Year: 2025

മലപ്പുറം: കാട്ടാന ആക്രമണത്തിൽ കൊല്ലപ്പെട്ട കല്യാണിയമ്മയുടെ കുടുംബത്തെ വെൽഫെയർ പാർട്ടി ജില്ലാ നേതാക്കൾ സന്ദർശിച്ചു. ഒതായി കിഴക്കേ ചാത്തല്ലൂരിൽ കാട്ടാന ആക്രമണത്തിൽ മരണമടഞ്ഞ കല്യാണി അമ്മയുടെ കുടുംബത്തിന് വേണ്ടി അടിയന്തരമായി നഷ്ടപരിഹാരം നൽകുകയും കുടുംബത്തിലെ ഒരു അംഗത്തിന് സർക്കാർ ജോലി നൽകുകയും ചെയ്യണമെന്ന് ജില്ലാ പ്രസിഡണ്ട് സഫീർഷ ആവശ്യപ്പെട്ടു. മനുഷ്യനു നേരെയുള്ള വന്യജീവി ആക്രമണം ഒഴിവാക്കാൻ ശാസ്ത്രീയ പദ്ധതികൾ തയ്യാറാക്കി കൃത്യമായി നടപ്പിലാക്കണമെന്നും അദ്ദേഹം പറഞ്ഞു. നിലവിൽ നിരവധി പദ്ധതികൾ നടപ്പിലാക്കപ്പെടുന്നത് പ്രശ്നങ്ങൾക്കുള്ള പരിഹാരമായിട്ടല്ല; അഴിമതിക്ക് വേണ്ടി മാത്രമാണ്. ഇത്തരം പദ്ധതികളിലെ അഴിമതി അന്വേഷിച്ച് ഉത്തരവാദികളായവരെ കണ്ടെത്തണമെന്നും അദ്ദേഹം ആവശ്യപ്പെട്ടു. ജില്ല സെക്രട്ടറി ബിന്ദു പരമേശ്വരൻ, മണ്ഡലം പ്രസിഡണ്ട് മജീദ് ചാലിയാർ, മണ്ഡലം വിമൻ ജസ്റ്റിസ് മൂവ്‌മെന്റ് നേതാക്കൾ കൂടെയുണ്ടായിരുന്നു.

കോഴിക്കോട്: സ്കൂൾ സമയ മാറ്റത്തിലും അവധിക്കാല മാറ്റത്തിലും നിർദേശങ്ങളുമായി കാന്തപുരം എ പി അബൂബക്കർ മുസ്‌ലിയാർ. ചർച്ചകൾക്ക് തുടക്കമിട്ട വിദ്യാഭ്യാസ മന്ത്രിയെ വിമർശിക്കേണ്ടതില്ലെന്നും എല്ലാ കാര്യങ്ങളും എല്ലാവരുമായി ആലോചിച്ചു നടപ്പാക്കിയാൽ വിവാദങ്ങൾ ഒഴിവാക്കാമെന്നും അദ്ദേഹം പറഞ്ഞു. ചൂട് വർധിച്ച മെയ് മാസത്തിലും മഴ വർധിച്ച ജൂൺ മാസത്തിലുമായി സ്കൂൾ അവധി പുനഃക്രമീകരിക്കാവുന്നതാണ്. രാവിലെയും വൈകുന്നേരവുമായി സ്കൂൾ സമയം ദൈർഘിപ്പിക്കുന്നതിന് പകരം അക്കാദമിക വർഷത്തെ പരീക്ഷകൾ മൂന്നിൽ നിന്നും രണ്ടാക്കി ചുരുക്കിയാൽ കുറെയേറെ സമയം ലാഭിക്കാൻ സാധിക്കും. വിദ്യാഭ്യാസ രംഗത്തെ പുതുമകളെ താത്പര്യത്തോടെ കാണുന്ന വ്യക്തിയാണ് മന്ത്രിയെന്നും ഞങ്ങൾ മുന്നോട്ടുവെച്ച ചില ആശയങ്ങളും ആവശ്യങ്ങളും അദ്ദേഹം പഠനം നടത്തി നടപ്പിലാക്കാമെന്നാണ് പറഞ്ഞതെന്നും ബുദ്ധിയുള്ള ആളുടെ ലക്ഷണമാണ് ആ പ്രതികരണമെന്നും കാന്തപുരം പറഞ്ഞു.

