Month: January 2024

ഡാളസ് :കേരള അസോസിയേഷൻ ഓഫ് ഡാളസും ഇന്ത്യ കൾച്ചറൽ ആൻഡ് എജുക്കേഷൻ സെൻററും സംയുക്തമായി 2024 ജനുവരി 20 ശനിയാഴ്ച വൈകീട്ട്  സംഘടിപ്പിച്ച ടാക്സ് സെമിനാർ വിജ്ഞാനപ്രദമായി. ഗാർലൻഡ് കേരള അസോസിയേഷൻ ഓഫീസിൽ   സംഘടിപ്പിച്ചിച്ച  സെമിനാറിൽ  ഹരി പിള്ള(സിപിഐ) ആനുകാലിക ടാക്സ്  വിഷയങ്ങളെ കുറിച്ചു വിശദീകരിച്ചു .ട്രംപിന്റെ ഭരണകാലത്തു നടപ്പാക്കിയ ചില  പരിഷ്കാരങ്ങള്ക്കു  ഒഴികെ കഴി നാലുവർഷമായി ടാക്സ് റീട്ടേർണുകൾ സമർപ്പിക്കുന്നതിൽ കാര്യമായ മാറ്റങ്ങളൊന്നും സംഭവിച്ചിട്ടില്ലെന്നു   ഹരി പിള്ള പറഞ്ഞു . വിദേശ രാജ്യങ്ങളിൽ ധന നിക്ഷേപം നടത്തിയവർ  തങ്ങൾക്കു ലഭിച്ച അധിക വരുമാനത്തെ കുറിച്ചുള്ള വിവരങ്ങൾ ടാക്സ് റേറ്റർണുകൾ സമർപ്പിക്കുമ്പോൾ നിലവിലുള്ള മാനദണ്ഡങ്ങൾ പാലിക്കണമെന്ന് പിള്ള പറഞ്ഞു . തുടർന്നു സദസ്യരിൽ നിന്നും ഉയർന്ന  സംശയങ്ങൾക്ക് മറുപടി നൽകി. ഇന്ത്യ കൾച്ചറൽ ആൻഡ് എജുക്കേഷൻ സെന്റർ പ്രസിഡന്റ് ഷിജു എബ്രഹാം സ്വാഗതം ആശംസിച്ചു…

കോട്ടയം: സങ്കീർണ്ണമായ കണങ്കാൽ മാറ്റിവെയ്ക്കൽ ശസ്ത്രക്രിയ അതിനൂതന സാങ്കേതിക വിദ്യയിലൂടെ വിജയം കൈവരിച്ച നേട്ടവുമായി ഡോ ജെഫേഴ്സൺ ജോർജ്ജ് എടത്വ സ്വദേശി തെക്കേടം വീട്ടിൽ ജോസഫ് ആന്റണിക്ക് 16 വർഷം മുൻപുണ്ടായ വാഹനാപകടത്തെ തുടർന്ന് കാലിന്റെ ചലനശേഷി നഷ്ടപ്പെട്ടിരുന്നു.തുടർന്ന് വിവിധ ആശുപത്രികളിൽ നടത്തിയ ചികിത്സാ രീതികളും സർജറികളും ഫലം കാണാതെ വന്നപ്പോൾ ജോസഫ് ആന്റണി വിദഗ്ധ ചികിത്സ തേടി ഡോ ജെഫേഴ്സൺ ജോർജിനെ സമീപിക്കുകയായിരുന്നു. ഈ ശസ്ത്രക്രിയക്കു വേണ്ടി അവശ്യമുള്ള സാധന ങ്ങൾ ഇന്ത്യയിൽ ലഭ്യമല്ലാത്തതിനാൽ നെതർലൻഡിൽ നിന്നും ആണ് ഇറക്കുമതി ചെയ്തത്. 6 മണിക്കൂർ നീണ്ടുനിന്ന ശസ്ത്രക്രിയയിലൂടെ അനായാസ ചലനങ്ങൾ സാധ്യമാക്കുക ,വേദനയിൽ നിന്നുള്ള ശാശ്വതമായ മോചനം , 3 മുതൽ 6 ആഴ്ചവരെയുള്ള വിശ്രമത്തിലൂടെ പഴയ ജീവിതത്തിലേക്ക് തിരിച്ചുവരാം എന്നിവയാണ് സവിശേഷതകൾ.ഈ രീതിയിലുള്ള ശസ്ത്രക്രിയ ഇതിനുമുൻപ് വിദേശ ഡോക്ടറുടെ നേതൃത്വത്തിൽ മഹാരാഷ്ട്ര 5 ഉം…

