Month: April 2024

ന്യൂയോർക് :ഗാസയെ പിന്തുണച്ച് ന്യൂയോർക്കിലെ കൊളംബിയ സർവകലാശാലയിൽ പ്രതിഷേധക്കാർ ക്യാമ്പ് ചെയ്തതിനെത്തുടർന്ന്, യു എസ് കോൺഗ്രസ്  പ്രതിനിധി ഇൽഹാൻ ഒമറിൻ്റെ മകളുൾപ്പെടെ 100-ലധികം ആളുകളെ അറസ്റ്റുചെയ്യുകയും സമൻസ് അയയ്ക്കുകയും ചെയ്തതായി  പോലീസ് പറഞ്ഞു. പ്രതിഷേധക്കാർ യൂണിവേഴ്സിറ്റിയുടെ സൗത്ത് ലോണിലെ സ്ഥലം 30 മണിക്കൂർ പ്രതിരോധിച്ചതായി വ്യാഴാഴ്ച അറസ്റ്റിന് ശേഷം മേയർ എറിക് ആഡംസ് പറഞ്ഞു. കൊളംബിയ ന്യൂയോർക് പോലീസ് ഡിപ്പാർട്മെന്റിനോട്  സഹായം അഭ്യർത്ഥിക്കുകയും വിദ്യാർത്ഥികളെ സസ്‌പെൻഡ് ചെയ്തതായും എന്നാൽ ക്യാമ്പസ് വിട്ടു  പോകാൻ വിസമ്മതിക്കുകയാണെന്നും പോലീസ് പറഞ്ഞു. “കൊളംബിയ സർവകലാശാലയിലെ വിദ്യാർത്ഥികൾക്ക് പ്രതിഷേധങ്ങളുടെയും ശബ്ദമുയർത്തിയതിൻ്റെയും അഭിമാനകരമായ ചരിത്രമുണ്ട്,” ആഡംസ് പറഞ്ഞു, എന്നാൽ സർവകലാശാല നയങ്ങൾ ലംഘിക്കാൻ അവർക്ക് അവകാശമില്ലെന്ന് അദ്ദേഹം പറഞ്ഞു. ഒമറിൻ്റെ മകൾ ഇസ്ര ഹിർസി, 21, മാൻഹട്ടനിലെ അയൽപക്കത്തെ ബർണാഡ് കോളേജിൽ പഠിക്കുന്നു,  “ഒരു വംശഹത്യ നേരിടുന്ന ഫലസ്തീനികൾക്കെതിരെ ഐക്യദാർഢ്യം പ്രകടിപ്പിച്ചതിന്” തൻ ഉൾപ്പെടെ…

ന്യൂയോർക്ക്: അമേരിക്കയിലെ മലയാളീ സംഘടനകളുടെ ഏറ്റവും വലിയ സംഘടനയായ ഫോമായുടെ ന്യൂയോർക്ക് മെട്രോ റീജിയൺ കൺവെൻഷൻ 19-ന് വെള്ളിയാഴ്ച വൈകിട്ട് 6:30 മുതൽ പ്രൗഡ്ഢ ഗംഭീരമായി നടത്തുവാനുള്ള ക്രമീകരണങ്ങൾ പൂർത്തിയായി. ഫ്ലോറൽ പാർക്കിലുള്ള ടൈസൺ സെന്ററിൽ (26 North Tyson Avenue, Floral Park, New York, 11001) ഫോമാ ഭാരവാഹികളുടെയും സാമൂഹിക-സാംസ്കാരിക രംഗത്തെ പ്രമുഖരുടെയും നിറ സാന്നിധ്യത്തിൽ വിവിധ കലാപരിപാടികളോടെ നടത്തുവാനാണ് ക്രമീകരിച്ചിരിക്കുന്നത്. മെട്രോ റീജിയണൽ വൈസ് പ്രസിഡൻറ് (RVP) പോൾ ജോസിന്റെ നേതൃത്വത്തിലുള്ള സംഘാടക സമിതിയാണ് കൺവെൻഷൻ നടത്തിപ്പിനുള്ള ചുമതല വഹിക്കുന്നത്. ആഗസ്റ്റ് 8 മുതൽ 11 വരെ ഡൊമിനിക്കൻ റിപ്പബ്ലിക്കിലെ പുന്റ കാനായിൽ വച്ച് നടത്തപ്പെടുന്ന എട്ടാമത് ഇന്റർനാഷണൽ കൺവെൻഷന്റെ രെജിസ്ട്രേഷൻ കിക്ക്‌ ഓഫും 2024-2026 വർഷത്തേക്കുള്ള വിവിധ സ്ഥാനങ്ങളിലേക്ക് മത്സരിക്കുന്ന മത്സരാർത്ഥികളെ പരിചയപ്പെടുത്തുന്ന ചടങ്ങും റീജിയണൽ കൺവെൻഷനോടനുബന്ധിച്ച് നടത്തുന്നതാണ്. നയന സുന്ദരമായ…

