Day: August 8, 2023

കോട്ടയം: കേരളം നേരിടുന്ന വിവിധ കാര്‍ഷിക പ്രശ്‌നങ്ങളും ഭരണസംവിധാനങ്ങളുടെ കര്‍ഷക ദ്രോഹങ്ങളും ചൂണ്ടിക്കാട്ടി കര്‍ഷക സംഘടനകളുടെ ദേശീയ ഐക്യവേദിയായ രാഷ്ട്രീയ കിസാന്‍ മഹാസംഘ് സംസ്ഥാന സമിതി സംസ്ഥാന സര്‍ക്കാരിന് കര്‍ഷക അവകാശ പത്രിക സമര്‍പ്പിക്കുമെന്ന് ചെയര്‍മാന്‍ അഡ്വ.ബിനോയ് തോമസ് അറിയിച്ചു. ഓഗസ്റ്റ് 10,11 തീയതികളില്‍ രാഷ്ട്രീയ കിസാന്‍ മഹാസംഘിന്റെ 14 ജില്ലാ സമിതിയംഗങ്ങള്‍ അതാത് ജില്ലാ ആസ്ഥാനത്തെത്തി കളക്ടര്‍മാര്‍ മുഖേനയാണ് സര്‍ക്കാരിന് കര്‍ഷക അവകാശപത്രിക കൈമാറുന്നത്. വിവിധ സ്വതന്ത്ര കര്‍ഷക സംഘടനകളും പങ്കുചേരും. ചിങ്ങം ഒന്നിന് സര്‍ക്കാര്‍ നടത്തുന്ന കര്‍ഷക ദിനാചരണം കര്‍ഷകര്‍ ബഹിഷ്‌കരിക്കും. വന്യജീവി അക്രമങ്ങളും ഉദ്യോഗസ്ഥ നീതിനിഷേധങ്ങളും മൂലം കര്‍ഷകര്‍ നിരന്തരം പീഡിപ്പിക്കപ്പെടുമ്പോള്‍ സര്‍ക്കാരിന്റെ കര്‍ഷക ദിനാചരണം പ്രഹസനമാണ്. ചിങ്ങം ഒന്നിന് കേരളത്തിലെ 100 കേന്ദ്രങ്ങളില്‍ പ്രതിഷേധസൂചകമായി കര്‍ഷകര്‍ പട്ടിണിസമരം നടത്തും. സംസ്ഥാനതല പട്ടിണി സമരം ആലപ്പുഴ കളക്ട്രേറ്റ് പടിക്കല്‍ ഓഗസ്റ്റ് 17 വ്യാഴാഴ്ച…

കൊല്ലം: 2016 ജൂൺ 15ന് കൊല്ലം കലക്‌ട്രേറ്റിലുണ്ടായ സ്‌ഫോടനം ആസൂത്രണം ചെയ്‌ത ഭീകരർ തമിഴ്‌നാട്ടിലെ മധുരയിൽ ആക്രമണം ആസൂത്രണം ചെയ്‌തതായി സൂചന. ഭീകര സംഘടനയായ ബേസ് മൂവ്‌മെന്റാണ് സ്‌ഫോടനത്തിന് ഉത്തരവാദി. ഏപ്രിലിൽ കോടതിയിൽ സമർപ്പിച്ച കുറ്റപത്രം അനുസരിച്ച്, ഗുജറാത്തിൽ വിവാദമായ ഏറ്റുമുട്ടലിൽ ഇസ്രത്ത് ജഹാനെ വധിച്ചതിനുള്ള പ്രതികാരമായിരുന്നു സ്ഫോടനത്തിന് പിന്നിലെ ലക്ഷ്യം. രാജ്യത്തിന്റെ പരമാധികാരത്തെ വെല്ലുവിളിക്കാനാണ് പ്രതികളായ തീവ്രവാദികൾ തങ്ങളുടെ ഉദ്ദേശ്യം പ്രകടിപ്പിച്ചതെന്ന് കുറ്റപത്രത്തിൽ പറയുന്നു. 57 പേജുള്ള കുറ്റപത്രത്തിൽ അബ്ബാസ് അലി, ഷംസൂൺ കരീം രാജ, ദാവൂദ് സുലൈമാൻ, ഷംസുദ്ദീൻ എന്നിവരെയാണ് പ്രധാന പ്രതികളായി തിരിച്ചറിയുന്നത്. രണ്ടാം പ്രതി ഷംസൂൺ കരീം രാജയാണ് കളക്ടറേറ്റിൽ ബോംബ് വെച്ചത്. സംഭവത്തിന്റെ തലേദിവസം രാത്രി കെഎസ്ആർടിസി ബസിലാണ് ഇയാൾ തെങ്കാശിയിൽ നിന്ന് കൊല്ലത്തെത്തിയത്. തുടർന്ന് രാവിലെ പത്തോടെ കളക്ടറേറ്റ് വളപ്പിലെത്തി പാർക്ക് ചെയ്തിരുന്ന ജീപ്പിൽ സ്‌ഫോടക വസ്തു വെച്ച…