ഉണ്ണി മുകുന്ദനും നിഖില വിമലും ഒന്നിക്കുന്ന ചിത്രം ​ഗെറ്റ് സെറ്റ് ബേബിയുടെ ചിത്രീകരണം കൊച്ചിയിൽ ആരംഭിച്ചു. സ്കന്ദാ സിനിമാസും കിംഗ്സ്മെൻ പ്രൊഡക്ഷൻസും സംയുക്തമായി നിർമ്മിക്കുന്ന ചിത്രം വിനയ് ഗോവിന്ദ് ആണ് സംവിധാനം ചെയ്യുന്നത്. സജീവ് സോമൻ, സുനിൽ ജയിൻ, സാം ജോർജ്ജ് എന്നിവർ നിർമ്മാണ പങ്കാളികളാവുന്ന ആദ്യസംരഭമാണ് ഈ ചിത്രം. ഐവിഎഫ് സ്പെഷ്യലിസ്റ്റ് ആയ ഒരു ഡോക്ടർ നേരിടുന്ന പ്രശ്നങ്ങളും അത് പരിഹരിക്കാൻ അയാൾ കണ്ടെത്തുന്ന വഴികളും രസകരമായ രീതിയിൽ പ്രതിപാദിക്കുന്ന ചിത്രമാണ് ഗെറ്റ് സെറ്റ് ബേബി. സാമൂഹികപ്രസക്തിയുള്ള ഈ ഫാമിലി എൻ്റർടെയിനർ നിരവധി വൈകാരികമുഹൂർത്തങ്ങളെ നർമ്മത്തിൽ ചാലിച്ച് കുടുംബപ്രേക്ഷകർക്ക് മുന്നിലെത്തിക്കുന്നു. ഈ വിഷയം പ്രതിപാദിക്കുന്നൊരു സിനിമ ആദ്യമായിട്ടായിരിക്കും മലയാളത്തിൽ. മാസ് ആക്ഷൻ ചിത്രങ്ങൾക്കൊപ്പം തന്നെ മറ്റുചിത്രങ്ങളിലൂടെയും കുടുംബപ്രേക്ഷകരുടെ മനസിൽ പ്രത്യേക സ്ഥാനം നേടിയ മലയാളത്തിൻ്റെ പ്രിയപ്പെട്ട താരം ഉണ്ണിമുകുന്ദൻ തികച്ചും വ്യത്യസ്തമായ മറ്റൊരു കഥാപാത്രത്തെയാണ് ഈ…