കോഴിക്കോട്: വിദ്യാഭ്യാസ മേഖലയിൽ പുരോഗതികൾ നടപ്പിലാക്കുന്നതിൽ ഭരണപക്ഷ-പ്രതിപക്ഷ വിവേചനമില്ലെന്നും കുട്ടികളുടെ പഠന നിലവാരം ഉയർത്തുന്ന പദ്ധതികൾക്കാണ് പ്രഥമ പരിഗണനയെന്നും മന്ത്രി വി ശിവൻകുട്ടി. സർക്കാർ മേൽനോട്ടത്തിൽ വിദ്യാഭ്യാസ രംഗത്ത് കൊണ്ടുവരുന്ന മാറ്റങ്ങൾ എല്ലാവരുമായും കൂടിയാലോചിച്ചു മാത്രമേ നടപ്പിലാക്കുകയുള്ളൂ എന്നും കൂട്ടായ ആലോചനയും വിശ്വാസവുമാണ് നമ്മെ ഉന്നതിയിലേക്ക് നയിക്കുകയെന്നും അദ്ദേഹം പറഞ്ഞു. വിദ്യാഭ്യാസ മേഖലയിൽ ഗവണ്മെന്റും എയ്‌ഡഡ്‌-അൺ എയ്‌ഡഡ്‌ സ്ഥാപനങ്ങളും ഒരുമിച്ചു മുന്നോട്ട് പോയാൽ മാത്രമേ മാറ്റം സാധ്യമാവുകയുള്ളൂ. അതുകൊണ്ടുതന്നെ ഇക്കാര്യത്തിൽ യാതൊരു വേർതിരിവും സർക്കാർ കാണിക്കുന്നില്ല. ഏറെ കാലമായി പരിഷ്കരിക്കപ്പെടാതെ കിടന്നിരുന്ന പാഠപുസ്തകങ്ങൾ പരിഷ്കരിക്കാനും സ്കൂൾ പൂട്ടുന്നതിന് മുമ്പുതന്നെ അടുത്ത അധ്യയന വർഷത്തെ പാഠഭാഗങ്ങൾ വിതരണം ചെയ്യാനും ഈ സർക്കാരിന് സാധിച്ചിട്ടുണ്ട്. സ്കൂളുകളിലെ എല്ലാ വിഭാഗം കുട്ടികൾക്കും തുല്യ പരിഗണ നൽകാനും വിദ്യാഭ്യാസ വകുപ്പ് ഉത്തരവ് നൽകിയിട്ടുണ്ട്. സാമ്പത്തിക ഭദ്രതയില്ലാത്ത കുട്ടികളെ കൂടി ഉൾപ്പെടുത്തി മാത്രമേ പഠനയാത്രകൾ…

മർകസ് സ്കൂളുകളിലെ അഡ്മിനിസ്ട്രേറ്റീവ് ബ്ലോക്കുകളും നവീകരിച്ച സയൻസ് ലാബും ഉദ്‌ഘാടനം ചെയ്തു കോഴിക്കോട്: വിദ്യാഭ്യാസ രംഗത്ത് കാലഘട്ടത്തിനനുയോജ്യമായ മാറ്റങ്ങളും പുതുമകളും കൊണ്ടുവരേണ്ടത് അനിവാര്യമാണെന്നും അവ സാധ്യമാക്കുന്നതിൽ എല്ലാവരും ഒന്നിച്ചു പ്രവർത്തിക്കണമെന്നും വിദ്യാഭ്യാസ മന്ത്രി വി ശിവൻകുട്ടി. മർകസ് സ്കൂളുകളിലെ അഡ്മിനിസ്‌ട്രേറ്റീവ് ബ്ലോക്കുകളുടെയും നവീകരിച്ച സയൻസ് ലാബിന്റെയും സമർപ്പണ ചടങ്ങ് ‘എഡ്യൂഫേസ്’ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പാഠ്യപദ്ധതിയിലും പഠനരീതിയിലും മാത്രമല്ല, അടിസ്ഥാന സൗകര്യങ്ങളുടെ കാര്യത്തിലും മാറ്റം വേണമെന്നും അതാണിപ്പോൾ മർകസ് നിർവഹിച്ചതെന്നും മന്ത്രി പറഞ്ഞു. മർകസ് ജനറൽ സെക്രട്ടറി കാന്തപുരം എ പി അബൂബക്കർ മുസ്‌ലിയാർ ചടങ്ങിൽ അധ്യക്ഷത വഹിച്ചു. വിദ്യാഭ്യാസ മേഖലയിലെ മാറ്റങ്ങൾ എല്ലാവരുമായി ആലോചിച്ചു നടപ്പാക്കിയാൽ വിവാദങ്ങൾ ഒഴിവാക്കാമെന്ന് അദ്ദേഹം പറഞ്ഞു. ചൂട് വർധിച്ച മെയ് മാസത്തിലും മഴ വർധിച്ച ജൂൺ മാസത്തിലുമായി സ്കൂൾ അവധി പുനഃക്രമീകരിക്കാവുന്നതാണ്. രാവിലെയും വൈകുന്നേരവുമായി സ്കൂൾ സമയം ദൈർഘിപ്പിക്കുന്നതിന്…

