Month: January 2024

തൃശ്ശൂര്‍: ലോകമെമ്പാടുമുള്ള തൊഴിലാളി വർഗത്തെ ദുർബലപ്പെടുത്തിയാണ് ഫാസിസം തഴച്ചുവളരുന്നതെന്ന് വിഖ്യാത സാമ്പത്തിക വിദഗ്ധൻ പ്രഭാത് പട്നായിക്. ചൊവ്വാഴ്ച നടന്ന ഇൻ്റർനാഷണൽ ലിറ്ററേച്ചർ ഫെസ്റ്റിവൽ ഓഫ് കേരളയിൽ (ഐഎൽഎഫ്കെ) ‘ജനാധിപത്യം എങ്ങനെ മരിക്കുന്നു: നവലിബറലിസവും ഫാസിസവും’ എന്ന വിഷയത്തിൽ സംസാരിക്കവെ, ലോകമെമ്പാടുമുള്ള തൊഴിലാളിവർഗം പ്രതിരോധത്തിലാണെന്ന് അദ്ദേഹം പറഞ്ഞു. തൊഴിലാളി വർഗത്തിൻ്റെ പ്രഹരശേഷി ഗണ്യമായി കുറഞ്ഞു. ഒരു രാജ്യത്തെ തൊഴിലാളികൾ കൂലി വർദ്ധന ആവശ്യപ്പെട്ടാൽ, മുതലാളിമാർ രാജ്യം വിടുമെന്ന് ഭീഷണിപ്പെടുത്തുന്നു. അതുകൊണ്ട് തൊഴിലാളികൾക്ക് വിലപേശാൻ പറ്റാത്ത അവസ്ഥയിലാണെന്നും അദ്ദേഹം പറഞ്ഞു. നവ ഉദാരവൽക്കരണത്തിൻ്റെ സവിശേഷതയായ പൊതുമേഖലയെ തകർക്കുന്നത് ട്രേഡ് യൂണിയനുകളെ ദുർബലപ്പെടുത്തി, അദ്ദേഹം ചൂണ്ടിക്കാട്ടി. ജിഡിപി വളർച്ചാ നിരക്ക് നവലിബറലിസത്തിൻ്റെ വരവിനുമുമ്പ് നിലനിന്നിരുന്ന നിരക്കിനെ അപേക്ഷിച്ച് ഇരട്ടിയായെന്ന് അവകാശപ്പെടുന്നുണ്ടെങ്കിലും, വാർഷിക തൊഴിൽ വളർച്ച പകുതിയായി കുറഞ്ഞു. ക്ഷേമ നടപടികൾ പിൻവലിച്ചതിനാൽ നവലിബറലിസം കാർഷിക പ്രതിസന്ധി സൃഷ്ടിച്ചു. ഇത് നിരവധി കർഷകരെ…

കോഴിക്കോട്: മർകസ് ഖത്മുൽ ബുഖാരി, സനദ് ദാന സമ്മേളനത്തോടനുബന്ധിച്ച് മർകസ് ഐ ടി ഐയിൽ നടത്തുന്ന എക്സ്പോക്കിന് ഫെബ്രുവരി 1-ന് തുടക്കമാവും. വൈവിധ്യങ്ങളും വിസ്മയങ്ങളും ഉൾക്കൊള്ളുന്ന നവീനവും കൗതുകകരവുമായ നിരവധി യന്ത്ര സംവിധാനവും മറ്റും കാണാനും അറിയാനും അവസരമുണ്ടാകും. വയർലെസ് ഇലക്ട്രിക് വെഹിക്കിൾ ചാർജർ, ഹോം ഓട്ടോമേഷൻ, പാസ്സ്‌വേർഡ് ഹാക്കിംഗ്, നമ്പർ ട്രാക്കിംഗ് ക്യാമറ, സ്പോർട്സ് വാഹനങ്ങൾ, ഹ്യൂമൻ ഫോളോവിങ് വെഹിക്കിൾ, ഡ്രൈവറില്ലാ കാർ, ഫയർ ഫൈറ്റിങ് വാഹനം, വിവിധതരം റോബോട്ടുകൾ, ഓട്ടോമാറ്റിക് പാർക്കിംഗ് സിസ്റ്റം, ആക്സിഡൻറ് പ്രൊവിഷൻ സിസ്റ്റം, ആന്റി സ്റ്റാറ്റിക് വാന്റിഗ്രാഫ് ജനറേറ്റർ, ടെലി കമ്മ്യൂണിക്കേഷൻ സിസ്റ്റം, ഡിസ്പ്ലേ കമ്യൂണിക്കേഷൻ, ഹെൽമെറ്റ് കൂളർ, സ്മാർട്ട്ഫോൺ കൂളർ, ഐസിൽ നിന്നും വൈദ്യുതി നിർമ്മാണം തുടങ്ങിയ പഠനാർഹമായ നിരവധി പ്രവർത്തന മോഡലുകൾ സജ്ജീകരിച്ചിട്ടുണ്ട്. ഐ ടി ഐയിലെ മെക്കാനിക്ക് ഡീസൽ, വയർമാൻ, ഇലക്ട്രോണിക് മെക്കാനിക്ക്, സർവ്വേയർ, ഓട്ടോമൊബൈൽ…

