Month: February 2024

തിരുവനന്തപുരം : മില്ലറ്റ് അധിഷ്ഠിത ഭക്ഷ്യ ഉത്പന്നങ്ങളുടെ പ്രോത്സാഹനത്തിനായി രൂപീകരിച്ച കേരളത്തിൽനിന്നുള്ള സ്റ്റാർട്ടപ്പ് സംരംഭമായ അർബൻആർക്ക് ഫുഡ്സ് പ്രൈവറ്റ് ലിമിറ്റഡിൻ്റെ ട്രേഡ് ബ്രാൻഡായ മില്ലറ്റോസിൻ്റെ ലോഗോ പ്രകാശനം ചെയ്തു. തിരുവനന്തപുരത്ത് ബിസിനസ് ഇൻസൈറ്റ് മാഗസിൻ സംഘടിപ്പിച്ച എൻട്രപ്രണർഷിപ്പ് കോൺക്ലേവിൻ്റെ ഭാഗമായി നടന്ന ചടങ്ങിൽ രജിസ്ട്രേഷൻ വകുപ്പ് മന്ത്രി രാമചന്ദ്രൻ കടന്നപ്പള്ളിയാണ് ലോഗോ പ്രകാശനം ചെയ്തത്. അർബൻആർക്ക് ഫുഡ്സ് സിഇഒ പ്രജോദ് പി രാജ്, മാനേജിങ് ഡയറക്ടർ രഞ്ജിത്ത് രവീന്ദ്രൻ, ചെയർമാൻ റൊണാൾഡ് ഫ്രാൻസിസ്, എക്സിക്യൂട്ടീവ് ഡയറക്ടർ ശിവൻകുട്ടി എന്നിവർ ചേർന്ന് മന്ത്രിയിൽനിന്ന് ലോഗോ സ്വീകരിച്ചു. വി കെ പ്രശാന്ത് എംഎൽഎ, മുൻമന്ത്രി സി ദിവാകരൻ, മുൻ ഡിജിപി ഋഷിരാജ് സിങ്ങ്, നടനും നിർമാതാവുമായ ദിനേശ് പണിക്കർ, സംരംഭകയും ബിഗ് ബോസ് താരവുമായ ശോഭ വിശ്വനാഥ്, കെ എസ് എസ് ഐ എ വൈസ് പ്രസിഡൻ്റ് എ ഫസിലുദ്ദീൻ…

ഫിലഡൽഫിയ: വേൾഡ് ഡേ ഓഫ് പ്രയർ മാർച്ച് രണ്ടാം തീയതി ശനിയാഴ്ച രാവിലെ ഒമ്പതു മുതൽ സെന്റ് ജൂഡ് മലങ്കര കത്തോലിക്ക ദൈവാലയത്തിൽ (1200 പാർക്ക് അവന്യൂ, ബെൻസലെം, പി,എ -19020) വെച്ച് നടക്കുന്നതാണ്. ഈ വർഷത്തെ ചിന്താവിഷയം എഫെസ്യർ 4:1-3 വരെ അടിസ്ഥാനപ്പെടുത്തിയാണ് രൂപപ്പെടുത്തിയിരിക്കുന്നത്. “പരസ്പരം സ്നേഹത്തോടെ സഹിക്കാൻ ഞാൻ നിങ്ങളോട് അപേക്ഷിക്കുന്നു” എന്നതാണ് ചിന്താവിഷയം. പലസ്തീൻ രാജ്യത്തെ യുദ്ധത്തിൻറെ കെടുതിയിൽ ആയിരിക്കുന്ന ജനങ്ങളോട് താദാത്മ്യംപെട്ടു കൊണ്ടുള്ള ചിന്താവിഷയം ആണ് ഈ വർഷം തിരഞ്ഞെടുത്തിരിക്കുന്നത്. യേശുവിൻറെ സ്നേഹവും കരുതലും പലസ്തീൻ ജനങ്ങൾക്ക് മറ്റുള്ള ലോക രാഷ്ട്രങ്ങളിൽ നിന്ന് ലഭിക്കേണ്ടത് ആവശ്യമെന്ന് ഈ വിഷയം നമ്മെ ഉദ്ബോധിപ്പിക്കുന്നു. പരസ്പരം കലഹം അല്ല ദൈവ രാജ്യത്തിൻറെ പ്രവർത്തനം, മറിച്ച്ശത്രുക്കളെ സ്നേഹിപ്പിൻ നിങ്ങളെ ഉപദ്രവിക്കുന്നവർക്കുവേണ്ടി പ്രാർത്ഥിപ്പിൻ അതായിരിക്കട്ടെ നമ്മുടെ സമീപനം. ഈ വർഷത്തെ വേൾഡ് ഡേ ഓഫ് പ്രയറിൻറെ മുഖ്യാതിഥിയായി…