തിരുവല്ല: ഒരു മാസം നീണ്ടു നിൽക്കുന്ന 27 മത് റീമപുസ്തകമേള പുഷ്പഗിരി റോഡിലുള്ള റീമബുക്ക് ഹൗസിൽ പത്തനംതിട്ട ജില്ല യു.ഡി. എഫ് ചെയർമാൻ അഡ്വ: വർഗീസ്മാമൻ ഉത്ഘാടനം ചെയ്തു. റീമ ഡയറക്ടർ റവ: സി.പി.മോനായി അദ്ധ്യക്ഷതവഹിച്ചു. പുസ്തകത്തിൻ്റെ വിൽപ്പന ചർച്ച് ഓഫ് ഗോഡ് ബൂട്ടാൻ ഓവർസീയർ റവ: എ. എം. വർഗീസ് നടത്തി. തിരുവല്ല മുനിസിപ്പൽ വൈസ് ചെയർമാൻ ജിജി വട്ടശേരി, സ്റ്റാൻ്റിങ്ങ് കമ്മറ്റി ചെയർപേഴ്സൺ സാറാമ്മ ഫ്രാൻസിസ്, മുൻ മുൻസിപ്പൽ ചെയർമാൻ ആർ ജയകുമാർ, മർത്തോമ സഭ കൗൺസിൽ മെമ്പർ തോസ് കോശി എന്നിവർ പ്രസംഗിച്ചു. പുസ്തകമേളയിൽ 50% വരെ വിലക്കുറവ് ഏർപ്പെടുത്തിയിട്ടുണ്ട്. ‎

തിരുവനന്തപുരം: പാലക്കാട് മുതലമടയിലും തിരുവനന്തപുരത്തെ വർക്കലയിലും ആദിവാസികള്‍ക്കെതിരെ നടന്ന രണ്ട് ക്രൂരതകൾ സംസ്ഥാനത്തെ ഞെട്ടിച്ചിരിക്കുകയാണ്. രണ്ട് സംഭവങ്ങളിലും റിസോർട്ട് ഉടമകളാണ് കുറ്റവാളികള്‍. മുതലമടയിൽ, അനുവാദമില്ലാതെ ചെറിയ അളവിൽ മദ്യം കഴിച്ചതിന് ഒരു ആദിവാസി തൊഴിലാളിയെ മർദ്ദിക്കുകയും ആറ് ദിവസത്തേക്ക് ഭക്ഷണമില്ലാതെ ഇരുട്ട് മുറിയിൽ പൂട്ടിയിടുകയും ചെയ്തു. ഗുരുതരാവസ്ഥയിലായ മധ്യവയസ്കനെ നാട്ടുകാരും പോലീസും ചേർന്ന് രക്ഷപ്പെടുത്തി. വർക്കലയിൽ, ഉയർന്ന നിരക്കിനെച്ചൊല്ലിയുള്ള തർക്കത്തെത്തുടർന്ന് തെരുവിൽ ഒരു ഓട്ടോ ഡ്രൈവറെ ആക്രമിച്ചു. ഇവിടെയും നാട്ടുകാർ ഇരയുടെ രക്ഷയ്ക്കെത്തി. അനുവാദമില്ലാതെ ചെറിയ അളവിൽ മദ്യം കഴിച്ചതിന് വെള്ളയൻ (54) എന്ന ആദിവാസി തൊഴിലാളിയെ റിസോർട്ട് ഉടമ പ്രഭുവാണ് മർദ്ദിച്ച് അവശനാക്കിയത്. ടോയ്‌ലറ്റ് പോലുമില്ലാത്ത ഇരുണ്ട മുറിയിൽ പൂട്ടിയിട്ട് ആറ് ദിവസത്തേക്ക് പട്ടിണിക്കിട്ടു. വ്യാഴാഴ്ച പുലർച്ചെ 1:30 ഓടെ പഞ്ചായത്ത് അംഗവും മുൻ പ്രസിഡന്റുമായ പി. കൽപ്പനാദേവിയുടെ നേതൃത്വത്തിൽ നാട്ടുകാരും പോലീസും ചേർന്നാന് ഇയാളെ…

