Author: പ്രസാദ് തീയാടിക്കൽ

ഡാളസ്: വൈ.എം.ഇ.എഫ് ഡാളസിന്റെ ആഭിമുഖ്യത്തിൽ ‘ജോർജ് പീറ്റർ സംഗീതസന്ധ്യ’ ഒക്ടോബർ 17 ശനിയാഴ്ച വൈകിട്ട് 5:30-ന് നടക്കും. കരോൾട്ടണിലെ ബിലീവേഴ്സ് ബൈബിൾ ചാപ്പലാണ് വേദി. ക്രൈസ്തവ കൈരളിക്ക് നൂറിലേറെ ഗാനങ്ങൾ സമ്മാനിച്ച ഭക്തകവി ഇവാഞ്ചലിസ്റ്റ് ജോർജ് പീറ്റർ ചിറ്റൂർ രചിച്ച തിരഞ്ഞെടുത്ത ഗാനങ്ങളും അവയുടെ പശ്ചാത്തല അനുഭവങ്ങളും സംഗീതസന്ധ്യയിൽ അവതരിപ്പിക്കും. ‘യേശു എനിക്കെത്ര നല്ലവനാം’, ‘എനിക്കൊത്താശ വരും പർവതം’, ‘കർത്താവിലെന്നും എന്റെ ആശ്രയം’, ‘വിശ്വാസ ജീവിതപ്പടകിൽ’, ‘എന്നെ കരുതുവാൻ കാക്കുവാൻ’ തുടങ്ങിയ ഗാനങ്ങളിലൂടെ ശ്രദ്ധേയനായ ഗാനരചയിതാവാണ് ജോർജ് പീറ്റർ ചിറ്റൂർ. ഗായകൻ ബിനോയ് ചാക്കോയും സംഘവും ഡാളസ് മലയാളികൾക്കായി സംഗീതസന്ധ്യ ഒരുക്കും. വേദിയുടെ വിലാസം: Believers’ Bible Chapel, 2116 Old Denton Rd, Carrollton, TX 75006.

ഹൂസ്റ്റൺ: സെന്റ് മേരീസ് ക്നാനായ കത്തോലിക്കാ ഫൊറോനാ പള്ളിയുടെ പ്രധാന തിരുനാൾ ഒക്ടോബർ 16, 17, 18 തീയതികളിൽ ഭക്തിനിർഭരമായ തിരുക്കർമങ്ങളോടെയും കലാ-സാംസ്കാരിക പരിപാടികളോടെയും ആഘോഷിക്കും. ഇടവകയിലെ എല്ലാ കുടുംബങ്ങളും സംയുക്തമായി തിരുനാളിന്റെ പ്രസുദേന്തിമാരാകും. ഒക്ടോബർ 16 വെള്ളിയാഴ്ച വൈകുന്നേരം ആറിന് ആരാധനയും ജപമാലയും നടക്കും. 6:45-ന് കൊടിയേറ്റവും ലദീഞ്ഞും തുടർന്ന് ഏഴിന് വിശുദ്ധ കുർബാനയും നൊവേനയും ഉണ്ടായിരിക്കും. ഹൂസ്റ്റൺ സെന്റ് ജോസഫ്‌സ് പള്ളി വികാരി റവ. ഫാ. സെബാസ്റ്റ്യൻ വലിയപറമ്പിൽ കാർമികത്വം വഹിക്കും. ഡാലസ് ക്നാനായ കത്തോലിക്കാ ഇടവക വികാരി റവ. ഫാ. ബിൻസ് ചേത്തലിൽ തിരുനാൾ സന്ദേശം നൽകും. ഒക്ടോബർ 17 ശനിയാഴ്ച വൈകുന്നേരം ആറിന് ആരാധനയും ജപമാലയും ഏഴിന് ലദീഞ്ഞും ഇംഗ്ലീഷിൽ വിശുദ്ധ കുർബാനയും നടക്കും. പേർലാൻഡ് സെന്റ് മേരീസ് ചർച്ച് വികാരി റവ. ഫാ. ഡായി കുന്നത്ത് കാർമികത്വം വഹിക്കും. രാത്രി…

