യുഎസ് ഇടക്കാല തിരഞ്ഞെടുപ്പിൽ ട്രംപിനേറ്റ കനത്ത തിരിച്ചടിയില്‍ ഇറാനിൽ ആഹ്ലാദ പ്രകടനം; വീണ്ടും സൈനികാക്രമണമുണ്ടാകുമെന്ന ആശങ്കയിൽ ടെഹ്‌റാൻ

ദോഹ (ഖത്തര്‍): അമേരിക്കൻ ഇടക്കാല തിരഞ്ഞെടുപ്പിൽ പ്രസിഡന്റ് ഡൊണാൾഡ് ട്രംപിനും റിപ്പബ്ലിക്കൻ പാർട്ടിക്കും നേരിട്ട കനത്ത തിരിച്ചടിയില്‍ ഇറാനിൽ രാഷ്ട്രീയ ആഹ്ലാദത്തിന് വഴിയൊരുക്കി.. ഇറാനെതിരായ അമേരിക്കൻ സൈനിക നടപടികൾക്കും യുദ്ധം സൃഷ്ടിച്ച സാമ്പത്തിക പ്രതിസന്ധികൾക്കുമെതിരായ അമേരിക്കൻ ജനതയുടെ പ്രതിഷേധമാണ് തിരഞ്ഞെടുപ്പ് ഫലത്തിൽ പ്രതിഫലിച്ചതെന്നാണ് ഇറാനിയൻ നേതാക്കളുടെ വിലയിരുത്തൽ. അതേസമയം, തിരഞ്ഞെടുപ്പിലെ തിരിച്ചടിയിൽനിന്ന് അമേരിക്കന്‍ ജനങ്ങളുടെ ശ്രദ്ധ തിരിക്കാൻ ട്രംപ് ഇറാനെതിരെ പുതിയ സൈനികാക്രമണത്തിന് മുതിർന്നേക്കുമെന്ന ആശങ്കയിൽ ടെഹ്‌റാൻ അതീവ ജാഗ്രത തുടരുകയാണ്. എപ്സ്റ്റീന്‍ ഫയല്‍ വിവരങ്ങള്‍ പുറത്തുവിടാനൊരുങ്ങിയ സാഹചര്യത്തിലാണ് അതിനെ മറികടക്കാന്‍ ട്രം‌പ് ഇസ്രായേലുമായി ചേര്‍ന്ന് ഇറാനെതിരെ യുദ്ധം പ്രഖ്യാപിച്ചതെന്നും ഇറാന്‍ നേതാക്കള്‍ വ്യക്തമാക്കി. അമേരിക്കൻ ജനത യുദ്ധത്തിനെതിരായ നിലപാടാണ് വോട്ടിലൂടെ വ്യക്തമാക്കിയതെന്ന് ഇറാൻ പാർലമെന്റ് സ്പീക്കറും രാജ്യത്തിന്റെ മുഖ്യ ചർച്ചക്കാരനുമായ മുഹമ്മദ് ബാക്കർ ഖാലിബാഫ് പ്രതികരിച്ചു. ജീവിതച്ചെലവിലെ വർധനയും യുദ്ധത്തിന്റെ പ്രത്യാഘാതങ്ങളും പരിഗണിച്ച അമേരിക്കൻ വോട്ടർമാർ…

മുരശ് ചുഴലിക്കാറ്റ്: ട്രെയിൻ സർവീസുകൾക്ക് വ്യാപക നിയന്ത്രണം; ശബരി എക്സ്പ്രസ് ഉൾപ്പെടെ മൂന്ന് ട്രെയിനുകൾ റദ്ദാക്കി, ആറ് സർവീസുകളുടെ സമയക്രമത്തിലും റൂട്ടിലും മാറ്റം