തിരുവനന്തപുരം: കേരള സംസ്ഥാന ചലച്ചിത്ര അക്കാദമി ആഗസ്റ്റ് 27 വരെ തിരുവനന്തപുരത്തെ കൈരളി, ശ്രീ, നിള തിയേറ്ററുകളിൽ സംഘടിപ്പിക്കുന്ന പതിനേഴാമത് ഐഡിഎസ്എഫ്എഫ്കെ ഇന്ന് തിരി തെളിഞ്ഞു. കൈരളി തിയേറ്ററിൽ നടന്ന ചടങ്ങിൽ, ഫെസ്റ്റിവൽ പുസ്തകം സാംസ്കാരിക വകുപ്പ് അഡീഷണൽ ചീഫ് സെക്രട്ടറി ഡോ. രാജൻ എൻ. ഖോബ്രഗഡെ സാംസ്കാരിക വകുപ്പ് ഡയറക്ടർ ഡോ. ദിവ്യ എസ്. അയ്യർക്ക് നല്‍കി പ്രകാശനം ചെയ്തു. കെഎസ്എഫ്ഡിസി ചെയർപേഴ്‌സണും ചലച്ചിത്ര സംവിധായകനുമായ കെ. മധു ഫെസ്റ്റിവൽ ഡെയ്‌ലി ബുള്ളറ്റിന്റെ പ്രകാശനം ഫിക്ഷൻ വിഭാഗത്തിലെ ജൂറി അംഗവും ചലച്ചിത്ര നടിയുമായ രാജശ്രീ ദേശ്പാണ്ഡെയ്ക്ക് നല്‍കി നിര്‍‌വ്വഹിച്ചു. നോൺ ഫിക്ഷൻ വിഭാഗം ജൂറി ചെയർപേഴ്‌സൺ രണജിത് റേ, ഫിക്ഷൻ വിഭാഗം ജൂറി ചെയർപേഴ്‌സൺ ഗുർവിന്ദർ സിംഗ്, ചലച്ചിത്ര അക്കാദമി ചെയർപേഴ്‌സൺ പ്രേംകുമാർ, സെക്രട്ടറി സി അജോയ്, സാംസ്‌കാരിക പ്രവർത്തക ക്ഷേമനിധി ബോർഡ് ചെയർപേഴ്‌സൺ മധുപാൽ,…