കൊല്ലം: സംസ്ഥാനത്തോടുള്ള കേന്ദ്രത്തിന്റെ അവഗണനയ്‌ക്കെതിരെയും വിവേചനത്തിനെതിരെയും പ്രതിഷേധ സൂചകമായി ഡെമോക്രാറ്റിക് യൂത്ത് ഫെഡറേഷൻ ഓഫ് ഇന്ത്യ (ഡിവൈഎഫ്‌ഐ) സംസ്ഥാന വ്യാപകമായി സംഘടിപ്പിച്ച മനുഷ്യച്ചങ്ങലയിൽ സമൂഹത്തിന്റെ നാനാതുറകളിലുള്ളവർ പങ്കെടുത്തു. കൊല്ലം ജില്ലയിൽ ഓച്ചിറ മുതൽ കടമ്പാട്ടുകോണം വരെ നീണ്ടുനിന്ന 59 കിലോമീറ്റർ പദയാത്രയിൽ ആയിരങ്ങൾ മുദ്രാവാക്യം വിളിച്ച് പ്രതിജ്ഞയെടുത്തു. പ്രായമായവർക്കും യുവാക്കൾക്കും പുറമെ കശുവണ്ടിത്തൊഴിലാളികൾ, കർഷകർ, അധ്യാപകർ, വ്യാപാരികൾ, കലാകാരന്മാർ, എഴുത്തുകാർ, വൈദികർ എന്നിവർ പ്രതിഷേധത്തിന്റെ ഭാഗമായി. മനുഷ്യച്ചങ്ങല കാണാൻ ദേശീയ പാതയിൽ വൻ ജനാവലി തടിച്ചുകൂടി. ജില്ലയുടെ വിവിധ ഭാഗങ്ങളിൽ നിന്ന് നൂറുകണക്കിന് ആളുകൾ ഉച്ചയോടെ നിയുക്ത കേന്ദ്രങ്ങളിലെത്തി. വൈകുന്നേരം 4 മണിക്ക് ദേശീയ പാതയിൽ പങ്കെടുക്കുന്നവർ സ്ഥാനം പിടിക്കാൻ തുടങ്ങി. വൈകുന്നേരം 4.30 ന് ഒരു ട്രയൽ നടത്തി, 5 മണിയോടെ പങ്കാളികൾ ചങ്ങല പൂർത്തിയാക്കാൻ കൈകോർത്തു. അന്തരിച്ച സിപിഐ എം നേതാവ് എൻ.ശ്രീധരന്റെ ഭാര്യ…

വടക്കാങ്ങര: രാജ്യത്തെ ഭരണാധികാരികൾ വംശീയ ഉന്മൂലനങ്ങൾ ലക്ഷ്യം വെച്ച് നിരന്തരമായി വർഗീയ അജണ്ടകൾ നടപ്പിലാക്കി സമൂഹത്തെ അരക്ഷിതാവസ്ഥയിലേക്ക് നയിക്കുമ്പോൾ ആദർശാടിത്തറയിൽ ആത്മാഭിമാനമുള്ള ഉത്തമ സമൂഹത്തെ വളർത്തിയെടുക്കാൻ മഹല്ല് സംവിധാനങ്ങൾക്ക് സാധിക്കേണ്ടതുണ്ടെന്ന് ജമാഅത്തെ ഇസ്ലാമി കേരള അമീർ പി മുജീബുറഹ്മാൻ പറഞ്ഞു. വർഗീയ ഉന്മൂലന പ്രവർത്തനങ്ങൾ ശക്തിപ്പെടുകയും ഇസ്ലാമോഫോബിയ വളർന്നു വരികയും ചെയ്യുന്ന കാലത്ത് മഹല്ലുകളുടെ ഉത്തരവാദിത്വം വലുതാണെന്നും അദ്ദേഹം ഓർമിപ്പിച്ചു. മാനവ കുലത്തെ വൈജ്ഞാനികവും ധാർമികവും സാമ്പത്തികവും സാംസ്കാരികവുമായി വളത്തിയെടുക്കേണ്ട കേന്ദ്രങ്ങളാണ് പള്ളികളും മഹല്ല് സംവിധാനങ്ങളുമെന്നും അദ്ദേഹം കൂട്ടിച്ചേർത്തു. വടക്കാങ്ങര ഈസ്റ്റ് ജുമാമസ്ജിദ് മഹല്ല് കുടുംബ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. നുസ്റത്തുൽ അനാം ട്രസ്റ്റ് ചെയർമാൻ എ.ടി ഷറഫുദ്ധീൻ അധ്യക്ഷത വഹിച്ചു. ജമാഅത്തെ ഇസ്ലാമി മലപ്പുറം ജില്ല പ്രസിഡന്റ് ഡോ. നഹാസ് മാള മുഖ്യ പ്രഭാഷണം നിർവഹിച്ചു. ടി ശഹീർ ഖുർആനിൽ നിന്ന് അവതരിപ്പിച്ചു.…