ചെന്നൈ: മുരശ് ചുഴലിക്കാറ്റിനെ തുടർന്ന് ദക്ഷിണേന്ത്യൻ സംസ്ഥാനങ്ങളിൽ പ്രതികൂല കാലാവസ്ഥ നിലനിൽക്കുന്ന സാഹചര്യത്തിൽ ട്രെയിൻ സർവീസുകൾക്ക് വ്യാപക നിയന്ത്രണങ്ങൾ ഏർപ്പെടുത്തി ദക്ഷിണ റെയിൽവേ. യാത്രക്കാരുടെ സുരക്ഷ മുൻനിർത്തി സെക്കന്തരാബാദ്–തിരുവനന്തപുരം ശബരി എക്സ്പ്രസ് ഉൾപ്പെടെ മൂന്ന് ട്രെയിനുകൾ പൂർണമായും റദ്ദാക്കി. ഇതിനു പുറമേ മൂന്ന് ട്രെയിനുകളുടെ പുറപ്പെടൽ സമയം പുനഃക്രമീകരിക്കുകയും മൂന്ന് ദീർഘദൂര ട്രെയിനുകൾ ബദൽ റൂട്ടുകളിലൂടെ തിരിച്ചുവിടുകയും ചെയ്തു. ചുഴലിക്കാറ്റിനെ തുടർന്നുണ്ടാകാനിടയുള്ള ശക്തമായ കാറ്റും മഴയും റെയിൽ ഗതാഗതത്തെ ബാധിക്കാനുള്ള സാധ്യത കണക്കിലെടുത്താണ് മുൻകരുതൽ നടപടികൾ സ്വീകരിച്ചിരിക്കുന്നത്. ആന്ധ്രാപ്രദേശ്, തമിഴ്നാട്, തെലങ്കാന എന്നിവിടങ്ങളിലൂടെയുള്ള ട്രെയിൻ സർവീസുകളെയാണ് നിയന്ത്രണങ്ങൾ പ്രധാനമായും ബാധിക്കുന്നത്. കേരളത്തിലേക്കുള്ള യാത്രക്കാരെയും നിയന്ത്രണങ്ങൾ ബാധിക്കും. അതേസമയം, നേരത്തെ വഴിതിരിച്ചുവിടുമെന്ന് പ്രഖ്യാപിച്ചിരുന്ന മൂന്ന് ട്രെയിനുകളുടെ റൂട്ട് മാറ്റം പിൻവലിച്ചതായും അവ പതിവ് പാതയിലൂടെ തന്നെ സർവീസ് നടത്തുമെന്നും ദക്ഷിണ റെയിൽവേ വ്യക്തമാക്കി. ചുഴലിക്കാറ്റിന്റെ പശ്ചാത്തലത്തിൽ കേരളത്തിലേക്കുള്ള പ്രധാന…

അഫ്ഗാൻ പൗരന്മാരെ കൂട്ടത്തോടെ നാടുകടത്താനുള്ള ട്രംപ് ഭരണകൂടത്തിന്റെ നീക്കത്തിന് തിരിച്ചടി; നാടുകടത്തൽ താൽക്കാലികമായി തടഞ്ഞ് യുഎസ് ഫെഡറൽ കോടതി

ന്യൂയോര്‍ക്ക്: അമേരിക്കയിൽ കഴിയുന്ന അഫ്ഗാൻ പൗരന്മാരെ കൂട്ടത്തോടെ നാടുകടത്താനുള്ള പ്രസിഡന്റ് ഡൊണാൾഡ് ട്രംപ് ഭരണകൂടത്തിന്റെ നീക്കത്തിന് തിരിച്ചടി. അഫ്ഗാൻ പൗരന്മാരെ അഫ്ഗാനിസ്ഥാനിലേക്കോ പാകിസ്ഥാനിലേക്കോ നാടുകടത്തുന്നത് യുഎസ് ഫെഡറൽ കോടതി താൽക്കാലികമായി തടഞ്ഞു. നാടുകടത്തപ്പെടുന്നവരിൽ മുൻകാലത്ത് അമേരിക്കൻ സൈന്യത്തെയും യുഎസ് പിന്തുണയുള്ള അഫ്ഗാൻ സർക്കാരിനെയും സഹായിച്ചവരുടെ കുടുംബാംഗങ്ങളും ഉൾപ്പെട്ടിട്ടുണ്ടെന്ന റിപ്പോർട്ടുകൾ പുറത്തുവന്നതിന് പിന്നാലെയാണ് കോടതിയുടെ ഇടപെടൽ. ഇവരെ താലിബാൻ ഭരണത്തിൻകീഴിലുള്ള അഫ്ഗാനിസ്ഥാനിലേക്ക് തിരിച്ചയക്കുന്നത് ഗുരുതരമായ സുരക്ഷാഭീഷണി സൃഷ്ടിക്കുമെന്ന് മനുഷ്യാവകാശ സംഘടനകൾ മുന്നറിയിപ്പ് നൽകിയിരുന്നു. ന്യൂയോർക്കിലെ സതേൺ ഡിസ്ട്രിക്റ്റ് യുഎസ് ഡിസ്ട്രിക്റ്റ് കോടതി ജഡ്ജി വലേരി കാപ്രോണിയാണ് നാടുകടത്തൽ നടപടികൾക്ക് താൽക്കാലിക വിലക്കേർപ്പെടുത്തിയത്. കോടതി ഉത്തരവ് പ്രകാരം ഈ ആഴ്ച അഫ്ഗാൻ പൗരന്മാരെ അഫ്ഗാനിസ്ഥാനിലേക്കോ പാകിസ്ഥാനിലേക്കോ തിരിച്ചയയ്ക്കാൻ അമേരിക്കൻ അധികൃതർക്ക് കഴിയില്ല. നാടുകടത്തൽ നടപടികളുമായി ബന്ധപ്പെട്ട ആശങ്കകളും ബന്ധപ്പെട്ടവരുടെ സുരക്ഷയും പരിഗണിച്ചാണ് കോടതിയുടെ ഇടപെടൽ. അതേസമയം, അഫ്ഗാൻ പൗരന്മാരെ നാടുകടത്തുന്നതിനായി…

