Day: September 1, 2026

പാക്കിസ്താനിലെ പഞ്ചാബ് പ്രവിശ്യയിൽ ഏകദേശം 125 വർഷം പഴക്കമുള്ള ഒരു ക്ഷേത്രം പൊളിച്ചുമാറ്റിയതിനെ തുടർന്ന് സംഘര്‍ഷം പൊട്ടിപ്പുറപ്പെട്ടു. ഭൂമിക്കുവേണ്ടി ചില മതമൗലികവാദികൾ ക്ഷേത്രം നശിപ്പിച്ചതായി ആരോപിക്കപ്പെടുന്നു. പാക്കിസ്താനിലെ പഞ്ചാബ് പ്രവിശ്യയിലുള്ള ഏകദേശം 125 വർഷം പഴക്കമുള്ള ഒരു ക്ഷേത്രം പൊളിച്ചുമാറ്റി. ഓഗസ്റ്റ് 21 ന് ക്ഷേത്രം പൊളിച്ചുമാറ്റിയതായി റിപ്പോർട്ടുകൾ സൂചിപ്പിക്കുന്നു. എന്നാല്‍, മഴ മൂലമാണ് ക്ഷേത്രം തകര്‍ന്നതെന്ന് ഉദ്യോഗസ്ഥർ അവകാശപ്പെടുന്നു. 100 വർഷത്തിലേറെ പഴക്കമുള്ള ക്ഷേത്രം ചില മതമൗലികവാദികൾ പൊളിച്ചുമാറ്റി, ആ സ്ഥലം മദ്രസയ്ക്കായി ഉപയോഗിച്ചതായി നാട്ടുകാരും ഒരു രാഷ്ട്രീയ പാർട്ടിയും അവകാശപ്പെടുന്നു. എന്നിരുന്നാലും, തദ്ദേശ സ്വയംഭരണ സ്ഥാപനങ്ങൾ ഈ അവകാശവാദം തള്ളിക്കളഞ്ഞു. പാക്കിസ്താൻ മസിഹ മില്ലത്ത് പാർട്ടി പഞ്ചാബ് സർക്കാരിനെ ഇക്കാര്യം അറിയിക്കുകയും ക്ഷേത്രം പുനർനിർമിക്കണമെന്ന് ആവശ്യപ്പെടുകയും ചെയ്തിട്ടുണ്ട്. ക്ഷേത്രത്തെക്കുറിച്ചുള്ള പൂർണ്ണ വിവരങ്ങൾ ഓഗസ്റ്റ് 28 ന് അഡീഷണൽ ഹോം സെക്രട്ടറിക്ക് നൽകിയതായി പാർട്ടി മേധാവി…

ഫ്ലോറിഡ:1976-ൽ പതിനാറുകാരിയായ പെൺകുട്ടിയെ വെടിവെച്ചുകൊന്ന കേസിൽ ഫ്ലോറിഡയിൽ ഹരോൾഡ് ജീൻ ലൂക്കാസ് (74) എന്ന പ്രതിയുടെ വധശിക്ഷ സെപ്റ്റംബർ 1നു നടപ്പാക്കി. സ്റ്റാർക്കിന് സമീപമുള്ള ഫ്ലോറിഡ സ്റ്റേറ്റ് പ്രിസണിൽ മാരകമായ വിഷച്ചൂചി കുത്തിവെച്ചാണ് (lethal injection) വധശിക്ഷ നടപ്പിലാക്കിയത്. ഈ വർഷം ഫ്ലോറിഡയിൽ നടപ്പാക്കുന്ന 14-ാമത്തെ വധശിക്ഷ. അമേരിക്കയിൽ ഈ വർഷം ഇതുവരെ ആകെ നടപ്പാക്കിയ 23 വധശിക്ഷകളിൽ പകുതിയോളവും ഫ്ലോറിഡയിലാണ് നടന്നത്. ഫോർട്ട് മെയ്േഴ്സിന് തെക്ക് ഭാഗത്തുള്ള ബോണിറ്റ സ്പ്രിങ്സിൽ 1976 ഓഗസ്റ്റ് 13-നാണ് കേസിനാസ്പദമായ സംഭവം നടന്നത്. പ്രണയാഭ്യർത്ഥന നിരസിച്ചതിനെ തുടർന്ന് 16 കാരിയായ ജിൽ പൈപ്പറിനെ വെടിവെച്ചു കൊലപ്പെടുത്തിയെന്നും, ഒപ്പമുണ്ടായിരുന്ന സുഹൃത്തുക്കളായ റിച്ചാർഡ് ബേർഡ് ജൂനിയർ (19), ടെറി റൈസ് (17) എന്നിവരെ പരിക്കേൽപ്പിച്ചെന്നുമാണ് ലൂക്കാസിനെതിരെയുള്ള കുറ്റം. പെൺകുട്ടിയുമായി വർഷങ്ങളായി പരിചയമുണ്ടായിരുന്ന ലൂക്കാസ്, മുൻപും വധഭീഷണി മുഴക്കിയിരുന്നതായി ദൃക്സാക്ഷികൾ കോടതിയിൽ മൊഴി നൽകിയിരുന്നു.…

