Author: .

തിരുവനന്തപുരം: കേരളത്തിലെ സ്‌കൂൾ കായികരംഗത്തിന്റെ ഏറ്റവും വലിയ ആഘോഷമായ 68-ാമത് സംസ്ഥാന സ്‌കൂൾ കായികമേളയ്ക്ക് ഒരുക്കങ്ങൾ പുരോഗമിക്കുന്നു. ഒക്ടോബർ 25 മുതൽ 31 വരെ കോഴിക്കോട് നടക്കുന്ന കായികമേളയുടെ ഔദ്യോഗിക ഭാഗ്യചിഹ്നമായ ‘കുട്ടു’ നിയമസഭാ മീഡിയാ റൂമിൽ നടന്ന ചടങ്ങിൽ പ്രകാശനം ചെയ്തു. പൊതുവിദ്യാഭ്യാസ മന്ത്രി എൻ. ഷംസുദ്ദീനാണ് ഭാഗ്യചിഹ്നത്തിന്റെ പ്രകാശനകർമം നിർവഹിച്ചത്. കൊല്ലം ജില്ലയിലെ കെ.എൻ.എൻ.എം ഹയർ സെക്കൻഡറി സ്‌കൂളിലെ എട്ടാം ക്ലാസ് വിദ്യാർഥിനി ആർ.എസ്. ലക്ഷ്മി നന്ദനയാണ് ‘കുട്ടു’ എന്ന ഭാഗ്യചിഹ്നം രൂപകൽപ്പന ചെയ്തത്. സംസ്ഥാനത്തെ ആയിരക്കണക്കിന് വിദ്യാർഥികൾ പങ്കെടുക്കുന്ന കായികമേളയുടെ ഭാഗ്യചിഹ്നം രൂപകൽപ്പന ചെയ്യാൻ ഒരു സ്‌കൂൾ വിദ്യാർഥിനിക്ക് അവസരം ലഭിച്ചത് ശ്രദ്ധേയമായി. കായികമേളയുടെ പ്രചാരണ പരിപാടികളിലും അനുബന്ധ പ്രവർത്തനങ്ങളിലും ‘കുട്ടു’ ഇടംപിടിക്കും. കായികമേളയുടെ മുന്നോടിയായി വിപുലമായ പ്രചാരണ പരിപാടികളാണ് സംഘടിപ്പിക്കുന്നത്. ഒക്ടോബർ 22ന് തിരുവനന്തപുരത്തുനിന്ന് ആരംഭിക്കുന്ന സ്വർണക്കപ്പ് ഘോഷയാത്രയും ഒക്ടോബർ 23ന്…

അമേച്വർ നാടക രംഗത്തെ കുലപതിയും, ആറ് പതിറ്റാണ്ട് കാലമായി ലോകമലയാളി സമൂഹത്തിന് സുപരിചിതനുമായ നാടകകൃത്ത് സി.എൽ. ജോസിനെ പത്മ പുരസ്‌ക്കാരത്തിന് സർക്കാർ ശുപാർശ ചെയ്യണമെന്ന് കേരളാ കോൺഗ്രസ്‌ (എം) സംസ്ഥാന ജനറൽ സെക്രട്ടറി കെ. ആനന്ദകുമാർ ആവശ്യപ്പെട്ടു. 36 സമ്പൂർണ നാടകങ്ങൾ, 80 ലധികം ഏകാങ്ക നാടകങ്ങൾ, കുട്ടികൾക്കുള്ള നാടകങ്ങൾ, ഫലിത സമാഹാരങ്ങൾ, ‘ ഓർമ്മകൾക്ക് ഉറക്കമില്ല’ എന്ന ആത്മകഥ, അനുഭവക്കുറിപ്പുകൾ, പഠന ഗ്രന്ഥം തുടങ്ങി അതിവിപുലമായ സാഹിത്യ സംഭാവന നൽകിയ അപൂർവ ഗ്രന്ഥകാരനാണ് സി.എൽ. ജോസ്. അദ്ദേഹത്തിന്റെ നിരവധി നാടകങ്ങൾ വിവിധ സർവകലാശാലകളിൽ പഠനഗ്രന്ഥങ്ങൾ ആയിരുന്നു. എഴുപതുകളിലും എൺപതുകളിലും ലോക മലയാളി സമൂഹത്തിന് സി.എൽ. ജോസിന്റെ നാടകമില്ലാതെ വാർഷികാഘോഷങ്ങൾ പോലും ഇല്ലായിരുന്നു. കേരളത്തിലും കേരളത്തിന്‌ പുറത്തും, മലയാളി സമൂഹം ജീവിച്ചിരുന്ന നാടുകളിലൊക്കെ ജോസിന്റെ നാടകങ്ങൾ വിജയകരമായി അവതരിപ്പിക്കപ്പെട്ടു. നാടകവതരണത്തിന്റെ എല്ലാ പ്രായോഗികതയും ഉൾക്കൊണ്ടുകൊണ്ടുള്ള രചനാ രീതിയായിരുന്നു…