തിരുവനന്തപുരം: ഏകീകൃത സിവിൽ കോഡ് (യുസിസി) സംബന്ധിച്ച പ്രമേയം ചട്ടം 118 പ്രകാരം മുഖ്യമന്ത്രി നിയമസഭയിൽ അവതരിപ്പിച്ചു. മുഖ്യമന്ത്രി അവതരിപ്പിച്ച പ്രമേയത്തെ ഭരണ-പ്രതിപക്ഷ അംഗങ്ങൾ ഏകകണ്ഠമായി പിന്തുണച്ചു. ഇടതു-വലതു പാർട്ടികൾ ന്യൂനപക്ഷ പ്രീണനമാണ് ലക്ഷ്യമിടുന്നതെന്ന് വ്യക്തമായിരുന്നു. കേരളത്തിന്റെ ആദ്യ മുഖ്യമന്ത്രി ഇഎംഎസ് നമ്പൂതിരിപ്പാട് രാജ്യത്ത് ഒരു നിയമം വേണമെന്ന നിലപാടാണ് സ്വീകരിച്ചത്. എന്നാൽ, അതേ പാർട്ടിയാണ് ഇതിനെതിരെ പ്രമേയം പാസാക്കിയത്. ന്യൂനപക്ഷ മുസ്ലീങ്ങളെ പ്രീണിപ്പിക്കാൻ ഇടതു-വലതു പാർട്ടികൾ കൈകോർക്കുകയാണ്. മുഖ്യമന്ത്രി പിണറായി വിജയൻ അവതരിപ്പിച്ച പ്രമേയത്തെ പ്രതിപക്ഷ അംഗങ്ങളും പിന്തുണച്ചത് ശ്രദ്ധേയമായി. ഏകീകൃത സിവിൽ കോഡ് ഏർപ്പെടുത്താനുള്ള കേന്ദ്ര സർക്കാരിന്റെ നിർദേശത്തിൽ കേരള നിയമസഭയ്ക്ക് ആശങ്കയുണ്ടെന്ന് പ്രമേയത്തിൽ പറയുന്നു. ഏകീകൃത സിവിൽ കോഡ് ഏർപ്പെടുത്താനുള്ള കേന്ദ്ര സർക്കാരിന്റെ നീക്കത്തിൽ കേരള നിയമസഭ ആശങ്കയും നിരാശയും പ്രകടിപ്പിച്ചു. ഏകപക്ഷീയവും തിടുക്കത്തിലുള്ളതുമായ കേന്ദ്ര നീക്കം ഭരണഘടനയുടെ മതേതര സ്വഭാവത്തെ അസാധുവാക്കുന്നുവെന്നാണ്…

ന്യൂഡൽഹി: കോട്ടയം പുതുപ്പള്ളി മണ്ഡലത്തിലേക്കുള്ള നിയമസഭാ ഉപതിരഞ്ഞെടുപ്പ് സെപ്റ്റംബർ അഞ്ചിന് നടക്കുമെന്ന് തിരഞ്ഞെടുപ്പ് കമ്മീഷൻ ഔദ്യോഗികമായി അറിയിച്ചു. മുതിർന്ന കോൺഗ്രസ് നേതാവ് ഉമ്മൻചാണ്ടിയുടെ നിര്യാണത്തെ തുടർന്നുണ്ടായ ഒഴിവാണ് ഉപതെരഞ്ഞെടുപ്പ് വേണ്ടിവന്നത്. ആഗസ്റ്റ് 17 വരെ സ്ഥാനാർത്ഥികൾക്ക് നാമനിർദ്ദേശ പത്രിക സമർപ്പിക്കാം. സെപ്റ്റംബർ എട്ടിന് വോട്ടെണ്ണൽ നടക്കും. തെരഞ്ഞെടുപ്പിന് പോകുന്ന അസംബ്ലി മണ്ഡലത്തിന്റെ മുഴുവനായോ ഏതെങ്കിലും ഭാഗമോ ഉൾപ്പെടുന്ന ജില്ലയിൽ ഭാഗികമായ മാറ്റങ്ങൾക്ക് വിധേയമായി മാതൃകാ പെരുമാറ്റച്ചട്ടം ഉടനടി പ്രാബല്യത്തിൽ വരും. കേരളം ഉൾപ്പെടെ ആറ് സംസ്ഥാനങ്ങളിലെ ഏഴ് നിയമസഭാ മണ്ഡലങ്ങളായ ഝാര്‍ഖണ്ഡിലെ ധുമ്രി, ത്രിപൂരയിലെ ബോക്‌സാനഗര്‍, ധന്‍പൂര്‍, ബംഗാളിലെ ധുപ്‌ഗുരി, ഉത്തര്‍പ്രദേശിലെ ഘോസി, ഉത്തരാഖണ്ഡിലെ ബാഗേശ്വര്‍ എന്നിവിടങ്ങളിലും പുതുപ്പള്ളിക്കൊപ്പം ഉപതിരഞ്ഞെടുപ്പ് നടത്താൻ ഇസി തീരുമാനിച്ചു. ഉപതിരഞ്ഞെടുപ്പ് തീയതി വന്നതോടെ രാഷ്ട്രീയ കേരളം പുതുപള്ളിയിലേക്ക് ചുരുങ്ങും. രാഷ്ട്രീയ പാർട്ടികൾ പ്രതീക്ഷിച്ചതിലും വളരെ നേരത്തെയാണ് ഉപതിരഞ്ഞെടുപ്പ് പ്രഖ്യാപിച്ചിരിക്കുന്നത്. ഇരുമുന്നണികളിലെയും സ്ഥാനാർഥി…