Author: .

കൊച്ചി: സുസ്ഥിര നഗര ഗതാഗത ശൃംഖല കൂടുതൽ വികസിപ്പിക്കുന്നതിനുള്ള ഒരു സുപ്രധാന ചുവടുവയ്പിൽ, ആലുവ മെട്രോ സ്റ്റേഷനിൽ നിന്ന് പെരിയാർ നദി വഴി കൊച്ചി അന്താരാഷ്ട്ര വിമാനത്താവളം (സിയാൽ) വരെ വാട്ടർ മെട്രോ സർവീസ് നീട്ടുന്നതിനുള്ള സാധ്യതാ പഠനത്തിൽ സഹകരിക്കുന്നതിനായി കൊച്ചി മെട്രോ റെയിൽ ലിമിറ്റഡ് എസ്‌സി‌എം‌എസ് വാട്ടർ ഇൻസ്റ്റിറ്റ്യൂട്ടുമായി ഒരു ധാരണാപത്രത്തിൽ ഒപ്പുവച്ചു. എസ്‌സി‌എം‌എസ് ഗ്രൂപ്പ് ഓഫ് എജ്യുക്കേഷൻ ഇൻസ്റ്റിറ്റ്യൂഷൻസിന്റെ എക്‌സിക്യൂട്ടീവ് ചെയർമാൻ പ്രൊഫ. പ്രമോദ് തേവന്നൂർ, കെ‌എം‌ആർ‌എൽ ജനറൽ മാനേജർ (സിവിൽ) ജോ പോൾ എം എന്നിവർ ധാരണാപത്രത്തിൽ ഒപ്പുവച്ചു, തുടർന്ന് കെ‌എം‌ആർ‌എൽ മാനേജിംഗ് ഡയറക്ടർ ലോക്‌നാഥ് ബെഹ്‌റയുടെ സാന്നിധ്യത്തിൽ ഇത് കൈമാറി. ആലുവ മെട്രോ സ്റ്റേഷനെയും സിയാലിനെയും ബന്ധിപ്പിക്കുന്ന ഒരു സമഗ്രമായ സാധ്യതാ പഠനം, സംയോജിതവും കാര്യക്ഷമവും പരിസ്ഥിതി സൗഹൃദപരവുമായ മൾട്ടി-മോഡൽ ഗതാഗത സംവിധാനം വികസിപ്പിക്കുന്നതിന്റെ ഭാഗമായാണ് ഈ നീക്കം. യാത്രക്കാർക്ക് തടസ്സമില്ലാത്ത…

തിരുവനന്തപുരം: പി.എസ്.സി പരീക്ഷയെഴുതുന്ന ലക്ഷക്കണക്കിന് ഉദ്യോഗാർഥികളെ ആശങ്കയിലാഴ്ത്തുന്ന ഗൗരവതരമായ ക്രമക്കെടുകളെക്കുറിച്ച് പ്രത്യേക അന്വേഷണസംഘം രൂപീകരിച്ച്, അന്വേഷണം ത്വരിതപ്പെടുത്തണമെന്ന് കേരളാ കോൺഗ്രസ്‌ (എം) സംസ്ഥാന ജനറൽ സെക്രട്ടറി കെ. ആനന്ദകുമാർ ആവശ്യപ്പെട്ടു. പി.എസ്.സി യിലെ ആഭ്യന്തര അന്വേഷണ സംഘത്തെപ്പോലും ആട്ടിമറിച്ചതായുള്ള വാർത്തകൾ ആശങ്കാജനകമാണ്. ക്രമക്കെടുകളെക്കുറിച്ച് പി.എസ്.സി യിലെ ഉദ്യോഗസ്ഥൻ തന്നെ അന്വേഷിക്കുന്നത് കള്ളനെ താക്കോൽ ഏൽപ്പിച്ചതിന് തുല്യമാണ്. കഷ്ടപ്പെട്ട് പഠിച്ച് പരീക്ഷയെഴുതുന്ന ഉദ്യോഗാർത്ഥികളുടെ ഭാവി തകർക്കുന്ന തരത്തിൽ നാഥനില്ലാ കളരിയായി പി.എസ്.സി മാറിയിട്ടുണ്ടെങ്കിൽ അന്നത്തെ ഭരണകക്ഷിക്കും പ്രതിപക്ഷത്തിനും അതിന്റെ ഉത്തരവാദിത്തത്തിൽ നിന്നും ഒഴിഞ്ഞുമാറാനാവില്ല. നിയമന അട്ടിമറിയിൽ ഉൾപ്പെട്ട ഒരാൾ പോലും രക്ഷപ്പെടില്ലെന്ന് സർക്കാർ ഉറപ്പു വരുത്തണം. മറ്റ് ഒരു സംസ്ഥാനത്തും ഇല്ലാത്ത തരത്തിൽ വളരെ ഭീമമായ ശമ്പളവും മറ്റ് ആനുകൂല്യങ്ങളുമാണ് കേരള പി.എസ്.സി യിൽ നിലവിലുള്ളത്. ചെയർമാന് 4.10 ലക്ഷവും അംഗങ്ങൾക്ക് 4 ലക്ഷവുമാണ് പ്രതിമാസം ലഭിക്കുന്നത്. കൂടാതെ…