തിരുവനന്തപുരം: സിഎംആർഎൽ–എക്‌സാലോജിക് സാമ്പത്തിക ഇടപാടുകളുമായി ബന്ധപ്പെട്ട് വിജിലൻസ് രജിസ്റ്റർ ചെയ്ത രണ്ട് കേസുകളിലെ എഫ്‌ഐആർ വിവരങ്ങൾ പുറത്തുവന്നതോടെ സംസ്ഥാന രാഷ്ട്രീയത്തിൽ പുതിയ വിവാദങ്ങൾക്ക് വഴി തുറന്നു. മുന്‍ മുഖ്യമന്ത്രി പിണറായി വിജയൻ, പി.എ. മുഹമ്മദ് റിയാസ്, പിണറായി വിജയന്റെ മകളും എക്‌സാലോജിക് സൊല്യൂഷൻസ് ഉടമയുമായ വീണാ വിജയൻ എന്നിവർ ഉൾപ്പെടെയുള്ളവർക്കെതിരെയാണ് ഗുരുതരമായ സാമ്പത്തിക ക്രമക്കേടുകളും അധികാരദുരുപയോഗവും ആരോപിക്കപ്പെടുന്നത്. ഗൂഢാലോചന നടത്തി അനധികൃതമായി പണം കൈപ്പറ്റൽ, മന്ത്രിപദവി ദുരുപയോഗം ചെയ്യൽ, ഹവാല ഇടപാടുകൾ, വിദേശത്തേക്ക് പണം കടത്തൽ, അനധികൃത സ്വത്ത് സമ്പാദനം തുടങ്ങിയ ആരോപണങ്ങളാണ് എഫ്‌ഐആറുകളിൽ ഉന്നയിച്ചിരിക്കുന്നതെന്നാണ് പുറത്തുവന്ന വിവരം. സിഎംആർഎൽ–എക്‌സാലോജിക് സാമ്പത്തിക ഇടപാടുമായി ബന്ധപ്പെട്ട ആദ്യ കേസിൽ മുന്‍ മുഖ്യമന്ത്രി പിണറായി വിജയനെയാണ് ഒന്നാം പ്രതിയായി ഉൾപ്പെടുത്തിയിരിക്കുന്നത്. വീണാ വിജയൻ രണ്ടാം പ്രതിയും മറ്റ് അഞ്ചുപേർ കേസിലെ പ്രതികളുമാണെന്നാണ് വിവരം. മുഖ്യമന്ത്രിയെന്ന നിലയിലുള്ള ഔദ്യോഗിക പദവിയും സ്വാധീനവും…

