണ്‌ അന്വേഷണം. അബിന്റെ ബന്ധുക്കളുടെ ബാങ്ക് ഇടപാടുകളും ക്രൈം ബ്രാഞ്ച് പരിശോധിക്കും. സുധാകരന്റെ അറസ്റ്റിനെ തുടര്‍ന്ന്‌ അബിന്‍ ഒളിവിലാണെന്നാണ്‌ ക്രൈംബ്രാഞ്ച്‌ പറയുന്നത്‌.

കായംകുളം: നിഖില്‍ തോമസിന്റെ വ്യാജ ബിരുദ സര്‍ട്ടിഫിക്കറ്റ് കേസിലെ രണ്ടാം പ്രതി അബിന്‍ സി രാജിനെ ജോലിയില്‍ നിന്ന്‌ പുറത്താക്കിയതായി സൂചന. ഇയാളുടെ സിമ്മും വര്‍ക്ക്‌ പെര്‍മിറ്റും മാലിദ്വീപ്‌ സര്‍ക്കാര്‍ റദ്ദാക്കിയതായി റിപ്പോര്‍ട്ടുകളുണ്ട്‌. മാലിദ്വീപില്‍ അദ്ധ്യാപകനായി ജോലി ചെയ്യുകയായിരുന്നു അബിന്‍. എസ്‌എഫ്‌ഐ മുന്‍ ഏരിയ പ്രസിഡന്റും ജില്ലാ സെക്രട്ടേറിയറ്റ്‌ അംഗവുമായിരുന്നു. മാലിദ്വീപില്‍ നിന്ന്‌ വിമാനമിറങ്ങിയ എബിനെ ഇന്നലെ രാത്രി കൊച്ചി വിമാനത്താവളത്തില്‍ നിന്നാണ്‌ കായംകുളം പൊലീസ്‌ കസ്റ്റഡിയിലെടുത്തത്‌. കേസിലെ ഒന്നാം പ്രതി നിഖില്‍ തോമസിന്‌ ബിരുദ സര്‍ട്ടിഫിക്കറ്റ്‌ നല്‍കിയത്‌ അബിനാണ്‌. സര്‍ട്ടിഫിക്കറ്റ്‌ ലഭിച്ച നിഖിലിനെ എറണാകുളത്തെ ഓറിയോൺ ഏജന്‍സിയിലെത്തിച്ച്‌ തെളിവെടുപ്പ്‌ നടത്തും. രണ്ട്‌ ലക്ഷം രൂപ വാങ്ങിയ ശേഷമാണ്‌ അബിന്‍ രാജ്‌ സര്‍ട്ടിഫിക്കറ്റ്‌ നല്‍കിയതെന്ന്‌ നിഖില്‍ പോലീസിനോട്‌ പറഞ്ഞു. മാലിദ്വീപില്‍ ജോലി ചെയ്തിരുന്ന അബിനെ കേരളാ പോലീസിന്റെ സമ്മര്‍ദ്ദത്തെ തുടര്‍ന്നാണ്‌ നാട്ടിലേക്ക്‌ കൊണ്ടുവന്നത്‌. തങ്ങള്‍ ഇടപെട്ട് വീട്ടിലെത്തിക്കുമെന്ന്‌…

എടത്വ: തലവടി പഞ്ചായത്ത് 12-ാം വാർഡിൽ സാൽവേഷൻ ആർമി പള്ളി ജംഗ്ഷൻ – പൊയ്യാലുമാലിൽ പടി റോഡിൽ യാത്രക്ലേശം രൂക്ഷം. ‘പ്രധാനമന്ത്രി ഗ്രാമീണ സഡക്ക് യോജന ‘ പദ്ധതി പ്രകാരം നിർമ്മിച്ച പാരേത്തോട് വട്ടടി റോഡിന് സമീപം ഉള്ള ഒരു ഇടവഴിയാണ് സാൽവേഷൻ ആർമി പള്ളിപ്പടി മുതൽ പൊയ്യാലുമാലിൽപ്പടി റോഡ്.ഈ വഴിയ്ക്ക് ഇരുവശത്തായി ഏകദേശം 27 കുടുംബങ്ങൾ താമസിക്കുന്നുണ്ട്. എഴുന്നേറ്റ് നടക്കാൻ സാധിക്കാത്ത ശരീരം തളർന്ന 2 പേർ ഇതിൽ ഉൾപ്പെടും. വെള്ളപ്പൊക്കമുണ്ടായാൽ പ്രധാന റോഡിൽ പോലും എത്താൻ പറ്റാത്ത അവസ്ഥയാണ്. ഒരു ഓട്ടോറിക്ഷയിൽ പോലും ഇതുവഴി രോഗികളെയും കൊണ്ട് പ്രധാന റോഡിൽ എത്തുവാൻ സാധ്യമല്ല. മഴ പെയ്യുമ്പോൾ വെള്ളം കെട്ടി കിടന്ന് ചെളിയാകുകയാണ്. ഈ റോഡിൽ വഴിവിളക്കുകൾ പോലും ഇല്ല. നിലവിലുള്ള വഴി മണ്ണിട്ട് ഉയർത്തി സഞ്ചാരയോഗ്യമാക്കി ദുരിതത്തിൽ നിന്ന് കരകയറാൻ ആണ് പ്രദേശവാസികളുടെ ആഗ്രഹം.ഇതിന്…

