Year: 2026

കണ്ണൂര്‍: കണ്ണൂർ ഗവൺമെന്റ് മെഡിക്കൽ കോളേജ് ആശുപത്രിയിലെ തീവ്രപരിചരണ വിഭാഗത്തിൽ ചികിത്സ തുടരാൻ ആരോഗ്യമന്ത്രി വീണ ജോർജിന്റെ ആരോഗ്യനില അവലോകനം ചെയ്ത മെഡിക്കൽ ബോർഡ് തീരുമാനിച്ചു. കഴുത്തിനേറ്റ പരിക്കിനെത്തുടർന്ന് അവർക്ക് കടുത്ത വേദന അനുഭവപ്പെടുന്നുണ്ടെങ്കിലും നിലവിൽ അടിയന്തര ശസ്ത്രക്രിയ ആവശ്യമില്ലെന്ന് അവര്‍ വ്യക്തമാക്കി. വലതുകൈയിലേക്കും തലയുടെ പിൻഭാഗത്തേക്കും പ്രസരിക്കുന്ന കഠിനമായ റാഡിക്കുലാർ വേദനയ്ക്കുള്ള ചികിത്സയിൽ നിന്ന് മന്ത്രിക്ക് ഭാഗികമായി ആശ്വാസം ലഭിച്ചതായി വ്യാഴാഴ്ച ചേർന്ന 13 അംഗ ബോർഡ് വിലയിരുത്തിയതായി സൂപ്രണ്ട് കെ. സുദീപ് പുറത്തിറക്കിയ മെഡിക്കൽ ബുള്ളറ്റിനിൽ പറഞ്ഞു. മന്ത്രിയുടെ കഠിനമായ വേദന ശമിച്ചതായും മരുന്നുകളുടെ സഹായത്തോടെ രക്തസമ്മർദ്ദം നിയന്ത്രണത്തിലാണെന്നും മെഡിക്കൽ ബുള്ളറ്റിനിൽ പറയുന്നു. കഴുത്തിലെ കശേരുക്കളിലെ സമ്മർദ്ദം മൂലമാണ് വേദന. പരിയാരം മെഡിക്കൽ കോളേജിൽ ചികിത്സ തുടരുമെന്ന് മെഡിക്കൽ ബുള്ളറ്റിനിൽ പറയുന്നു. തുടർച്ചയായ നിരീക്ഷണം അത്യാവശ്യമായതിനാലും അവരുടെ നിലവിലെ അവസ്ഥയിൽ യാത്ര അഭികാമ്യമല്ലാത്തതിനാലും, ആശുപത്രിയിൽ…

കൊച്ചി: ഹിന്ദി ചിത്രമായ ‘ദി കേരള സ്റ്റോറി 2: ഗോസ് ബിയോണ്ടിന്റെ’ റിലീസ് സ്റ്റേ ചെയ്തുകൊണ്ട് കേരള ഹൈക്കോടതി വ്യാഴാഴ്ച (ഫെബ്രുവരി 26, 2026) ഇടക്കാല ഉത്തരവ് പുറപ്പെടുവിച്ചു. പ്രഥമദൃഷ്ട്യാ സെൻട്രൽ ബോർഡ് ഫോർ ഫിലിം സർട്ടിഫിക്കേഷൻ (സിബിഎഫ്‌സി) ഫിലിം സർട്ടിഫിക്കേഷനുള്ള മാർഗ്ഗനിർദ്ദേശങ്ങൾ അവഗണിച്ചുവെന്ന് നിരീക്ഷിച്ച കോടതി, വിഷയം പുനഃപരിശോധിക്കാൻ നിർദ്ദേശിച്ചു. സെൻസർ സർട്ടിഫിക്കറ്റ് നൽകിയതിനെ ചോദ്യം ചെയ്ത് സമർപ്പിച്ച ഹർജികളുടെയും 2026 ഫെബ്രുവരി 27 വെള്ളിയാഴ്ച റിലീസ് ചെയ്യാൻ നിശ്ചയിച്ചിരുന്ന ചിത്രത്തിന്റെ ടീസറിലും ട്രെയിലറിലും കേരളത്തെ തെറ്റായി ചിത്രീകരിച്ചതായി ആരോപിക്കപ്പെടുന്നതിന്റെയും പശ്ചാത്തലത്തിലാണ് ജസ്റ്റിസ് ബെച്ചു കുര്യൻ തോമസിന്റെ നേതൃത്വത്തിലുള്ള ബെഞ്ച് ഇടക്കാല സ്റ്റേ പുറപ്പെടുവിച്ചത്. ചിത്രം നാളെ റിലീസ് ചെയ്യാൻ തീരുമാനിച്ചിരുന്നു. കേരളത്തെ മോശമായി ചിത്രീകരിക്കുന്നുവെന്ന് ആരോപിച്ച് സമർപ്പിച്ച ഹർജിയിലാണ് ഉത്തരവ്. ചിത്രത്തിന്റെ റിലീസ് 15 ദിവസത്തേക്കാണ് സ്റ്റേ ചെയ്തിരിക്കുന്നത്. സിനിമയുടെ ഭാഗമാണെന്ന് സമ്മതിക്കുന്ന ടീസറിലെ…