ആലപ്പുഴ: ഭാരതീയ ജനതാ പാർട്ടി (ബിജെപി) നേതാവ് രഞ്ജിത്ത് ശ്രീനിവാസിനെ കൊലപ്പെടുത്തിയ കേസിൽ 15 പ്രതികൾ കുറ്റക്കാരാണെന്ന് മാവേലിക്കര അഡീഷണൽ ജില്ലാ സെഷൻസ് കോടതി ഇന്ന് (ജനുവരി 20ന്) വിധിച്ചു. നൈസാം, അജ്മൽ, അനൂപ്, മുഹമ്മദ് അസ്ലം, സലാം എന്ന അബ്ദുൾ കലാം, അബ്ദുൾ കലാം, സഫറുദ്ദീൻ, മൻഷാദ്, ജസീബ് രാജ, നവാസ്, സമീർ, നസീർ, സക്കീർ ഹുസൈൻ, ഷാജി പൂവത്തുങ്കൽ, ഷെർണാസ് അഷ്‌റഫ് എന്നിവർ കുറ്റക്കാരാണെന്ന് ജഡ്ജി ശ്രീദേവി വിജി കണ്ടെത്തി. ആലപ്പുഴയുടെ വിവിധ ഭാഗങ്ങളിൽ നിന്നുള്ള പ്രതികൾ ഇപ്പോൾ നിരോധിക്കപ്പെട്ടിട്ടുള്ള പോപ്പുലർ ഫ്രണ്ട് ഓഫ് ഇന്ത്യ (പിഎഫ്ഐ), അതിന്റെ രാഷ്ട്രീയ വിഭാഗമായ സോഷ്യൽ ഡെമോക്രാറ്റിക് പാർട്ടി ഓഫ് ഇന്ത്യ (എസ്ഡിപിഐ) എന്നിവയിൽ പെട്ടവരാണ്. കൊലപാതകത്തിൽ പങ്കെടുത്ത ആദ്യ എട്ട് പ്രതികൾ, ഇന്ത്യൻ പീനൽ കോഡ് സെക്ഷൻ 302 (കൊലപാതകം), 149 (നിയമവിരുദ്ധമായി സംഘം ചേരൽ),…

കൊച്ചി: കണ്ണൂർ സെൻട്രൽ ജയിലിൽ ജീവപര്യന്തം തടവ് ശിക്ഷ അനുഭവിക്കുന്ന പ്രതിക്ക് മലപ്പുറത്തെ ലോ കോളേജിൽ ത്രിവത്സര എൽഎൽബി കോഴ്‌സിന് ചേരാൻ കേരള ഹൈക്കോടതി വെള്ളിയാഴ്ച അനുമതി നൽകി. പ്രവേശന നടപടികൾ പൂർത്തിയാക്കാൻ നിർദേശം നൽകണമെന്നാവശ്യപ്പെട്ട് പ്രതി കരുവാങ്ങാടൻ മുക്താർ എന്ന മുത്തു സമർപ്പിച്ച ഹർജി പരിഗണിക്കവെയാണ് കോടതി ഉത്തരവ്. ജയിലിൽ കഴിയവേ മൂന്നു വർഷത്തെ നിയമ കോഴ്‌സിലേക്കുള്ള പ്രവേശന പരീക്ഷയെഴുതി വിജയിച്ചതായി അദ്ദേഹത്തിന്റെ ഹർജിയിൽ പറയുന്നു. സീറ്റ് അനുവദിച്ച് 2023 സെപ്തംബർ 11ന് മലപ്പുറം കുറ്റിപ്പുറം കെഎംസിടി ലോ കോളേജിൽ ഹാജരാകാൻ നിർദ്ദേശം നൽകി. എന്നാൽ, അവധി ലഭിക്കാത്തതിനാൽ കോളേജിൽ ചേരാനായില്ല. കഴിഞ്ഞ തവണ ഹർജി വന്നപ്പോൾ കോളജിൽ സീറ്റ് ഒഴിച്ചിടാന്‍ കോടതി നിർദേശിച്ചിരുന്നു. ഒരു കുറ്റവാളിക്ക് പ്രവേശനം നൽകുന്നത് കോളേജിന്റെ അച്ചടക്കത്തെ ബാധിക്കുമെന്ന് കോളേജ് മാനേജ്‌മെന്റ് ഹർജിയെ എതിർത്തു. കൂടാതെ, യുജിസി (ഓപ്പൺ ആൻഡ്…