Day: August 18, 2026

വടക്കാങ്ങര : രാജ്യത്തിന്റെ 80-ാം സ്വാതന്ത്ര്യദിനം ടാലന്റ് പബ്ലിക് സ്കൂളിൽ വിവിധ പരിപാടികളോടെ ആഘോഷിച്ചു. രാവിലെ സ്കൂൾ അങ്കണത്തിൽ നടന്ന ചടങ്ങിൽ മക്കരപ്പറമ്പ് ഗ്രാമപഞ്ചായത്ത് പ്രസിഡന്റ് സി.പി അബ്ദുറഹ്മാൻ ദേശീയപതാക ഉയർത്തുകയും വിദ്യാർത്ഥികൾക്ക് സ്വാതന്ത്ര്യദിന സന്ദേശം നൽകുകയും ചെയ്തു. ജനാധിപത്യ മൂല്യങ്ങളും മതേതരത്വവും സംരക്ഷിക്കേണ്ടത് ഓരോ പൗരന്റെയും കടമയാണെന്ന് അദ്ദേഹം ഓർമ്മിപ്പിച്ചു. ​ചടങ്ങിൽ 8 ആം വാർഡ് മെമ്പർ സമീറ തങ്കയത്തിൽ സ്വാതന്ത്ര്യദിന ആശംസകൾ നേർന്നു സംസാരിച്ചു. സ്കൂൾ പ്രിൻസിപ്പൽ മുഹമ്മദ് അലി കൊടിഞ്ഞി അധ്യക്ഷത വഹിച്ചു. സ്കൂൾ സെക്രട്ടറി കെ യാസിർ, പി.ടി.എ പ്രസിഡന്റ് ജൗഹറലി തങ്കയത്തിൽ തുടങ്ങിയവർ സംസാരിച്ചു. സ്കൂൾ ലീഡർമാരുടെ സ്ഥാനാരോഹണ ചടങ്ങ് വർണ്ണാഭമായ മാർച്ച് പ്ലാസ്റ്റിന്റെയും സ്കൂൾ ബാന്റിന്റെയും അകമ്പടിയോടെ നടന്നു. കുട്ടികളുടെ വിവിധ സാംസ്കാരിക പരിപാടികൾ അരങ്ങേറി. വൈസ് പ്രിൻസിപ്പൽ ഷാഹിദ, സ്റ്റാഫ് സെക്രട്ടറി രജീഷ്, സി.എ സി സൗമ്യ,…

ന്യൂജേഴ്‌സി: ബെർഗൻഫീൽഡ് സെൻ്റ് മേരീസ് ദൈവാലയത്തിൽ (173 North Washington Ave., Bergenfield, New Jersey) ഈ വർഷത്തെ എട്ടുനോമ്പാചരണവും വിശുദ്ധ ദൈവമാതാവിൻ്റെ ജനനപ്പെരുന്നാളും ഓഗസ്റ്റ് 29 ശനിയാഴ്ച മുതൽ സെപ്റ്റംബർ 5 ശനിയാഴ്ച വരെ ഭക്തിയാദരപൂർവ്വം നടക്കും. നോമ്പാചരണത്തോടൊപ്പം പുണ്യശ്ലോകനായ ശ്രേഷ്ഠ ബസേലിയോസ് പൗലോസ് ദ്വിതീയൻ കാതോലിക്കാ ബാവായുടെ അനുസ്മരണ ശുശ്രൂഷകളും ക്രമീകരിച്ചിട്ടുണ്ട്. പെരുന്നാൾ ദിനങ്ങളിൽ അനുഗ്രഹീത വചന സുവിശേഷകനായ റെവ. ഫാ. ഡോ. ജേക്കബ് ജോസഫ് നയിക്കുന്ന ധ്യാനവും ദൈവവചന ശുശ്രൂഷയും ഉണ്ടായിരിക്കും. എല്ലാ ദിവസവും വിശ്വാസികൾക്ക് പ്രാർത്ഥനയ്ക്കും ധ്യാനത്തിനുമായി ദൈവാലയത്തിൽ സമയം ചിലവഴിക്കാൻ പ്രത്യേക സൗകര്യങ്ങൾ ഒരുക്കിയിട്ടുണ്ട്. വി. കുർബ്ബാനയെ തുടർന്ന് എല്ലാ ദിവസവും വൈകുന്നേരങ്ങളിൽ വചന ശുശ്രൂഷ നടക്കും. ആത്മീയ നവീകരണത്തിനായി ഏവരേയും പെരുന്നാൾ ശുശ്രൂഷകളിലേക്ക് കർത്തൃനാമത്തിൽ സ്വാഗതം ചെയ്യുന്നതായി ഇടവക വികാരി റെവ. ഫാ. ജോയ് ജോൺ അറിയിച്ചു. പെരുന്നാൾ കാര്യപരിപാടികൾ:…