ശ്രീലങ്കയുടെ മുൻ പ്രസിഡന്റ് റനിൽ വിക്രമസിംഗെയെ അഴിമതി കുറ്റത്തിന് അറസ്റ്റ് ചെയ്തു. ഈ വിദേശ യാത്രയിൽ വിക്രമസിംഗെ സർക്കാർ ഫണ്ട് ദുരുപയോഗം ചെയ്തുവെന്ന് ആരോപിക്കപ്പെടുന്നു. ശ്രീലങ്കൻ മുൻ പ്രസിഡന്റ് റനിൽ വിക്രമസിംഗെ അഴിമതി കുറ്റത്തിന് അറസ്റ്റിലായി. 2023 സെപ്റ്റംബറിൽ ലണ്ടനിലേക്കുള്ള അദ്ദേഹത്തിന്റെ സന്ദർശനത്തെക്കുറിച്ച് ചോദ്യം ചെയ്തതിന് ശേഷമാണ് അറസ്റ്റ് നടന്നതെന്ന് റിപ്പോർട്ട് പറയുന്നു. ആ സമയത്ത് വിക്രമസിംഗെ തന്റെ ഭാര്യയുടെ ബഹുമാനാർത്ഥം സംഘടിപ്പിച്ച ഒരു ബ്രിട്ടീഷ് സർവകലാശാലയിൽ സംഘടിപ്പിച്ച ഒരു പരിപാടിയിൽ പങ്കെടുത്തിരുന്നു. ചോദ്യം ചെയ്യലിനായി അദ്ദേഹത്തെ വിളിപ്പിച്ചതായും പിന്നീട് കസ്റ്റഡിയിലെടുത്ത് കൊളംബോ ഫോർട്ട് മജിസ്‌ട്രേറ്റിന് മുന്നിൽ ഹാജരാക്കുമെന്നും ഉദ്യോഗസ്ഥർ അറിയിച്ചു. ഈ വിദേശ യാത്രയിൽ വിക്രമസിംഗെ സർക്കാർ ഫണ്ട് ദുരുപയോഗം ചെയ്തതായി ആരോപിക്കപ്പെടുന്നു. എന്നാല്‍, ഈ യാത്ര ഭാഗികമായി സ്വകാര്യമായിരുന്നു. 2023 സെപ്റ്റംബറിൽ ഹവാനയിൽ നടന്ന ജി-77 സമ്മേളനത്തിൽ പങ്കെടുത്ത ശേഷം വിക്രമസിംഗെ ലണ്ടനിൽ തന്നെ…

മലപ്പുറം: യൂത്ത് കോൺഗ്രസ് സംഘടന പദവി ദുരുപയോഗപ്പെടുത്തി യുവതികളുമായി അനാശാസ്യ പ്രവർത്തനത്തിൽ ഏർപ്പെട്ടതിന് ആരോപണ വിധേയനായ രാഹുൽ മാങ്കൂട്ടം കേരളത്തിലെ യുവജന പ്രസ്ഥാനങ്ങൾക്കാകെ അപമാനം ഉണ്ടാക്കിയിരിക്കയാണ്. പൊതുപ്രവർത്തകർ ജീവിതത്തിൽ കൂടുതൽ ജാഗ്രതയോടെ പാലിക്കേണ്ട വ്യക്തി വിശുദ്ധി തൊട്ടു തീണ്ടാത്തയാളാണ് സംസ്ഥാന യൂത്ത് കോൺഗ്രസ് പദവിയിലുണ്ടായ രാഹുലെന്നത് ആശ്ചര്യകരമാണ്. രാഹുലിനെ പോലുള്ള ഒരാളെ നിയമസഭ കക്ഷി അംഗമായി ചുമക്കേണ്ട ഗതികേടിലാണ് കേരളത്തിലെ കോൺഗ്രസും യു.ഡി. എഫും. രാഹുലിനെ നിയമസഭാ അംഗത്വത്തിൽ നിന്ന് പുറത്താക്കാനുള്ള രാഷ്ട്രീയ മാന്യതയും ധാർമ്മികതയും കോൺഗ്രസ് നേതൃത്വം കാണിക്കണമെന്നും എൻ. വൈ.എൽ മലപ്പുറത്ത് നടത്തിയ പ്രതിഷേധ പരിപാടി ആവശ്യപ്പെട്ടു. പൂവൻകോഴിയുമാട്ടാണ് എൻ. വൈ.എൽ പ്രവർത്തകർ മലപ്പുറത്ത് രാഹുൽ മാങ്കൂട്ടത്തിൽ എം.എൽ.എ ആയി തുടരുന്നതിന്നെതിരെ പ്രതിഷേധിച്ചത്. ഐ.എൻ.എൽ ജില്ലാ സിക്രട്ടറി എൻ.പി ശംസു ഉദ്ഘാടനം ചെയ്തു. എൻ .വൈ.എൽ ജില്ലാ പ്രസിഡൻ്റ് പി.പി അർഷദ് , ജനറൽ…