Day: August 18, 2025

മലപ്പുറം: മൈലപ്പുറം ഹുദ സൺ‌ഡേ മദ്രസയുടെ പ്രവേശനോത്സവം ഫലാഹിയ കോളേജ് പ്രിൻസിപ്പാൾ അബ്ദുൽ ലത്തീഫ് ബസ്മല ഉദ്ഘാടനം ചെയ്തു. പ്രോഗ്രാമിന്റെ മുഖ്യാതിഥിയും ലൈഫ് സ്കിൽസ് ട്രെയിനറുമായ ഹാരിസ് ഒഴികൂർ കുട്ടികളുമായി സംവദിച്ചു. രക്ഷിതാക്കൾക്കുള്ള ബോധവത്കരണ ക്ലാസും വിജയികളെ ആദരിക്കലും നടന്ന ചടങ്ങിൽ മദ്രസാ പ്രിൻസിപ്പാൾ മുബീൻ സ്വഗതം പറഞ്ഞു. മാലി ട്രസ്റ്റ് ചെയർമാൻ ജലീൽ മങ്കരത്തോടി അദ്ധ്യക്ഷത വഹിച്ചു. അലി സാലിം, ഫാത്തിമ ടി, ജസീല, സയ്യിദ് മുനവർ, ഫാത്തിമ ബീഗം, കുൽസു ടീച്ചർ എന്നിവർ സംസാരിച്ചു.

തൃശ്ശൂര്‍: സ്വാമി ശാശ്വതീകാനന്ദ സാംസ്കാരിക കേന്ദ്രം ഏർപ്പെടുത്തിയ പ്രഥമ ശ്രീനാരായണ ഗുരു സാഹോദര്യ പുരസ്കാരത്തിന് കാന്തപുരം എ പി അബൂബക്കർ മുസ്ലിയാരെ തിരഞ്ഞെടുത്തു. എസ് എൻ ഡി പി യോഗം മുൻ പ്രസിഡന്റ് അഡ്വ സി.കെ വിദ്യാസാഗർ ചെയർമാനും മുൻ രാജ്യസഭാ എം പി സി. ഹരിദാസ്, എംജി യൂണിവേഴ്സിറ്റി സ്കൂൾ ഓഫ് സോഷ്യൽ സയൻസിലെ പ്രൊഫസർ ഡോ. രാജേഷ് കോമത്ത് എന്നിവർ അംഗങ്ങളുമായ ജൂറി ആണ് പുരസ്കാര നിർണയം നടത്തിയത്. ഒരു ലക്ഷം രൂപയും പ്രശസ്തി പത്രവും ഫലകവും ഉൾപ്പെടുന്നതാണ് പുരസ്കാരം. കഴിഞ്ഞ ഏഴു ദശാബ്ദങ്ങളായി കേരളീയ സാമൂഹിക പരിസരത്തിലെ സജീവ സാനിധ്യമാണ് ശ്രീ. കാന്തപുരം എ പി അബൂബക്കർ മുസ്‌ലിയാർ. സ്വാതന്ത്ര്യ പൂർവ മലബാറിലെ അതിസാധാരണമായ ഒരു കർഷക കുടുംബത്തിൽ ജനിച്ച്, ആഗോള അംഗീകാരം നേടിയ മുസ്ളീം പണ്ഡിതൻ എന്ന നിലയിലുള്ള അദ്ദേഹത്തിന്റെ വളർച്ച…