കരുമാടി: രാഷ്ട്രപിതാവ് മഹാത്മാഗാന്ധി താമസിച്ച കരുമാടിയിലെ മുസാവരി ബംഗ്ലാവ് പൈതൃക ചരിത്ര സ്മാരകമാക്കണമെന്ന് എടത്വ വികസന സമിതി ആവശ്യപ്പെട്ടു. രാഷ്ട്രപിതാവ് മഹാത്മാ ഗാന്ധിജിയുടെ 76 -ാം ചരമവാർഷിക ദിനത്തിൽ മുസാവരി ബംഗ്ളാവിൽ സംഘടിപ്പിച്ച സ്മൃതി സംഗമത്തിലാണ് ആവശ്യമുന്നയിച്ചത്. കേന്ദ്ര-സംസ്ഥാന സർക്കാരുകൾ അടിയന്തിരമായി ഈ വിഷയത്തിൽ ഇടപെടണമെന്നും എടത്വ വികസന സമിതി ആവശ്യപ്പെട്ടു. ഗാന്ധി സ്മൃതി സംഗമം സമിതി പ്രസിഡന്റ് ആന്റണി ഫ്രാൻസിസ് കട്ടപ്പുറം ഉദ്ഘാടനം ചെയ്തു. രക്ഷാധികാരി അഡ്വ. പി.കെ സദാനന്ദൻ അദ്ധ്യക്ഷത വഹിച്ചു. ജനറൽ സെക്രട്ടറി ഡോ. ജോൺസൺ വി. ഇടിക്കുള പ്രമേയം അവതരിപ്പിച്ചു. വൈസ് പ്രസിഡന്റ് അഡ്വ. ഐസക് രാജു, ഷാജി മാധവൻ, കരുമാടി കുട്ടൻസ് കലാസാംസ്ക്കാരിക സംഘടന മുൻ പ്രസിഡന്റ് ബി. സജീവ് എന്നിവർ പ്രസംഗിച്ചു. തുടർന്ന് പുഷ്പാർച്ചനയും പ്രതിജ്ഞയും നടത്തി. വൈക്കം സത്യാഗ്രഹത്തിൽ പ​ങ്കെടുക്കാനായി പോകവെ ഗാന്ധിജി രാത്രി വിശ്രമിച്ചത്​ ഇവിടെയായിരുന്നു.…

മലപ്പുറം: മദ്യനിരോധന സമിതി മലപ്പുറത്ത് നടത്തുന്ന അനിശ്ചിതകാല സത്യഗ്രഹത്തിന് ഐക്യദാർഢ്യം പ്രകടിപ്പിച്ച് വെൽഫെയർ പാർട്ടി സംസ്ഥാന പ്രസിഡണ്ട് റസാഖ് പാലേരി സമര പന്തലിലെത്തി. സമ്പൂർണ മദ്യനിരോധനം എന്ന കാഴ്ചപ്പാട് കേരളത്തിൽ ഉയർന്നുവന്ന ഘട്ടത്തിൽ അതിന്റെ അടിവേരറുത്തത് ഇടതുപക്ഷ ഗവൺമെന്റ് ആണെന്ന് അദ്ദേഹം പറഞ്ഞു. മദ്യത്തിനെതിരിലുള്ള ബോധവൽക്കരണം മദ്യത്തിനെതിരായ പോരാട്ടമായി വികസിപ്പിക്കാൻ കഴിയുന്നില്ലെന്നും കേരളത്തെ വഞ്ചിക്കുന്ന നിലപാടാണ് സർക്കാർ സ്വീകരിച്ചുകൊണ്ടിരിക്കുന്നതെന്നും അദ്ദേഹം അഭിപ്രായപ്പെട്ടു. വിമുക്തി പദ്ധതി ആത്മാർത്ഥതയുള്ളതാണെങ്കിൽ മദ്യലഭ്യത 10 ശതമാനം വീതം വെട്ടിക്കുറക്കുമെന്ന മുൻ സർക്കാറിന്റെ നിലപാട് പ്രയോഗവൽക്കരിക്കാൻ സന്നദ്ധമാവണമെന്ന് അദ്ദേഹം സർക്കാറിനോട് ആവശ്യപ്പെട്ടു. ജില്ലാ സെക്രട്ടറി ആരിഫ് ചുണ്ടയിൽ, മണ്ഡലം വൈസ് പ്രസിഡണ്ട് അഫ്‌സൽ ഹുസൈൻ, മണ്ഡലം സെക്രട്ടറി മഹ്ബൂബുറഹ്‌മാൻ, മുനിസിപ്പൽ കമ്മിറ്റിയംഗം മൊയ്തീൻ മാസ്റ്റർ തുടങ്ങിയവർ അനുഗമിച്ചു. ഇയ്യച്ചേരി ഉണ്ണികൃഷ്ണൻ, ഫാദർ മാത്യൂസ് വട്ടിയാനിക്കൽ, ഖദീജ നർഗീസ് തുടങ്ങി സമര നേതാക്കൾ സത്യാഗ്രഹത്തിൽ ഉണ്ടായിരുന്നു.

കോഴിക്കോട്: ഫെബ്രുവരി 3 ന് നടക്കുന്ന മർകസ് ഖത്മുൽ ബുഖാരി, സനദ് ദാന സമ്മേളനത്തിന്റെ അനുബന്ധ പരിപാടികൾക്ക് തുടക്കം കുറിച്ച് നഗരിയിൽ പതാകയുയർത്തി. മർകസ് സാരഥി സുൽത്വാനുൽ ഉലമ കാന്തപുരം എ പി അബൂബക്കർ മുസ്‌ലിയാരും സമസ്ത കേരള ജംഇയ്യത്തുൽ ഉലമ അധ്യക്ഷൻ റഈസുൽ ഉലമ ഇ സുലൈമാൻ മുസ്‌ലിയാരും ചടങ്ങിന് നേതൃത്വം നൽകി. സമ്മേളന പ്രചാരണ സമിതി ചെയർമാൻ സയ്യിദ് ശറഫുദ്ദീൻ ജമലുല്ലൈലിയുടെയും മർകസ് ഡയറക്ടർ ജനറൽ സി മുഹമ്മദ് ഫൈസിയുടെയും നേതൃത്വത്തിൽ ജില്ലയിലെ വിവിധ മഖാമുകളിൽ നടന്ന സിയാറത്തിന് ശേഷമാണ് പതാക മർകസിൽ എത്തിച്ചത്. നാലുമണിക്ക് നടന്ന പതാക ഉയർത്തലിൽ വി മുഹ്‌യിദ്ദീൻ കുട്ടി മുസ്‌ലിയാർ താഴപ്ര, കെ കെ അഹ്‌മദ്‌ കുട്ടി മുസ്‌ലിയാർ കട്ടിപ്പാറ, വി.പി.എം ഫൈസി വില്യാപ്പള്ളി, സി മുഹമ്മദ് ഫൈസി, ഡോ. ഹുസൈൻ സഖാഫി ചുള്ളിക്കോട്, സയ്യിദ് മുഹമ്മദ് തുറാബ്…