കോടീശ്വരന്മാർക്ക് അധിക നികുതി ചുമത്താൻ ചിക്കാഗോയിൽ വൻ ജനപിന്തുണ; 80 ശതമാനത്തിലധികം വോട്ടർമാർ അനുകൂലം

പുതിയ നികുതിയിലൂടെ പ്രതിവർഷം 380 കോടി ഡോളർ സമാഹരിക്കാൻ കഴിയുമെന്ന് പഠനം; പകുതി തുക വസ്തുനികുതി ഇളവിനും ബാക്കി പൊതുവിദ്യാഭ്യാസത്തിനും വിനിയോഗിക്കാൻ നിർദേശം ചിക്കാഗോ: അമേരിക്കയിലെ ഇല്ലിനോയി സംസ്ഥാനത്ത് കോടീശ്വരന്മാർക്ക് അധിക വരുമാനനികുതി ഏർപ്പെടുത്താനുള്ള നിർദേശത്തിന് ചിക്കാഗോയിലെ വോട്ടർമാരിൽനിന്ന് വൻ പിന്തുണ. നവംബർ മൂന്നിന് നടന്ന ഇടക്കാല തിരഞ്ഞെടുപ്പിനോടനുബന്ധിച്ച് നടത്തിയ ജനഹിതപരിശോധനയിൽ 80 ശതമാനത്തിലധികം വോട്ടർമാരാണ് നിർദേശത്തെ അനുകൂലിച്ചത്. ഉയർന്ന വരുമാനക്കാരിൽനിന്ന് അധിക നികുതി ഈടാക്കി സാധാരണക്കാരുടെ വസ്തുനികുതി ഭാരം കുറയ്ക്കുന്നതിനും പൊതുവിദ്യാഭ്യാസത്തിന് കൂടുതൽ ധനസഹായം നൽകുന്നതിനുമുള്ള പദ്ധതിക്കാണ് ജനങ്ങൾ പിന്തുണ പ്രഖ്യാപിച്ചത്. നവംബർ നാലിന് രാവിലെ ലഭ്യമായ തിരഞ്ഞെടുപ്പ് കണക്കുകൾ പ്രകാരം ചിക്കാഗോയിലെ 1,291 വോട്ടെടുപ്പ് പ്രിസിങ്ക്റ്റുകളിൽ 1,232 എണ്ണത്തിലെ ഫലങ്ങൾ പുറത്തുവന്നപ്പോൾ 80.65 ശതമാനം പേർ നിർദേശത്തെ അനുകൂലിച്ചു. കുക്ക് കൗണ്ടിയിലെ ചിക്കാഗോ നഗരപരിധിക്കു പുറത്തുള്ള സബർബൻ പ്രദേശങ്ങളിൽ മുഴുവൻ പ്രിസിങ്ക്റ്റുകളിലെയും ഫലങ്ങൾ പുറത്തുവന്നപ്പോൾ…