അലൻ (ടെക്സസ്): ഫെയ്ത്ത് ടാബർനാക്കിളിന്റെ Annual Convention 2026 സെപ്റ്റംബർ 11 മുതൽ 13 വരെ ടെക്സസിലെ അലനിൽ നടക്കും. മൂന്നു ദിവസങ്ങളിലായി നടക്കുന്ന ആത്മീയ സമ്മേളനത്തിൽ വചനശുശ്രൂഷയും ആരാധനയും ഉണ്ടായിരിക്കും. പാസ്റ്റർ ഫെയ്ത്ത് ബ്ലെസ്സൺ മുഖ്യപ്രഭാഷകനായി ദൈവവചനം ശുശ്രൂഷിക്കും. ഫിന്നി ബെൻ ജോസ് ആരാധനാ ശുശ്രൂഷയ്ക്ക് നേതൃത്വം നൽകും. സെപ്റ്റംബർ 11 വെള്ളിയാഴ്ച വൈകിട്ട് 7 മണിക്കും, സെപ്റ്റംബർ 12 ശനിയാഴ്ച വൈകിട്ട് 6:30നും, സെപ്റ്റംബർ 13 ഞായറാഴ്ച രാവിലെ 9:30നും യോഗങ്ങൾ നടക്കും. വേദി: Faith Tabernacle, 200 W Boyd Drive, Allen, TX 75013. സഭയുടെ സീനിയർ പാസ്റ്റർ പാസ്റ്റർ ഫിന്നി വർഗീസ് ആണ്. കൂടുതൽ വിവരങ്ങൾക്ക് (945) 248-6513 എന്ന നമ്പറിലോ, സെക്രട്ടറി നോബിൾ വർഗീസ് – (214) 733-6331 എന്ന നമ്പറിലോ ബന്ധപ്പെടാം.

ഡാളസ് :ഡാളസിലെ യു.എസ്-75 നും ഡബ്ല്യു. സ്പ്രിംഗ് വാലി റോഡിനും സമീപമുള്ള ‘സ്റ്റുഡിയോ മൂവി ഗ്രിഡ്’  (Studio Movie Grill) തിയറ്ററിലുണ്ടായ തീപിടിത്തത്തിൽ വൻ നാശനഷ്ടങ്ങൾ. ആഗസ്റ് 31 തിങ്കളാഴ്ച വൈകിട്ട് നാല് മണിയോടെയാണ് സംഭവം ഇരുനില കെട്ടിടത്തിന്റെ മുകളിൽ നിന്ന് പുകയും തീയും ഉയരുന്നത് കണ്ട് ഡാളസ്  ഫയർ-റെസ്ക്യൂ സേനയെ വിവരം അറിയിക്കുകയായിരുന്നു. അഗ്നിശമന സേന എത്തുന്നതിന് മുൻപ് തന്നെ ജീവനക്കാരും ഉപഭോക്താക്കളും കെട്ടിടത്തിൽ നിന്ന് സുരക്ഷിതമായി ഒഴിപ്പിക്കപ്പെട്ടിരുന്നു. കെട്ടിടത്തിന്റെ പ്രധാന ലോബിക്ക് മാത്രമാണ് തീപിടിത്തത്തിൽ ആന്തരികമായി നാശനഷ്ടം സംഭവിച്ചിട്ടുള്ളതെന്നും, തിയറ്ററുകൾ സുരക്ഷിതമാണെന്നും അധികൃതർ അറിയിച്ചു. ആളപായമൊന്നും റിപ്പോർട്ട് ചെയ്തിട്ടില്ല. വൈകിട്ട് 4:33-ഓടെ ഫയർഫോഴ്സ് തീ പൂർണ്ണമായും അണച്ചു. വൈദ്യുത ഉപകരണങ്ങളിലെ തകരാറാണ് തീപിടിത്തത്തിന് കാരണമെന്നാണ് പ്രാഥമിക നിഗമനം. എപ്പോഴാണ് തിയറ്ററിൻ്റെ പ്രവർത്തനം പുനരാരംഭിക്കുകയെന്ന കാര്യം ഇതുവരെ വ്യക്തമാക്കിയിട്ടില്ല. സംഭവത്തെക്കുറിച്ച് അന്വേഷണം പുരോഗമിക്കുകയാണ്.