ആലപ്പുഴ: കണ്ണൂർ റെയിൽവേ സ്റ്റേഷനിൽ മന്ത്രി വീണാ ജോർജിന് നേരെയുണ്ടായ സംഭവം ഗുണ്ടായിസമാണെന്ന് സിപിഎം സംസ്ഥാന സെക്രട്ടറി എംവി ഗോവിന്ദൻ പറഞ്ഞു. സംഭവത്തിൽ ആസൂത്രിതമായ ഗൂഢാലോചനയുണ്ടെന്നും അദ്ദേഹം പറഞ്ഞു. കെഎസ്‌യു പ്രവർത്തകർ മന്ത്രിയുടെ അടുത്തേക്ക് എത്തിയില്ലെന്നാണ് ഇപ്പോൾ പറയുന്നത്. വിഡി സതീശന്റെ നുണയാത്രയിലെ ഏറ്റവും പുതിയ നുണയാണിത്. കേരളം മുഴുവൻ എന്താണ് സംഭവിച്ചതെന്ന് കണ്ടതായി ഗോവിന്ദൻ പറഞ്ഞു. കേരളത്തിലെ ആരോഗ്യമേഖല ലോകോത്തരമാണ്. അതിനെ തകർക്കാനുള്ള ശ്രമത്തിന്റെ ഭാഗമാണ് ഈ ഗുണ്ടായിസം. സ്വകാര്യ ആശുപത്രി ലോബിക്കുവേണ്ടി സർക്കാർ ആശുപത്രികൾക്കെതിരെ പ്രചാരണം നടത്തുന്നു. ചില സംഭവങ്ങൾ പര്‍‌വ്വതീകരിക്കുകയാണ്. വീണാ ജോർജിന്റെ വീട്ടിൽ യൂത്ത് കോൺഗ്രസ് പ്രവര്‍ത്തകര്‍ റീത്ത് വെച്ചു. ഇതേ സംഘം തന്നെയാണ് ഇന്നലെയും മന്ത്രിയെ ആക്രമിച്ചത്. ഇത് മനഃപൂർവമായ ആക്രമണത്തിനുള്ള ശ്രമമാണെന്നും ഗോവിന്ദൻ വിമർശിച്ചു. കനഗോലു സിദ്ധാന്തമനുസരിച്ച്, കേരളത്തിൽ ഏറ്റവും ശ്രദ്ധേയമായതിനെ നിഷേധിക്കുക എന്നതാണ് യുഡിഎഫിന്റെ നിലപാട്. ജനങ്ങൾ…

കൊച്ചി: കുളവാഴ ഉപയോഗിച്ചുള്ള മൂല്യവർദ്ധിത ഉൽപ്പന്ന നിർമ്മാണത്തിലൂടെ മത്സ്യത്തൊഴിലാളികൾക്ക് വരുമാനമാർഗ്ഗം ഒരുക്കുന്ന പൈലറ്റ് പരിശീലന പദ്ധതിക്ക് തുടക്കമായി. മറൈൻ പ്രോഡക്ട് ഡവലപ്മെൻ്റ് അതോറിറ്റിക്ക് (എംപെഡ) കീഴിലുള്ള നെറ്റ്ഫിഷും കൊച്ചി ജെയിൻ യൂണിവേഴ്സിറ്റിയും സംയുക്തമായാണ് പദ്ധതി നടപ്പാക്കുന്നത്. എംപെഡ ആസ്ഥാനത്ത് നടന്ന ചടങ്ങിൽ ഫ്യൂച്ചർ കേരള മിഷൻ ചെയർമാൻ വേണു രാജാമണി ഉദ്ഘാടനം നിർവ്വഹിച്ചു. കുളവാഴ പ്രശ്നത്തിന് ശാശ്വത പരിഹാരം കാണുന്നതിനായി വികേന്ദ്രീകൃത കമ്മ്യൂണിറ്റി അധിഷ്ഠിത മോഡലാണ് ലക്ഷ്യമിടുന്നതെന്ന് വേണുരാജമണി പറഞ്ഞു. ഇതിലൂടെ ഒരു വശത്ത് കുളവാഴ നിർമാർജനം ഉറപ്പാക്കുമ്പോൾ മറുവശത്ത് മത്സ്യത്തൊഴിലാളികൾക്കും കർഷകർക്കും കൃത്യമായ വരുമാന മാർ​ഗവും സൃഷ്ടിക്കപ്പെടുന്ന രീതിയിലാണ് പദ്ധതി വിഭാവനം ചെയ്തിരിക്കുന്നത്. ഫ്യൂച്ചർ കേരള മിഷൻ ആരംഭിച്ച പദ്ധതിക്ക് ജില്ലാ ഭരണകൂടവും കൊച്ചി കോർപ്പറേഷനും പൂർണ പിന്തുണ നൽകിയിട്ടുണ്ട്. മറ്റു കേന്ദ്ര-സംസ്ഥാന ഏജൻസികളുടെയും സ്വകാര്യ മേഖലയുടെയും പിന്തുണയും അദ്ദേഹം അഭ്യർത്ഥിച്ചു. കുളവാഴയെ ഒരു പ്രതിസന്ധിയായല്ല,…