അമേരിക്കൻ തിരഞ്ഞെടുപ്പിൽ മലയാളിത്തിളക്കം; സുരേന്ദ്രൻ കെ. പട്ടേൽ, ജൂലി എ. മാത്യു, മാർട്ടിൻ ജോൺ എന്നിവർക്ക് വിജയം

ഹൂസ്റ്റൺ: അമേരിക്കൻ ഇടക്കാല തിരഞ്ഞെടുപ്പിൽ ശ്രദ്ധേയമായ നേട്ടവുമായി മൂന്ന് മലയാളികൾ. ടെക്സസിലെ ഫോർട്ട് ബെൻഡ് കൗണ്ടിയിൽ നടന്ന വിവിധ തിരഞ്ഞെടുപ്പുകളിൽ സുരേന്ദ്രൻ കെ. പട്ടേൽ, ജൂലി എ. മാത്യു, മാർട്ടിൻ ജോൺ എന്നിവർ വിജയിച്ചതായുള്ള ഫലങ്ങൾ പുറത്തുവന്നു. അമേരിക്കൻ രാഷ്ട്രീയ, നീതിന്യായ, പ്രാദേശിക ഭരണരംഗങ്ങളിൽ മലയാളി സമൂഹത്തിന്റെ സാന്നിധ്യം അടയാളപ്പെടുത്തുന്നതാണ് ഈ വിജയങ്ങൾ. സുരേന്ദ്രൻ കെ. പട്ടേലിന് മികച്ച വിജയം ഡെമോക്രാറ്റിക് പാർട്ടി സ്ഥാനാർഥിയായി മത്സരിച്ച സുരേന്ദ്രൻ കെ. പട്ടേൽ റിപ്പബ്ലിക്കൻ സ്ഥാനാർഥി ആശാ റെഡ്ഡിയെ പരാജയപ്പെടുത്തി. ആകെ രേഖപ്പെടുത്തിയ 1,82,760 വോട്ടുകളിൽ 1,10,078 വോട്ടുകൾ (60.23 ശതമാനം) പട്ടേൽ സ്വന്തമാക്കി. ആശാ റെഡ്ഡിക്ക് 72,682 വോട്ടുകൾ (39.77 ശതമാനം) ലഭിച്ചു. 37,396 വോട്ടുകളുടെ ഭൂരിപക്ഷത്തിലാണ് സുരേന്ദ്രൻ വിജയിച്ചത്. ജഡ്ജി സ്ഥാനത്ത് ജൂലി എ. മാത്യുവിനും വിജയം ഫോർട്ട് ബെൻഡ് കൗണ്ടി കോർട്ട് അറ്റ് ലോ നമ്പർ…

അമേരിക്കയിൽ അപൂർവ്വമായ ട്രിപ്പിൾ വധശിക്ഷ; മൂന്ന് സംസ്ഥാനങ്ങളിൽ നവംബർ 5 നു നടപ്പിലാക്കും

വാഷിംഗ്ടൺ: അമേരിക്കയിൽ ഈ ആഴ്ച മൂന്ന് വ്യത്യസ്ത സംസ്ഥാനങ്ങളിലായി അപൂർവ്വമായ ട്രിപ്പിൾ വധശിക്ഷ നടപ്പിലാക്കാൻ ഒരുങ്ങുന്നു. നവംബർ 5-നാണ് ഈ വധശിക്ഷകൾ തീരുമാനിച്ചിരിക്കുന്നത്. ഒരേ ദിവസത്തിൽ മൂന്ന് വധശിക്ഷകൾ നടക്കുന്നത് അമേരിക്കയിൽ വളരെ വിരളമായ ഒരു സംഭവമാണ്. ഇന്ത്യാനയിൽ കാമുകിയുടെ രണ്ട് കുട്ടികളെ (8 വയസ്സുള്ള അലീസ്സ, 5 വയസ്സുള്ള കാലെബ്) 2010-ൽ ജീവനോടെ തീവെച്ചു കൊന്ന കേസ്സിൽ ജെഫ്രി വെയ്ഷീറ്റിന്റെയും അലബാമയിൽ  1991-ൽ പ്രായമായ ദമ്പതികളെ ഇരുമ്പ് ദണ്ഡ് ഉപയോഗിച്ച് അടിച്ച് കൊലപ്പെടുത്തിയ കേസിൽ മൈക്കൽ ഷാനൻ ടെയ്‌ലരുടെയും ഫ്ലോറിഡയിൽ  തനിക്ക് അഭയവും സഹായവും നൽകിയ 75 കാരിയായ ജാക്കി മലോണിനെ 2004-ൽ കുത്തിയും അടിച്ചും കൊലപ്പെടുത്തിയ കേസിൽ ജെസ്സെ ഗാർഡാഡോയുടെയും വധശിക്ഷയാണ്  നവംബർ 5നു നടപ്പാകുന്നത് കഴിഞ്ഞ ഓഗസ്റ്റ് 13-ന് അലബാമ, ടെന്നസി, ഒക്ലഹോമ എന്നീ സംസ്ഥാനങ്ങളിൽ ഒരേ ദിവസം വധശിക്ഷ നടപ്പിലാക്കിയതിന് ശേഷം…

