Category: AMERICA

ഹൂസ്റ്റൺ: ജീവകാരുണ്യ പ്രവർത്തനങ്ങൾക്ക് മുൻതൂക്കം നൽകി സാമൂഹിക പ്രതിബദ്ധതയോടെ പ്രവർത്തിക്കുന്ന പസഡീന മലയാളി അസോസിയേഷൻ (PMA)-ന്റെ ഓണാഘോഷം വിവിധ കലാപരിപാടികളോടെ പ്രൗഢഗംഭീരമായി സംഘടിപ്പിച്ചു. ആഗസ്റ്റ് 29 ശനിയാഴ്ച രാവിലെ ട്രിനിറ്റി മാർത്തോമാ ചർച്ച് ഹാളിൽ നടന്ന ആഘോഷത്തിൽ നിരവധി കുടുംബങ്ങളും അംഗങ്ങളും പങ്കെടുത്തു. നൃത്തചുവടുകളുമായി മാവേലിയുടെ എഴുന്നള്ളത്ത്, താലപ്പൊലി, വെഞ്ചാമരം, മുത്തുക്കുടകൾ, പുലികളി, ചെണ്ടമേളം തുടങ്ങിയ പരമ്പരാഗത ഓണക്കാഴ്ചകൾ ആഘോഷത്തിന് വർണപ്പകിട്ടേകി. തിടമ്പും വെഞ്ചാമരങ്ങളും കുടകളും ചൂടിയ ഗജവീരന്മാരുടെ കട്ട്‌ഔട്ടുകളും വേദിയുടെയും ആഘോഷപരിസരത്തിന്റെ ആകർഷണമായി. വിവിധ നൃത്തപരിപാടികളും സ്കിറ്റുകളും ഉൾപ്പെടെയുള്ള കലാപരിപാടികൾ സദസ്സിന്റെ കൈയടി നേടി. PMAയുടെ ചുണക്കുട്ടികൾ തുഴഞ്ഞ അതിഗംഭീര വള്ളംകളി ഓണാഘോഷത്തിലെ ഏറ്റവും ശ്രദ്ധേയമായ പരിപാടികളിലൊന്നായി മാറി. ആവേശകരമായ വള്ളംകളി കാണികളെ ഏറെ ആകർഷിച്ചു. PMA പ്രസിഡന്റ് റിച്ചാർഡ് സ്കറിയയുടെ നേതൃത്വത്തിൽ നടന്ന ആഘോഷത്തിന്റെ വിജയത്തിനായി സെക്രട്ടറി കൂടിയായ പ്രോഗ്രാം കോർഡിനേറ്റർ ജോമോൻ ജേക്കബ്,…

നേപ്പാളിനു പിന്നാലെ, അമേരിക്കയിലെ ഗ്രാൻഡ് കാന്യൺ ദേശീയോദ്യാനത്തിലും വെള്ളപ്പൊക്കം നാശം വിതച്ചു. 62 പേരെ രക്ഷപ്പെടുത്തിയെങ്കിലും 15 പേരെ കാണാതായതായി ഭയപ്പെടുന്നു. അരിസോണ: അമേരിക്കയിലെ പ്രശസ്തമായ ഗ്രാൻഡ് കാന്യോൺ ദേശീയോദ്യാനത്തിൽ വെള്ളപ്പൊക്കം നാശം വിതച്ചു. റിപ്പോർട്ടുകൾ പ്രകാരം, ബ്രൈറ്റ് ഏഞ്ചൽ കാന്യോൺ, ഫാന്റം റാഞ്ച് പ്രദേശങ്ങളിലെ ജലപ്രവാഹം വളരെ ശക്തമായതിനാൽ വലിയ പാറക്കല്ലുകളും, മരക്കഷണങ്ങളും, മറ്റ് അവശിഷ്ടങ്ങളും കൊളറാഡോ നദിയിലേക്ക് ഒഴുകിപ്പോയി. നാഷണൽ പാർക്ക് സർവീസ് ആദ്യം 20 ലധികം പേരെ കാണാതായതായി റിപ്പോർട്ട് ചെയ്തിരുന്നു. എന്നാല്‍, ഏകദേശം 15 പേരെ ഇപ്പോഴും കാണാതായതായി ഉദ്യോഗസ്ഥർ പിന്നീട് പറഞ്ഞു. പ്രദേശത്ത് രക്ഷാപ്രവർത്തനങ്ങളും ദുരിതാശ്വാസ പ്രവർത്തനങ്ങളും പുരോഗമിക്കുകയാണ്. ഹൈക്കിംഗും ക്യാമ്പിംഗുമാണ് ഏറ്റവും അപകടസാധ്യതയുള്ളതായി കണക്കാക്കപ്പെടുന്നത്. എന്നിരുന്നാലും, ഇതുവരെ മരണങ്ങളൊന്നും സ്ഥിരീകരിച്ചിട്ടില്ല. കൈബാബ് പീഠഭൂമിയിൽ പെയ്ത മഴയെത്തുടർന്ന്, ശനിയാഴ്ച ഉച്ചയ്ക്ക് 2:30 ഓടെ ബ്രൈറ്റ് ഏഞ്ചൽ ക്രീക്കിലെ ജലനിരപ്പ് അതിവേഗം…

