അമ്മയെന്ന രണ്ടക്ഷരം
മനസ്സിൽ നിറയുമ്പോ-
ളോർക്കുന്നു ഞാനിന്നെൻ
ബാല്യകാലം
താരാട്ടു പാട്ടിൻ ഈണമിപ്പോഴും
നെഞ്ചിൽ തുടിക്കുന്നു സ്നേഹമായി
ഗദ്ഗദം തുളുമ്പു മെൻ പിഞ്ചിളം ചുണ്ടിൽ അന്നു മുത്തം തന്നു ചിരിപ്പിച്ചു നീയെന്നെ –
മാറോട് ചേർത്തു പുൽകികിടത്തി
താരാട്ടു പാടി യുറക്കിയില്ലേ
ആശാനാം കുഞ്ചൻ്റെ ഓലയിലന്നു ഞാൻ ആദ്യാമാ മക്ഷരം കുറിച്ചനേരം
നിന്നധരത്തിൽ തുളുമ്പിയ പ്രാർത്ഥനാഗീത മെപ്പോഴു മോർക്കുന്നു ഞാനനു ദിനവും
ഇന്നു നീ യെന്നരികി ലില്ലെങ്കിലും
ആത്മാവിൽ നിറയുന്നു സ്നേഹമായി ചാരത്തണയുന്നീശ്വരൻപോൽ
ഒരോ ആപത്തിലും കാത്തിടുന്നു