അറ്റ്ലാന്റ : അറ്റ്ലാന്റ ആസ്ഥാനമായി പ്രവർത്തിക്കുന്ന സ്വർഗീയ നാദം എന്ന ക്രിസ്ത്യൻ ഡിവോഷണൽ ലൈവ് സൂം പ്രോഗ്രാമിന്റെ ആഭിമുഖ്യത്തിൽ സ്വർഗീയ നാദം സംഗമം 2024 സംഘടിപ്പിക്കുന്നു. അമേരിക്കയിൽ ആദ്യമായി ക്രിസ്തീയ പാട്ടുകാരുടെയും പാട്ടിനോടും അഭിരുചിയുള്ള ആളുകളുടെയും മൂന്നുദിവസം നീണ്ടുനിൽക്കുന്ന സംഗമം 2024 ആഗസ്റ്റ് മാസം 2 3 4 തീയതികളിൽ ജോർജിയയിലെ ക്യാമ്പ് അടുത്തുള്ള ക്യാമ്പ് ജോൺ ഹോപ്പ് സെൻററിൽ വച്ച് *Camp John Hope FFA-FCCLA Center)നടത്തപ്പെടുന്നത് വിവിധ ആത്മീയ നേതാക്കളോടൊപ്പം വേൾഡ് പ്ലീസ് മിഷൻ ചെയർമാനും പ്രശസ്ത സംഗീതജ്ഞനുമായ ഡോക്ടർ സണ്ണി സ്റ്റീഫൻ പ്രോഗ്രാമിന് നേതൃത്വം നൽകുന്നു അമേരിക്കയുടെ വിവിധ ഭാഗങ്ങളിൽ നിന്നും നിരവധി പേർ പങ്കെടുക്കുന്ന പ്രസ്തുത കൂട്ടായ്മയിലേക്ക് എല്ലാവരെയും താൽപര്യപൂർവം ക്ഷണിക്കുന്നതായി സംഘാടകർ അറിയിച്ചു വിശദ വിവരങ്ങൾക്ക് സംഗമം ജിമെയിൽ ഡോട്ട് കോം എന്ന വെബ്സൈറ്റിൽ ബന്ധപ്പെടുക സണ്ണി പറ വനേത്…

കൊച്ചി: ഏപ്രിൽ 13 ന് ഇറാൻ സൈന്യം പിടിച്ചെടുത്ത ഇസ്രായേലുമായി ബന്ധിപ്പിച്ച കണ്ടെയ്‌നർ കപ്പലിലെ 17 ഇന്ത്യൻ ജീവനക്കാരിൽ ഉണ്ടായിരുന്ന ഏക വനിതാ കേഡറ്റായ ആൻ ടെസ്സ ജോസഫിനെ ടെഹ്‌റാനിലെ ഇന്ത്യൻ മിഷൻ്റെ ശ്രമങ്ങളെ തുടർന്ന് ഇറാനിയന്‍ സര്‍ക്കാര്‍ വ്യാഴാഴ്ച വിട്ടയച്ചു. “എംഎസ്‌സി ഏരീസ്” എന്ന കപ്പലിലെ ശേഷിക്കുന്ന ഇന്ത്യൻ ക്രൂ അംഗങ്ങളെ മോചിപ്പിക്കുന്നത് ഉറപ്പാക്കാൻ ഇറാൻ അധികൃതരുമായി ബന്ധപ്പെട്ടുകൊണ്ടിരിക്കുകയാണെന്ന് വിദേശകാര്യ മന്ത്രാലയം (എംഇഎ) അറിയിച്ചു. തൃശൂർ സ്വദേശിനിയായ ആന്‍ ടെസ്സ ജോസഫ് ഇന്ന് (വ്യാഴാഴ്ച) ഉച്ചയോടെയാണ് നെടുമ്പാശ്ശേരി അന്താരാഷ്ട്ര വിമാനത്താവളത്തിൽ ഇറങ്ങിയത്. “ടെഹ്‌റാനിലെ ഇന്ത്യൻ മിഷൻ്റെയും ഇറാൻ സർക്കാരിൻ്റെയും യോജിച്ച ശ്രമങ്ങളാൽ, കണ്ടെയ്‌നർ കപ്പൽ എംഎസ്‌സി ഏരീസിലെ ഇന്ത്യൻ ക്രൂ അംഗങ്ങളിലൊരാളായ കേരളത്തിലെ തൃശ്ശൂരിൽ നിന്നുള്ള ഇന്ത്യൻ ഡെക്ക് കേഡറ്റ് ആൻ ടെസ്സ ജോസഫ് ഇന്ന് ഉച്ചയോടെ കൊച്ചി അന്താരാഷ്ട്ര വിമാനത്താവളത്തിൽ സുരക്ഷിതയായി ഇറങ്ങി,” വിദേശകാര്യ…