ഇടക്കാല തിരഞ്ഞെടുപ്പിലെ ഡെമോക്രാറ്റുകളുടെ തകർപ്പൻ വിജയം: ട്രംപിനെ കാത്തിരിക്കുന്നത് കടുത്ത രാഷ്ട്രീയ പരീക്ഷണങ്ങൾ

വാഷിംഗ്ടൺ: അമേരിക്കൻ ഇടക്കാല തിരഞ്ഞെടുപ്പിൽ റിപ്പബ്ലിക്കൻ പാർട്ടിക്കുണ്ടായ കനത്ത തിരിച്ചടി പ്രസിഡന്റ് ഡൊണാൾഡ് ട്രംപിന്റെ രണ്ടാം ഭരണകാലത്തെ നിർണായക വഴിത്തിരിവിലേക്ക് നയിക്കുകയാണ്. ജനപ്രതിനിധി സഭയിലും സെനറ്റിലും ഡെമോക്രാറ്റുകൾ നിയന്ത്രണം നേടിയെന്ന തിരഞ്ഞെടുപ്പ് ഫലങ്ങളുടെ പശ്ചാത്തലത്തിൽ, ശേഷിക്കുന്ന രണ്ട് വർഷത്തെ ഭരണകാലം ട്രംപിന് രാഷ്ട്രീയമായും ഭരണപരമായും കടുത്ത വെല്ലുവിളികൾ നിറഞ്ഞതായിരിക്കുമെന്നാണ് വിലയിരുത്തൽ. ജീവിതച്ചെലവിലെ വർധന, ഇറക്കുമതി തീരുവകൾ, കടുത്ത കുടിയേറ്റ നിയന്ത്രണങ്ങൾ, ഇറാനുമായുള്ള സൈനിക സംഘർഷം തുടങ്ങിയ വിഷയങ്ങളിൽ ഭരണകൂടത്തിനെതിരെ ഉയർന്ന ജനവികാരം തിരഞ്ഞെടുപ്പ് ഫലങ്ങളിൽ പ്രതിഫലിച്ചുവെന്നാണ് ഡെമോക്രാറ്റുകളുടെ വാദം. തന്റെ നേതൃത്വത്തിനുള്ള ജനപിന്തുണയുടെ പരീക്ഷണമായി ഇടക്കാല തിരഞ്ഞെടുപ്പിനെ അവതരിപ്പിച്ച ട്രംപിന്, റിപ്പബ്ലിക്കൻ സ്ഥാനാർത്ഥികളുടെ പരാജയം വലിയ രാഷ്ട്രീയ തിരിച്ചടിയായി മാറിയിരിക്കുകയാണ്. പരമ്പരാഗതമായി റിപ്പബ്ലിക്കൻ പാർട്ടിക്ക് ശക്തമായ സ്വാധീനമുള്ള ടെക്സസ്, സൗത്ത് കരോലിന, കൻസാസ് തുടങ്ങിയ സംസ്ഥാനങ്ങളിലുണ്ടായ ഡെമോക്രാറ്റിക് മുന്നേറ്റം ട്രംപിന്റെ രാഷ്ട്രീയ സ്വാധീനത്തെക്കുറിച്ചുള്ള ചർച്ചകൾക്കും വഴിതുറന്നു. പ്രസിഡന്റിന്റെ…