സിൽവർ സ്പ്രിംഗ് (മെരിലാൻഡ്): വാഷിംഗ്ടൺ ഡി.സി. ആസ്ഥാനമായി പ്രവർത്തിക്കുന്ന പ്രമുഖ ശ്രീനാരായണ സംഘടനയായ ശ്രീനാരായണ മിഷൻ സെന്റർ (SNMC) 172-ാമത് ശ്രീനാരായണ ഗുരുദേവ ജയന്തിയും ഓണാഘോഷവും വിപുലമായ പരിപാടികളോടെ ആഘോഷിച്ചു. സിൽവർ സ്പ്രിംഗിലെ Odessa Shannon Middle School-ൽ നടന്ന ചടങ്ങിൽ ജാതിമതഭേദമന്യേ നിരവധി പേർ പങ്കെടുത്തു. വിഭവസമൃദ്ധമായ ഓണസദ്യയോടെയാണ് ആഘോഷങ്ങൾക്ക് തുടക്കമായത്. തുടർന്ന് ചെണ്ടമേളത്തിന്റെ അകമ്പടിയോടെ നടന്ന വർണാഭമായ ജയന്തിഘോഷയാത്രയും വിവിധ കലാ-സാംസ്കാരിക പരിപാടികളും അരങ്ങേറി. പ്രായഭേദമന്യേ കുടുംബാംഗങ്ങൾ അവതരിപ്പിച്ച വിവിധ കലാപരിപാടികൾ, അതിമനോഹരമായ തിരുവാതിര, ഫ്യൂഷൻ ഡാൻസ്, കുട്ടികളുടേയും മുതിർന്നവരുടെയും ഗാന-നൃത്താവതരണങ്ങൾ തുടങ്ങിയവ പരിപാടികൾക്ക് മാറ്റുകൂട്ടി. പാർവതി അഭിലാഷ് ആലപിച്ച ദൈവദശകം ശ്രദ്ധേയമായി. ഈ വർഷം ആരംഭിച്ച ഗുരുഗീതം പ്രാർഥനാ ഗ്രൂപ്പിന്റെ നേതൃത്വത്തിൽ നടന്ന ഗുരുദേവ കീർത്തനാലാപനവും സദസ്സിന്റെ ശ്രദ്ധ നേടി. ചടങ്ങിൽ സ്വാഗത പ്രസംഗം നടത്തിയ മിഷൻ സെന്റർ പ്രസിഡൻറ് ശ്രീ സന്ദീപ്…

ഹ്യൂസ്റ്റൺ: ഫൊക്കാനാ (FOKANA) ടെക്സസ് റീജിയന്റെ ആഭിമുഖ്യത്തിൽ Different Art Centre (DAC), ഓർത്തഡോൿസ് ടിവി യുഎസ്എ TV USA എന്നിവയുടെ സഹകരണത്തോടെ ഒരുക്കുന്ന “MCUBE – An Ultimate Extravaganza of Magic ,Melody, Mission” എന്ന കലാവിരുന്ന് സെപ്റ്റംബർ 4-ന് ഹ്യൂസ്റ്റണിൽ അരങ്ങേറും. 2026 സെപ്റ്റംബർ 4 വെള്ളിയാഴ്ച വൈകുന്നേരം 6:30ന് സ്റ്റാഫോർഡിലെ സെന്റ് തോമസ് കത്തീഡ്രൽ ഓഡിറ്റോറിയത്തിലാണ് (2411 5th Street) ലാണ് പരിപാടി. പ്രശസ്ത മജീഷ്യൻ ഗോപിനാഥ് മുതുകാട്, ചലച്ചിത്ര പിന്നണി ഗായകരായ രവിശങ്കർ ആർ., ചിത്ര അരുൺ, വയലിനിസ്റ്റ് വിഷ്ണു അശോക് എന്നിവർ ഉൾപ്പെടുന്ന പ്രമുഖ കലാപ്രതിഭകളാണ് പരിപാടിയുടെ പ്രധാന ആകർഷണം. മാജിക്കിന്റെയും സംഗീതത്തിന്റെയും മെലഡിയുടെയും മനോഹരമായ സംഗമമാകുന്ന ഈ കലാവിരുന്നിലേക്ക് പ്രവേശനം സൗജന്യമാണ്. ഹ്യൂസ്റ്റണിലെ മലയാളി സമൂഹത്തിനും കലാസ്വാദകർക്കും ഒരുപോലെ ആസ്വദിക്കാവുന്ന മികച്ചൊരു സായാഹ്നമായിരിക്കും പരിപാടിയെന്ന് സംഘാടകർ അറിയിച്ചു.…

