Author: ??????? ??????

മലപ്പുറം: മദ്യനിരോധന സമിതിയുടെ അനിശ്ചിതകാല സമരത്തിന് നേരെയുള്ള അധികാരികളുടെ പ്രതികാര നടപടികൾ ഒരു നിലക്കും അംഗീകരിക്കാനാകില്ലെന്നും, ജനകീയ സമരങ്ങൾക്കും, ജനാധിപത്യപ്രക്ഷോഭങ്ങൾക്കും നേരെയുള്ള നടപടികളെ ജില്ലയിലെ വിദ്യാർത്ഥി, യുവജനങ്ങളെ അണിനിരത്തി പ്രതിരോധിക്കുമെന്നും ഫ്രറ്റേണിറ്റി മൂവ്മെൻ്റ് ജില്ലാ പ്രസിഡൻ്റ് ജംഷീൽ അബൂബക്കർ പറഞ്ഞു. സമൂഹത്തിൽ ലഹരി ഉപഭോഗവും അനുബന്ധ ദുരന്തങ്ങളും വർദ്ധിച്ചു വരുമ്പോൾ നോക്കി നിൽക്കുകയും, ജനകീയമായി സംഘടിപ്പിക്കുന്ന സമരങ്ങൾക്കെതിരിൽ നടപടി സ്വീകരിക്കുകയും ചെയ്യുന്ന ജില്ലയിലെ ഭരണകൂടത്തിൻ്റെയും പോലീസിൻ്റെയും ധിക്കാരത്തിനെതിരെ വിദ്യാർത്ഥി യുവജന പ്രതിഷേധം സംഘടിപ്പിക്കുമെന്നും അദ്ധേഹം വ്യക്തമാക്കി. മദ്യ നിരോധന സമിതി ജില്ലാ പ്രസിഡൻ്റ് മജീദ് മാടമ്പാട്ട് അദ്ധ്യക്ഷനായി. സംസ്ഥാന പ്രസിഡൻ്റ് ഇയ്യാച്ചേരി കുഞ്ഞികൃഷ്ണൻ, ജനറൽ സെക്രട്ടറി പ്രഫ. വിൻസൻ്റ് മാളിയേക്കൽ, ഫ്രറ്റേണിറ്റി ജില്ലാ ജനറൽ സെക്രട്ടറി ബാസിത് താനൂർ, വൈസ് പ്രസിഡൻ്റ് വി.ടി.എസ്. ഉമർ തങ്ങൾ, വെൽഫെയർ പാർട്ടി മലപ്പുറം മണ്ഡലം സെക്രട്ടറി മെഹബൂബ് റഹ്മാൻ എം…

കൊട്ടിയം: ആദിച്ചനല്ലൂർ ഗ്രാമപഞ്ചായത്ത് വാർഡ് 19 ൽ ആരോരും സംരക്ഷിക്കാനില്ലാതെ കഴിഞ്ഞിരുന്ന ഉമ്മുക്കുലുസ് (73) എന്ന ഉമ്മയെ നവജീവൻ അഭയകേന്ദ്രം ഏറ്റെടുത്തു. ഭർത്താവു മരിച്ചു വർഷങ്ങളായി സമീപവാസികളുടെ സഹായത്തോടുകൂടി തനിച്ചു താമസിച്ചുവരികയായിരുന്നു. ആദിച്ചനല്ലൂർ ഗ്രാമപഞ്ചായത്ത് 19-ാം വാർഡ് മെമ്പർ ആർ സാജൻ നൽകിയ അപേക്ഷയിൽ നവജീവൻ അഭയ കേന്ദ്രം ഏറ്റെടുക്കുകയായിരുന്നു. ചടങ്ങിൽ ആദിച്ചനല്ലൂർ ഗ്രാമപഞ്ചായത്ത് 19-ാം വാർഡ് മെമ്പർ ആർ സാജൻ, നവജീവൻ ഭാരവാഹികളായ വെൽഫയർ ഓഫീസർ ഷാജിമു, പബ്ലിക്ക് റിലേഷൻ ഓഫീസർ മിറോഷ്കോട്ടപ്പുറം, ബഷീർ, സമീപവാസികളുടെയും സാനിധ്യത്തിൽ നവജീവൻ അഭയ കേന്ദ്രം ടീച്ചറെ ഏറ്റെടുത്തു.  