തോമസ് മത്തായി (കുഞ്ഞുമോൻ – 80 ) ഹൂസ്റ്റണിൽ നിര്യാതനായി; പൊതുദർശനവും സംസ്കാരവും നവംബർ 7 ന് ശനിയാഴ്ച

ഹൂസ്റ്റൺ: റാന്നി കൊറ്റനാട് കണ്ടൻപേരൂർ കോട്ടയിൽ തോമസ് മത്തായി (കുഞ്ഞുമോൻ – 80) ഒക്ടോബർ 30-ന് ഹൂസ്റ്റണിൽ നിര്യാതനായി.പരേതരായ കോട്ടയിൽ മത്തായി തോമസിന്റെയും അന്നാമ്മയുടെയും മകനാണ്. ഭാര്യ: പരേതയായ എലിസബത്ത് മത്തായി (ബേബി  മൂലയിൽ, പുതുപ്പള്ളി, കോട്ടയം.) മക്കൾ: ബിൻസി, ബെൻസൺ. മരുമകൾ: ജെനി. സഹോദരങ്ങൾ: മറിയാമ്മ ചെറിയാൻ (മേരി), അന്ന വർഗീസ് (അമ്മിണി), ദീന ജോസഫ് (മോളി), ഗ്രേസി ജോർജ്. പൊതുദർശനവും സംസ്കാര ശുശ്രൂഷയും 2026 നവംബർ 7, ശനിയാഴ്ച രാവിലെ 9:00 മണിക്ക് ഐ.പി.സി. ഹെബ്രോൻ ചർച്ചിൽ നടക്കും. IPC Hebron Church 4660 S Sam Houston Pkwy E Houston, TX 77048 ശുശ്രൂഷകൾക്ക് ശേഷം അന്നേദിവസം ഉച്ചയ്ക്ക് 1:00 മണിക്ക് സൗത്ത് പാർക്ക് ഫ്യൂണറൽ ഹോം & സെമിത്തേരിയിൽ മൃതദേഹം സംസ്കരിക്കും. South Park Funeral Home & Cemetery…

ട്രംപ് തിരഞ്ഞെടുത്ത സ്ഥാനാർത്ഥികളെ വോട്ടർമാർ തള്ളി; സെനറ്റ് പോരാട്ടത്തിൽ റിപ്പബ്ലിക്കൻമാർക്ക് കനത്ത തിരിച്ചടി

വാഷിംഗ്ടൺ: അമേരിക്കൻ ഇടക്കാല തിരഞ്ഞെടുപ്പിൽ പ്രസിഡന്റ് ഡൊണാൾഡ് ട്രംപിന്റെ രാഷ്ട്രീയ സ്വാധീനത്തിനും റിപ്പബ്ലിക്കൻ പാർട്ടിയുടെ തിരഞ്ഞെടുപ്പ് തന്ത്രങ്ങൾക്കും കനത്ത തിരിച്ചടി. സെനറ്റിലെ നിർണായക മത്സരങ്ങളിൽ ട്രംപ് നേരിട്ട് പിന്തുണച്ച സ്ഥാനാർത്ഥികൾ പരാജയപ്പെട്ടതോടെ, റിപ്പബ്ലിക്കൻ പാർട്ടിയുടെ ഭാവിയെയും ട്രംപിന്റെ നേതൃത്വത്തെയും കുറിച്ച് പുതിയ ചോദ്യങ്ങൾ ഉയർന്നിരിക്കുകയാണ്. സ്വന്തം ജനപ്രീതിയും രാഷ്ട്രീയ സ്വാധീനവും ഉപയോഗിച്ച് പാർട്ടിയുടെ വിജയം ഉറപ്പാക്കാമെന്ന ട്രംപിന്റെ കണക്കുകൂട്ടലുകൾ തെറ്റിയെന്നാണ് തിരഞ്ഞെടുപ്പ് ഫലങ്ങൾ നൽകുന്ന സൂചന. ഇടക്കാല തിരഞ്ഞെടുപ്പിൽ താൻ നേരിട്ട് മത്സരിക്കുന്നില്ലെങ്കിലും ബാലറ്റിൽ തന്റെ പേരുണ്ടെന്ന നിലയിൽ വോട്ട് ചെയ്യണമെന്നായിരുന്നു ട്രംപ് അനുയായികളോട് ആവശ്യപ്പെട്ടിരുന്നത്. എന്നാൽ ചൊവ്വാഴ്ച പുറത്തുവന്ന ഫലങ്ങൾ പ്രസിഡന്റിന്റെ ആഹ്വാനത്തിന് വോട്ടർമാർ പ്രതീക്ഷിച്ച പ്രതികരണം നൽകിയില്ലെന്നാണ് വ്യക്തമാക്കുന്നത്. സൗത്ത് കരോലിന, നോർത്ത് കരോലിന, ടെക്സസ് തുടങ്ങിയ നിർണായക സംസ്ഥാനങ്ങളിൽ ട്രംപിന്റെ പിന്തുണയോടെ മത്സരിച്ച റിപ്പബ്ലിക്കൻ സ്ഥാനാർത്ഥികൾ പരാജയപ്പെട്ടു. മിഷിഗണിലും ട്രംപ് പിന്തുണച്ച സ്ഥാനാർത്ഥി…

