Year: 2025

കോട്ടയം: ഉന്നത വിദ്യാഭ്യാസ വകുപ്പിന് കീഴിലുള്ള കേരള സംസ്ഥാന ശാസ്ത്ര സാങ്കേതിക മ്യൂസിയത്തിന്റെ ആഭിമുഖ്യത്തിൽ കോട്ടയം കുറവിലങ്ങാട് കോഴയിൽ സ്ഥാപിച്ച സയൻസ് സിറ്റിയുടെ ഒന്നാം ഘട്ടം മുഖ്യമന്ത്രി പിണറായി വിജയൻ ഉദ്ഘാടനം ചെയ്തു. കോട്ടയം സയൻസ് സിറ്റി സമയബന്ധിതമായി പൂർണ്ണമായും സജ്ജീകരിക്കുമെന്ന് ചടങ്ങിൽ സംസാരിച്ച മുഖ്യമന്ത്രി പറഞ്ഞു. ഇരുട്ടിന്റെ വിവിധ രൂപങ്ങൾ പടരുന്ന പുതിയ കാലഘട്ടത്തിൽ ശാസ്ത്രത്തിന്റെ പ്രസക്തി വീണ്ടും വർദ്ധിച്ചു കൊണ്ടിരിക്കുകയാണ്. ജാതീയത മുതൽ മന്ത്രവാദം വരെയുള്ള എല്ലാ ജീര്‍ണ്ണതകളെയും തിരികെ കൊണ്ടുവരാനുള്ള ശ്രമങ്ങൾ നടന്നുവരികയാണ്. എല്ലാത്തരം അന്ധകാരങ്ങളെയും അകറ്റാനുള്ള ആയുധമാണ് ശാസ്ത്രം. നവോത്ഥാനകാലത്ത് ശാസ്ത്രത്തെ പുകഴ്ത്തി ശാസ്ത്ര ദശകം എഴുതിയ ചരിത്രമാണ് കേരളത്തിനുള്ളതെന്ന് മുഖ്യമന്ത്രി പറഞ്ഞു. അന്ധവിശ്വാസങ്ങളും അനാചാരങ്ങളും തിരികെ കൊണ്ടുവരാനുള്ള ശ്രമങ്ങൾ നടക്കുന്നുണ്ട്. അത്തരമൊരു ഘട്ടത്തിലാണ് ശാസ്ത്രം പ്രസക്തമാകുന്നത്. ഇതോടൊപ്പം, ആശയവിനിമയം മുതൽ പ്രതിരോധശേഷി വരെയുള്ള കാര്യങ്ങളിലും ശാസ്ത്രം മനുഷ്യരെ സഹായിക്കുന്നു. ശാസ്ത്രബോധമുള്ള…

തിരുവനന്തപുരം, 2025 ജൂലായ് 03: പ്രമുഖ ഡിജിറ്റൽ ട്രാൻസ്‌ഫോർമേഷൻ സൊല്യൂഷൻസ് കമ്പനിയായ യുഎസ് ടി, തിരുവനന്തപുരം മെഡിക്കൽ കോളേജ് ആശുപത്രിയിലെ യൂറോളജി വിഭാഗത്തിന് ഏകദേശം 12 ലക്ഷം രൂപയുടെ ഉപകരണങ്ങൾ സംഭാവന ചെയ്തു. മെഡിക്കൽ കോളേജ് ആശുപത്രിയിലെ യൂറോളജി വിഭാഗം മേധാവി ഡോ. ഹാരിസ് ചിറക്കലിന്റെ അഭ്യർത്ഥനയെത്തുടർന്ന്, യൂറോളജി ശസ്ത്രക്രിയകൾക്ക് അത്യാവശ്യമായ ഹോപ്കിൻസ് ടെലിസ്കോപ്പ് 0°, 4 എംഎം, 30 സെ.മീ, ഹോപ്കിൻസ് ടെലിസ്കോപ്പ് 30°, 4 എംഎം, 30 സെ.മീ എന്നിവ യുഎസ് ടി കൈമാറി. സിസ്റ്റോസ്കോപ്പുകൾ എന്നറിയപ്പെടുന്ന ഈ ടെലിസ്കോപ്പുകൾ സിസ്റ്റോസ്കോപ്പി, ടിയുആർപി നടപടിക്രമങ്ങൾക്കായി ഉപയോഗിക്കുന്നവയാണ്. ഒരു വശത്ത് ലെൻസോ ക്യാമറയോ ഉള്ള നേർത്ത ഒപ്റ്റിക്കൽ ഉപകരണങ്ങളായ ഇവ ഉപയോഗിച്ച് യൂറോളജിസ്റ്റുകൾക്ക് ആന്തരാവയവങ്ങൾ പരിശോധിക്കാനും ചികിത്സാക്രമങ്ങൾ നടപ്പിലാക്കാനും സാധിക്കുന്നു. ഡോ. ഹാരിസിന്റെ അഭ്യർത്ഥന മാനിച്ച് മാർച്ചിൽ യുഎസ് ടി ഈ ഉപകരണങ്ങൾ കൈമാറുന്നതിനുള്ള വഴിയൊരുക്കുകയായിരുന്നു.…