Year: 2024

കണ്ണൂര്‍: കണ്ണൂർ ജില്ലയിലെ കേളകത്ത് മലയമ്പാടി റോഡിലെ കൊടും വളവിലേക്ക് നാടകസംഘം സഞ്ചരിച്ചിരുന്ന മിനിബസ് മറിഞ്ഞ് രണ്ട് പേർ മരിക്കുകയും 12 പേർക്ക് പരിക്കേൽക്കുകയും ചെയ്തു. ഇന്ന് (നവംബര്‍ 15 വെള്ളിയാഴ്ച) പുലർച്ചെയായിരുന്നു സംഭവം. ഗൂഗിൾ മാപ്പിന്‍റെ നിർദേശം അനുസരിച്ച് ഇടുങ്ങിയ വഴിയിലൂടെ യാത്ര ചെയ്‌തതാണ് അപകടകാരണമെന്ന് നാട്ടുകാര്‍ പറയുന്നു. മാപ്പിൽ കാണിച്ച എളുപ്പ വഴിയിലുടെയാണ് ബസ് കടന്നു പോയത്. മലയാംപടി എസ് വളവിലെത്തിയതും പെട്ടെന്ന് നിയന്ത്രണം വിട്ട ബസ് താഴ്‌ചയിലേക്ക് മറിഞ്ഞു. കായംകുളം മുതുകുളം സ്വദേശിനി അഞ്ജലി (32), തേവലക്കര സ്വദേശി ജെസി മോഹൻ എന്നിവരാണ് മരിച്ചത്. ഇരുവരും നാടക സംഘത്തിലെ പ്രധാന നടിമാരാണ്. കായംകുളം സ്വദേശികളായ ഉണ്ണി, ഉമേഷ്, സുരേഷ്, ഷിബു, എറണാകുളം സ്വദേശികളായ വിജയകുമാർ, ബിന്ദു, കല്ലുവാതുക്കൽ സ്വദേശി ചെല്ലപ്പൻ, കൊല്ലം സ്വദേശി ശ്യാം, അതിരുങ്കൽ സ്വദേശി സുഭാഷ് എന്നിവര്‍ക്കാണ് പരിക്കേറ്റത്. കായംകുളം…

ന്യൂഹൈഡ്‌ പാര്‍ക്ക്‌ (ന്യൂയോര്‍ക്ക്): ചെറി ലെയിന്‍ സെന്റ്‌ ഗ്രീഗോറിയോസ്‌ ഓര്‍ത്തഡോക്സ്‌ ദേവാലയത്തിലെ 84 വയസ്സ്‌ കഴിഞ്ഞ മുതിര്‍ന്ന വിശ്വാസികളെ ആദരിച്ചു. നവംബര്‍ 10 ഞായറാഴ്ച്ച വിശുദ്ധ കുര്‍ബാനാനന്തരം ഇടവക വികാരി ഫാ. ഗ്രിഗറി വര്‍ഗീസിന്റെ അദ്ധ്യക്ഷതയില്‍ കൂടിയ യോഗത്തില്‍ 5 പേരെയാണ്‌ പ്രത്യേകമായി ആദരിച്ചത്‌. ശ്രീമാന്മാരായ കെ.വി. ചാക്കോ, വര്‍ഗീസ്‌ ചെറിയാന്‍, കെ. എസ്‌ മാത്യു, ശ്രീമതിമാരായ അന്നമ്മ മത്തായി, അന്നമ്മ തോമസ്‌ എന്നിവരെ ശതാഭിഷിക്തരായി ആദരിച്ചു. ഇവരില്‍ കെ.വി. ചാക്കോയും അന്നമ്മ മത്തായിയും അവരുടെ നവതി (90 വയസ്സു തികഞ്ഞവര്‍) നിറവിലുള്ളവരുമാണ്‌. ഒരു വ്യക്തിയുടെ ജീവിതത്തില്‍ 84 വയസ്സാകുമ്പോള്‍ 1000 പൂര്‍ണ ചന്ദ്രന്മാരെ കണ്ടതായി കണക്കാക്കപ്പെടുന്നു. കൃത്യമായ കണക്കു പ്രകാരം 83 വയസ്സും 4 മാസവുമാണ്‌ ഈ ശതാഭിഷേകത്തിന്റെ പ്രായം. ഇവരെ ശതാഭിഷിക്തര്‍ എന്ന്‌ വിളിക്കപ്പെടുന്നു. ശതാഭിഷിക്തരായ ഈ വിശിഷ്ട വ്യക്തികളെ വികാരി ഫാ. ഗ്രിഗറി…

