Year: 2025

മിസ്സിസ്സാഗാ രൂപതയുടെ പത്താം വർഷത്തിനോട് അനുബന്ധിച്ച് നടത്തിയ സർഗസന്ധ്യ 2025 ഗംഭീര വിജയമെന്നു മിസ്സിസാഗാ രൂപത അധ്യക്ഷൻ മാർ ജോസ് കല്ലുവേലിൽ അറിയിച്ചു . സെപ്‌റ്റംബർ 13നു Whitby കാനഡ ഇവന്റ് സെന്ററിൽ നടന്ന പരിപാടിയിൽ ആയിരത്തി അഞ്ഞൂറിൽ പരം ആളുകൾ പങ്കെടുത്തു. സീറോ മലബാർ സഭയുടെ മേജർ ആർച്ച് ബിഷപ്പ് മാർ റാഫേൽ തട്ടിൽ മുഖ്യ അതിഥിയായി പരിപാടിയിൽ പങ്കെടുത്തു. വിശുദ്ധ കുർബാനയെ ആസ്പദമാക്കി നോർത്ത് അമേരിക്കയിലെ ഏറ്റവും വലിയ മലയാളം ബിബ്ലിക്കൽ മ്യൂസിക്കൽ ഡ്രാമ എറ്റെർനിറ്റി, നൂറ്റമ്പതിൽ പരം കലാകാരൻമാർ ചേർന്ന് അവതരിപ്പിച്ചു. അതുപോലെ തന്നെ യുവജനങ്ങൾ അണിയിച്ചൊരുക്കിയ ബ്യൂട്ടി ആൻഡ് ദി ബീസ്ട് കഥയെ ആസ്പദമാക്കിയുള്ള റിഡെംപ്ഷൻ എന്ന മ്യൂസിക്കൽ ഡ്രാമ കാണികളുടെ ഹൃദയം കവർന്നു. മിസ്സിസ്സാഗാ രൂപതാദ്ധ്യക്ഷൻ ജോസ് പിതാവിന്റെ രചനയിലും പ്രശസ്ത സംഗീതജ്ഞൻ കാർത്തിക് മാസ്റ്ററിന്റെ സംഗീതത്തിൽ നിന്നും ഉരുവായ…

ഹ്യൂസ്റ്റൺ, ടെക്സാസ്: ടെക്സാസ് അവന്യുവിലെ നിർമ്മാണത്തിലിരിക്കുന്ന ഹോളിഡേ ഇൻ ഹോട്ടലിൽ സ്ഫോടനത്തിൽ ആറ് തൊഴിലാളികൾക്ക് പരിക്കേറ്റതായി ഹ്യൂസ്റ്റൺ ഫയർ ഡിപ്പാർട്ട്മെന്റ് (HFD) അറിയിച്ചു. പ്രാഥമികമായി ബോയിലറിൽ പിഴവാണെന്ന് കരുതിയിരുന്നുവെങ്കിലും, പിന്നീട് ടാങ്ക്‌ലെസ് വാട്ടർ ഹീറ്ററിൽ ഉണ്ടായ പ്രെഷർ പ്രശ്നമാണ് പ്രകൃതിദത്ത വാതക ലൈൻ സ്ഫോടിക്കാൻ കാരണമായത് എന്ന് അധികൃതർ പറഞ്ഞു. വാതക സ്ഫോടനത്തിൽ ജനൽചില്ലുകൾ തകർന്നു, തീ പടർന്നു. സംഭവത്തിൽ പൊള്ളലുകളും മുറിവുകളുമുള്ള ആറ് നിർമ്മാണ തൊഴിലാളികളെ ആശുപത്രിയിൽ പ്രവേശിപ്പിച്ചു. സമീപ പ്രദേശം നിയന്ത്രണത്തിലുള്ളതായി അധികൃതർ അറിയിച്ചു. സംഭവം സംബന്ധിച്ച് ആർസൺ വിഭാഗം അന്വേഷണം ആരംഭിച്ചിട്ടുണ്ട്. “കൂടുതൽ ആളുകൾക്ക് പരിക്കേൽക്കാതിരുന്നത് വലിയ ഭാഗ്യമാണ്,” എന്ന് HFD കമ്മ്യൂണിക്കേഷൻസ് ഡയറക്ടർ ബ്രെന്റ് ടെയ്‌ലർ പറഞ്ഞു.