ടെന്നസി: ഗ്രേറ്റ് സ്മോക്കി മൗണ്ടൻസ് ദേശീയോദ്യാനം സന്ദർശിക്കുന്നതിനിടെ കാണാതായ 24 കാരൻ സാഹിൽ ജിലാനിയുടെ മൃതദേഹം അബ്രാംസ് വെള്ളച്ചാട്ടത്തിലെ ജലാശയത്തിൽ കണ്ടെത്തിയതായി കുടുംബം അറിയിച്ചു. ദിവസങ്ങൾ നീണ്ട തിരച്ചിലിനൊടുവിൽ ഒക്ടോബർ എട്ടിനാണ് മുങ്ങൽ വിദഗ്ധർ മൃതദേഹം കണ്ടെത്തിയത്. ഒക്ടോബർ അഞ്ചു മുതൽ സാഹിലുമായി ബന്ധപ്പെടാൻ കഴിയാതായതോടെയാണ് കുടുംബം ആശങ്കയിലായത്. ഫോണിന്റെ ലൊക്കേഷനും ലഭ്യമല്ലാതായി. പതിവായി വീട്ടുകാരുമായി ബന്ധപ്പെടാറുള്ള സാഹിലിന്റെ മൗനം അസാധാരണമായിരുന്നുവെന്ന് സഹോദരി അസ്മ ജിലാനി ബസ്റ്റമാന്റേ വ്യക്തമാക്കി. ഒക്ടോബർ ആറിന് കുടുംബം പാർക്ക് റേഞ്ചർമാരെ സമീപിച്ച് സാഹിലിനെ കണ്ടെത്താൻ സഹായം തേടി. വനമേഖലയിൽ മൊബൈൽ സേവനം ലഭിക്കാത്ത സാഹചര്യം സാധാരണമാണെന്നതിനാൽ ആദ്യം കാത്തിരിക്കാൻ നിർദേശിച്ചതായി അസ്മയുടെ വിവരണത്തിൽ പറയുന്നു. ഒക്ടോബർ ഏഴിന് അബ്രാംസ് വെള്ളച്ചാട്ടത്തിലേക്കുള്ള നടപ്പാതയുടെ സമീപത്തെ പാർക്കിങ് സ്ഥലത്ത് സാഹിലിന്റെ വാഹനം കണ്ടെത്തി. പിന്നീട് വെള്ളച്ചാട്ടത്തിനടുത്തുനിന്ന് ഫോണും താക്കോലുകളും വസ്ത്രങ്ങളും കണ്ടെത്തുകയായിരുന്നു. വെള്ളച്ചാട്ടത്തിനടുത്തുള്ള ശക്തമായ…

വാഷിംഗ്ടൺ: യു എസ് പ്രസിഡന്റ് ഡൊണാൾഡ് ട്രംപിന്റെ കടുത്ത വിമർശകയും മിനസോട്ടയിൽ നിന്നുള്ള ഡെമോക്രാറ്റിക് പാർട്ടി അംഗവുമായ യുഎസ് ജനപ്രതിനിധിസഭാംഗം ഇൽഹാൻ ഒമറിന്റെ വാഷിംഗ്ടൺ ഡിസിയിലെ വസതിയിൽ തിങ്കളാഴ്ച പുലർച്ചെ യുഎസ് ഇമിഗ്രേഷൻ അധികൃതർ റെയ്ഡ് നടത്തി. നിലവിൽ നടന്നുവരുന്ന ഫെഡറൽ അന്വേഷണത്തിന്റെ ഭാഗമായാണ് പരിശോധനയെന്ന് യുഎസ് നീതിന്യായ വകുപ്പ് അറിയിച്ചു. റിപ്പബ്ലിക്കൻ പ്രസിഡന്റായ ഡൊണാൾഡ് ട്രംപിന്റെ നിരന്തരമായ രാഷ്ട്രീയ അധിക്ഷേപങ്ങൾക്കും വിമർശനങ്ങൾക്കും ഇരയായിട്ടുള്ള നേതാവാണ് ഇൽഹാൻ ഒമർ. ഇവരുടെ വസതിയിൽ നടന്ന പരിശോധന അമേരിക്കൻ രാഷ്ട്രീയരംഗത്ത് വലിയ വിവാദങ്ങൾക്ക് വഴിവെച്ചിരിക്കുകയാണ്. അന്വേഷണവുമായി ബന്ധപ്പെട്ട വിവരങ്ങൾ അറിയാവുന്ന വ്യക്തിയുടെ അഭിപ്രായത്തിൽ, ആരോപണവിധേയമായ ഇമിഗ്രേഷൻ തട്ടിപ്പുമായി ബന്ധപ്പെട്ടാണ് അന്വേഷണം നടക്കുന്നത്. സൊമാലിയയിൽ ജനിച്ച ഇൽഹാൻ ഒമർ കുട്ടിയായിരുന്നപ്പോൾ അന്തരിച്ച പിതാവ് തയ്യാറാക്കിയ കുടിയേറ്റ രേഖകളും അന്വേഷണത്തിന്റെ പരിധിയിൽ ഉൾപ്പെടുന്നുണ്ട്. അതേസമയം, പ്രസിഡന്റിന്റെ രാഷ്ട്രീയ എതിരാളികളെ ലക്ഷ്യമിടാൻ അമേരിക്കൻ ഭരണകൂട…

ചിക്കാഗോ: ല’യോ പതിനാലാമൻ മാർപാപ്പയുടെ ശ്വാസകോശത്തിലെ മുഴ നീക്കം ചെയ്യുന്നതിനുള്ള ശസ്ത്രക്രിയ ഉടൻ നടക്കാനിരിക്കെ, അദ്ദേഹത്തിനായി പ്രാർത്ഥനയോടെ ചിക്കാഗോയിലെ വിശ്വാസികൾ. ഞായറാഴ്ച നടന്ന വിശുദ്ധ കുർബാനയ്ക്കിടയിലാണ് ഹോളി നെയിം കത്തീഡ്രലിൽ എത്തിയ വിശ്വാസികൾ മാർപാപ്പയുടെ ആരോഗ്യത്തിനായി പ്രാർത്ഥനകൾ അർപ്പിച്ചത്. സമീപകാലത്തെ ആരോഗ്യ പരിശോധനകളിലാണ് മാർപാപ്പയുടെ ശ്വാസകോശത്തിൽ മുഴ കണ്ടെത്തിയത്. തുടർന്ന് ഡോക്ടർമാരുടെ നിർദ്ദേശപ്രകാരം ശസ്ത്രക്രിയയ്ക്ക് വിധേയനാകാൻ തീരുമാനിക്കുകയായിരുന്നുവെന്ന് മാർപാപ്പ സമൂഹമാധ്യമങ്ങളിലൂടെ അറിയിച്ചു. മാർപാപ്പയുടെ ആരോഗ്യനിലയെക്കുറിച്ച് മെഡിക്കൽ വിദഗ്ധരും ശുഭാപ്തിവിശ്വാസം പ്രകടിപ്പിച്ചിട്ടുണ്ട്. പ്രായം 70കളിൽ ആണെങ്കിലും മാർപാപ്പ ആരോഗ്യവാനാണെന്നും ശസ്ത്രക്രിയയ്ക്കുശേഷം വേഗത്തിൽ സുഖം പ്രാപിക്കുമെന്നും നോർത്ത് വെസ്റ്റേൺ മെഡിസിൻ സർജറി പ്രൊഫസർ സാമുവൽ കിം വ്യക്തമാക്കി. ലോകമെമ്പാടുമുള്ള വിശ്വാസികൾ തനിക്കൊപ്പമുണ്ടെന്നും പ്രാർത്ഥിക്കണമെന്നും മാർപാപ്പ അഭ്യർത്ഥിച്ചു.

