Year: 2026

ഹൂസ്റ്റൺ : ഡെമോക്രാറ്റിക് പാർട്ടി വിട്ട് റിപ്പബ്ലിക്കൻ പാർട്ടിയിൽ ചേർന്ന ഫോർട്ട് ബെൻഡ് കൗണ്ടി ജഡ്ജി കെ.പി. ജോർജിന് ബി.ജെ.പി പ്രൈമറിയിൽ ദയനീയ പരാജയം. ചൊവ്വാഴ്ച നടന്ന തിരഞ്ഞെടുപ്പിൽ മത്സരിച്ച അഞ്ച് സ്ഥാനാർത്ഥികളിൽ വെറും 8.4% വോട്ടുകൾ മാത്രം നേടി അദ്ദേഹം അവസാന സ്ഥാനത്തായി. 2018-ലും 2022-ലും ഡെമോക്രാറ്റ് ആയി വിജയിച്ച കെ.പി. ജോർജ്, കഴിഞ്ഞ വർഷമാണ് റിപ്പബ്ലിക്കൻ പാർട്ടിയിലേക്ക് മാറിയത്. കള്ളപ്പണം വെളുപ്പിക്കൽ, വ്യാജ ഐഡന്റിറ്റി ചമയ്ക്കൽ തുടങ്ങിയ ക്രിമിനൽ കേസുകളിൽ അദ്ദേഹം അന്വേഷണം നേരിടുകയാണ്. സ്വന്തം പ്രചാരണത്തിനെതിരെ വ്യാജ വംശീയാധിക്ഷേപങ്ങൾ സൃഷ്ടിച്ചുവെന്ന ആരോപണവും ഇതിൽ ഉൾപ്പെടുന്നു. റിപ്പബ്ലിക്കൻ പ്രൈമറിയിൽ ഡാനിയൽ വോംഗ് 54.1% വോട്ടുകൾ നേടി വിജയിച്ചു. ഡെമോക്രാറ്റിക് വിഭാഗത്തിൽ ആർക്കും 50 ശതമാനത്തിലധികം വോട്ട് ലഭിക്കാത്തതിനാൽ ഡെക്സ്റ്റർ മക്കോയും റേച്ചൽ കാർട്ടറും തമ്മിൽ മെയ് 26-ന് റൺ-ഓഫ് (Run-off) തിരഞ്ഞെടുപ്പ് നടക്കും. നവംബറിൽ…

ഹ്യൂസ്റ്റൺ : ഷിക്കാഗോ സിറോ മലബാർ രൂപതയുടെ അത്മായ സംഘടനായ “സിറോ മലബാർ കാത്തലിക് കോൺഗ്രസ് ” (എസ്.എം.സി.സി) പുതിയ ഭാരവാഹികളുടെ തെരഞ്ഞെടുപ്പ്, ഫെബ്രുവരി 21-)0 തീയതി ശനിയാഴ്ച ഹ്യൂസ്റ്റൺ സെയിന്റ് ജോസഫ് കത്തോലിക്ക ഫോറോന ദേവാലയ പാരിഷ് ഹാളിൽ കൂടിയ നാഷണൽ ജനറൽ കൗൺസിൽ യോഗത്തിൽ വച്ച് നടത്തപ്പെട്ടു. പുതിയ പ്രസിഡന്റായി ജോർജ് വി ജോർജ്ജും (ഫിലാഡൽഫിയ), ജനറൽ സെക്രട്ടറിയായി ഷോളി കുമ്പിളുവേലിയും (ന്യൂയോർക്ക്) തെരഞ്ഞെടുക്കപ്പെട്ടു. ടോമി തോമസ് (കാലിഫോർണിയ) ആണ് പുതിയ ട്രഷറർ. മറ്റു ഭാരവാഹികൾ: മേഴ്‌സി കുര്യാക്കോസ് (ഷിക്കാഗോ – വൈസ് പ്രസിഡന്റ അഡ്മിനിസ്ട്രേഷൻ), സെബാസ്റ്റ്യൻ ഇമ്മാനുവേൽ- (ഷിക്കാഗോ – വൈസ് പ്രസിഡന്റ ചാപ്റ്റർ ഡെവലപ്മെൻറെ), ജോജോ കോട്ടൂർ (ഫിലാഡൽഫിയ – ജോയിന്റ് സെക്രെട്ടറി), ആന്റോ കവലക്കൽ (ഷിക്കാഗോ- ജോയിന്റ് ട്രഷറർ). കൂടാതെ, എക്സിക്യൂട്ടീവ് കമ്മിറ്റി അംഗങ്ങളായി ജോസ് തോമസ് (ഫിലാഡൽഫിയ –…

