ബെന്‍സേലം (പെന്‍സില്‍വേനിയ) : നോര്‍ത്ത് ഈസ്റ്റ് അമേരിക്കന്‍ ഭദ്രാസന ഫാമിലി & യൂത്ത് കോണ്‍ഫറന്‍സിന്റെ കിക്കോഫും രജിസ്‌ട്രേഷനും മാര്‍ച്ച് 16 ഞായറാഴ്ച ബെന്‍സേലം സെയിന്റ് ലൂക്ക് ഓര്‍ത്തഡോക്‌സ് മിഷന്‍ ഇടവകയില്‍ ആരംഭിച്ചു.
കോണ്‍ഫറന്‍സ് സെക്രട്ടറി ജെയ്സണ്‍ തോമസ്, ഭദ്രാസന കൗണ്‍സില്‍ അംഗം ഷെയ്ന്‍ ഉമ്മന്‍, കോണ്‍ഫറന്‍സ് സുവനീര്‍ എഡിറ്റര്‍ ജെയ്സി ജോണ്‍, രജിസ്‌ട്രേഷന്‍ കമ്മിറ്റി അംഗം കെയ്ല ഉമ്മന്‍ എന്നിവര്‍ കോണ്‍ഫറന്‍സ് ടീമില്‍ ഉണ്ടായിരുന്നു.
കുര്‍ബാനയ്ക്ക് ശേഷം നടന്ന യോഗത്തില്‍, ഭദ്രാസനത്തിലെ ഏറ്റവും വലിയ ആത്മീയ ശുശ്രൂഷയായ കോണ്‍ഫറന്‍സിനെ പരിചയപ്പെടുത്തിക്കൊണ്ട് ജെയ്സണ്‍ തോമസ് സംസാരിച്ചു. ഷെയ്ന്‍ ഉമ്മന്‍ സ്‌പോണ്‍സര്‍ഷിപ്പിന്റെ വിശദാംശങ്ങള്‍ നല്‍കി.
കോണ്‍ഫറന്‍സിന്റെ സ്മരണാര്‍ത്ഥം പ്രസിദ്ധീകരിക്കുന്ന സുവനീറില്‍ ലേഖനങ്ങള്‍, പരസ്യങ്ങള്‍, ആശംസകള്‍ എന്നിവ ഉള്‍പ്പെടുത്താന്‍ അവസരമുണ്ടെന്ന് ജെയ്സി ജോണ്‍ അറിയിച്ചു.
കെയ്ല ഉമ്മനും ഇടവകാംഗമായ ബെഥനി ജോണും മുന്‍കാല കോണ്‍ഫറന്‍സുകളില്‍ നിന്നുള്ള ഹൃദ്യമായ ഓര്‍മ്മകള്‍ പങ്കുവെച്ചു.
വികാരി ഫാ. ഗീവര്‍ഗീസ് ജോണ്‍ കോണ്‍ഫറന്‍സിനെപ്പറ്റിയുള്ള തന്റെ ഹൃദ്യമായ അനുഭവങ്ങള്‍ പങ്കുവയ്ക്കുകയും കോണ്‍ഫറന്‍സില്‍ രജിസ്റ്റര്‍ ചെയ്യാനും സാധ്യമായ എല്ലാ വഴികളിലൂടെയും പിന്തുണയ്ക്കാനും എല്ലാവരെയും പ്രോത്സാഹിപ്പിച്ചു. എല്ലാവര്‍ക്കും ഒരു മാതൃകയായി ഫാ. ഗീവര്‍ഗീസ് ജോണ്‍ ആദ്യ രജിസ്‌ട്രേഷന്‍ കൈമാറി. ഇടവക സെക്രട്ടറി അനില്‍ ജോര്‍ജും ട്രസ്റ്റി പ്രീതി ഫിലിപ്പും സുവനീറിന് പള്ളിയുടെ ആശംസകളും സംഭാവനയും നല്‍കി. നിരവധി അംഗങ്ങള്‍ സ്‌പോണ്‍സര്‍ഷിപ്പിലൂടെയും കോണ്‍ഫറന്‍സില്‍ രജിസ്റ്റര്‍ ചെയ്തും പിന്തുണ അറിയിച്ചു.