തിരുവനന്തപുരം: മുഖ്യമന്ത്രി പിണറായി വിജയൻ്റെ അധ്യക്ഷതയിൽ ബുധനാഴ്ച (ഓഗസ്റ്റ് 14, 2024) ചേർന്ന കേരള മന്ത്രിസഭാ യോഗം ജൂലൈ 30 ന് വയനാട് ജില്ലയിലുണ്ടായ ഉരുൾപൊട്ടലിൽ മരിച്ചവരുടെ അടുത്ത ബന്ധുക്കൾക്ക് 6 ലക്ഷം രൂപ ധനസഹായം പ്രഖ്യാപിച്ചു . ദുരന്തബാധിതരുടെ സഹോദരങ്ങൾ മരിച്ച വ്യക്തിയെ ആശ്രയിച്ചാണ് ജീവിക്കുന്നതെന്ന് തെളിയിക്കാന്‍ കഴിഞ്ഞില്ലെങ്കില്‍ നഷ്ടപരിഹാര തുക ക്ലെയിം ചെയ്യാൻ കഴിയില്ലെന്ന് മുഖ്യമന്ത്രി പറഞ്ഞു. എന്നാല്‍, ഇരകളുടെ മാതാപിതാക്കൾ, ഭർത്താക്കന്മാർ, ഭാര്യമാർ, കുട്ടികൾ എന്നിവർക്ക് നിയമപരമായ അവകാശ സർട്ടിഫിക്കറ്റ് സമർപ്പിക്കാതെ തന്നെ നഷ്ടപരിഹാരം ആവശ്യപ്പെടാം. ദുരന്തത്തിൽ കാണാതായവരുടെ അടുത്ത ബന്ധുക്കൾക്കും ഇതേ നഷ്ടപരിഹാരത്തിന് അർഹതയുണ്ടെന്ന് മുഖ്യമന്ത്രി പറഞ്ഞു. മണ്ണിടിച്ചിലിൽ കാണാതായവരുടെ പട്ടിക പോലീസ് ഉടൻ പ്രസിദ്ധീകരിക്കും. കാണാതായവരുടെ എണ്ണം ഇതുവരെ 118 ആണെന്ന് അദ്ദേഹം പറഞ്ഞു. പ്രകൃതിക്ഷോഭത്തിൽ 60 ശതമാനം അംഗവൈകല്യം സംഭവിച്ചവർക്ക് സർക്കാർ 75,000 രൂപ നഷ്ടപരിഹാരം നൽകും. 40%…

ബെൽഗൊറോഡ്: യുക്രൈൻ സേനയുടെ തുടർച്ചയായ ആക്രമണങ്ങളെ തുടർന്ന് റഷ്യയിലെ ബെൽഗൊറോഡ് മേഖലയിൽ അടിയന്തരാവസ്ഥ പ്രഖ്യാപിച്ചു. അപൂർവമായ അതിർത്തി കടന്നുള്ള നുഴഞ്ഞുകയറ്റത്തിന് ശേഷം ഗണ്യമായ റഷ്യൻ പ്രദേശത്തിൻ്റെ നിയന്ത്രണം ഉക്രെയ്ന്‍ അവകാശപ്പെട്ടു. 1941 ന് ശേഷം ആദ്യമായാണ് ഒരു വിദേശ സൈന്യം റഷ്യൻ മണ്ണിലേക്ക് പ്രവേശിക്കുന്നത്, ഇത് താത്കാലിക തന്ത്രപരമായ നീക്കമാണെന്ന് ഉക്രെയ്ൻ ഊന്നിപ്പറയുന്നു. സംഘർഷം റഷ്യയുമായി അടുപ്പിക്കുകയും ഭാവിയിൽ സമാധാന ചർച്ചകൾക്കായി ഉക്രെയ്‌നിൻ്റെ നിലപാട് ശക്തിപ്പെടുത്തുകയും ചെയ്യുക എന്നതാണ് ലക്ഷ്യം. റഷ്യൻ പ്രസിഡൻ്റ് വ്‌ളാഡിമിർ പുടിൻ ശക്തമായി പ്രതികരിച്ചെങ്കിലും നേറ്റോയുടെ ചുവന്ന വരകളുടെ പരിധിക്കുള്ളിൽ പ്രവർത്തിക്കുമെന്ന് പ്രതീക്ഷിക്കുന്നു. ഉടനടിയുള്ള പ്രതികരണത്തിൽ ഉക്രെയ്നിൻ്റെ പാശ്ചാത്യ സഖ്യകക്ഷികൾക്ക് നേരെ വർദ്ധിച്ച സൈബർ ആക്രമണങ്ങൾ ഉൾപ്പെട്ടേക്കാം. അതേസമയം, റഷ്യയാകട്ടേ ഉക്രെയ്നിനെതിരായ പ്രതികാര നടപടികളിലാണ് ശ്രദ്ധ കേന്ദ്രീകരിക്കുന്നത്. ബെൽഗൊറോഡ് ഗവർണർ വ്യാസെസ്ലാവ് ഗ്ലാഡ്‌കോവ് ഈ പ്രദേശത്ത് സ്ഥിതി വളരെ ബുദ്ധിമുട്ടുള്ളതും പിരിമുറുക്കമുള്ളതായി തുടരുന്നു…