പൂനെ, നാഗ്പൂർ, നാസിക് എന്നിവിടങ്ങളിൽ നിന്ന് ആരംഭിച്ച് അമേരിക്കൻ വൂൾഫും സതേൺ കംഫർട്ടും ഇന്ത്യൻ വിസ്കി പ്രേമികൾക്ക് അമേരിക്കൻ വിസ്കിയുടെ രുചി നൽകും. ലോകത്തിലെ ഏറ്റവും വലിയ ഡിസ്റ്റിലിഡ് സ്പിരിറ്റ് കമ്പനികളിലൊന്നായ സാസെറാക്ക് രണ്ട് പുതിയ അമേരിക്കൻ വിസ്കി ബ്രാൻഡുകൾ ഇന്ത്യയിൽ അവതരിപ്പിക്കുന്നതായി പ്രഖ്യാപിച്ചുഃ അമേരിക്കൻ വൂൾഫ് ഡബിൾ ഗോൾഡ് ബ്ലെൻഡഡ് വിസ്കി, സതേൺ കംഫർട്ട് റിസർവ് വിസ്കി. രണ്ട് വിസ്കികളിലും കൃത്രിമ സുഗന്ധങ്ങളൊന്നും ഉപയോഗിച്ചിട്ടില്ല. രണ്ട് ബ്രാൻഡുകളും പൂനെ, നാഗ്പൂർ, നാസിക് എന്നിവിടങ്ങളിൽ ആരംഭിക്കും, തുടർന്ന് മഹാരാഷ്ട്ര, കർണാടക, ഹരിയാന, ഉത്തർപ്രദേശ് എന്നിവിടങ്ങളിലെ മറ്റ് വിപണികളും ഘട്ടംഘട്ടമായി ആരംഭിക്കും. ലോകത്തിലെ ഏറ്റവും വലിയ വിസ്കി വിപണിയാണ് ഇന്ത്യ, ഈ രണ്ട് ബ്രാൻഡുകളുടെയും സമാരംഭം ഇന്ത്യയിൽ സാസെറാക്കിന്റെ വിപുലീകരണത്തിലെ ഒരു പ്രധാന ചുവടുവെപ്പാണ്. ഇന്ത്യൻ ധാന്യങ്ങളും മാൾട്ട് സ്പിരിറ്റുകളും കലർത്തിയ അമേരിക്കൻ വിസ്കിയുടെ രുചിയും അനുഭവവും കമ്പനി…

മൂന്ന് പ്രധാന സംരംഭങ്ങളുടെ സംഗമവേദിയായി ഫിലാഡൽഫിയ ഫിലാഡൽഫിയ: ലോകമെമ്പാടുമുള്ള മലയാളി വിദ്യാർത്ഥികളുടെ പ്രസംഗശേഷിയും ഭാഷാപാടവവും ചിന്താശേഷിയും നേതൃത്വഗുണങ്ങളും വളർത്തിയെടുക്കുക എന്ന ലക്ഷ്യത്തോടെ ഓർമ്മ ഇന്റർനാഷണൽ സംഘടിപ്പിക്കുന്ന അന്താരാഷ്ട്ര പ്രസംഗമത്സരത്തിന്റെ നാലാം സീസണിനു ഫിലാഡൽഫിയായിൽ ഔദ്യോഗിക കിക്കോഫ് നടക്കും. ഓഗസ്റ്റ് 19 ബുധനാഴ്ച വൈകുന്നേരം 6.45ന് ഫിലാഡൽഫിയ സെയിന്‍റ്  തോമസ് സീറോ മലബാർ ഫൊറോനാ കത്തോലിക്കാ ദേവാലയത്തിലെ സാന്തോം ഓഡിറ്റോറിയത്തിൽ നടക്കുന്ന “An Evening of Celebration, Partnership & Community” എന്ന പരിപാടിയോടെയാണ് യു.എസ്. കിക്കോഫ്. ഓർമ്മ ഇന്റർനാഷണൽ പ്രസംഗമത്സരം സീസൺ 4 കിക്കോഫ്, ഇന്ത്യയുടെ 80-താം സ്വാതന്ത്ര്യദിനാഘോഷം, ചാനൽ 24ന്റെ  Million Malayalee Club (MMC) സംരംഭത്തിന്റെ സൈനിംഗ്-ഇൻ എന്നീ മൂന്ന് പ്രധാന പരിപാടികളാണ് ഒരേ വേദിയിൽ നടക്കുന്നത്. ഈ പരിപാടിയിൽ വിവിധ മേഖലകളിലെ പ്രമുഖർ വിശിഷ്ടാതിഥികളായി പങ്കെടുക്കും. 24 News Editor-in-Charge പി. പി.…