ഓസ്റ്റിൻ, ടെക്സസ്: വരാനിരിക്കുന്ന ടെക്സസ് ഗവർണർ തിരഞ്ഞെടുപ്പിൽ റിപ്പബ്ലിക്കൻ പാർട്ടി സ്ഥാനാർത്ഥിയായി നിലവിലെ ഗവർണർ ഗ്രിഗ് ആബട്ടും, ഡെമോക്രാറ്റിക് പാർട്ടി സ്ഥാനാർത്ഥിയായി സ്റ്റേറ്റ് റെപ്രസെന്റേറ്റീവ് ജിന ഹിനോജോസയും ഏറ്റുമുട്ടും. ചൊവ്വാഴ്ച നടന്ന പ്രൈമറി തിരഞ്ഞെടുപ്പിൽ വൻ ഭൂരിപക്ഷത്തോടെയാണ് ഇരുവർക്കും തങ്ങളുടെ പാർട്ടികളുടെ നാമനിർദ്ദേശം ലഭിച്ചത്. തന്നെ വെല്ലുവിളിച്ച 10 സ്ഥാനാർത്ഥികളെയും പിന്നിലാക്കി 82.5% വോട്ടുകൾ നേടിയാണ് ഗ്രിഗ് ആബട്ട് വിജയിച്ചത്. നവംബറിൽ നടക്കുന്ന പൊതുതിരഞ്ഞെടുപ്പിൽ വിജയിച്ചാൽ ടെക്സസിന്റെ ചരിത്രത്തിൽ ഏറ്റവും കൂടുതൽ കാലം സേവനമനുഷ്ഠിക്കുന്ന ഗവർണറായി ആബട്ട് മാറും. ഡെമോക്രാറ്റിക് പ്രൈമറിയിൽ  എട്ട് എതിരാളികളെ പരാജയപ്പെടുത്തി 60% വോട്ടുകളോടെയാണ് ജിന ഹിനോജോസ വിജയം ഉറപ്പിച്ചത്. 1995-ന് ശേഷം ടെക്സസിൽ ഒരു ഡെമോക്രാറ്റിക് ഗവർണർ എന്ന ലക്ഷ്യവുമായാണ് ഹിനോജോസ മത്സരരംഗത്തുള്ളത്. വസ്തു നികുതി കുറയ്ക്കുക, അതിർത്തി സുരക്ഷ ഉറപ്പാക്കുക എന്നിവയാണ് ആബട്ടിന്റെ പ്രധാന ലക്ഷ്യങ്ങൾ. എന്നാൽ എല്ലാവർക്കും പ്രാപ്യമായ…