മിഷിഗൺ: മിഷിഗൺ മലയാളി അസോസിയേഷന്റെ (MMA) ആഭിമുഖ്യത്തിൽ സംഘടിപ്പിച്ച ഓണാഘോഷം വർണാഭമായ പരിപാടികളോടെ ആഘോഷിച്ചു. ഓഗസ്റ്റ് 29-ാം തീയതി ശനിയാഴ്ച 11 മണിക്ക് സെന്റ് മേരിസ് ക്നാനായ ചർച്ച് പാരിഷ്ഹാളിൽ വെച്ചായിരുന്നു ഈ വർഷത്തെ ഓണാഘോഷം നടത്തിയത്. തോമസ് ജോർജിന്റെ (ചാച്ചി) സ്വാഗതത്തോടെ ആരംഭിച്ച ആഘോഷങ്ങൾക്കു ജെയ്സ് കണ്ണച്ചാൻപറമ്പിൽ അദ്ധ്യക്ഷനായിരുന്നു. തന്റെ പ്രസംഗത്തിൽ ഓണത്തിന്റെ പ്രത്യേകതകളെ പറ്റി പുതു തലമുറയെ ഓർമപ്പെടുത്തി. റവ. ജോസ് തറക്കൽ ആശംസ അർപ്പിച്ചു. പ്രോഗ്രാമിന്റെ സ്പോൺസർ ആയിരുന്ന ജോളി റിയൽറ്റർ വിവേക് ജോളിയെ ബിജു നോച്ചയിൽ ചടങ്ങിൽ ആദരിച്ചു. വിനോദ് തോമസ് ചടങ്ങിൽ പങ്കെടുത്ത എല്ലാവർക്കും നന്ദി പ്രകാശിപ്പിച്ചു. തുടർന്നും നടക്കുന്ന MMA യുടെ എല്ലാ പരിപാടികൾക്കും എല്ലാവരുടെയും സഹകരണം ആവശ്യപ്പെട്ടു. ജോജി വർഗീസ് എംസി ആയി പ്രവർത്തിച്ചു. ഗാർഡൻ ഫ്രഷ് കഫേ ഒരുക്കിയ വിഭവസമൃദ്ധമായ ഓണസദ്യ ആഘോഷത്തിന് മാറ്റുകൂട്ടി. സ്നേഹവും…