റസ്റ്റോറന്റ് ഇൻഡസ്ട്രിയിൽ ദീർഘകാലമായി പ്രവർത്തിക്കുന്ന ഞാൻ, ഈ മേഖലയിലെ മിക്ക കാര്യങ്ങളിലും നല്ല പരിചയവും അറിവും നേടിയിട്ടുണ്ടെന്ന് കരുതിയിരുന്നു. എന്നാൽ, അന്ന് ഹയാത്ത് റീജൻസിയിൽവെച്ച് കേട്ട ഒരു വാക്ക് എന്നെ കുറച്ചൊന്നുമല്ല അമ്പരപ്പിച്ചത്. KHNA-യുടെ രണ്ടു വർഷത്തിലൊരിക്കൽ നടക്കുന്ന ബൃഹത്തായ കൺവെൻഷൻ. ഏകദേശം മൂവായിരത്തോളം ആളുകൾ മൂന്നര ദിവസം പങ്കെടുത്ത ആ മഹാമേളയുടെ കേറ്ററിംഗ് ചുമതല ഏറ്റെടുത്തിരുന്നത് ‘ഇന്ത്യ ഗാർഡൻ’ ആയിരുന്നു. കൺവെൻഷന്റെ പണമിടപാടുകളെക്കുറിച്ച് സംസാരിച്ചശേഷം പ്രസിഡന്റ് ടി. എൻ. നായർ എന്നോട് വളരെ സ്നേഹത്തോടെ പറഞ്ഞു: “സണ്ണി, അധികമായി വരുന്ന ചെലവുകളെക്കുറിച്ച് ഒട്ടും വിഷമിക്കേണ്ട. എന്തെങ്കിലും പ്രശ്നം വരികയാണെങ്കിൽ എന്നോട് പറഞ്ഞാൽ മതി. ഞാൻ അത് നോക്കിക്കൊള്ളാം.” അദ്ദേഹത്തിന്റെ ആ വാക്കുകൾ നൽകിയ ആത്മവിശ്വാസത്തിൽ ഞങ്ങൾ സംസാരം തുടരുമ്പോഴാണ് ടി. എൻ. നായരുടെ ഭാര്യ പുഞ്ചിരിയോടെ എന്നോട് ഒരു കാര്യം പറഞ്ഞത്: “സണ്ണി, നമ്മൾ ഉണ്ടാക്കുന്ന…