ആലപ്പുഴ: ശ്വാസകോശ രോഗചികിത്സാ രംഗത്തെ ഗവേഷണ മികവിന് ദേശീയതലത്തിൽ അംഗീകാരം നേടി ആലപ്പുഴ ഗവൺമെന്റ് ടി.ഡി. മെഡിക്കൽ കോളേജിലെ ബിരുദാനന്തര ബിരുദ വിദ്യാർത്ഥി ഡോ. അർജുൻ ആർ.പി. അക്കാദമി ഓഫ് പൾമണറി ആൻഡ് ക്രിട്ടിക്കൽ കെയർ മെഡിസിനിന്റെ ആഭിമുഖ്യത്തിൽ കോഴിക്കോട് ഫറോക്കിൽ സംഘടിപ്പിച്ച ശ്വാസകോശ രോഗവിദഗ്ധരുടെ ദേശീയ വാർഷിക സമ്മേളനമായ ‘പൾമോകോൺ 2026’-ൽ നടന്ന ശാസ്ത്രീയ പോസ്റ്റർ അവതരണ മത്സരത്തിലാണ് ഡോ. അർജുൻ രണ്ടാം സ്ഥാനം കരസ്ഥമാക്കിയത്. രാജ്യത്തിന്റെ വിവിധ ഭാഗങ്ങളിൽനിന്നുള്ള ശ്വാസകോശ രോഗവിദഗ്ധരും ഗവേഷകരും ബിരുദാനന്തര ബിരുദ വിദ്യാർത്ഥികളും പങ്കെടുത്ത സമ്മേളനത്തിൽ, ബിരുദാനന്തര ബിരുദ വിദ്യാർത്ഥികൾക്കായി സംഘടിപ്പിച്ച പോസ്റ്റർ മത്സരത്തിലാണ് അർജുന്റെ ഗവേഷണ പ്രബന്ധം ശ്രദ്ധേയമായ നേട്ടം കൈവരിച്ചത്. ദീർഘകാല ശ്വാസകോശ തടസ്സരോഗം (Chronic Obstructive Pulmonary Disease – COPD) ബാധിച്ചവരിലെ പോഷകാഹാരക്കുറവും രോഗത്തിന്റെ തീവ്രതയും തമ്മിലുള്ള ബന്ധത്തെക്കുറിച്ചുള്ള ഗവേഷണ പഠനമാണ് പുരസ്കാരത്തിന് അർഹമായത്.…

തിരുവനന്തപുരം: സംസ്ഥാനത്തെ മുതിർന്ന പൗരന്മാരുടെ അവകാശങ്ങൾ സംരക്ഷിക്കുന്നതിനും സുരക്ഷിതവും അന്തസ്സുറ്റതുമായ ജീവിതം ഉറപ്പാക്കുന്നതിനുമായി തയ്യാറാക്കിയ വയോജന ക്ഷേമ ബിൽ നാളെ നിയമസഭയിൽ അവതരിപ്പിക്കും. വയോജനങ്ങളുടെ സംരക്ഷണം, പരിചരണം, ആരോഗ്യസുരക്ഷ, സാമൂഹികക്ഷേമം എന്നിവയ്ക്ക് നിയമപരമായ അടിത്തറ ഒരുക്കുകയാണ് ബില്ലിന്റെ പ്രധാന ലക്ഷ്യം. മുതിർന്ന പൗരന്മാരെ പീഡിപ്പിക്കുകയോ അവഗണിക്കുകയോ ഉപേക്ഷിക്കുകയോ ചെയ്യുന്നവർക്കെതിരെ കർശന ശിക്ഷാനടപടികൾ സ്വീകരിക്കുന്നതിനുള്ള വ്യവസ്ഥകളും ബില്ലിൽ ഉൾപ്പെടുത്തിയിട്ടുണ്ട്. വയോജനങ്ങളുടെ ക്ഷേമപ്രവർത്തനങ്ങൾ ഏകോപിപ്പിക്കുന്നതിനും പരാതികളിൽ ഫലപ്രദമായി ഇടപെടുന്നതിനുമായി സംസ്ഥാനതലത്തിലും ജില്ലാതലത്തിലും പ്രത്യേക മേൽനോട്ട സംവിധാനങ്ങൾ രൂപീകരിക്കും. തിരുവനന്തപുരം ആസ്ഥാനമായി സംസ്ഥാന മുതിർന്ന പൗര സംരക്ഷണ യൂണിറ്റ് സ്ഥാപിക്കും. വയോജന ക്ഷേമ വകുപ്പ് ഡയറക്ടറായിരിക്കും ഈ യൂണിറ്റിന്റെ അധ്യക്ഷൻ. ജില്ലകളിൽ പ്രത്യേക സംരക്ഷണ ഫോറങ്ങളും യൂണിറ്റുകളും പ്രവർത്തനം ആരംഭിക്കും. വയോജനങ്ങൾ നേരിടുന്ന പ്രശ്നങ്ങൾ കണ്ടെത്തുന്നതിനും പരിഹാരനടപടികൾ സ്വീകരിക്കുന്നതിനും ഈ സംവിധാനങ്ങൾക്ക് ഉത്തരവാദിത്വമുണ്ടാകും. മുതിർന്ന പൗരന്മാർക്ക് സ്വന്തം വീടുകളിലും പരിചിതമായ കുടുംബാന്തരീക്ഷത്തിലും…