ഫിലഡൽഫിയ: മാർത്തോമാ യുവജന സഖ്യത്തിന്റെ നവതിആഘോഷങ്ങളുടെ ഭാഗമായി കേരളത്തിൽഭവനരഹിതരായ ഒരു കുടുംബത്തിന് ക്രിസ്തോസ് മാർത്തോമ യുവജനസഖ്യം ഒരു ഭവനം നിർമിച്ചുനൽകുന്നു. ഭവനത്തിന്റെ കൂദാശ കർമ്മം ഫെബ്രുവരി 5 നെ തിങ്കളാഴ്ച 3 മണിക്ക് മാർത്തോമാ യുവജന സഖ്യം പ്രസിഡന്റ്അഭിവന്ദ്യ ഡോക്ടർ ജോസഫ് മാർ ബർണബാസ് സഫ്രഗൻ മെത്രാപോലീത്ത തിരുമേനി നീർവഹിക്കുന്നതാണ്. തുടർന്ന് നടക്കുന്ന പൊതുസമ്മേളനത്തിലും തിരുമേനി അധ്യക്ഷത വഹിക്കും. സംസ്കാരിക രാഷ്ട്രീയ രംഗത്തെപ്രമുഖരായ ആളുകൾ പങ്കെടുത്ത് ആശംസകൾ അർപ്പിക്കുന്നതും ആണ്. ഭവന നിർമാണത്തിനാവശ്യമായ പണം കണ്ടെത്തുന്നതിന് കഴിഞ്ഞ ഒരു വർഷമായി യുവജന സഖ്യഗങ്ങൾ കഠിനപ്രയത്നത്തിൽ ആയിരുന്നു. ഭക്ഷണപ്പൊതികൾ വിൽപ്പന നടത്തിയും ഓണസദ്യ നടത്തിയുമാണ് ഭവനനിർമ്മാണത്തിനുള്ള തുക കണ്ടെത്തിയത്. യുവജനസഖ്യം പ്രസിഡണ്ട് റെവ. റെജി യോഹന്നാൻ, സെക്രട്ടറിജൈനി തോമസ്,ട്രെഷാർഉം പ്രൊജക്റ്റ് കൺവീനറുമായ ലിബിൻ തോമസ് വൈസ് പ്രസിഡൻറ് വർഷ ജോൺ, കൺവീനേഴ്‌സ് -ബിൻസി ജോൺ, ക്രിസ്റ്റി മാത്യു പബ്ലിസിറ്റി…