വാഷിംഗ്ടണ്‍: നിയുക്ത പ്രസിഡൻ്റ് ഡൊണാൾഡ് ട്രംപ് റോബർട്ട് എഫ് കെന്നഡി ജൂനിയറിനെ അമേരിക്കയിലെ ഹെൽത്ത് ആൻഡ് ഹ്യൂമൻ സർവീസസ് സെക്രട്ടറിയായി നിയമിച്ചതിനെതിരെ പ്രതിഷേധ സ്വരങ്ങൾ ഉയർന്നു തുടങ്ങി. ഏതൊരു ഗവൺമെൻ്റിൻ്റെയും ഏറ്റവും വലിയ ഉത്തരവാദിത്തം പൗരന്മാരുടെ ആരോഗ്യവും സുരക്ഷയും ഉറപ്പാക്കുകയാണെന്ന് ട്രംപ് പറഞ്ഞു. ഭക്ഷ്യ വ്യവസായത്തിൻ്റെയും ഫാർമസ്യൂട്ടിക്കൽ കമ്പനികളുടെയും വഞ്ചനയുടെയും തെറ്റായ വിവരങ്ങളുടെയും ഇരകളാകാൻ അമേരിക്കൻ ജനതയ്ക്ക് കാരണമാകുന്ന പ്രശ്നങ്ങൾ പരിഹരിക്കാൻ റോബർട്ട് കെന്നഡി സഹായിക്കുമെന്നാണ് ട്രം‌പിന്റെ അവകാശ വാദം. അപകടകരമായ രാസവസ്തുക്കൾ, മലിനീകരണം, കീടനാശിനികൾ, ഫാർമസ്യൂട്ടിക്കൽ ഉൽപ്പന്നങ്ങൾ എന്നിവയിൽ നിന്ന് അമേരിക്കൻ പൗരന്മാരെ സംരക്ഷിക്കാൻ റോബർട്ട് കെന്നഡി ഉയർന്ന നിലവാരമുള്ള ശാസ്ത്രീയ ഗവേഷണങ്ങൾ സ്ഥാപിക്കുമെന്നും സുതാര്യത കൊണ്ടുവരുമെന്നും ട്രംപ് പറഞ്ഞു. റോബർട്ട് കെന്നഡി ജൂനിയറിന് വാക്സിനേഷനെതിരെ പ്രവര്‍ത്തിച്ചതിന്റെ ഒരു നീണ്ട ചരിത്രമുണ്ട്. വാക്സിൻ വിരുദ്ധ പ്രവർത്തകനായി അറിയപ്പെടുന്ന അദ്ദേഹം വാക്സിനേഷൻ കുട്ടികളിൽ ഓട്ടിസത്തിനും മറ്റ് രോഗങ്ങൾക്കും…

കാനഡയിലെ ഇന്ത്യൻ എംബസി സംഘടിപ്പിക്കേണ്ടിയിരുന്ന കോൺസുലർ ക്യാമ്പുകൾ സുരക്ഷ കണക്കിലെടുത്ത് റദ്ദാക്കി. ഇതുമായി ബന്ധപ്പെട്ട വിവാദമാണ് ഇപ്പോൾ രൂക്ഷമായിരിക്കുന്നത്. റിപ്പോർട്ടുകൾ പ്രകാരം, കനേഡിയൻ പോലീസ് ഒരു ഹിന്ദു സംഘടനയിൽ നിന്ന് 70,000 ഡോളർ സെക്യൂരിറ്റി ഫീസ് ആവശ്യപ്പെട്ടത് ഹിന്ദു സംഘടനകളുടെ എതിര്‍പ്പിന് കാരണമായി…….. (തുടര്‍ന്ന് വായിക്കുക) ബ്രാം‌പ്ടണ്‍ (കാനഡ): കാനഡയും ഇന്ത്യയും തമ്മിലുള്ള സംഘർഷാവസ്ഥയ്‌ക്കിടയിൽ പുതിയൊരു തര്‍ക്കം ഇപ്പോൾ പുറത്തുവന്നിരിക്കുകയാണ്. കാനഡയിലെ ഇന്ത്യൻ എംബസി സംഘടിപ്പിക്കുന്ന കോൺസുലർ ക്യാമ്പുകളോടനുബന്ധിച്ചാണ് പുതിയ പ്രശ്നങ്ങള്‍ ആരംഭിച്ചിരിക്കുന്നത്. മാധ്യമ റിപ്പോർട്ടുകൾ പ്രകാരം, കനേഡിയൻ പോലീസ് ഒരു സംഘടനയിൽ നിന്ന് സുരക്ഷാ ഫീസായി 70,000 ഡോളർ ആവശ്യപ്പെട്ടതാണ് ഇപ്പോള്‍ വിവാദമായിരിക്കുന്നത്. കനേഡിയന്‍ പോലീസിന്റെ ഈ ആവശ്യത്തില്‍ ഹിന്ദു സംഘടനകൾ അതൃപ്തി രേഖപ്പെടുത്തി. കാനഡയിലെ ബ്രാംപ്ടണിലുള്ള ത്രിവേണി ക്ഷേത്രം ഇന്ത്യൻ എംബസിക്ക് വേണ്ടി ലൈഫ് സർട്ടിഫിക്കേഷൻ പരിപാടി സംഘടിപ്പിച്ചിരുന്നു. എന്നാല്‍, സുരക്ഷ കണക്കിലെടുത്ത് അത്…

റാന്നി: ഈട്ടിച്ചുവട് ചെറുക്രത പരേതരായ സി. എം. തോമസിന്റെയും, റേച്ചൽ തോമസിന്റെയും മകൻ ചെറുകത്ര ജോർജ് തോമസ് (അച്ചൻകുഞ്ഞ്-88) അന്തരിച്ചു. സംസ്കാരം, നവംബർ 18 ന് തിങ്കളാഴ്ച രാവിലെ 7:30 ന് ഭവനത്തിൽ ആരംഭിക്കുന്ന ശുശ്രൂഷകൾക്കും, പൊതുദർശനത്തിനും ശേഷം ഉച്ചയ്ക്ക് ഒരുമണിയോടുകൂടി റാന്നി അങ്ങാടി, ഈട്ടിച്ചുവട് നസ്രേത്ത് മാർത്തോമ്മാ പള്ളി സെമിത്തേരിയിൽ സംസ്കാരം നടത്തും. പത്തനംതിട്ട വാഴമുട്ടം പൊയ്കമേലേതിൽ ഏലിയാമ്മ ജോർജ് ആണ് ഭാര്യ: ബിനു, ബിനോയി, ബിനോജ്, ബിൻസി എന്നിവർ മക്കളും, ഷൈനി, സുബി, ബിന്ദു, നെബു എന്നിവർ മരുമക്കളുമാണ്. (എല്ലാവരും യുഎസ്). വാർത്ത: മനു ചെറുകത്ര, ഫിലഡൽഫിയ