ചിക്കാഗോ : ചിക്കാഗോ സോഷ്യൽ ക്ലബ്ബിന്റെ ചീട്ടുകളി മത്സരം മാർച്ച് 7 ശനിയാഴ്ച രാവിലെ 8.30 മുതൽ ഡെസ്‌പ്ലെയിൻസിലുള്ള ക്നാനായ സെന്ററിൽ നടത്തപ്പെടും. ഒന്പത് മണിക്ക് രജിഷ്ട്രേഷൻ നടപടികൾ ആരംഭിച്ച് 10.30 ന് ആദ്യ ഗെയിമുകൾ ആരംഭിക്കത്തക്ക വിധത്തിലാണ് ക്രമീകരണങ്ങൾ ചെയ്തിരിക്കുന്നത്. ചീട്ടുകളി മത്സരങ്ങൾക്ക് ജനകീയ മുഖം സമ്മാനിച്ചുകൊണ്ട് വിപ്ലവകരമായ മാറ്റങ്ങൾ മലയാളി സമൂഹത്തിൽ കൊണ്ടുവന്ന സോഷ്യൽ ക്ലബ്ബിന്റെ തുടർച്ചയായ 13 മത് വാർഷിക നാഷണൽ ചീട്ടുകളി മത്സരമാണ് ക്നാനായ സെന്ററിൽ വച്ച് നടത്തപ്പെടുന്നത്. സിറിയക്ക് കൂവക്കാട്ടിൽ സ്പോൺസർ ചെയ്യുന്ന 1501 ഡോളറും കെ കെ ചാണ്ടി കൂവക്കാട്ടിൽ മെമ്മോറിയൽ എവറോളിങ്ങ് ട്രോഫിയുമാണ് 28 (ലേലം) ന് ഒന്നാം സമ്മാനമായി ലഭിക്കുക. കൈരളി ഫുഡ് സ്പോൺസർ ചെയ്യുന്ന 751 ഡോളറും എവറോളിംഗ് ട്രോഫിയും രണ്ടാം സമ്മാനമായും, സജി മുല്ലപ്പള്ളി സ്പോൺസർ ചെയ്യുന്ന 501 ഡോളറും എവറോളിംഗ് ട്രോഫിയും…

വാഷിംഗ്ടൺ ഡി.സി: അമേരിക്കയിലെ ദേശീയ വായനാ മാസത്തിന്റെ(മാർച്ച്) തുടക്കത്തോടനുബന്ധിച്ച് ചിൽഡ്രൻസ് നാഷണൽ ഹോസ്പിറ്റലിലെ കുട്ടികൾക്കൊപ്പം സമയം ചെലവഴിച്ച് സെക്കൻഡ് ലേഡി ഉഷ വാൻസ്. ആശുപത്രിയിൽ ചികിത്സയിൽ കഴിയുന്ന 3 മുതൽ 12 വയസ്സ് വരെയുള്ള കുട്ടികൾക്കായി അവർ കഥകൾ വായിച്ചു നൽകി. തന്റെ കുട്ടിക്കാലം മുതൽ വായന കൂടെയുണ്ടെന്നും, കുട്ടികളിലെ സാക്ഷരതയ്ക്കും വ്യക്തിത്വ വികാസത്തിനും വായന അത്യന്താപേക്ഷിതമാണെന്നും അവർ പറഞ്ഞു. തന്റെ മക്കൾക്ക് വായിച്ചു കൊടുക്കാറുള്ള ഡോക്ടർ സ്യൂസിന്റെ  പുസ്തകമാണ് ഉഷ വാൻസ് കുട്ടികൾക്കായി തിരഞ്ഞെടുത്തത്. ദീർഘകാലം ആശുപത്രിയിൽ കഴിയുന്ന കുട്ടികൾക്ക് പുസ്തകങ്ങൾ വിനോദത്തിനപ്പുറം ആശ്വാസവും ജീവിതത്തിലേക്കുള്ള കരുത്തും നൽകുമെന്ന് അവർ ഓർമ്മിപ്പിച്ചു. സമ്മാനങ്ങൾ: വായനയ്ക്ക് ശേഷം കുട്ടികൾക്ക് പസിലുകളും കളിപ്പാട്ടങ്ങളും പുസ്തകങ്ങളും അവർ സമ്മാനമായി നൽകി. ആശുപത്രി അധികൃതർ ഉഷ വാൻസിന്റെ സന്ദർശനത്തിന് നന്ദി അറിയിച്ചു. കുട്ടികളുടെ രോഗശമന പ്രക്രിയയിൽ വായനയ്ക്കും കഥ പറച്ചിലിനും വലിയ…