കൊച്ചി: മഹാത്മാ അയ്യങ്കാളിയുടെ വിപ്ലവ വീര്യത്തെ അസഹിഷ്ണുതയോടെ നോക്കിക്കാണുന്ന സവർണ മാടമ്പികളാണ് അദ്ദേഹത്തിൻ്റെ ചിത്രങ്ങൾ വികൃതമാക്കി സമൂഹമാധ്യമങ്ങളിലൂടെ പ്രചരിപ്പിക്കുന്നതെന്ന് വെൽഫെയർ പാർട്ടി സംസ്ഥാന സെക്രട്ടറി ജ്യോതിവാസ് പറവൂർ. മഹാത്മ അയ്യങ്കാളിയുടെ വികൃതമാക്കിയ ചിത്രം പ്രചരിപ്പിച്ച സംഭവത്തിൽ കുറ്റവാളികളെ അറസ്റ്റ് ചെയ്യണമെന്ന് ആവശ്യപ്പെട്ടുകൊണ്ട് വെൽഫെയർ പാർട്ടി എറണാകുളം ജില്ല കമ്മിറ്റി നടത്തിയ പ്രതിഷേധ ജാഥയും പൊതുയോഗവും അഭിസംബോധന ചെയ്തുകൊണ്ട് സംസാരിക്കുകയായിരുന്നു അദ്ദേഹം. കേരളത്തിൻ്റെ നവോത്ഥാന ചരിത്രത്തിൽ എഴുതപ്പെടാത്ത ഒരു സുവർണ കാലഘട്ടം തൻ്റെ പോരാട്ടങ്ങൾ കൊണ്ടും അവകാശ ബോധങ്ങൾ കൊണ്ടും എഴുതി ചേർത്ത മഹാനായിരുന്നു മഹാത്മ അയ്യങ്കാളി എന്നും അദ്ദേഹത്തെ ഇത്തരത്തിൽ അപമാനിച്ച് വേട്ടയാടാനാണ് സംഘപരിവാർ ശ്രമിക്കുന്നതെന്നും അദ്ദേഹം കൂട്ടിച്ചേർത്തു. ജില്ലാ പ്രസിഡണ്ട് കെ. എച്ച്.സദക്കത്ത് യോഗത്തിൽ അധ്യക്ഷത വഹിച്ചു. ജില്ലാ ജനറൽ സെക്രട്ടറി ഷംസുദ്ദീൻ എടയാർ, സെക്രട്ടറി നാദിർഷ, പറവൂർ മണ്ഡലം പ്രസിഡണ്ട് എം. യു. ഹാഷിം…