കണ്ണൂർ: ആരോഗ്യമന്ത്രി വീണാ ജോർജിന്റെ കഴുത്തിനേറ്റ പരിക്ക് കാരണം വലതുകൈ മരവിച്ചിരിക്കുന്നു എന്ന് മന്ത്രി. ഇടതുകൈയ്ക്കും ചെറിയ പരിക്കുണ്ട്. എംആർഐ സ്കാനിൽ ഗുരുതരമായ പ്രശ്‌നമൊന്നും കണ്ടില്ലെന്ന് ഡോക്ടര്‍മാര്‍. രാവിലെ 10 മണിക്ക് മെഡിക്കൽ ബോർഡ് മെഡിക്കൽ ബുള്ളറ്റിൻ പുറത്തിറക്കും. അതേസമയം, മന്ത്രിയെ ആക്രമിക്കുന്നതിന്റെ ദൃശ്യങ്ങളൊന്നും തന്നെ കണ്ടെത്താനായില്ലെന്ന് പോലീസ് പറയുന്നു. റെയിൽവേ സ്റ്റേഷനിലെ സിസിടിവി ദൃശ്യങ്ങൾ ആർപിഎഫ് പരിശോധിച്ചു. കണ്ണൂർ പരിയാരം മെഡിക്കൽ കോളേജിൽ വീണ ജോർജിനെ വിദഗ്ധ പരിശോധനയ്ക്ക് വിധേയമാക്കി. ഇന്നലെ രാത്രി 10 മണിയോടെയാണ് മന്ത്രിയെ പരിയാരത്തേക്ക് കൊണ്ടുപോയത്. എംആർഐ സ്കാനിംഗ് ഉൾപ്പെടെ ആവശ്യമായ ചികിത്സ നൽകാൻ മെഡിക്കൽ ബോർഡ് തീരുമാനിച്ചു. കെഎസ്‌യു പ്രവർത്തകർ കഴുത്തിൽ ഇടിക്കുകയും കൈ തിരിക്കുകയും ചെയ്തുവെന്ന പരാതിയിലാണ് മന്ത്രിയെ ഇന്നലെ വൈകുന്നേരം കണ്ണൂർ ജില്ലാ ആശുപത്രിയിൽ പ്രവേശിപ്പിച്ചത്. ഇന്നലെ വൈകുന്നേരം മുതൽ അഞ്ചര മണിക്കൂർ കണ്ണൂർ ജില്ലാ ആശുപത്രിയിലെ…

എടത്വ: വീടുകളിലെ ചപ്പു ചവറിന് കനത്ത പിഴ ഈടാക്കുന്ന പഞ്ചായത്തിന് സമീപം മാലിന്യം കൂട്ടത്തോടെ തള്ളുന്നു. മാലിന്യങ്ങൾ അടിഞ്ഞ് കൂടി നീരൊഴുക്ക് തടസ്സമാകുകയും സാംക്രമികരോഗങ്ങള്‍ പടരുന്നതായും എടത്വ വികസന സമിതി. എടത്വ ഗ്രാമ പഞ്ചായത്തിനും വില്ലേജ് ഓഫീസിനും പിന്നിൽ ദക്ഷിണേന്ത്യയിലെ പ്രസിദ്ധമായ എടത്വ സെന്റ് ജോർജ്ജ് ഫൊറോന പള്ളിക്ക് സമീപമാണ് മാലിന്യങ്ങൾ കെട്ടികിടന്ന് പുല്ലും കളകളും വളർന്ന് നീരൊഴുക്ക് തടസ്സപ്പെട്ട് ദുർഗന്ധം വമിക്കുന്നത്. ശുദ്ധജല ക്ഷാമം ശക്തമായ സാഹചര്യത്തിലും ജലസ്രോതസുകളെ മലിനമാക്കുന്ന പ്രവണതക്കെതിരെ അധികൃതർ ശക്തമായ നിലപാട് സ്വീകരിക്കണമെന്ന് എടത്വ വികസന സമിതി ഉന്നതാധികാര സമിതി യോഗം ആവശ്യപ്പെട്ടു. രക്ഷാധികാരി ഷാജി മാധവൻ അദ്ധ്യക്ഷത വഹിച്ചു. പ്രസിഡന്റ് ഐസക്ക് എഡ്വേർഡ് ഉദ്ഘാടനം ചെയ്തു. വൈസ് പ്രസിഡന്റ് അഡ്വ ഐസക്ക് രാജു, ഷാജി തോട്ടുകടവിൽ, ജനറൽ സെക്രട്ടറി ഡോ. ജോൺസൺ വി ഇടിക്കുള, ട്രഷറർ കുഞ്ഞുമോൻ പട്ടത്താനം, ജോ…