ന്യൂയോർക്ക്: കഴിഞ്ഞ മാസം മുതൽ കാണാതായ 25 കാരന് ഹൈദരാബാദ് സ്വദേശിയായ വിദ്യാർത്ഥിയെ അമേരിക്കയിലെ ക്ലീവ്ലാൻഡ് നഗരത്തിൽ മരിച്ച നിലയിൽ കണ്ടെത്തി. ഒരാഴ്ചയ്ക്കുള്ളിൽ രണ്ടാമത്തെ ഇന്ത്യന് വിദ്യാര്ത്ഥിയുടെ മരണം സമൂഹത്തെ ഞെട്ടിച്ചിരിക്കുകയാണ്. ഹൈദരാബാദിലെ നാചരം സ്വദേശിയായ മുഹമ്മദ് അബ്ദുൾ അർഫത്ത് കഴിഞ്ഞ വർഷം മേയിലാണ് ക്ലീവ്ലാൻഡ് യൂണിവേഴ്സിറ്റിയിൽ നിന്ന് ഐടിയിൽ ബിരുദാനന്തര ബിരുദം നേടുന്നതിനായി യുഎസിലെത്തിയത്. കഴിഞ്ഞ മാസം കാണാതായ മുഹമ്മദ് അബ്ദുള് അര്ഫാത്തിനു വേണ്ടി തിരച്ചിൽ നടന്നുകൊണ്ടിരിക്കെ ഒഹായോയിലെ ക്ലീവ്ലാൻഡിൽ മരിച്ച നിലയിൽ കണ്ടെത്തിയെന്നറിഞ്ഞതിൽ വേദനയുണ്ടെന്ന് ന്യൂയോർക്കിലെ ഇന്ത്യൻ കോൺസുലേറ്റ് എക്സിലെ ഒരു പോസ്റ്റില് പറഞ്ഞു. അർഫത്തിൻ്റെ കുടുംബത്തിന് “അഗാധമായ അനുശോചനം” അർപ്പിച്ചുകൊണ്ട് കോൺസുലേറ്റ് അദ്ദേഹത്തിൻ്റെ മരണത്തെക്കുറിച്ച് സമഗ്രമായ അന്വേഷണം ഉറപ്പാക്കാൻ പ്രാദേശിക ഏജൻസികളുമായി ബന്ധപ്പെട്ടിട്ടുണ്ടെന്ന് അറിയിച്ചു. “അദ്ദേഹത്തിൻ്റെ മൃതദേഹം ഇന്ത്യയിലേക്ക് കൊണ്ടുപോകാൻ ഞങ്ങൾ സാധ്യമായ എല്ലാ സഹായവും ദുഖിതരായ കുടുംബത്തിന് നൽകുന്നു,” കോൺസുലേറ്റ് കൂട്ടിച്ചേർത്തു.…
ക്ലീവ്ലാന്റില് കാണാതായ ഇന്ത്യന് വിദ്യാര്ത്ഥിയെ മരിച്ച നിലയില് കണ്ടെത്തി