വാഷിംഗ്ടൺ: രാഷ്ട്രപിതാവിന്റെ ജന്മവാർഷികത്തോടനുബന്ധിച്ച് ഒക്ടോബർ 2 ന് അംബാസഡർ ശ്രീ വിനയ് ക്വാട്ര, എംബസി ഉദ്യോഗസ്ഥരോടൊപ്പം മഹാത്മാഗാന്ധിക്ക് പുഷ്പാർച്ചന നടത്തി. സെപ്റ്റംബർ 30 ന് നടന്ന ഒരു പ്രത്യേക പരിപാടിയെത്തുടർന്ന് ഔപചാരിക ആദരാഞ്ജലി അർപ്പിച്ചു, ഗാന്ധിയുടെ ശാശ്വത പാരമ്പര്യത്തെയും ഇന്ത്യയിലെ പ്രവാസികളായ വിദ്യാർത്ഥികളെയും, പ്രൊഫഷണലുകളെയും, സുഹൃത്തുക്കളെയും ആദരിച്ചു. മേരിലാൻഡിലെ ബെഥെസ്ഡയിലുള്ള ഗാന്ധി മെമ്മോറിയൽ സെന്ററിന്റെ ഡയറക്ടർ ശ്രീമതി കരുണയുടെ പ്രസംഗം ആഘോഷത്തിൽ ഉണ്ടായിരുന്നു. “ഗാന്ധിയുടെ ജീവിതവും സന്ദേശവും” എന്ന തലക്കെട്ടിലുള്ള അവരുടെ പ്രസംഗത്തിൽ അദ്ദേഹത്തിന്റെ ജീവിതത്തിൽ നിന്നുള്ള സംഭവങ്ങൾ, അദ്ദേഹത്തിന്റെ പ്രധാന പ്രചോദനങ്ങൾ, ആഗോള സമാധാനത്തിനായുള്ള അദ്ദേഹത്തിന്റെ ദർശനം എന്നിവ ഉൾപ്പെടുത്തിയിരുന്നു. ഭിന്നശേഷിക്കാരായ യുവ ഇന്ത്യൻ കലാകാരന്മാരായ അനുഷ മഞ്ജുനാഥും വസുന്ധര റാതുരിയും നടത്തിയ സംഗീത പ്രകടനങ്ങളോടെയാണ് പരിപാടി അവസാനിച്ചത്. ഗാന്ധിജിക്ക് ഏറ്റവും ഇഷ്ടപ്പെട്ട ഭജനകളും ഗാനങ്ങളും അവർ ആലപിച്ചു.

ഹൂസ്റ്റൺ: ഇന്ത്യൻ ക്രിസ്ത്യൻ എക്യൂമെനിക്കൽ കമ്മ്യൂണിറ്റി ഓഫ് ഹൂസ്റ്റൺ (ICECH) ആഭിമുഖ്യത്തിൽ 2025-ലെ ബൈബിൾ കൺവെൻഷൻ ഹൂസ്റ്റൺ സെന്റ് ജോസഫ് സീറോ മലബാർ കാത്തലിക് ദേവാലയ ഹാളിൽ ഒക്ടോബർ 11-ാം തീയതി ശനിയാഴ്ച നടത്തപ്പെടുന്നു. വൈകുന്നേരം 6:30 യ്ക്ക് കൺവെൻഷൻ ആരംഭിക്കും ഈ വർഷത്തെ കൺവെൻഷനിൽ മുഖ്യ പ്രഭാഷണം നടത്തുന്നത് കിഡ്നി ഫൗണ്ടേഷൻ ഓഫ് ഇന്ത്യയുടെ സ്ഥാപകനും, ആക്‌സിഡന്റ് കെയർ ആൻഡ് ട്രാൻസ്പോർട്ട് സർവീസിന്റെ സ്ഥാപകനും ആയ റവ. ഫാ. ഡേവിസ് ചിറമേലാണ്. ഹൂസ്റ്റണിലെ 20 ഇടവകകൾ ചേർന്ന് നടത്തുന്ന ഈ കൺവെൻഷനിലേക്ക് എല്ലാവരെയും സ്വാഗതം ചെയ്യുന്നുവെന്ന് ഭാരവാഹികൾ അറിയിച്ചു. ഐ.സി.ഇ.സി.എച്ച്. പ്രസിഡന്റായ റവ. ഫാ. ഡോ. ഐസക്ക് ബി. പ്രകാശിന്റെ നേതൃത്വത്തിൽ വിപുലമായ കമ്മിറ്റി കൺവെൻഷന്റെ അനുഗ്രഹകമായ വിജയത്തിനായി പ്രവർത്തിച്ചു വരുന്നു. കൂടുതൽ വിവരങ്ങൾക്ക്: ഫാ. ഡോ. ഐസക് ബി. പ്രകാശ് (പ്രസിഡന്റ്) 832-997-9788 ഫാ.…

സണ്ണിവെയ്ൽ (ഡാലസ്) : ക്രിസ്തീയ ആത്മീയതക്കും നവീകരണത്തിനുമായി അമേരിക്കയിലെ അഗാപെ മിനിസ്ട്രീസ് സംഘടിപ്പിക്കുന്ന 15-ാമത് വാർഷിക സമ്മേളനം “അറൈസ് ആൻഡ് ഷൈൻ 2025” ഒക്ടോബർ 16 മുതൽ 19 വരെ സണ്ണിവേലിലെ അഗാപെ ചർച്ചിൽ നടക്കും. ഒക്ടോബർ 16 (വ്യാഴം) മുതൽ ഒക്ടോബർ 19 (ഞായർ) വരെ  എല്ലാ ദിവസവും വൈകിട്ട് 6:30 മുതൽ 9:30 വരെ വിശേഷ യോഗം: ഞായറാഴ്ച ഒക്ടോബർ 19 രാവിലെ 11:00 ന് പ്രത്യേക യോഗവും ഉണ്ടായിരിക്കും സ്ഥലം: പ്രമുഖ സുവിശേഷകരായ റെവ. ഡോ. സാബു വർഗീസ് റെവ. ഡോ. ജെയിംസ് മരോക്കോ ,പ്ര. കെ.ജെ തോമസ് എന്നിവർ വചന ശുശ്രുഷ നിർവഹിക്കും Agape Worship ടീം സംഗീതത്തിനായും ആരാധനയ്ക്കായും നേതൃത്വം നൽകും.,ലൈവ് സംപ്രേഷണം: Agape TV യിലൂടെ പരിപാടികൾ തത്സമയം പ്രക്ഷേപണം ചെയ്യും. കൂടുതൽ വിവരങ്ങൾക്ക്: പ്ര. ജോൺ എബ്രഹാം…