ഡാലസ്: മാർത്തോമ്മ സഭയുടെ നോർത്ത് അമേരിക്ക ഭദ്രാസന സന്നദ്ധ സുവിശേഷക സംഘത്തിന്റെ നേതൃത്വത്തിൽ രണ്ട് വർഷത്തിലൊരിക്കൽ നടത്തപ്പെടുന്ന 18 – മത് നാഷണൽ കോൺഫറൻസ് ഡാലസിൽ വെച്ച് ആഗസ്റ്റ് 20 (വ്യാഴം) മുതൽ 23 (ഞായർ) വരെ ഡാലസ് ഫാർമേഴ്സ് ബ്രാഞ്ച് ദേവാലയത്തിൽ വെച്ച് നടത്തപ്പെടുന്നു. ആഗസ്റ്റ് 20 വ്യാഴാഴ്ച വൈകിട്ട് 5 മണിക്ക് ഭദ്രാസനാധ്യക്ഷൻ ബിഷപ്പ് ഡോ.എബ്രഹാം മാർ പൗലോസ് തിരിതെളിച്ച് ഉത്ഘാടനം നിർവഹിക്കും. പ്രമുഖ വേദ പണ്ഡിതൻ റവ.ഡോ.മോത്തി വർക്കി, കൺവെൻഷൻ പ്രഭാഷകൻ ഡോ.വിനോ ജോൺ ഡാനിയേൽ, റവ.ജോസി ജോസഫ്, റവ. ആശിഷ് തോമസ് എന്നിവർ കോൺഫറൻസിന് നേതൃത്വം നൽകും. ഭദ്രാസനത്തിന്റെ വിവിധ മേഖലകളിൽ നിന്നായി ഇതിനോടകം 700-ൽ പരം അംഗങ്ങൾ കോൺഫറൻസിൽ സംബന്ധിക്കുവാനായി രജിസ്റ്റർ ചെയ്തതായി ചുമതലക്കാർ അറിയിച്ചു. റവ.എബ്രഹാം വി. സാംസൺ (പ്രസിഡന്റ്), ഷാജി എസ്.രാമപുരം (ജനറൽ കൺവീനർ), ഫിലിപ്പ് മാത്യു…

ഡാളസ് :കഴിഞ്ഞ വർഷത്തെ ഉയർന്ന നിരക്കുകൾക്കെതിരെ വിമർശനങ്ങൾ ഉയർന്നതിനെ തുടർന്ന്, ടെക്സസ് സ്റ്റേറ്റ് ഫെയർ പ്രവേശന നിരക്കുകളും പാർക്കിങ് ഫീസും കുറച്ചു. കുടുംബങ്ങൾക്ക് കൂടുതൽ ലാഭകരമായ രീതിയിലാണ് പുതിയ പ്രഖ്യാപനം. 3 മുതൽ 12 വയസ്സ് വരെയുള്ള കുട്ടികൾക്ക് എല്ലാ ദിവസവും ഇനി 10 ഡോളർ മാത്രം (കഴിഞ്ഞ വർഷത്തേക്കാൾ 12 ഡോളർ വരെ കുറവ്).ദിവസേനയുള്ള മുതിർന്നവരുടെ ടിക്കറ്റിൽ 2 ഡോളർ കുറച്ചു. കൂടാതെ തിങ്കൾ മുതൽ വ്യാഴം വരെ വൈകുന്നേരം 5 മണിക്ക് ശേഷം 10 ഡോളറിന് പ്രവേശനം നേടാം. പാർക്കിങ് നിരക്ക് 30 ഡോളറിൽ നിന്നും കുറച്ച് 25 ഡോളറാക്കി. ചൊവ്വാഴ്ചകളിൽ മിഡ്‌വേ റൈഡുകൾക്ക് പ്രത്യേക കിഴിവും, വ്യാഴാഴ്ചകളിൽ ഭക്ഷണവസ്തുക്കൾക്ക് പ്രത്യേക വിലക്കുറവും ഉണ്ടായിരിക്കും.