വയനാട് ജില്ലയിലെ മേപ്പാടി ഗ്രാമപഞ്ചായത്തിലെ കള്ളാടിയിൽ അശാസ്ത്രീയമായി മണ്ണ് കൂട്ടിയിട്ടതിനെ തുടർന്നുണ്ടായ ദുരന്തത്തിൽ രക്ഷാപ്രവർത്തനം ഊർജിതമായി തുടരുകയാണെന്ന് മന്ത്രി ടി. സിദ്ദിഖ്. ഇതൊരു ഉരുൾപൊട്ടലല്ലെന്നും, ശാസ്ത്രീയമല്ലാത്ത രീതിയിൽ മണ്ണ് കൂട്ടിയിട്ടതുമൂലം ഉണ്ടായ മനുഷ്യനിർമിത ദുരന്തമാണെന്നും മന്ത്രി പറഞ്ഞു. ദുരന്തവുമായി ബന്ധപ്പെട്ട എല്ലാ നടപടികളും സർക്കാർ ഏകോപിപ്പിക്കുന്നുണ്ട്. അപകടത്തിൽ പരിക്കേറ്റ ആറുപേർ വിംസ് ആശുപത്രിയിൽ ചികിത്സയിലാണ്. കിരൺകുമാർ, ദിലീപ്, സൂരജ് യാദവ്, സഞ്ജയ് താപ്പൂർ, രജനീഷ്, തന്മയ് ഘോഷ് എന്നിവരാണ് ചികിത്സയിലുള്ളത്. ഇവരുടെ ആരോഗ്യനില തൃപ്തികരമാണെന്നാണ് ആശുപത്രി അധികൃതർ അറിയിച്ചിരിക്കുന്നത്. ഫയർ ആൻഡ് റെസ്‌ക്യൂ സർവീസ് സംഘം സംഭവസ്ഥലത്തെത്തി രക്ഷാപ്രവർത്തനം ആരംഭിച്ചിട്ടുണ്ട്. വയനാട് മീനങ്ങാടിയിൽ നിന്നുള്ള എൻഡിആർഎഫ് സംഘം സ്ഥലത്തെത്തിയതോടൊപ്പം കോഴിക്കോട്, കണ്ണൂർ എന്നിവിടങ്ങളിൽ നിന്നുള്ള എൻഡിആർഎഫ് സംഘങ്ങൾക്കും അടിയന്തരമായി കള്ളാടിയിലേക്ക് തിരിക്കാൻ നിർദേശം നൽകിയിട്ടുണ്ട്. രക്ഷാപ്രവർത്തനങ്ങൾ ഏകോപിപ്പിക്കുന്നതിനായി സംസ്ഥാന ദുരന്ത നിവാരണ അതോറിറ്റി ചെയർമാൻ ശേഖർ കുര്യാക്കോസിനെ…

വയനാട് ജില്ലയിലെ മേപ്പാടി പഞ്ചായത്തിലെ കള്ളാടിയിൽ ഉണ്ടായ മണ്ണിടിച്ചിലിൽ രക്ഷാപ്രവർത്തനങ്ങൾ ഊർജിതമായി തുടരുകയാണെന്ന് റവന്യൂ മന്ത്രി എ പി അനിൽകുമാർ. മണ്ണിനടിയിൽ ആരെങ്കിലും അകപ്പെട്ടിട്ടുണ്ടോയെന്ന് കണ്ടെത്തി അവരെ എത്രയും വേഗം രക്ഷപ്പെടുത്തുന്നതിനാണ് ഇപ്പോൾ മുൻഗണന നൽകുന്നതെന്ന് മന്ത്രി പറഞ്ഞു. നിലവിൽ ലഭ്യമായ വിവരങ്ങൾ പ്രകാരം പരിക്കേറ്റ ആറുപേരെ ആശുപത്രിയിൽ പ്രവേശിപ്പിച്ചിട്ടുണ്ട്. ഇവരുടെ ആരോഗ്യനില സംബന്ധിച്ച വിവരങ്ങളും മറ്റ് വിശദാംശങ്ങളും ശേഖരിച്ചുവരികയാണ്. വയനാട്ടിൽ നിന്നുള്ള എൻഡിആർഎഫ് സംഘം സംഭവസ്ഥലത്തെത്തിയിട്ടുണ്ട്. പോലീസും ഫയർ ആൻഡ് റെസ്‌ക്യൂ സർവീസും മണ്ണ് നീക്കി രക്ഷാപ്രവർത്തനം തുടരുകയാണ്. ജില്ലാ കളക്ടർ സംഭവസ്ഥലത്തെത്തി രക്ഷാപ്രവർത്തനങ്ങൾ ഏകോപിപ്പിച്ചുവരികയാണ്. വിവിധ വകുപ്പുകളുടെ സഹകരണത്തോടെയാണ് രക്ഷാദൗത്യം പുരോഗമിക്കുന്നത്. നിർമ്മാണ പ്രവർത്തനങ്ങൾക്കായി കൂട്ടിയിട്ടിരുന്ന മണ്ണാണ് ഇടിഞ്ഞുവീണതെന്നാണ് പ്രാഥമിക വിവരം. പ്രതികൂല കാലാവസ്ഥ കണക്കിലെടുത്ത് നിർമ്മാണ പ്രവർത്തനങ്ങൾ താൽക്കാലികമായി നിർത്തിവെക്കാൻ നേരത്തെ തന്നെ നിർദ്ദേശം നൽകിയിരുന്നതിനാൽ അപകടസമയത്ത് സ്ഥലത്ത് കൂടുതൽ തൊഴിലാളികൾ ഉണ്ടായിരുന്നില്ലെന്നും…