ഇടക്കാല തിരഞ്ഞെടുപ്പിലെ റിപ്പബ്ലിക്കൻ പരാജയം: ഇറാൻ യുദ്ധം തിരിച്ചടിയായെന്ന് സമ്മതിച്ച് ട്രംപ്; കോൺഗ്രസിൽ ഡെമോക്രാറ്റുകളുടെ മുന്നേറ്റം

വാഷിംഗ്ടൺ: അമേരിക്കയിലെ ഇടക്കാല തിരഞ്ഞെടുപ്പിൽ റിപ്പബ്ലിക്കൻ പാർട്ടിക്കുണ്ടായ കനത്ത പരാജയത്തിന് ഇറാനെതിരായ യുദ്ധവും കാരണമായെന്ന് സമ്മതിച്ച് പ്രസിഡന്റ് ഡൊണാൾഡ് ട്രംപ്. ചൊവ്വാഴ്ച നടന്ന തിരഞ്ഞെടുപ്പിൽ ഡെമോക്രാറ്റുകൾ വൻ മുന്നേറ്റം നടത്തുകയും യുഎസ് കോൺഗ്രസിന്റെ ഇരുസഭകളിലും ഭൂരിപക്ഷം നേടുകയും ചെയ്ത പശ്ചാത്തലത്തിലാണ് ട്രംപിന്റെ പ്രതികരണം. ഇറാൻ യുദ്ധവും സാമ്പത്തിക പ്രതിസന്ധിയും ജീവിതച്ചെലവിലെ വർധനയും റിപ്പബ്ലിക്കൻ സ്ഥാനാർത്ഥികളുടെ വിജയസാധ്യതയെ പ്രതികൂലമായി ബാധിച്ചുവെന്നാണ് തിരഞ്ഞെടുപ്പ് ഫലങ്ങൾ നൽകുന്ന സൂചന. ഫോക്സ് ന്യൂസിന് നൽകിയ അഭിമുഖത്തിലാണ് ഇറാൻ യുദ്ധം തിരഞ്ഞെടുപ്പ് ഫലത്തെ സ്വാധീനിച്ചതായി ട്രംപ് സമ്മതിച്ചത്. എന്നാൽ ഇറാനെതിരെ സ്വീകരിച്ച സൈനിക നടപടികളുടെ പ്രാധാന്യം അമേരിക്കൻ ജനത തിരിച്ചറിഞ്ഞിട്ടുണ്ടെന്നും അദ്ദേഹം അവകാശപ്പെട്ടു. യുദ്ധം കൈകാര്യം ചെയ്ത രീതിയോട് വോട്ടർമാർക്ക് പൊതുവെ പിന്തുണയുണ്ടായിരുന്നെങ്കിലും അതിന്റെ സാമ്പത്തിക പ്രത്യാഘാതങ്ങൾ റിപ്പബ്ലിക്കൻ സ്ഥാനാർത്ഥികൾക്ക് തിരിച്ചടിയായെന്നാണ് ട്രംപിന്റെ വിലയിരുത്തൽ. ഇറാനിലെ യുദ്ധം തിരഞ്ഞെടുപ്പ് പരാജയത്തിന് ഒരു പരിധിവരെ കാരണമായിട്ടുണ്ടെന്ന്…