കോഴിക്കോട്: അറിവിന്റെയും അക്ഷരങ്ങളുടെയും കേന്ദ്രമായ മർകസിൽ അലിഫക്ഷരം കുറിക്കാൻ ഒത്തുകൂടി നവാഗത വിദ്യാർഥികൾ. ഇസ്‌ലാമിക പാഠശാലകളും മദ്റസകളും പ്രവർത്തനമാരംഭിക്കുന്നതിന് മുന്നോടിയായി മർകസിൽ സംഘടിപ്പിച്ച അലിഫ് ഡേ വിദ്യാരംഭം വർണാഭമായി. ചടങ്ങുകൾക്ക് സുൽത്വാനുൽ ഉലമ കാന്തപുരം എ. പി അബൂബക്കർ മുസ്‌ലിയാർ നേതൃത്വം നൽകി. പ്രാഥമിക വിഭ്യാഭ്യാസം മനുഷ്യന്റെ ഭാവിയിൽ ചെലുത്തുന്ന പങ്കു വലുതാണെന്നും അതിനാൽ മതിയായ ശ്രദ്ധയും പ്രാധാന്യവും നൽകേണ്ടതുണ്ടെന്നും അദ്ദേഹം പറഞ്ഞു. അധ്യാപകരെയും രക്ഷിതാക്കളെയും നിരീക്ഷിച്ചാണ് കുട്ടികൾ വളരുക. മാതൃകാപൂർവമായിരിക്കണം ഇവരുടെ ജീവിതമെന്നും അദ്ദേഹം കൂട്ടിച്ചേർത്തു. സംസ്ഥാനത്തിനകത്തുനിന്നും പുറത്തുനിന്നുമായി മുന്നൂറോളം വിദ്യാർഥികൾ ചടങ്ങിൽ പങ്കെടുത്തു. രാവിലെ എട്ടു മുതൽ പതിനൊന്ന് വരെ നടന്ന പരിപാടി മർകസ് ഡയറക്ടർ ജനറൽ സി മുഹമ്മദ് ഫൈസി ഉദ്ഘാടനം ചെയ്തു. സയ്യിദ് അബ്ദുൽ ഫത്താഹ് അഹ്ദൽ അവേലം അധ്യക്ഷത വഹിച്ചു. സയ്യിദ് ശറഫുദ്ദീൻ ജമലുല്ലൈലി പ്രാർഥന നിർവഹിച്ചു. ഡോ. മുഹമ്മദ്…

തൃശൂർ: തൃശൂരിൽ വെൽഫെയർ പാർട്ടി സംഘടിപ്പിച്ച സി.എ.എ വിരുദ്ധ ജനകീയ പ്രതിരോധം പരിപാടിക്കെതിരെ കേസ് ചുമത്തിയ പോലീസ് നടപടി പ്രതിഷേധാർഹമാണ് എന്നും സി. എ. എ വിരുദ്ധ സമരങ്ങൾക്കെതിരെ കേസെടുക്കില്ല എന്ന പ്രഖ്യാപനം നിലനിൽക്കെ സർക്കാർ പൗരസമൂഹത്തെ വഞ്ചിക്കുകയാണ് എന്നും വെൽഫെയർ പാർട്ടി തൃശൂർ തൃശൂർ ജില്ലാ ജനറൽ സെക്രട്ടറി അഡ്വ. കെ.എസ് നിസാർ പത്രസമ്മേളനത്തിൽ പറഞ്ഞു. നിലവിലുള്ള കേസുകൾ പിൻവലിച്ചു എന്ന് നിരന്തരമായി നുണ പ്രചരിപ്പിക്കുന്ന പിണറായി സർക്കാർ ബി.ജെ.പി അനുകൂല നിലപാട് ആവർത്തിക്കുന്നതിൻ്റെ തെളിവാണ് ഈ പുതിയ കേസ്. ഫാസിസ്റ്റ് വിരുദ്ധ പോരാട്ടത്തിലെ ചാമ്പ്യൻ പട്ടത്തിനായി മത്സരിക്കുന്ന പിണറായി വിജയന് ആഭ്യന്തര വകുപ്പിലെയും പോലീസ് സേനയിലെയും സംഘ് അപ്രമാദിത്യത്തെ തിരുത്താനാവുന്നില്ലെന്നത് ലജ്ജാകരമാണ്. പൗരത്വ കേസുകൾ പിൻവലിക്കുമെന്ന മുഖ്യമന്ത്രിയുടെ പ്രഖ്യാപനം തെരഞ്ഞെടുപ്പ് കാലത്തെ സീസണൽ പ്രഖ്യാപനം മാത്രമായി മാറി. ഇന്നലെ ഫോർട്ട് കൊച്ചിയിൽ ഇസ്രയേൽ വിരുദ്ധ…