കോണ്‍ഫറന്‍സിന് പ്രാര്‍ത്ഥനാപൂര്‍വ്വം പിന്തുണ നല്‍കിയ ഇടവക വികാരി, ഭാരവാഹികള്‍, ഇടവകാംഗങ്ങള്‍ എന്നിവരോട് ജെയ്സണ്‍ തോമസ് നന്ദി അറിയിച്ചു.
2025 ജൂലൈ 9 മുതല്‍ 12 വരെ കണക്ടിക്കട് ഹില്‍ട്ടണ്‍ സ്റ്റാംഫര്‍ഡ് ഹോട്ടല്‍ & എക്സിക്യൂട്ടീവ് മീറ്റിംഗ് സെന്ററിലാണ് കോണ്‍ഫറന്‍സ് നടക്കുന്നത്. റവ. ഡോ. നൈനാന്‍ വി. ജോര്‍ജ് (ഓര്‍ത്തഡോക്‌സ് വൈദിക സംഘം ജനറല്‍ സെക്രട്ടറി, റവ. ഡോ. റ്റിമത്തി (ടെന്നി) തോമസ് (നോര്‍ത്ത് ഈസ്റ്റ് അമേരിക്കന്‍ ഭദ്രാസന സണ്‍ഡേ സ്‌കൂള്‍ ഡയറക്ടര്‍), ഫാ. ജോണ്‍ (ജോഷ്വ) വര്‍ഗീസ്, (സൗത്ത് വെസ്റ്റ് അമേരിക്കന്‍ ഭദ്രാസന യൂത്ത് മിനിസ്റ്റര്‍), റവ. ഡീക്കന്‍ അന്തോണിയോസ് (റോബി) ആന്റണി (ടാല്‍മീഡോ- നോര്‍ത്ത് ഈസ്റ്റ് അമേരിക്കന്‍ ഭദ്രാസന മെന്‍സ് മിനിസ്ട്രി ഡയറക്ടര്‍) എന്നിവരാണ് മുഖ്യ പ്രാസംഗികര്‍. ‘നമ്മുടെ പൗരത്വം സ്വര്‍ഗത്തിലാണ്, അവിടെനിന്നുള്ള ഒരു രക്ഷകനായ കര്‍ത്താവായ യേശുക്രിസ്തുവിനെ ഞങ്ങള്‍ ആകാംക്ഷയോടെ കാത്തിരിക്കുന്നു”(ഫിലിപ്പിയര്‍ 3:20) എന്ന ബൈബിള്‍ വാക്യത്തെ അടിസ്ഥാനമാക്കിയുള്ള ‘The Way of the Pilgrim’ (പരദേശിയുടെ വഴി) എന്നതാണ് കോണ്‍ഫറന്‍സിന്റെ പ്രമേയം. ബൈബിള്‍, വിശ്വാസം, പാരമ്പര്യം, സമകാലിക വിഷയങ്ങള്‍ എന്നിവയെ അടിസ്ഥാനമാക്കി കുട്ടികള്‍ക്കും യുവജനങ്ങള്‍ക്കും മുതിര്‍ന്നവര്‍ക്കും പ്രത്യേകം സംവേദനാത്മക സെഷനുകള്‍ ഉണ്ടായിരിക്കും.
രജിസ്‌ട്രേഷനും വിശദാംശങ്ങള്‍ക്കും www.fycnead.org സന്ദര്‍ശിക്കുക.
കൂടുതല്‍ വിവരങ്ങള്‍ക്ക്, ഫാ. അബു വര്‍ഗീസ് പീറ്റര്‍, കോണ്‍ഫറന്‍സ് കോര്‍ഡിനേറ്റര്‍ (ഫോണ്‍: 914-806-4595), ജെയ്സണ്‍ തോമസ്, കോണ്‍ഫറന്‍സ് സെക്രട്ടറി (ഫോണ്‍: 917.612.8832), ജോണ്‍ താമരവേലില്‍, കോണ്‍ഫറന്‍സ് ട്രഷറര്‍) (ഫോണ്‍: 917.533.3566) എന്നിവരുമായി ബന്ധപ്പെടുക.