ടൊറന്റോ: ഇന്ത്യ ഒരു “വിശ്വഗുരു” ആയത് ഒരു “സൂപ്പർ പവർ” ആയതുകൊണ്ടല്ല, മറിച്ച് മനുഷ്യരാശിക്ക് നിസ്വാർത്ഥമായി സേവനം നൽകിയതുകൊണ്ടാണെന്ന് രാഷ്ട്രീയ സ്വയംസേവക സംഘം (ആർഎസ്എസ്) മേധാവി മോഹൻ ഭഗവത് പറഞ്ഞു. സാർവത്രിക സൗഹൃദം, ദാനശീലം, വൈവിധ്യത്തോടുള്ള ബഹുമാനം എന്നിവ രാജ്യത്തിന്റെ നാഗരികതയുടെ ഡിഎൻഎയിൽ ഉൾച്ചേർന്നിട്ടുണ്ടെന്ന് അദ്ദേഹം ഊന്നിപ്പറഞ്ഞു. ടൊറന്റോയിൽ നടന്ന “ഹിന്ദു വിശ്വബന്ധു – ലോകത്തെ സൗഹൃദത്തിൽ സ്വീകരിക്കുക” എന്ന സമ്മേളനത്തെ അഭിസംബോധന ചെയ്തുകൊണ്ട്, ലോകമെമ്പാടുമുള്ള പീഡനങ്ങളിൽ നിന്നും യുദ്ധങ്ങളിൽ നിന്നും പലായനം ചെയ്യുന്നവർക്ക് ഒരു അഭയകേന്ദ്രമെന്ന നിലയിൽ ഇന്ത്യയുടെ ചരിത്രപരമായ പങ്കിനെ ഭഗവത് എടുത്തുപറഞ്ഞു. “ഒരാൾക്ക് ഇന്ത്യയെ ഒരു സൂപ്പർ പവർ എന്ന് വിളിക്കാം, പക്ഷേ അങ്ങനെയല്ല. അത് ലോകത്തെ സേവിച്ചു, അതിന്റെ സ്വഭാവം കൊണ്ട് അത് ഒരു സൂപ്പർ പവറായിട്ടല്ല, ഒരു ‘വിശ്വഗുരു’വായി മാറിയിരിക്കുന്നു,” അദ്ദേഹം പറഞ്ഞു. അന്താരാഷ്ട്ര മാനുഷിക പ്രതിസന്ധികളിൽ ഇന്ത്യ അവസരത്തിനൊത്ത്…

രാഷ്ട്രീയവും രാഷ്ട്രീയപ്രവർത്തകരും മൂല്യച്യുതി നേരിടുന്നുവെന്ന തോന്നൽ ഇന്ന് വ്യാപകമാണ്. മാതൃകാപരമായ നേതൃത്വങ്ങളുടെ അഭാവവും അധികാരത്തോടുള്ള അമിതമായ ആസക്തിയും അവസരവാദപരമായ നിലപാടുകളും കാണുമ്പോൾ “ഇരിക്കുന്ന കൊമ്പ് അറുക്കുന്ന മനുഷ്യർ” എന്ന പഴഞ്ചൊല്ല് ഓർമ്മയിൽ വരുന്നു. രാഷ്ട്രീയം അധികാരത്തിനുവേണ്ടിയല്ല; പൊതുനന്മയ്ക്കുവേണ്ടിയാണ്. ജനങ്ങളെ ഭരിക്കാനും സംരക്ഷിക്കാനും തിരഞ്ഞെടുക്കപ്പെടുന്ന സംവിധാനങ്ങൾ തന്നെ ചിലപ്പോൾ അവരുടെ അവകാശങ്ങൾക്കും സ്വാതന്ത്ര്യത്തിനും ക്ഷേമത്തിനും ഹാനികരമാകുന്നു. എന്നാൽ രാഷ്ട്രീയം മോശമായതുകൊണ്ട് അതിനെ ഉപേക്ഷിക്കണമോ, അതോ അതിന്റെ യഥാർത്ഥ ലക്ഷ്യത്തിലേക്ക് തിരിച്ചുകൊണ്ടുവരണമോ എന്നതാണ് അടിസ്ഥാനചോദ്യം. ജനാധിപത്യ സമൂഹത്തിന്റെ ഉത്തരവാദിത്വം രണ്ടാമത്തേതാണ്. മനുഷ്യൻ ഒരു സാമൂഹികജീവിയാണ്. അവകാശങ്ങളും ഉത്തരവാദിത്വങ്ങളും വിഭവങ്ങളും നീതിയും അധികാരവും പങ്കിടുന്ന കൂട്ടായ ജീവിതത്തെ എങ്ങനെ ക്രമീകരിക്കണം എന്നതിനെക്കുറിച്ചുള്ള ചിന്തയും പ്രവർത്തനവുമാണ് രാഷ്ട്രീയം. അധികാരം എങ്ങനെ വിനിയോഗിക്കണം, വിഭവങ്ങൾ എങ്ങനെ നീതിപൂർവ്വം വിതരണം ചെയ്യണം, വ്യക്തിയുടെ അവകാശങ്ങൾ എങ്ങനെ സംരക്ഷിക്കണം, പൊതുനന്മ എങ്ങനെ ഉറപ്പാക്കണം—ഇവയാണ് രാഷ്ട്രീയത്തിന്റെ അടിസ്ഥാനചോദ്യങ്ങൾ. അരിസ്റ്റോട്ടിലിന്റെ…