കേരളത്തിൽ അതിതീവ്ര മഴ തുടരുന്നതിനാൽ വയനാട്, കോഴിക്കോട് ജില്ലകളില്‍ റെഡ് അലര്‍ട്ട്. മലപ്പുറം, കണ്ണൂർ, കാസറഗോഡ് ജില്ലകളിൽ ഓറഞ്ച് അലർട്ടും എറണാകുളം, ഇടുക്കി, തൃശൂർ, പാലക്കാട് ജില്ലകളിൽ മഞ്ഞ അലർട്ടും കേന്ദ്ര കാലാവസ്ഥ വകുപ്പ് പ്രഖ്യാപിച്ചു. റെഡ് അലർട്ട് 07/07/2026: കോഴിക്കോട്, വയനാട് ജില്ലകളിൽ കേന്ദ്ര കാലാവസ്ഥ വകുപ്പ് റെഡ് അലർട്ട് പ്രഖ്യാപിച്ചിരിക്കുന്നു. അതിതീവ്രമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറിൽ 204.4 mm -ൽ കൂടുതൽ മഴ ലഭിക്കുമെന്നാണ് അതിതീവ്രമായ മഴ (Extremely Heavy Rainfall) എന്നത് കൊണ്ട് കാലാവസ്ഥ വകുപ്പ് അർത്ഥമാക്കുന്നത്. ഓറഞ്ച് അലർട്ട് 07/07/2026: മലപ്പുറം, കണ്ണൂർ, കാസറഗോഡ് എന്നീ ജില്ലകളിൽ കേന്ദ്ര കാലാവസ്ഥ വകുപ്പ് ഓറഞ്ച് അലർട്ട് പ്രഖ്യാപിച്ചിരിക്കുന്നു. ഒറ്റപ്പെട്ടയിടങ്ങളിൽ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറിൽ 115.6 mm മുതൽ 204.4 mm വരെ മഴ ലഭിക്കുമെന്നാണ് അതിശക്തമായ…

വടക്കാങ്ങര: വടക്കാങ്ങര ടാലന്റ് പബ്ലിക് സ്കൂളിൽ ബഷീർ ദിനാചരണം സംഘടിപ്പിച്ചു. വൈക്കം മുഹമ്മദ്‌ ബഷീറിന്റെ കഥാപാത്രങ്ങൾക്ക് കെ.ജി യിലെ കുരുന്നുകൾ ജീവൻ നൽകി. സ്കൂൾ പ്രിൻസിപ്പാൾ മുഹമ്മദലി കൊടിഞ്ഞി ബഷീർ ദിനാചരണം ഉദ്ഘാടനം ചെയ്തു. ദിനാചരണത്തിന്റെ ഭാഗമായി പാത്തുമ്മയുടെ ആട് എന്ന നോവലിലെ ഭാഗങ്ങൾ വിദ്യാർത്ഥികൾ ദൃശ്യവത്ക്കരിച്ചു. ബഷീറിന്റെ വിവിധ കഥാപാത്രങ്ങൾക്ക് വിദ്യാർഥികൾ നൽകിയ വേഷപ്പകർച്ച ചടങ്ങിന് മാറ്റുകൂട്ടി. ബഷീറിന്റെ കഥാപാത്രങ്ങൾ, ഉദ്ധരണികൾ, നോവലിലെ പ്രശസ്ത ഭാഗങ്ങൾ എന്നിവ ഉൾപ്പെടുത്തിയ ചിത്രപ്രദർശനവും ശ്രദ്ധേയമായി. മലയാളം അദ്ധ്യാപകരായ നദീറ, ജിഷ്ണുദാസ്, മെറീന, പ്രമോദ്, മോണ്ടിസോറി ഹെഡ് ആബിദ എന്നിവർ ദിനാചരണത്തിന് നേതൃത്വം നൽകി. ബഷീറിന്റെ ജീവിതവും കൃതികളും ഓരോ മനുഷ്യനും ജീവിതപാഠമാക്കണമെന്ന് പ്രിൻസിപ്പാൾ കൂട്ടിച്ചേർത്തു.