സെന്റർ ഫോർ ഇൻഫർമേഷൻ ആൻഡ് ഗൈഡൻസ് ഇന്ത്യ (സിജി) യുടെ സെന്റർ ഫോർ ലേർണിംഗ് ഡിപ്പാർട്ട്മെന്റ് നേതൃത്വത്തിൽ കുട്ടികളുടെ പഠനം പ്രശ്നങ്ങൾ മനസ്സിലാക്കാൻ റമഡിയൽ അസസ്മെന്റ് ക്യാമ്പ് സംഘടിപ്പിക്കുന്നു. ആഗസ്റ്റ് 15 രാവിലെ 10 മണിക്ക് കോഴിക്കോട് ചേവായൂർ സിജി ക്യാമ്പസിൽ വച്ച് നടക്കുന്ന പരിപാടിയിൽ, കുട്ടികളുടെ പഠനം, പെരുമാറ്റം, മാനസിക-വൈകാരിക, വികസന സവിശേഷതകള്‍, കഴിവുകള്‍, വെല്ലുവിളികള്‍, വളര്‍ച്ചയ്ക്കുള്ള സാധ്യതകള്‍ എന്നിവയെ കുറിച്ച സമഗ്രമായ അറിവും,വിദഗ്ധരുടെ മാർഗ്ഗനിർദ്ദേശങ്ങളും  രക്ഷിതാക്കൾക്ക് ലഭ്യമാകും. 6 മുതൽ 12 വയസ്സുവരെയുള്ള  കുട്ടികള്‍ക്ക് ഈ ക്യാമ്പിൽ പങ്കെടുക്കാം. താല്പര്യമുള്ളവർ cigi.org/events എന്ന വെബ്സൈറ്റ് വഴിയോ 8086663009 നമ്പർ മുഖേനയോ  രജിസ്റ്റർ ചെയ്യാം.കൂടുതൽ വിവരങ്ങൾ അറിയുവാൻ 8086663009 എന്ന നമ്പറിൽ ബന്ധപ്പെടുക

മൂന്ന് പതിറ്റാണ്ടോളമായി കോഴിക്കോട് ആസ്ഥാനമായി പ്രവർത്തിച്ചുവരുന്ന സന്നദ്ധ സംഘടനയായ സെന്റർ ഫോർ ഇൻഫർമേഷൻ ആൻഡ് ഗൈഡൻസ് ഇന്ത്യ (സി ജി) നൽകുന്ന സൺറൈസ് ഫെലോഷിപ്പിന് സി ജി എൽ പരീക്ഷക്ക് തയ്യാറെടുക്കുന്ന ബിരുദധാരികൾക്ക് ആഗസ്റ്റ് 15 വരെ അപേക്ഷിക്കാം. പ്രിലിമിനറി, മെയിൻസ്, ഇന്റർവ്യൂ എന്നിവയിലൂടെ തിരഞ്ഞെടുക്കപ്പെടുന്ന ഉദ്യോഗാർഥികൾക്ക് ₹64,000 വരെ ഫെലോഷിപ്പ് നേടാനാകും. SC, ST, OBC വിഭാഗത്തിൽപ്പെട്ടവർക്കും ലക്ഷദ്വീപിൽ നിന്നുമുള്ള അപേക്ഷകർക്കും മുൻഗണന ലഭിക്കും. പ്രിലിമിനറി പരീക്ഷ ആഗസ്റ്റ് 25 ന് ഓൺലൈനായി നടക്കും. താത്പര്യമുള്ളവർക്ക് cigi.org/event വെബ്സൈറ്റ് വഴിയോ 8086663004, 8086664008 എന്ന നമ്പറുകൾ വഴിയോ രജിസ്റ്റർ ചെയ്യാം .

ഡാളസ്: മലയാള സാഹിത്യത്തിനു ഊടും പാവുമേകിയ സാഹിത്യകാരൻ, അമേരിക്കൻ മലയാളികളുടെ കഥ പറയുന്ന കഥാകാരൻ, പ്രശസ്തനായ എബ്രഹാം തെക്കേമുറി ഇന്ന് (ആഗസ്റ്റ് 14) വൈകീട്ട് 4 നു റിച്ചാർഡ്സൺ മെതഡിസ്റ്റ് ഹോസ്പിറ്റലിൽ വെച്ച് അന്തരിച്ചു. രാവിലെ ദേഹാസ്വാസ്ഥ്യത്തെത്തുടർന്നായിരുന്നു അദ്ദേഹത്തെ ആശുപത്രിയിൽ പ്രവേശിപ്പിച്ചത്. കുടുംബാംഗങ്ങളുടെയും സുഹൃത്തുക്കളുടെയും സാന്നിധ്യത്തിൽ ശാന്തമായാണ് അദ്ദേഹം മരണത്തെ പുല്‍കിയത്. സംസ്ക്കാര ചടങ്ങുകളുടെ വിശദവിവരങ്ങൾ പിന്നീട്.