മങ്കട: മങ്കടയിലെ ജനങ്ങളുടെ ഏക ആശ്രയ കേന്ദ്രമായ മങ്കട ഗവൺമെൻറ് ആശുപത്രിക്ക് സംസ്ഥാന ബജറ്റിൽ ഫണ്ട് നീക്കി വെച്ച് ആവശ്യത്തിനുള്ള സൗകര്യങ്ങൾ ഉടൻ പുനരാരംഭിക്കണമെന്ന് വെൽഫെയർ പാർട്ടി. താലൂക്ക് ആശുപത്രിയായി പ്രഖ്യാപിച്ച് 9 വർഷം കഴിഞ്ഞിട്ടും കമ്മ്യൂണിറ്റി ഹെൽത്ത് സെന്ററിന് ആവശ്യമായ സ്റ്റാഫ് പാറ്റേൺ പോലും നടപ്പാക്കാതെ പ്രയാസങ്ങളിൽ വീർപ്പുമുട്ടുകയാണ് മങ്കട ആശുപത്രി. ആശുപത്രിയുടെ വളർച്ച യഥാക്രമം താഴോട്ടാണ്. മങ്കട മണ്ഡലത്തിലെ 7 പഞ്ചായത്തുകളുടെയും പ്രധാന ആശ്രയ കേന്ദ്രമാണ് മങ്കട ഗവൺമെൻറ് ആശുപത്രി. അത്യാഹിതങ്ങൾക്കും എക്സ്-റേ, ഇസിജി തുടങ്ങിയ സാങ്കേതിക പരിശോധനകൾക്കും സ്വകാര്യ ക്ലിനിക്കുകളെ ആശ്രയിക്കേണ്ട ഗതിയാണ് മങ്കടയിലെ ജനങ്ങൾക്ക്. വർഷങ്ങളായി തുടരുന്ന അവഗണന അവസാനിപ്പിക്കുകയും ഇത്തവണത്തെ സംസ്ഥാന ബജറ്റിൽ തുക വകയിരുത്തണമെന്നും മങ്കട ആശുപത്രി സന്ദർശിച്ചുകൊണ്ട് വെൽഫെയർ പാർട്ടി മങ്കട മണ്ഡലം പ്രസിഡന്റ് കെപി ഫാറൂഖ് ആവശ്യപ്പെട്ടു. വെൽഫെയർ പാർട്ടി മലപ്പുറം ജില്ലാ സെക്രട്ടറിമാരായ ആരിഫ്…

ഫ്ളോറിഡ: ഐപിസി ലേക്ക്ലാന്റ് സഭാംഗം റാന്നി മേടക്കൽ തോമസ് എം. തോമസിന്റെ ഭാര്യ റോസമ്മ തോമസ് (85) ഫ്ളോറിഡയിൽ നിര്യാതയായി. 1984 ൽ കുവൈറ്റിൽ നിന്നും ന്യൂയോർക്കിൽ എത്തിയ പരേത, ഐ.പി.സി ന്യൂയോർക്ക് ദൈവസഭയുടെ അംഗമായിരുന്നു. അഞ്ചനാട്ട് ചാക്കോ സാറിന്റെ 10 മക്കളിൽ ഇളയ മകളും വടക്കേ അമേരിക്കയിലെ ആദ്യകാല ശുശ്രൂഷകനായിരുന്ന പരേതനായ പാസ്റ്റർ എ.സി ജോർജിന്റെ സഹോദരിയുമാണ്. 2004 മുതൽ ഫ്ലോറിഡയിലെ ലേക്ക് ലാൻഡിൽ കുടുംബമായി താമസിച്ചു വരികയായിരുന്നു. മക്കൾ: ജോസ് തോമസ് (ഐ.പി.സി സൗത്ത് ഈസ്റ്റ് റീജിയൻ കൗൺസിൽ അംഗം), ജേക്കബ്, റ്റോമി. മരുമക്കൾ: അനിത, റീന, സോളി. ഫെബ്രുവരി 9 വെള്ളിയാഴ്ച വൈകിട്ട് 6.30 മുതൽ ഐ.പി.സി ലേക്ക് ലാന്റ് സഭയിൽ മെമ്മോറിയൽ സർവീസും 10 ന് ശനിയാഴ്ച രാവിലെ ഒമ്പതിന് സംസ്കാര ശുശ്രൂഷകൾ ആരംഭിക്കുന്നതുമാണ്. കൂടുതൽ വിവരങ്ങൾക്ക്: 863 860 7867,…

ചിക്കാഗോ തിരുഹൃദയ ക്‌നാനായ കത്തോലിക്ക ഫൊറോന ദൈവാലയത്തിൽ പേത്തർത്താ സംഗമം നടത്തുന്നു. ഇടവകയിലെ മെൻ, വിമെൻ മിനിസ്ട്രികളുടെ നേതൃത്വത്തിലാണ് സംഗമം നടത്തുന്നത്. ഫെബ്രുവരി 7 മുതൽ 14 വരെയുള്ള ഒരാഴ്ച ദേശീയ വിവാഹ ആഴ്ചയായി ആചരിക്കുകയാണ്. “സ്നേഹം വാക്കുകൾക്ക് അപ്പുറം” എന്ന ആപ്തവാക്യമാണ് ഈ വർഷം പ്രത്യേകമായി തിരഞ്ഞെടുത്തിരിക്കുന്നത്. ഇതിന്റെ ഭാഗമായി പേത്തർത്താ സംഗമം എല്ലാ വിവാഹിതരുടെയും സംഗമമായി മെൻ ആൻറ് വിമെൻ മിനിസ്ട്രിയുടെ നേതൃത്വത്തിൽ നടത്തുന്നത്. ഫെബ്രുവരി 10 ശനിയാഴ്ച 6 pm ന് ദിവ്യകാരുണ്യ ആരാധനയോടെ ആരംഭിച്ച് പത്ത് മണി വരെ പുതുമ നിറഞ്ഞതും വ്യത്യസ്തവുമായ പരിപാടികൾ ഒരുക്കിയിട്ടുണ്ട്. വിവിധ കമ്മിറ്റികൾ ഇതിനായി രൂപീകരിച്ച് വിപുലമായ തയ്യാറെടുപ്പുകൾ നടത്തിവരുന്നു.