ആല്‍ബര്‍ട്ട: ശരീരത്തിൽ 90 ശതമാനത്തിലധികം ഭാഗത്തും ടാറ്റൂ ചെയ്ത് ഗിന്നസ് ലോക റെക്കോർഡിൽ ഇടംനേടി കനേഡിയൻ യുവാവ്. ‘എഫെമറൽ റെമി’ എന്നറിയപ്പെടുന്ന 38 -കാരനായ ആല്‍ബര്‍ട്ട സ്വദേശിയാണ് ലോകത്തെ ഞെട്ടിച്ച ഈ നേട്ടത്തിന് അർഹനായത്. 2005 -ൽ തന്റെ ഇടത് കയ്യിൽ മകന്റെ പേര് ടാറ്റൂ ചെയ്തുകൊണ്ടാണ് റെമി ഈ വിചിത്രമായ യാത്ര ആരംഭിക്കുന്നത്. പിന്നീട് ശരീരമാകെ മഷികൊണ്ട് മൂടിയെങ്കിലും അദ്ദേഹം അവിടെ നിർത്താൻ തയ്യാറായില്ല. വർഷങ്ങളായി ടാറ്റൂവിന് മുകളിൽ വീണ്ടും ടാറ്റു ചെയ്ത് അദ്ദേഹം ഏകദേശം നാൽപതോളം പാളികൾ തീർത്തു. ശരീരത്തിന്റെ ചില ഭാഗങ്ങളിലാകട്ടെ 100 -ലധികം തവണയാണ് ടാറ്റൂ ചെയ്തിട്ടുള്ളത്. നൂറിലധികം ശരീര സുഷിരങ്ങളിൽ ആഭരണങ്ങൾ അണിഞ്ഞ് ബോഡി മോഡിഫിക്കേഷനിൽ മുൻപിലായിരുന്നെങ്കിലും, തന്റെ ശരീരം മുഴുവൻ ടാറ്റൂ ചെയ്യുമെന്ന് അദ്ദേഹം ഒരിക്കലും കരുതിയിരുന്നില്ല. ചെറുപ്പത്തിൽ ഗോതിക് ശൈലിയിലുള്ള വസ്ത്രധാരണവും വ്യത്യസ്തമായ ഹെയർസ്റ്റൈലുകളും പരീക്ഷിച്ചിരുന്ന ആളാണ്…

ചാവക്കാട്: ചാവക്കാട് താലൂക്ക് ആശുപത്രിയുടെ അടിസ്ഥാനസൗകര്യ വികസനത്തിന് കരുത്തുപകരുന്ന പുതിയ അത്യാഹിതവിഭാഗം കെട്ടിടം നവംബറിൽ ഉദ്ഘാടനം ചെയ്യും. നാലുനിലകളിലായി വിഭാവനം ചെയ്ത കെട്ടിടത്തിന്റെ ആദ്യ രണ്ടു നിലകളുടെ നിർമാണം പൂർത്തിയായതായി എൻ.കെ. അക്ബർ എം.എൽ.എ. അറിയിച്ചു. നവംബറിൽ സംസ്ഥാന ആരോഗ്യമന്ത്രി കെട്ടിടത്തിന്റെ ഉദ്ഘാടനം നിർവഹിക്കുമെന്നും അദ്ദേഹം വ്യക്തമാക്കി. നബാർഡ് അനുവദിച്ച 10.8 കോടി രൂപ വിനിയോഗിച്ചാണ് പദ്ധതിയുടെ ആദ്യഘട്ട നിർമാണം പൂർത്തീകരിച്ചിരിക്കുന്നത്. ആശുപത്രിയുടെ മുൻഭാഗത്ത് നിർമിച്ചിരിക്കുന്ന പുതിയ കെട്ടിടത്തിൽ ആധുനിക അത്യാഹിതചികിത്സാ വിഭാഗവും രോഗികൾക്കുള്ള വാർഡുകളുമാണ് സജ്ജീകരിക്കുന്നത്. കെട്ടിടത്തിന്റെ ഏറ്റവും താഴത്തെ നിലയിൽ അത്യാഹിതവിഭാഗം കോംപ്ലക്‌സും മറ്റു ഭാഗങ്ങളിൽ രോഗികളെ കിടത്തിച്ചികിത്സിക്കുന്നതിനുള്ള സൗകര്യങ്ങളുമാണ് ഒരുക്കുന്നത്. നിലവിൽ രണ്ടു നിലകളുടെ നിർമാണമാണ് പൂർത്തിയായിട്ടുള്ളത്. ശേഷിക്കുന്ന രണ്ടു നിലകളുടെ നിർമാണം ആവശ്യമായ ഫണ്ട് ലഭ്യമാകുന്ന മുറയ്ക്ക് ആരംഭിക്കും. ആശുപത്രിയിൽ ചികിത്സ തേടിയെത്തുന്ന രോഗികൾക്ക് കൂടുതൽ സൗകര്യപ്രദമായ അന്തരീക്ഷവും മെച്ചപ്പെട്ട ചികിത്സാസംവിധാനങ്ങളും…

ഇരിങ്ങാലക്കുട: ഇരിങ്ങാലക്കുട കെ.എസ്.ആർ.ടി.സി. സബ് ഡിപ്പോയുടെ പ്രവർത്തനം കൂടുതൽ ശക്തിപ്പെടുത്തുന്നതിന്റെ ഭാഗമായി രണ്ട് പുതിയ പ്രിയദർശിനി ബസ് സർവീസുകൾ കൂടി ആരംഭിച്ചു. ഗ്രാമീണ മേഖലകളിലെ യാത്രാക്ലേശം പരിഹരിക്കുന്നതിനും പൊതുഗതാഗത സൗകര്യങ്ങൾ വിപുലീകരിക്കുന്നതിനും ലക്ഷ്യമിട്ടാണ് പുതിയ സർവീസുകൾ ആരംഭിച്ചിരിക്കുന്നത്. സബ് ഡിപ്പോയിൽ നടന്ന ചടങ്ങിൽ തോമസ് ഉണ്ണിയാടൻ എം.എൽ.എ. പുതിയ ബസ് സർവീസുകൾ ഉദ്ഘാടനം ചെയ്തു. ഇരിങ്ങാലക്കുട കെ.എസ്.ആർ.ടി.സി. സബ് ഡിപ്പോയെ പഴയ പ്രതാപത്തിലേക്ക് തിരിച്ചുകൊണ്ടുവരികയാണ് പ്രധാന ലക്ഷ്യമെന്ന് ഉദ്ഘാടന പ്രസംഗത്തിൽ എം.എൽ.എ. വ്യക്തമാക്കി. ഇതിനായി കൂടുതൽ പ്രാദേശിക സർവീസുകൾ ആരംഭിക്കുന്നതിനൊപ്പം സംസ്ഥാനത്തിനകത്തേക്കും മറ്റ് സംസ്ഥാനങ്ങളിലേക്കുമുള്ള ദീർഘദൂര സർവീസുകൾ വർധിപ്പിക്കുന്നതിനുള്ള ശ്രമങ്ങൾ നടത്തുമെന്നും അദ്ദേഹം പറഞ്ഞു. ഒരുകാലത്ത് നിരവധി യാത്രക്കാർ ആശ്രയിച്ചിരുന്ന ഇരിങ്ങാലക്കുട കെ.എസ്.ആർ.ടി.സി. സബ് ഡിപ്പോയുടെ പ്രവർത്തനം കൂടുതൽ കാര്യക്ഷമമാക്കേണ്ടത് പ്രദേശത്തിന്റെ പൊതുഗതാഗത വികസനത്തിന് അനിവാര്യമാണ്. ഗ്രാമപ്രദേശങ്ങളെയും നഗരകേന്ദ്രങ്ങളെയും ബന്ധിപ്പിക്കുന്ന കൂടുതൽ ബസ് സർവീസുകൾ ആരംഭിക്കുന്നതിലൂടെ വിദ്യാർഥികൾക്കും…