Author: ???? ????

ഡാളസ്: ഡാളസ് സിറ്റി-വൈഡ് ഫെലോഷിപ്പിന്റെ ആഭിമുഖ്യത്തിൽ സംഘടിപ്പിച്ച ‘മിഷൻ സംഗമം-2026’ ജൂൺ 27 ശനിയാഴ്ച ഗാർലന്റിലെ കംഫർട്ട് ഫുൾ ഗോസ്പൽ ചർച്ചിൽ വെച്ച് വിജയകരമായി നടന്നു. രാവിലെ 10:00 മണി മുതൽ ഉച്ചയ്ക്ക് 12:30 വരെ നടന്ന സമ്മേളനത്തിൽ ഡാളസ് ഫോർട്ട് വർത്ത് മെട്രോപ്ലെക്സിലെ വിവിധ സഭകളിൽ നിന്നും സംഘടനകളിൽ നിന്നുമുള്ള നിരവധി വിശ്വാസികളും പാസ്റ്റേഴ്സും പങ്കെടുത്തു. അമേരിക്കയിലേക്ക് കുടിയേറി, നിലവിൽ ഡാളസ് പട്ടണത്തിൽ താമസിച്ചുകൊണ്ട് ലോകത്തിന്റെ വിവിധ ഭാഗങ്ങളിൽ മിഷണറി പ്രവർത്തനങ്ങൾ നടത്തുന്ന വ്യക്തികളെയും സംഘടനകളെയും പരിചയപ്പെടുത്തുക എന്ന ലക്ഷ്യത്തോടെയാണ് ഈ സംഗമം സംഘടിപ്പിച്ചത്. വിവിധ സുവിശേഷീകരണ മേഖലകളിൽ, ലോകത്ത് പല സ്ഥലങ്ങളിലായി പ്രവർത്തിക്കുന്ന 20-ഓളം മിനിസ്ട്രി ലീഡർമാർ തങ്ങളുടെ പ്രവർത്തനങ്ങളെക്കുറിച്ച് സമ്മേളനത്തിൽ അവതരിപ്പിച്ചു. ദീർഘകാലമായി വടക്കേ ഇന്ത്യയിൽ മിഷനറിയായി പ്രവർത്തിക്കുന്ന ‘മസീഹ് മണ്ഡലി’ സഭയുടെ പ്രസിഡന്റ് പാസ്റ്റർ സജി മാത്യു സമ്മേളനത്തിൽ മുഖ്യാതിഥിയായിരുന്നു. കാലഘട്ടത്തിന്റെ…

വിസ്കോൺസിൻ (യു.എസ്.എ): ഒരു വയസുകാരനായ മകനെ ബാത്ത് ടബ്ബിലെ വെള്ളത്തിൽ തനിച്ചാക്കി, പുറത്തുപോയി മൊബൈൽ ഫോണിൽ ടിക്ടോക് കണ്ടുകൊണ്ടിരുന്ന അമ്മയുടെ അനാസ്ഥയെത്തുടർന്ന് കുഞ്ഞ് മുങ്ങിമരിച്ചു. വിസ്കോൺസിലാണ് ദാരുണമായ ഈ സംഭവം നടന്നത്. കുട്ടിയുടെ അമ്മ റെബേക്ക അംബ്രോസ് (27), അച്ഛൻ ജേസൺ ക്രിസ്റ്റ്യൻസൺ (26) എന്നിവരെ പോലീസ് അറസ്റ്റ് ചെയ്തു.പ്രതികളായ മാതാപിതാക്കളെ ജൂലൈ 17-ന് വീണ്ടും കോടതിയിൽ ഹാജരാക്കും. കുഞ്ഞിനെ ബാത്ത് ടബ്ബിലിരുത്തി വെള്ളം തുറന്നുവിട്ട ശേഷം റെബേക്ക പുറത്തുപോയി ഏകദേശം 30 മിനിറ്റോളം സ്നാപ്ചാറ്റും ടിക്ടോകും ഉപയോഗിച്ചു. തിരികെ വന്നപ്പോൾ ടബ്ബിലെ വെള്ളം കവിഞ്ഞൊഴുകുന്ന നിലയിലും കുഞ്ഞ് ശ്വാസമില്ലാതെ വെള്ളത്തിൽ പൊങ്ങിക്കിടക്കുന്ന നിലയിലുമായിരുന്നു. അച്ഛന്റെ സാന്നിധ്യം: ഈ സമയമത്രയും കുട്ടിയുടെ അച്ഛൻ ജേസൺ വീട്ടിൽ ഉറക്കത്തിലായിരുന്നു. അറസ്റ്റും കേസും: കുട്ടിയെ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. റെബേക്കയ്ക്കെതിരെ കുട്ടികളോടുള്ള ക്രൂരതയ്ക്കും മരണത്തിന് കാരണമായ അനാസ്ഥയ്ക്കും…

ഡാളസ്: ആധുനിക മനുഷ്യൻ നേരിടുന്ന മാനസിക സംഘർഷങ്ങൾക്കും ഭയങ്ങൾക്കും ഏക പരിഹാരം ദൈവവിശ്വാസവും പ്രാർത്ഥനയുമാണെന്ന് ഓർമ്മിപ്പിച്ചു കൊണ്ട് പ്രവാസി മലയാളി ക്രൈസ്തവരുടെ ആഗോള കൂട്ടായ്മയായ ഇന്റർനാഷണൽ പ്രാർത്ഥനാലൈന്റെ (IPL) 633-ാമത് ഓൺലൈൻ പ്രാർത്ഥനാ യോഗം ജൂൺ 30 ചൊവ്വാഴ്ച വിജയകരമായി നടന്നു. അമേരിക്കൻ സമയം രാത്രി 9:00 മണിക്ക് ആരംഭിച്ച യോഗത്തിൽ ലോകത്തിന്റെ വിവിധ കോണുകളിൽ നിന്നുള്ള നൂറുകണക്കിന് വിശ്വാസികളാണ് ഫോൺ ലൈൻ വഴി പങ്കെടുത്തത്. ‘ദൈവവും മനുഷ്യനും തമ്മിലുള്ള ബന്ധം’ എന്ന വിഷയത്തെ ആസ്പദമാക്കി ഡാളസ് സെഹിയോൻ മാർത്തോമാ ചർച്ച് വികാരി റവ. റോബിൻ വർഗീസ് മുഖ്യ ദൈവവചന സന്ദേശം നൽകി. ബൈബിളിലെ മർക്കോസിന്റെ സുവിശേഷം അഞ്ചാം അധ്യായം 1 മുതൽ 20 വരെയുള്ള വാക്യങ്ങളിലെ ‘ഭൂതഗ്രസ്തന്റെ സൗഖ്യമാക്കൽ’ എന്ന സംഭവം ആസ്പദമാക്കിയായിരുന്നു മുഖ്യപ്രഭാഷണം. സമകാലിക ജീവിത സാഹചര്യങ്ങളെ വിശ്വാസവുമായി കോർത്തിണക്കി റവ. റോബിൻ വർഗീസ്…

ന്യൂയോർക് /തിരുവല്ല: മലങ്കര മാർത്തോമ്മാ സുറിയാനി സഭയുടെ ചരിത്രപ്രധാനമായ നേതൃത്വ നിരയിലേക്ക് പുതിയ ഭാരവാഹിയെ തിരഞ്ഞെടുത്തു. സഭയുടെ പുതിയ വൈദിക ട്രസ്റ്റിയായി കരവാളൂർ.സ്വദേശിയായ  റവ. ഡോ. കെ. തോമസ് എതിരില്ലാതെ തിരഞ്ഞെടുക്കപ്പെട്ടു. സഭയുടെ ഔദ്യോഗിക അറിയിപ്പുകളിലൂടെ പുറത്തുവന്ന ഈ തീരുമാനം വിശ്വാസിസമൂഹം വലിയ ആദരവോടെയും ആഹ്ലാദത്തോടെയുമാണ് സ്വീകരിച്ചിരിക്കുന്നത്. കരവാളൂർ സ്വദേശിയായ റവ. ഡോ. കെ. തോമസ് സഭയുടെ ഉന്നത തലപ്പത്തേക്ക് ഐകകണ്ഠ്യേന തിരഞ്ഞെടുക്കപ്പെട്ടത് സഭയ്ക്കും ജനതയ്ക്കും ഒന്നുപോലെ അഭിമാന നിമിഷമായി മാറിയിരിക്കുകയാണ്. മാർത്തോമ്മാ സഭയുടെ ആത്മീയവും ഭരണപരവുമായ വളർച്ചയിൽ ഇനിമുതൽ നിർണായക പങ്കുവഹിക്കാൻ നിയോഗിതനായ റവ. ഡോ. കെ. തോമസിന് സഭയുടെ വിവിധ ഭദ്രാസനങ്ങളിൽ നിന്നും ഇടവകകളിൽ നിന്നും വൻ അഭിനന്ദനങ്ങളാണ് പ്രവഹിക്കുന്നത്. സോഷ്യൽ മീഡിയയിലും അദ്ദേഹത്തിന് ആശംസകൾ നേർന്നുകൊണ്ടുള്ള പോസ്റ്റുകൾ സജീവമാണ്. “ലൈറ്റഡ് ടു ലൈറ്റൻ”  എന്ന സഭയുടെ ആപ്തവാക്യം ഉയർത്തിപ്പിടിച്ചുകൊണ്ട്, അദ്ദേഹത്തിന്റെ പുതിയ സേവനകാലം…