കൊപ്പേൽ / ടെക്‌സാസ് : ചിക്കാഗോ സീറോമലബാര്‍ രൂപതയുടെ കീഴിലുള്ള സെന്റ് അൽഫോൻസാ സീറോ മലബാര്‍ ദേവാലയത്തിന്റെ 2024-2025 വര്‍ഷത്തേക്കുള്ള പുതിയ പാരീഷ് കൗണ്‍സില്‍ ചുമതലയേറ്റു. മുൻവർഷത്തെ കൗണ്‍സിലില്‍നിന്നും തെരഞ്ഞെടുക്കപ്പെട്ട രണ്ട് കൈക്കാരന്മാരും പുതുതായി നാമനിര്‍ദ്ദേശം ചെയ്ത രണ്ട് കൈക്കാരന്മാരും, വിവിധ കുടുംബ യൂണിറ്റുകളില്‍നിന്നും, സൺഡേസ്‌കൂൾ, മറ്റു ആത്മീയ സംഘടനകളെ പ്രതിനിധികരിച്ചു നോമിനേറ്റു ചെയ്തവരും ഉള്‍പ്പെട്ട ഇരുപത്തിമൂന്നുപേരാണ് പുതുതായി ചുമതലയേറ്റത്‌. ജനുവരി10 -ന് വിശുദ്ധ കുര്‍ബാന മധ്യേ നടന്ന ചടങ്ങിൽ ഇടവക വികാരി റവ. ഫാ. മാത്യുസ് കുര്യൻ മുഞ്ഞനാട്ട് ചൊല്ലിക്കൊടുത്ത സത്യവാചകം ഏറ്റുപറഞ്ഞു പുതിയ ട്രസ്റ്റിമാർ ചുമതലയേറ്റു. റവ. ഫാ. ജിമ്മി ഇടകളത്തൂർ സന്നിഹിതനായിരുന്നു. റോബിൻ കുര്യൻ, ജോഷി കുര്യാക്കോസ്, റോബിൻ ചിറയത്ത്, രഞ്ജിത്ത് തലക്കോട്ടൂർ എന്നിവരാണ് ഇടവകയുടെ പുതിയ കൈക്കാരന്മാർ. സെബാസ്റ്റ്യൻ പോൾ സെക്രട്ടറിയായും തിരഞ്ഞെടുക്കപ്പെട്ടു. റവ. ഫാ. മാത്യുസ് കുര്യൻ മുൻ പാരീഷ്…