മലപ്പുറം: വലിയങ്ങാടി – ഇത്തിൾപറമ്പ റോഡിൽ യാത്രക്കാർക്കും വാഹനങ്ങൾക്കും ഗതാഗതത്തിനും തടസങ്ങൾ സൃഷ്ടിക്കുന്ന വാട്ടർ അതോറിറ്റിയുടെ പൈപ്പുകൾ അടിയന്തരമായി മാറ്റി സ്ഥാപിക്കണമെന്ന് വെൽഫെയർ പാർട്ടി ഇത്തിൾപറമ്പ യൂണിറ്റ് കമ്മിറ്റി ആവശ്യപ്പെട്ടു. താൽക്കാലിക സംവിധാനമായി വർഷങ്ങൾക്ക് മുമ്പ് റോഡിന് മുകളിലൂടെ സ്ഥാപിച്ച ഇരുമ്പ് പൈപ്പുകൾ മാറ്റി സ്ഥാപിക്കാൻ അധികൃതർ ഇതുവരെ തയ്യാറായിട്ടില്ല. മലപ്പുറം നഗരത്തിലെ വിവിധ സ്ക്കൂൾ വിദ്യാർഥികളും ചുങ്കം എം.എസ്.പി ക്യാമ്പിലേക്കും ഇൻകെൽ വ്യവസായ പാർക്കിലേക്കും മറ്റും ഉപയോഗിക്കുന്ന റോഡിൽ ഈ പെപ്പുകൾ കാരണമുണ്ടാവുന്ന നിരന്തര ഗതാഗത തടസം അങ്ങേയറ്റം പ്രയാസം സൃഷ്ടിക്കുന്നുണ്ട്. പ്രസ്തുത വിഷയത്തിൽ അടിയന്തരമായി ഇടപെടണമെന്ന് ആവശ്യപ്പെട്ട് വാട്ടർ അതോറിറ്റി എക്സിക്യൂട്ടീവ് എൻജിനിയർക്ക് നിവേദനം നൽകി. യൂണിറ്റ് പ്രസിഡൻ്റ് ഉമ്മർ ചിറക്കൽ, സെക്രട്ടറി സക്കരിയ്യ കടമ്പോട്ട്, കൺവീനർ അബ്ദുസമദ് തുമ്പത്ത്, പി.പി അബ്ദുൽ കരീം എന്നിവർ പങ്കെടുത്തു.

തിങ്കളാഴ്ച വൈറ്റ് ഹൗസിലെത്തിയ ഉക്രേനിയൻ പ്രസിഡന്റ് വോളോഡിമർ സെലെൻസ്‌കിയുടെ വസ്ത്രധാരണത്തെ ട്രം‌പ് പ്രശംസിച്ചു. ഇത്തവണ സെലെൻസ്‌കി പതിവ് സൈനിക ലുക്കിന് പകരം സ്യൂട്ട് പോലുള്ള വസ്ത്രത്തിലാണ് കാണപ്പെട്ടത്. ട്രംപ് പുഞ്ചിരിച്ചുകൊണ്ട് പറഞ്ഞു, “എനിക്ക് ഇത് വിശ്വസിക്കാൻ കഴിയുന്നില്ല, എനിക്ക് ഇത് ഇഷ്ടപ്പെട്ടു.” വാഷിംഗ്ടണ്‍: തിങ്കളാഴ്ച വൈറ്റ് ഹൗസിൽ യുക്രെയ്ൻ പ്രസിഡന്റ് വോളോഡിമർ സെലെൻസ്‌കിയെ യുഎസ് പ്രസിഡന്റ് ഡൊണാൾഡ് ട്രംപ് വളരെ വ്യത്യസ്തമായ രീതിയിൽ സ്വാഗതം ചെയ്തു. സെലെൻസ്‌കിയെ കണ്ടപ്പോൾ ട്രംപ് ആശ്ചര്യം പ്രകടിപ്പിക്കുകയും പുഞ്ചിരിച്ചുകൊണ്ട് പറഞ്ഞു, “എനിക്ക് വിശ്വസിക്കാൻ കഴിയുന്നില്ല, എനിക്ക് ഇത് ഇഷ്ടപ്പെട്ടു.” ഇത്തവണ സെലെൻസ്‌കി സാധാരണ സൈനിക യൂണിഫോമിന് പകരം ബ്ലേസർ സ്റ്റൈൽ ജാക്കറ്റ്, കോളർ ഷർട്ട്, പാന്റ്‌സ്, കോംബാറ്റ് ബൂട്ട്‌സ് എന്നിവ ധരിച്ചാണ് എത്തിയത്. മാധ്യമങ്ങൾക്കും നേതാക്കൾക്കും അദ്ദേഹത്തിന്റെ രൂപം ഒരുപോലെ അത്ഭുതമായിരുന്നു. “എന്റെ കൈവശമുള്ളതിൽ ഏറ്റവും മികച്ചത് ഇതാണ്” എന്ന് അദ്ദേഹം…