ന്യൂയോർക്ക്: ലോകപ്രശസ്ത വിനോദസഞ്ചാര കേന്ദ്രമായ ന്യൂയോർക്കിലെ ടൈംസ് സ്ക്വയറിൽ പട്ടാപ്പകൽ നടന്ന കത്തിക്കുത്തിൽ ബാങ്ക് ഓഫ് അമേരിക്ക വൈസ് പ്രസിഡന്റ് എറിൻ പിയാസെന്റി (32) കൊല്ലപ്പെട്ടു. ഓഗസ്റ്റ് 31 തിങ്കളാഴ്ച വൈകിട്ട് ഏകദേശം 4.24-ഓടെ വെസ്റ്റ് 42-ാം സ്ട്രീറ്റ്–സെവൻത് അവന്യൂ പരിസരത്തായിരുന്നു സംഭവം. ബാങ്ക് ഓഫ് അമേരിക്കയിലെ Business Selection and Conflicts വിഭാഗത്തിൽ വൈസ് പ്രസിഡന്റായിരുന്നു എറിൻ. ആക്രമണത്തിൽ വയറിന് ഗുരുതരമായി കുത്തേറ്റ ഇവരെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ന്യൂജേഴ്സിയിലെ ചെസ്റ്റർ സ്വദേശിനിയായിരുന്നു എറിൻ. പമേല സിസ്നെറോസ് (49) എന്ന ക്വീൻസ് സ്വദേശിനിയാണ് ആക്രമണം നടത്തിയതെന്ന് ന്യൂയോർക്ക് പോലീസ് അറിയിച്ചു. രണ്ട് വലിയ കത്തികളുമായെത്തിയ ഇവർ ആദ്യം 68 വയസ്സുള്ള ഒരാളെ കുത്തിപ്പരിക്കേൽപ്പിക്കുകയും തുടർന്ന് എറിനെ ആക്രമിക്കുകയും ചെയ്തതായാണ് പോലീസ് പറയുന്നത്. ആക്രമണങ്ങൾ യാതൊരു പ്രകോപനവുമില്ലാതെ യാദൃച്ഛികമായി നടന്നതാണെന്ന് NYPD കമ്മീഷണർ ജെസിക്ക ടിഷ്…

ലാരേഡോ: ടെക്സസിലെ ലാരേഡോയിൽ രണ്ട് വയസ്സുള്ള കുട്ടിയെ അപ്പാർട്ട്മെന്റിന് പുറത്ത് ഒറ്റയ്ക്ക് കണ്ടെത്തിയ സംഭവത്തിൽ അമ്മ അറസ്റ്റിൽ. ലാരേഡോ പൊലീസ് ഡിപ്പാർട്ട്മെന്റാണ് (LPD) ഇക്കാര്യം വ്യക്തമാക്കിയത്. തിങ്കളാഴ്ച രാവിലെ 10:55-ഓടെ സൗത്ത് ന്യൂ യോർക്ക് അവന്യൂവിലെ അപ്പാർട്ട്മെന്റ് സമുച്ചയത്തിന് പുറത്ത് ഒരു കുട്ടി ഒറ്റയ്ക്ക് നടന്നുപോകുന്നത് വഴിയാത്രക്കാരനാണ് ആദ്യം കണ്ടത്. തുടർന്ന് വിവരം പൊലീസിനെ അറിയിക്കുകയായിരുന്നു. പൊലീസ് നടത്തിയ അന്വേഷണത്തിൽ കുട്ടിയുടെ വീട് ഈ അപ്പാർട്ട്മെന്റ് സമുച്ചയത്തിനുള്ളിൽ തന്നെയാണെന്ന് കണ്ടെത്തുകയും, അവിടത്തെ സാഹചര്യം ആശങ്കാജനകമാണെന്ന് ഉദ്യോഗസ്ഥർ വിലയിരുത്തുകയും ചെയ്തു. 33 വയസ്സുകാരിയായ ബിയാങ്ക കരോലിന വില്ലാറിയൽ (Bianca Carolina Villarreal) ആണ് കുട്ടിയുടെ അമ്മയെന്ന് പൊലീസ് തിരിച്ചറിഞ്ഞു. അറസ്റ്റ് ചെയ്യുന്ന സമയത്ത് ഇവരുടെ പക്കൽ അടയാളപ്പെടുത്താത്ത പാത്രത്തിൽ ഗുളികകൾ കണ്ടെത്തിയതായി പൊലീസ് അറിയിച്ചു. കുട്ടിയെ ഉപേക്ഷിക്കുകയോ അപകടത്തിലാക്കുകയോ ചെയ്തു എന്നീ കുറ്റങ്ങൾക്കും, നിരോധിത ലഹരിവസ്തു കൈവശം വെച്ചതിനും…