 ഇറാഖിലെയും സിറിയയിലെയും മിലിഷ്യ സ്ഥാനങ്ങളിൽ യുഎസ് നടത്തിയ വ്യോമാക്രമണത്തിന് മറുപടിയായി, ഇറാഖ് സായുധ സേനയുടെ വക്താവ് ആക്രമണങ്ങളെ അപലപിച്ചു. ഇറാഖിൻ്റെ പരമാധികാരത്തിൻ്റെ ലംഘനമാണെന്നും, പ്രാദേശിക സ്ഥിരത നിലനിർത്താനുള്ള ഇറാഖിൻ്റെ ശ്രമങ്ങൾക്കിടയിലാണ് ആക്രമണം നടന്നതെന്നും ഇറാഖി വാർത്താ ഏജൻസി (ഐഎൻഎ) റിപ്പോർട്ട് ചെയ്തു. വ്യോമാക്രമണങ്ങൾ ഇറാഖിൻ്റെ സർക്കാർ ശ്രമങ്ങളെ ദുർബലപ്പെടുത്തുമെന്നും ഇറാഖിലെയും വിശാലമായ പ്രദേശങ്ങളിലെയും സുരക്ഷയ്ക്കും സ്ഥിരതയ്ക്കും ഗുരുതരമായ പ്രത്യാഘാതങ്ങൾക്ക് ഇടയാക്കുമെന്നും വക്താവ് ഊന്നിപ്പറഞ്ഞു. സിറിയൻ-ഇറാഖ് അതിർത്തിക്ക് സമീപമുള്ള മരുഭൂമി പ്രദേശങ്ങളിലെ ആക്രമണങ്ങളെ സിറിയൻ സ്റ്റേറ്റ് മീഡിയയും യുഎസിനെ വിമർശിച്ചു. ജോർദാനിൽ മൂന്ന് അമേരിക്കൻ സൈനികർ കൊല്ലപ്പെടുകയും മറ്റുള്ളവർക്ക് പരിക്കേൽക്കുകയും ചെയ്ത ഡ്രോൺ ആക്രമണത്തിൻ്റെ ഉത്തരവാദിത്തം കഴിഞ്ഞ ആഴ്ച, കതാഇബ് ഹിസ്ബുള്ള, ഹരകത്ത് അൽ-നുജാബ തുടങ്ങിയ മിലിഷ്യകൾ ഉൾപ്പെടുന്ന ഒരു കൂട്ടായ്മയായ ദി ഇസ്ലാമിക് റെസിസ്റ്റൻസ് ഇൻ ഇറാഖ് ഏറ്റെടുത്തിരുന്നു. സംഭവത്തിൽ യുഎസ് പ്രസിഡൻ്റ് ജോ ബൈഡൻ പ്രതികരിച്ചു.…

ന്യൂയോർക്ക്: അമേരിക്കയിലെ ജീവിത സാഹചര്യത്തിലും കൃഷിയോട് താല്പര്യമുള്ള ധാരാളം മലയാളികൾ നമുക്ക് ചുറ്റുമുണ്ട്. ന്യൂയോർക്ക് സിറ്റിയിലും പരിസര പ്രദേശങ്ങളിലും ജീവിക്കുന്നവർക്ക് അധികം വലിയ സ്ഥല സൗകര്യങ്ങൾ ഇല്ലെങ്കിലും, സ്വന്തം വീടിന്റെ പിന്നാമ്പുറങ്ങളിലും വശങ്ങളിലുമുള്ള പരിമിതമായ സ്ഥലത്ത് ഗ്രോ ബാഗിലും ചട്ടികളിലുമൊക്കെയായി കൃഷി ചെയ്യുന്നവർ വിരളമല്ല. ന്യൂയോർക്കിലെ പ്രതികൂല കാലാവസ്ഥാ സാഹചര്യത്തിലും ഏപ്രിൽ മുതൽ സെപ്റ്റംബർ വരെയുള്ള ആറ് മാസക്കലത്തെ വേനൽക്കാല ദിനങ്ങളെ മാത്രം ആശ്രയിച്ചാണ് കൃഷിയിൽ താൽപ്പര്യമുള്ളവർ പച്ചക്കറി തൈകൾ നട്ട് ചെറിയ പച്ചക്കറി തോട്ടത്തെ പരിപാലിക്കുന്നത്. അതിൽ മിക്കവാറും പേര് ആഴ്ചയിൽ നാൽപ്പതു മണിക്കൂറിൽ കുറയാതെ ജോലി ചെയ്യുന്നവരുമാണ്. ജോലി കഴിഞ്ഞു കിട്ടുന്ന ചുരുങ്ങിയ നേരങ്ങളിൽ കൃഷിയെ പരിപോഷിച്ച് സ്വന്തം ഭവനത്തിലേക്ക് ആവശ്യമുള്ള എല്ലാവിധ പച്ചക്കറികളും നാലോ അഞ്ചോ മാസം എന്ന പരിമിത സമയത്തിനുള്ളിൽ പരിമിത സ്ഥലത്തു നിന്നും ഉൽപ്പാദിപ്പിക്കുന്നു. അത്തരം കൃഷി തൽപ്പരരെ പ്രോത്സാഹിപ്പിക്കുന്നതിനായി…