ജനങ്ങള്‍ക്ക്‌ ഉപകാരപ്പെടുന്ന പല നിയമങ്ങളും പാസാക്കുന്നുണ്ടെങ്കിലും അത്‌ നടപ്പാക്കാന്‍ വര്‍ഷങ്ങളുടെ കാലതാമസം നേരിടുന്നത്‌ ശരിയല്ല. പിഴ ചുമത്തുന്നതിനുള്ള നിയമങ്ങള്‍ അതിവേഗം നടപ്പിലാക്കുന്നു. ജനങ്ങളുടെ സൗകര്യാര്‍ത്ഥം ക്രമീകരണങ്ങളും സേവനങ്ങളും ഉള്‍ക്കൊള്ളുന്ന നിയമങ്ങള്‍ നടപ്പിലാക്കുന്നതില്‍ സര്‍ക്കാര്‍ അത്ര ശുഷ്ടാന്തി കാണിക്കുന്നില്ല. കാരണം, ഇത്‌ പലപ്പോഴും സര്‍ക്കാരിന്‌ കൂടുതല്‍ ചിലവ്‌ വരുത്തുന്നു. അതിനാല്‍ ധനവകുപ്പ്‌ അതിനെ എതിര്‍ക്കുന്നു. അതോടെ പാസാക്കിയ നിയമങ്ങള്‍ പോലും ഫയലുകളില്‍ അവശേഷിക്കുന്നു. നിയമസഭ പാസാക്കിയ സംയോജിത ഗതാഗത നിയമം ഏകോപിപ്പിച്ച്‌ യാത്രകള്‍ക്കായി വിവിധ ഗതാഗത സംവിധാനങ്ങള്‍ ലഭ്യമാക്കുന്നതിന്‌ ഇതുവരെ നടപടിയുണ്ടായിട്ടില്ല. സൈക്കിള്‍, ബൈക്ക്‌, ഓട്ടോ, കാര്‍, ബസ്, ട്രെയിന്‍, കപ്പല്‍ തുടങ്ങിയ ഗതാഗത മാര്‍ഗങ്ങള്‍ സംയോജിപ്പിക്കുന്ന സംവിധാനം ഒരുക്കാനാണ്‌ ഈ നിയമത്തിലെ പ്രധാന നിര്‍ദേശം. പാരീസ്‌, ലണ്ടന്‍ തുടങ്ങിയ നഗരങ്ങളിലെ മാതൃകയാണിത്‌. ഇത്‌ യാഥാര്‍ത്ഥ്യമാകുമ്പോള്‍ കുടുതല്‍ കൂടുതല്‍ ആളുകള്‍ തങ്ങളുടെ സ്വകാര്യ വാഹനങ്ങള്‍ ഉപേക്ഷിച്ച്‌ പൊതുഗതാഗതത്തെ ആശ്രയിക്കും.…

ന്യൂഡല്‍ഹി: ദേശാഭിമാനി മുന്‍ എഡിറ്റോറിയല്‍ കമ്മിറ്റി അംഗത്തിന്റെ വെളിപ്പെടുത്തലില്‍ മുഖ്യമന്ത്രി പിണറായി വിജയന്‍ ആഭ്യന്തരമന്ത്രി സ്ഥാനം രാജിവച്ച്‌ അന്വേഷണം നടത്തണമെന്ന്‌ പ്രതിപക്ഷ നേതാവ്‌ വി.ഡി.സതീശന്‍ ആവശ്യപ്പെട്ടു. കെപിസിസി അദ്ധ്യക്ഷന്‍ കെ സുധാകരനെതിരെ കേസെടുക്കാന്‍ ഇനിയും താല്‍പര്യമുണ്ടോ? ഇരട്ടത്താപ്പ്‌ പാടില്ലെന്നും അദ്ദേഹം പറഞ്ഞു. കേരളത്തെയാകെ ഞെട്ടിച്ച ഒരു വെളിപ്പെടുത്തലുണ്ടായി. വെളിപ്പെടുത്തല്‍ ഒരു ലളിതമായ വ്യക്തിയുടേതല്ല. ദേശാഭിമാനിയുടെ എഡിറ്റോറിയല്‍ കമ്മിറ്റി അംഗമായിരുന്ന ജി ശക്തിധരനാണ്‌ മുഖ്യമന്ത്രിക്കെതിരെ ഗുരുതര ആരോപണങ്ങള്‍ ഉന്നയിച്ചത്‌. കലൂരിലെ ദേശാഭിമാനി ഓഫീസില്‍ പാര്‍ട്ടി സെക്രട്ടറിയായിരിക്കെ പലരില്‍ നിന്നും പിരിച്ചെടുത്ത പണം പായയില്‍ കെട്ടി കാറില്‍ തിരുവനന്തപുരത്തേക്ക്‌ കൊണ്ടുപോയെന്നും അദ്ദേഹം പറഞ്ഞു. കാറില്‍ പിണറായി മന്ത്രിസഭയിലെ ഒരാള്‍ കൂടി ഉണ്ടായിരുന്നതായും വെളിപ്പെടുത്തി. രണ്ട്‌ കോടി മുപ്പത്തിയഞ്ച്‌ ലക്ഷം രൂപ കൊണ്ടുപോയി. തിരുവനന്തപുരത്ത്‌ 20 ലക്ഷം കൂടി സ്വീകരിച്ചതിന്റെ കണക്കും പുറത്ത്‌ വന്നിട്ടുണ്ട്‌. ഈ പണം എവിടെപ്പോയി? ആരാണ്‌ ഈ…