തിരുവനന്തപുരം: പി.എം ശ്രീ പദ്ധതിക്കെതിരെ സർക്കാർ രാഷ്ട്രീയ നിലപാട് പ്രഖ്യാപിക്കണം എന്നാവശ്യപ്പെട്ട് വിദ്യാഭ്യാസ മന്തി എൻ ശംസുദ്ധീന് എസ്.ഐ.ഒ സംസ്ഥാന ജനറൽ സെക്രട്ടറി നിവേദനം നൽകി. പൊതുവിദ്യാഭ്യാസ രംഗത്ത് രാജ്യത്തിന് മാതൃകയായ നേട്ടങ്ങൾ കൈവരിച്ച കേരളത്തിന്റെ വിദ്യാഭ്യാസ നയങ്ങളിലും പാഠ്യപദ്ധതിയിലും ഈ പദ്ധതിയിലൂടെ കേന്ദ്ര സർക്കാരിന്റെ നയപരമായ അജണ്ടകൾ അടിച്ചേൽപ്പിക്കപ്പെടുമോ എന്ന ആശങ്ക പൊതുസമൂഹത്തിൽ വ്യാപകമായി ഉയർന്നുവരുന്നുണ്ട്. ദേശീയ വിദ്യാഭ്യാസ നയം സമഗ്രമായി നടപ്പിലാക്കുമെന്ന വ്യവസ്ഥയുടെ അടിസ്ഥാനത്തിലാണ് ഈ പദ്ധതി സംസ്ഥാനങ്ങൾക്ക് അനുവദിക്കപ്പെടുന്നതെന്നത് ഈ ആശങ്കകൾക്ക് ആക്കം കൂട്ടുന്നതാണ്. പാഠ്യപദ്ധതി പരിഷ്കരണത്തിന്റെ പേരിൽ ശാസ്ത്രബോധത്തിന് നിരക്കാത്ത ആശയങ്ങളും ചരിത്രപരമായി വിവാദമായ ഉള്ളടക്കങ്ങളും വിദ്യാർത്ഥികൾക്ക് മേൽ അടിച്ചേൽപ്പിക്കപ്പെടാനുള്ള സാധ്യത, സംസ്ഥാനങ്ങളുടെ സവിശേഷമായ സാമൂഹിക-സാംസ്കാരിക പശ്ചാത്തലങ്ങളെ അവഗണിച്ചുകൊണ്ട് ഏകീകൃത വിദ്യാഭ്യാസ സമീപനം നടപ്പാക്കാനുള്ള ശ്രമങ്ങൾ, കൂടാതെ വികേന്ദ്രീകൃതവും മതേതരവുമായ കേരളത്തിന്റെ പൊതുവിദ്യാഭ്യാസ സംവിധാനത്തിന്റെ അടിസ്ഥാന മൂല്യങ്ങളെ ദുർബലപ്പെടുത്തുന്ന നടപടികൾ ഉണ്ടാകുമോ…

വടക്കാങ്ങര: കേരള സർക്കാർ നടപ്പിലാക്കി കൊണ്ടിരിക്കുന്ന ലഹരി വിരുദ്ധ ക്യാമ്പയിനിന്റെ (തൂഫാൻ) ഭാഗമായി എല്ലാവിധ ലഹരിപദാർത്ഥങ്ങൾക്കെതിരെയും പൊരുതാൻ പ്രതിജ്ഞ ചെയ്ത് വടക്കാങ്ങര ടാലന്റ് പബ്ലിക് സ്കൂളിലെ വിദ്യാർത്ഥികൾ. ലോക ലഹരി വിരുദ്ധ ദിനത്തിന്റെ ഭാഗമായി സ്കൂൾ സംഘടിപ്പിച്ച വിദ്യാർത്ഥി സംഗമത്തിലാണ് വ്യക്തിക്കും സമൂഹത്തിനും ഭീഷണിയായ എല്ലാ ലഹരിവസ്തുക്കളും ജീവിതത്തിൽ ഒരിക്കലും ഉപയോഗിക്കില്ലെന്ന് കുട്ടികൾ പ്രതിജ്ഞ എടുത്തത്. ഈ സന്ദേശം തങ്ങൾ സമൂഹത്തിൽ പ്രചരിപ്പിക്കുമെന്നും അവർ ദൃഢപ്രതിജ്ഞ ചെയ്തു. ഹൈസ്കൂൾ വിഭാഗം ലഹരിക്കെതിരെ അവതരിപ്പിച്ച മൈമിംഗ് ലഹരിയുടെ അപകടത്തെ കുട്ടികൾക്ക് ബോധ്യപ്പെടുത്തുന്നതായിരുന്നു.  ലഹരി സമൂഹത്തിൽ ഉണ്ടാക്കുന്ന ഭവിഷ്യത്തുക്കളെ കുറിച്ച് സ്കൂൾ പ്രിൻസിപ്പൽ മുഹമ്മദലി കൊടിഞ്ഞി കുട്ടികളെ ബോധ്യപ്പെടുത്തി. വിവിധ പരിപാടികൾക്ക് വൈസ് പ്രിൻസിപ്പൽ സാഹിദ, സ്റ്റാഫ് സെക്രട്ടറി രജീഷ്, സി.സി.എ കൺവീനർ റഫീഖ് എന്നിവർ നേതൃത്വം നൽകി.